OCCITANIA !! Forum
Vous souhaitez réagir à ce message ? Créez un compte en quelques clics ou connectez-vous pour continuer.
OCCITANIA !! Forum

Le deal à ne pas rater :
Cdiscount : -30€ dès 300€ d’achat sur une sélection Apple
Voir le deal

Vous n'êtes pas connecté. Connectez-vous ou enregistrez-vous

OCCITANIA !! Forum » FACULTAT » Cours d'Occitan (Et autres langues) » Commentaires / Questions » licéncia a Montpelhièr

licéncia a Montpelhièr

+4
admin
occitaneta
Qualqu'un mai
posoèra
8 participants

Aller en bas  Message [Page 1 sur 1]

1licéncia a Montpelhièr Empty licéncia a Montpelhièr Jeu 11 Fév 2010 - 7:54

posoèra

posoèra
Occitan Warrior
Occitan Warrior

Adiu
enguan que soi en licéncia dus a la fac deu Miralh ... com m'agradan pas los cors que soi a seguir lo cursus per correspondéncia .... mes que'm hè cagar d'estudiar la linguistica e lo medievau licéncia a Montpelhièr Icon_mad e sustot com soi pas brica motivada pensi que n'aurei pas la mia annada licéncia a Montpelhièr Icon_redface
Lavetz volèri saber se la licéncia de Montpelhièr es la medisha que la de Tolosa, o se balhan cors de lenga tanben ...

Tanben que soi a'm demandar se vau contunhar los estudis d'occitan, pr'amor que per ua gascona vòu pas díser arren d'estudiar lo lengadocian abans de mestrejar lo gascon ....

Tot aquò que'm harta ... l'an passat qu'èri tròp motivada, mes enguan ... licéncia a Montpelhièr Kopfschuettel
Es mes, desempuish que soi a la fac de Tolosa n'èi pas legit un sol libe en occitan, ni ua sola gramatica ...

Enfin, aquò es ua vergonha que los gascons poscan pas estudiar lo lor dialècte com cau ... pr'amor que jo, shens la fac n'èi pas nat mejan d'apréner ... sabevatz que en lo despartament deu gers ne i a pas l'IEO ? licéncia a Montpelhièr Icon_rolleyes

2licéncia a Montpelhièr Empty Re: licéncia a Montpelhièr Jeu 11 Fév 2010 - 8:31

Qualqu'un mai


Guelha de bonda
Guelha de bonda

Entà aprénguer lo gascon, espia se n'existísh pas de cors dambe lo CFPO MP o associacions mès.

http://aprenemloccitan.free.fr/?Midi-Pyr%E9n%E9es:Haute-Garonne

http://aprenemloccitan.free.fr/?Midi-Pyr%E9n%E9es:Gers


http://www.ieo-oc.org/spip.php?page=carte_sections&lang=oc

IEO 32- Gers 2, place Puits de Mothe
32000 Auch
09 54 10 11 41
ieo32@ieo-oc.org

3licéncia a Montpelhièr Empty Re: licéncia a Montpelhièr Jeu 11 Fév 2010 - 9:41

posoèra

posoèra
Occitan Warrior
Occitan Warrior

licéncia a Montpelhièr Icon_biggrin mercés !!
Mes saps qui son la gent que balhan los cors ? Son "vertadièrs" professors, o sonque tipes que parlan drin la lenga atau, e que l'ensenhan ?
Pr'amor qu'ende lo que hè cors en Baish-Armanhac èi entenut a díser que n'ensenha pas la lenga deu lòc ... la mia vesia qu'a arrestat de seguir los cors pr'amor que reconeishavi pas arren, e que m'a ditz " c'est pas le gascon qu'il enseigne mais l'occitan" ( òc, en çò de jo, mercés au colonialisme lengadocian, lo mot occitan que vòu díser lengadocian, l'occitan de la tele qué !)

Qu'es de dòu hèr de que ni aja pas arren a Èusa licéncia a Montpelhièr Kopfschuettel

4licéncia a Montpelhièr Empty Re: licéncia a Montpelhièr Jeu 11 Fév 2010 - 10:15

Qualqu'un mai


Guelha de bonda
Guelha de bonda

Sòfia a écrit:licéncia a Montpelhièr Icon_biggrin mercés !!
Mes saps qui son la gent que balhan los cors ? Son "vertadièrs" professors, o sonque tipes que parlan drin la lenga atau, e que l'ensenhan ? licéncia a Montpelhièr Kopfschuettel

N'ac sèi pas praubòta. Cresi qu'aqueths professors ("vertadèrs" o pas) son pas pagats mès l'IEO deu Gèrs vòu prénguer quauqu'un entà hèr cors o alavetz talhèrs (entà devisar) e eth serà pagat (de sigur). A prepaus de l'ensenhament, hèu un cors a Fonsòrbas, alavetz ensenhi en gascon tolosan (lo mond venguen deu Savés sustot, apuèi d'autes venguen d'alhors e an pas ua "referéncia" lingüistica). Mès pr'aquò, l'auhèrta de cors de gascon en país tolosan hè hrèita (e ac pòdes créser, soi ben plaçat entà díser aquò Meitat Chen Meitat P ). E entà aprénguer lo gascon tolosan (jo que parli purmèr lengadocian e l'ensenhi pertot levat a Fonsòrbas), hascoi un pauc solet (damb parents neishuts en Roergue, aquò èra de mau hèr!).

