Grafia gascona (desplaçat aici)

ehh la section "facultat" n'ei pas ací
Quin ei la traduccion de "blavers" en gascon ?

Poey de a écrit: grand dab la d : grandem en latin que hè grand
en gascon dab la caduda de -em. Las fòrmas derivadas com grana o granòt
que s'explican gràcias au fenomèn gascon : -nd- > -n-. Grana qu'ei
ua fòrma feminina segondari : que deveré estar grand tanben

Que'm sembla tanben que sere ua ortografia mes conforma ar'etimologia e ara prononciacion, vertat. Ne compreni pas trop perque eths qui an adaptat era grafia classica ath gascon n'an pas leishat era mema forma qu'en lengadocian.

Poey de a écrit: anada dab ua n soleta. En gascon, -nn->-n-.

Era simplificacion que's troba tanben ens autes dialectes ; i en Gasconha que s'i troba tanben exemples de conservacion dera geminata. Veder eth diccionari de Palay i aqueth site hera utile.

Sòfia a écrit: Quin ei la traduccion de "blavers" en gascon ?

Bo ! Luenga de serp, Sòfia !

Poey de a écrit:
NB : Las meas causidas ortograficas

- anada dab ua n soleta. En gascon, -nn->-n-.

Perdon???
E parlas la lenga???

fredoc a écrit:Perdon???
E parlas la lenga???

Com tu, ne soi pas un locutor naturau. Com tu, qu'èi aprés la lenga dens los libes en imitar aus vielhs. Totun, ne m'empacha pas de léger : vederàs dens l'ALG que anada e's prononcia dab ua sola n hòra las Gasconhas bordalesa e tolosana.

Parlatz d'aquo dens la Facultat. Merces.

L'Òmi a écrit:Parlatz d'aquo dens la Facultat. Merces.

Ben... dilheu un deths moderators que podere desplaçar eths postes Que calere qu'amuishessen a cops que serveishen a quauquarren...

Arf a écrit:

L'Òmi a écrit:Parlatz d'aquo dens la Facultat. Merces.

Ben... dilheu un deths moderators que podere desplaçar eths postes Que calere qu'amuishessen a cops que serveishen a quauquarren...

Vaqui, es desplaçat !

ço d'interessant serià de saber de quin parçan de Gasconha nos arriba l'amic Poey de (Poey de que?)

D'acòrd, e Palay que balha tanben "anade" e "annada". Totun, jo qu'enteni mei sovent "annada" e lo darrèr dicionari de Per noste Français-occitan (gascon) qu'a causit la grafia "annada". Per estar bearnés, qu'an causit la grafia mei pangascona, lhèu tanben panoccitana.

E'm pòdes explicar quin ei lo ton objectiu d'escriver "anada" e de diser qu'ès un gascon deu sud, o ne sèi pas mei quin argument tà'c justificar?

Ne sèi pas se'ns coneishem, mes que't hè pensar que non soi pas un locutor naturau? Balha'm ua definicion de l'expression, stp.

Poey de a écrit: vederàs dens l'ALG que anada e's prononcia dab ua sola n hòra las Gasconhas bordalesa e tolosana.

D'aulhors Palay que mentau aqueth "annado" dens lo Gèrs, e sonque. Alavetz on ei la vertat. Quan esto hèit aqueth atlas (qui coneishi drin tanben)? Quina influéncia lo francés avè dejà sus la nosta lenga?

en çò de jo prononciam "annada" .... que trobi estranh de modificar atau l'ortografia ...
en francés i a la madeisha causa dab "Anne" e "âne", mes n'ac cau pas prononciar de la madeisha faiçon !

fredoc a écrit:dens lo Gèrs

e dens las Pireneas Atlanticas quin se dit lo mot "annada" ?

Sòfia a écrit:

fredoc a écrit:dens lo Gèrs

e dens las Pireneas Atlanticas quin se dit lo mot "annada" ?

En Bearn, que vòs diser

Per'mor que i son tanben los bascos

Donc quin se ditz "annada"?

Francament, que me'n foti!

L'ALG qu'esté hèit dens las anadas 50 per l'Universitat deu Miralh. La simplificacion de las geminadas -nn- qu'ei parallèla de la simplificacion deu grop -nd->-nn->-n-.

"annada" qu'ei la varianta normau de las regions gasconas qui non coneishen pas la simplificacion de -nd- (non i pas arren de sistematic de hèit). Un gascon referenciau que deveré evidentament causir las fòrmas mei gasconas.

"annada" qu'ei un francisme dens las regions on se simplifica -nd-.

Tà çò de "gran", gran qu'esté causit pr'amor que davant d'ua vocau, que's prononcia atau :

Gascon : ün gran émbük
Lengadocian : ün grant émbük


Que podem ortografiar "un gran'embuc" en gascon o "un gran embuc" e "un grand camion" : duas fòrmas.

fredoc a écrit:
En Bearn, que vòs diser

e perqué la gent ne hè que de parlar deu Gers e puish après parlan de la Bigòrra, deu Bearn ... ?

