Per parlar la lenga a Montpelhièr ?

Apreni l'occitan a Montpelhièr sol amb dels livres e un pauc amb dels cors a l'Universitat Paul Valery ( sens èsser estudiant en occitan ). Soi pas nascut dins una region occitana et ai pas d'origine occitana (soi de Franca-Comtat, prep de la suissa, luènh d'aquì !) , mas soi fòrça interessat per totas las lengas e per la defensa de las lengas minorisadas.

Ai fòrça besonh de parlar per aprene la lenga (e per l'accent ! ). Se i a de gents de Montpelhièr que parlan plan l'occitan e qu'an un pauc de temps per beure un còp e charrar, manda un messatge privat !! Saupi d'unes personas del Med'òc montpelhièrenc, vau cercar !

Mercé plan !

Se i a de monde de Montpelhièr aquì, cerqui totjorn dels gens per parlar la lenga !

Ti conselhi de passar au locau dau MED'OC (Movement Estudiant d'Occitània), a la fac Pau Valery (ostau deis associaciens). Espera un pauc que la rintrada siegue passada e que leis acamps tòrnan prene, sai pas quora serà la rintrada a la fac aquest an, aquò melhor seriá que venguesses un dimars per 19.30/20.00 tre lo mes d'octòbre... deuriás trobar çò que cerques

Tanben, per charrar mai s'as mejan d'anar a Vendargues (vilatge a costat de Mtp) si li fa un cors d'occitan au "ceucle occitan". Fasiáu lo cors li a 1 an d'aquò e d'unei joines li venián barjacar (èran pas majoritaris totun). Lo ceucle es totjorn en vida e tornarà prene seis activitats d'aquí un mes mi pensi. Se t'interessa ti farai virar leis entresenhas.

Que siegue au MED'OC ò au ceucle ausiràs parlar lo lengadocian montpelhierenc, qu'es coma va ditz de lengadocian mas emb d'unei trach pròches dau provençau.

Ex:
- Coma vas ? (aquò vai?) = Va ben, vai ben. (e pas cossi vas, va plan)
- "dau", plurau "dels" (prononciat [das])
- amb : [embe]
- vocalisacien parciala : ostau, mas castel...

Pichina precisien per pas que penses coma d'unei qu'a Montpelhièr parlan mau, es au contrari un pònt remirable entre dos dialectes.

associaciens
vocalisacien
precisien

la terminason 'en', qu'ei tanben presenta a Montpelhièr
Pensavi qu'èra sonque tau pais marselhès..

Bojarron deu esser pas de Montpelhier, quitament se i faguet sos estudis. Sias de Frejus, non ? Me sembla qu'es çò qu'aviá dich a l'Estivada...

associaciens
vocalisacien
precisien

la terminason 'en', qu'ei tanben presenta a Montpelhièr
Pensavi qu'èra sonque tau pais marselhès..[/quote]

lo "ien" cuerbe un territòri que parte a la gròssa de Marselha, que pua a Barcilona en país gavòt per calar fins qu'a Sant Rafèu, pròche Frejús, fa un triangle que... Coma ditz Danís siáu anat a Montpelhièr que per leis estudis, siáu ben de Provença

@ si legir

força ben

Ti conselhi de passar au locau dau MED'OC (Movement Estudiant d'Occitània), a la fac Pau Valery (ostau deis associaciens). Espera un pauc que la rintrada siegue passada e que leis acamps tòrnan prene, sai pas quora serà la rintrada a la fac aquest an, aquò melhor seriá que venguesses un dimars per 19.30/20.00 tre lo mes d'octòbre... deuriás trobar çò que cerques

Mercés plan ! Conéissi de las personas del Med'Òc Montpelhièrenc e m'an parlat de las seradas del dimars : pas de problema ! Vau venir a la rintrada, en octòbre. Aquesta annada, fau una licencia d'òc 1 per correspendència e ai besonh de parlar e d'escotar la lenga. De còps, vau a PaulVa, soi anat a qualques cors e conéissi d'unes professors.