5licéncia a Montpelhièr Empty Re: licéncia a Montpelhièr Jeu 11 Fév 2010 - 10:44

posoèra

posoèra
Occitan Warrior
Occitan Warrior

Godolin a écrit:l'IEO deu Gèrs vòu prénguer quauqu'un entà hèr cors o alavetz talhèrs (entà devisar) e eth serà pagat (de sigur).
licéncia a Montpelhièr Icon_biggrin aquò es ua bona idèa !! Mantuas personas en parçans diferents seré plan tanben !!

6licéncia a Montpelhièr Empty Re: licéncia a Montpelhièr Jeu 11 Fév 2010 - 11:12

occitaneta

occitaneta
Occitan Warrior
Occitan Warrior

Ne voli pas díser de connerias, mes que'm sembla qu'en dusau annada qu'as forçament de la linguistica e de la medievau. Que'm sembla aver estudiat tot aquó en dusau annada a Bordèu tanben...
Mes perqué anar cap tà Montpelhièr mentre qu'a Bordèu tanben que i aja cors d'occitan a la fac ?? Tà la lenga, a Bordèu, seré totjorn drin mei gascon, mes pas lo deu ton parçan...

7licéncia a Montpelhièr Empty Re: licéncia a Montpelhièr Jeu 11 Fév 2010 - 11:58

posoèra

posoèra
Occitan Warrior
Occitan Warrior

ben dejà qu'en licéncia d'occitan èi pas de cors de lenga, pensi qu'en percors occitan en vau aver enqüèra mensh ...
Mes es possible de préner Letras percors occitan per correspondéncia a Bordèu ?
( pr'amor qu'en soi au punt de tot arrestar, lavetz perque pas contunhar çò que hasèvi l'an passat ..)

Après pensi que caleré tornar hèr los programes universitaris ... mes bon, aquò es ua opinion personau, pr'amor que jo vési los estudis coma ua causa utila ... o dilhèu poderé ensajar de parlar de linguistica en lenga mediavau dab los vielhs deu parçan licéncia a Montpelhièr 762650

Çò que'm harta tanben es que lo nivèu de lenga de la gent es catastrofic, e a la fac troben mes important d'ensenhar çò qu'es un cas subjècte e ua fricativa ... licéncia a Montpelhièr 953631

8licéncia a Montpelhièr Empty Re: licéncia a Montpelhièr Jeu 11 Fév 2010 - 12:36

occitaneta

occitaneta
Occitan Warrior
Occitan Warrior

Mes, que'm sembla qu'avem autant d'òra d'occitan que los autes (si m'enganhi pas) lo dequerò es sonque que la licencia es "dobla"... Après a distancia, qu'es possible sonque tà las letras, e tà l'occitan, n'i a pas...

9licéncia a Montpelhièr Empty Re: licéncia a Montpelhièr Jeu 11 Fév 2010 - 13:19

posoèra

posoèra
Occitan Warrior
Occitan Warrior

occitaneta a écrit: Après a distancia, qu'es possible sonque tà las letras, e tà l'occitan, n'i a pas...
licéncia a Montpelhièr Icon_rolleyes que son pecs ... còsta pas arren d'enviar un cors per mèl ...

10licéncia a Montpelhièr Empty Re: licéncia a Montpelhièr Jeu 11 Fév 2010 - 13:34

admin

admin
Trobador !!
Trobador !!

Sòfia a écrit:
occitaneta a écrit: Après a distancia, qu'es possible sonque tà las letras, e tà l'occitan, n'i a pas...
licéncia a Montpelhièr Icon_rolleyes que son pecs ... còsta pas arren d'enviar un cors per mèl ...

Si, còsta aus professors ! Lors cau petaçar lo cor ! licéncia a Montpelhièr 189553

http://omidelafotografia.wordpress.com/

11licéncia a Montpelhièr Empty Re: licéncia a Montpelhièr Jeu 11 Fév 2010 - 15:27

gat-esquiro@orange.fr


Pintaire
Pintaire

adiu,

non i a pas ua licencia de gascon a PAU ?