Bona aNNada a l'Astarac e l'Armanhac ! hihi

que soi d'acòrd, Sòfia.
Ne hasèvi pas que citar Simin Palay. E quan poish, que disi Armanhac...Que cau saber que ne coneishi pas tròp las tèrras capsus ditas. E que l'istòria enter los Armanhacs e los Bearns ...
Que soi copable de chovinisme

Se espiatz la mapa, vederatz qu'en Armanhac e's ditz anada tanben ... N'ei pas sonqu'en Lomanha qui's ditz annada.

Poey de a écrit: [...] Un gascon referenciau que deveré evidentament causir las fòrmas mei gasconas.

Perque "evidentament" ? Estossse tan simple, que sufire d'impausar pertot eth gascon d'Aranhoet, puishqu'a ço qui sembla, era luenga parlata acera presentare ua "gasconitat de 100%"... Que'us va har drolle aths Medoquins e autes miei Gascons ("faus Gascons" que sere un drin hort, non ?) de bord de Garona

Tant qui em, que perpausi de restablir pertot era sonorizacion deras oclusivas apres nasau e de generalizar eth mantien deras shordas intervocalicas latinas, com per noste. E perque pas tornar parlar basco ? Aquo que sere ua idea !

Duas fòrmas de masculin : ua davant de ua vocau, unh'auta davant de ua consonanta. De tota manèra, la grafia alibertina n'a pas jamei impausat l'unitat grafica deus mots : que's nse balhan arrèglas entà transcríver la prononciacion, qu'ei tot.

Ne's parla pas mei gascon au Medòc. La definicion d'un gascon estandard que passarà per la causida deus trèits mei gascons. E perqué pas los articles de la montanha e las oclusivas sordas enter vocaus ?

Totas aqueras reflexions que'm hèn arribar a las questions seguentas:

Que parlam?

De qué parlam aci e dab quin objectiu?

E svp, cessatz de parlar com lingüistas, n'interessatz pas a arrés atau!

Jo tanpauc, non compreni pas briga la tòca de tot aquò ...

La definicion d'un gascon estandard que passarà per la causida deus trèits mei gascons. E perqué pas los articles de la montanha e las oclusivas sordas enter vocaus ?

Enà que hèr un gascon referenciau? Volèm cap d'un occitan referenciau, n'ei cap per botar en plaça un gascon artificiau!

Poey de a écrit:[...] De tota manèra, la grafia alibertina n'a pas jamei impausat l'unitat grafica deus mots : que's nse balhan arrèglas entà transcríver la prononciacion, qu'ei tot.

Era grafia alibertina qu'a per mager interes d'estar englobanta i de non pas aver per fin de transcriver totas eras prononciacions possiblas. Que facilita atau era compreneson interdialectau, mes tanben intradialectau, i compres peth gascon. De la voler sofisticar trop que sere contraproductiu.

Poey de a écrit:
Ne's parla pas mei gascon au Medòc. La definicion d'un gascon estandard que passarà per la causida deus trèits mei gascons.

Ua estandardizacion de heit que comença d'apareisher en er'edicion, en particular ens documents pedagogics taths mainatges i taths adultes. Per mes d'ua rason que pren per basi un gascon meridionau (sud deras Lanas, nord de Bearn). Eth gascon de Bigorra, mes tipat, que sembla estremat.

Poey de a écrit: E perqué pas los articles de la montanha e las oclusivas sordas enter vocaus ?

En causint com referencia (per provocacion ?) un gascon hera particular i hera minoritari, en volent espandi'u on n'esto pas james parlat, n'as pas er'impression de't semblar hera aths tons imperialistas lengadocians imaginaris qui espudeishes tant ? Dilheu un bon punt de partença per un petita psicanalisi...

Poey de a écrit:Ne's parla pas mei gascon au Medòc.

Se parlas deu Med'Òc-Bordèu, qu'as rason !

Sembla que anada (prononciat atau) sia majoritari dens lo domeni gascon; mès la convencion grafica qu'a adoptat lo mot pan-occitan annada. Taus a qui los agradan pas annada, podetz tostemp utilizar an, qu'ei d'emplec fòrça mei corrent en gascon que non pas annada. Bon an nau qu'ei mes gascon que non pas bona annada.
Quant a gran/grana que'm sembla normau, tà jo. Qu'ei més simple de non pas notar la d. Que s'escriu atau en aranés.

Personalament, ai jamai tròp auvit prononciar los dos "n" de "annada", mas quò me geina pas de l'escriure entau e tròbe la convencion grafica justificada, rapòrt a l'origina dau mot.

Danís a écrit:Personalament, ai jamai tròp auvit prononciar los dos "n" de "annada", mas quò me geina pas de l'escriure entau e tròbe la convencion grafica justificada, rapòrt a l'origina dau mot.

dins lo domeni gascon, ne'n sabe ren, mas dins la charenta-lemosina, lo mot fai "an-nada"

En sarladés se pronóncia "on-nado", emb dos n e sans nasalizacion del prumièr o. Lo mot femna tanben : "fén-no". Lus vièlhs, quand dison année en francés, dison pas "ané", mes "an-né" (an, prononciat coma lo mot francés an o en).
Mes Poey de aviá rason. Tot lo monde sap que fendre deven héner en gascon, emb reduccion de -nd- a -n-. E per -nn- quò's parièr. Donc logicament lus Gascons deurián escriure anada...