Tanben, per charrar mai s'as mejan d'anar a Vendargues (vilatge a costat de Mtp) si li fa un cors d'occitan au "ceucle occitan". Fasiáu lo cors li a 1 an d'aquò e d'unei joines li venián barjacar (èran pas majoritaris totun). Lo ceucle es totjorn en vida e tornarà prene seis activitats d'aquí un mes mi pensi. Se t'interessa ti farai virar leis entresenhas.

Que siegue au MED'OC ò au ceucle ausiràs parlar lo lengadocian montpelhierenc, qu'es coma va ditz de lengadocian mas emb d'unei trach pròches dau provençau.

Ex:
- Coma vas ? (aquò vai?) = Va ben, vai ben. (e pas cossi vas, va plan)
- "dau", plurau "dels" (prononciat [das])
- amb : [embe]
- vocalisacien parciala : ostau, mas castel...

Pichina precisien per pas que penses coma d'unei qu'a Montpelhièr parlan mau, es au contrari un pònt remirable entre dos dialectes.

Fòrça interessant aqueste topo : Me pausi molon de questions sul montpelhièrenc. Ai un pauc vist las differéncias entre lo lenguadocian estandard qu'apreni e lo dialecte montpelhièrenc ( amb las influèncias provençalas ). Coma occitaniste novèl ( e pas occitan " d'origina " ), apreni lo lenguadocian " estandard " de los livres mas es fòrça interessant per ieu d'ausir lo de Montpelhièr tanben.
L'occitan ensenhat a l'universitat en licencia es lo lenguadocian estandard o i a tanben lo dialecte de Montpelhièr ? Dins los cors ont soi anat, i avia un pauc de Montpelhièrenc dins los tèxts.

L'occitan ensenhat a la fac es "l'estandard" (dialecte de Besièrs, a la gròssa). Es una chausida que partegi pas a 100% estent que la mager part deis estudiants son de Mtp ò dei vilatges alentorn. Parlan quasi pas dau montpelhierenc (totun present en vila coma sus lei placas de carrieras) e va podèm regretar per lei rasons que ne parlavi dins mon messatge passat. Lei autors montpelhierencs coma Max Roqueta son "revirats" ò "adobats" coma voudràs en occitan centrau.
Es un sota-dialecte fòrça interessant, emai se totei lei micro-particularitats son pas de cultivar.
Ti balhi aquesto liame que li trobaràs molon d'entresenhas : http://www.montpelhierloccitana.eu/

@ lèu

Ti conselhi de passar au locau dau MED'OC (Movement Estudiant d'Occitània), a la fac Pau Valery (ostau deis associaciens). Espera un pauc que la rintrada siegue passada e que leis acamps tòrnan prene, sai pas quora serà la rintrada a la fac aquest an, aquò melhor seriá que venguesses un dimars per 19.30/20.00 tre lo mes d'octòbre... deuriás trobar çò que cerques

Poirai pas esser al primièr acamp del MED'OC lo dimars que ben. Sabi pas encara per lo dimars d'après.

i serai tre que seriái possible per ieu !

A lèu !

Adiu, Lacuzon !

Lacuzon a écrit:Conéissi de las personas del Med'Òc Montpelhièrenc e m'an parlat de las seradas del dimars : pas de problema ! Vau venir a la rintrada, en octòbre.

I a un grop sus facebook que se sona Montpelhièr en òc !, sabi pas s'es lo meteis, en tot cas lo grop existís per:

Per organisar de serradas "charradissas" en occitan (o de matinadas, de tantossadas, ...) dins los bars (o endacòm mai!) de Montpelhièr.

Aqueste grop a per tòcas :

* De donar d'escasenças de practicar la lenga occitana, vist qu'es pas pro presenta dins la vida vidanta (per los que la vòlon parlar mai mas tanben pels autres que la parlan cada jorn).

* De far sortir l'occitan dins la vila, fòra del sol mitan occitanista, per tal de socializar la lenga.

* Melhorar son nivèl de lenga per la practica per los qu'aprenon la lenga mas qu'an pas fòrça escasenças de la parlar.

* Far descobrir la lenga.

* De far de rescontres e passar de bons moments !

a lèu !

I a lo sit del Med'òc de Montpelhièr se vòls l'adreça, lo numèro de telefòn o mandar un messatge : http://medocdauclapas.free.fr