Serada "Parla la lenga!"
Dimècres lo 13 de genièr 2010 a 19o30
Mercredi 13 janvier 2010 à 19h30
Bar " Le Chat... Pitre "
Barri / quartier " Beaux Arts "
5 carrièra / rue Belmont
Montpelhièr / Montpellier
La tòca d'aquesta serada es tot simplament d’acampar dins un bar las gents que vòlon parlar occitan. los començaires qu'aprenon la lenga coma los parlaires confirmats.
Es un pauc un biais de tornar a la font : l’occitan es una lenga, aquò se parla ! Primièr, es clar que lo biais melhor d’aprene una lenga o de melhorar son nivèl es de la parlar. Per lo cas de l’occitan, es possible de seguir de corses mas, dins la vida vidanta, fin finala mancan d’escasenças de la poder practicar per la màger part. Puèi per fòrça monde, se pausa sovent la question « perqué aprene una lenga s’es pas possible de la parlar ? ». A l’ora d’ara, subretot dins una vila coma Montpelhièr, la lenga es pas gaire presenta dins la vida de cada jorn en defòra del mitan occitanista.
De mai, i a la volontat de causir un endrech dins la vila, dins un bar qu’es un luòc de charadissa, de rescontre, d’escambi e mai que mai un luòc de la vida de la ciutat, un luòc de cada jorn. De sortir la lenga del mitan occitanista e de la plaçar dins un encastre normal d’usatge e de l’occitanizar. Solide, parlar la lenga dins l’encastre d’una serada organisada es pas gaire espontanèu, mas vista la situacion actuala, es necite.