Que l'avevi entenut a diser...

http://gat-esquiro.blogspot.com

12licéncia a Montpelhièr Empty Re: licéncia a Montpelhièr Jeu 11 Fév 2010 - 16:02

posoèra

posoèra
Occitan Warrior
Occitan Warrior

fin finau es vertat que la licéncia sancèra es mensh complèta que lo percors ... estranh .. licéncia a Montpelhièr 953631

Sus la plaqueta de la licéncia letras percors occitan de Pau ( licéncia qu'es estada suprimida per manca d'estudiants) podèm véser que endeus cors sonque d'occitan i a : langue occitane, pratique orale et écrite, linguistique, laboratoire de langue, pratique de la traduction, interdialectalité, civilisation occitane/ethnologie, histoire de l'écrit occitan, l'europe et les politiques linguistiques,
e en mes d'aquò cors de la licéncia de letra ...

13licéncia a Montpelhièr Empty Re: licéncia a Montpelhièr Jeu 11 Fév 2010 - 17:33

maime

maime
Lemosin de prumiera !

Sabe pas ço que i a dins la licéncia de Tolosa mas te pode parlar de quela de Montpelhier. Te parlarai pas de las inscripcions (qu'es 'na merda de pas creire), nonmas dau programa.
Te fau saubre que los cors son en francés o en lengadocian. Te, tu fas tos devers dins ton dialecte. Mas los professors an pas forçadament b'assetz de competencias per bien corregir tots los dialectes. Te corregen 'mas las grossas conarias.

En prumiera annada, n'i a :
- gramatica : exercicis de gramatica en lengadocian d'adaptar te-mesme a ton dialecte
- traduccion : version de l'occitan (tots los dialectes) au francés e tema dau francés a ton dialecte
- istoria de la lenga
- istoria (questa annada la famosa crosada)
- lenga medievala (de la traduccion de far de l'occitan medievau ai francés)
- literatura medievala
- literatura (barroca, romantica, contemporanea)
- practica de la lenga (daus textes de legir emb de las questions, de textes d'escriure)
- metodologia (un dorsier de far sus coma s'organizar, cerchar en biblioteca, echa)
- dialectologia

Bon... Qu'es los cors d'occitan tot quo. Perque ai 'gut daus cors en mens. T'as 'na lenga e de la literatura en mai.

Ne'n veiqui lo programa ujan : http://www.univ-montp3.fr/metice/_ead//images/stories/prog_lic_occ_ead09.pdf

http://ieumaitot.nireblog.com/

14licéncia a Montpelhièr Empty Re: licéncia a Montpelhièr Ven 12 Fév 2010 - 22:09

Cerièra de Mai


Trobador !!
Trobador !!

Sòfia a écrit:Tanben que soi a'm demandar se vau contunhar los estudis d'occitan, pr'amor que per ua gascona vòu pas díser arren d'estudiar lo lengadocian abans de mestrejar lo gascon ....
Compreni pas : al Miralh as pas de corses en gascon ? Dins mon grop i a pas qu'una gascona mas lo professor li donèt un metòde en gascon, e precisa cada còp tot çò qu'aprenèm (conjugason, etc…) per lo gascon !

Enfin, aquò es ua vergonha que los gascons poscan pas estudiar lo lor dialècte com cau ...
Sèm ben dins la meteissa fac ? licéncia a Montpelhièr Suspect

15licéncia a Montpelhièr Empty Re: licéncia a Montpelhièr Mar 16 Fév 2010 - 9:17

posoèra

posoèra
Occitan Warrior
Occitan Warrior

Non i a pas cors de gascon au Miralh... mes qu'ac sabèvi abans ... quan èri en Bigòrra au licèu i a gent qui èran pas contents dab lo Miralh pr'amor qu'en Bigòrra i a rede de liceans que hèn occitan ( en comparason dab d'autes despartaments), e aquestes estudiants se'n van quasi tots a Tolosa estudiar ... e la fac ne'us balha pas cors de gascon ...
Ne vòli pas impausar lo gascon ( mes qu'èi arremarcat totun que los estudiants que saben parlar a la fac son gascons licéncia a Montpelhièr Icon_rolleyes ), mes qui ajan professors gascons e cors en gascon, o cors de lenga que sian gascon e lengadocian, e aquò a cada semestre, aquò òc.

Ne comprèni pas vertaderament quin la gent pensan formar futurs ensenhaires en balhar cors de linguistica e de medievau o de literatura, e pas cors intensius de lenga ... pr'amor qu'es pas en un an que s'aprén ua lenga ... i a pas que de véser l'accent deus ensenhaires en cèrtas escòlas ende compréner que i a un chepic deus grands ...

E ara, desempuish que soi en Lengadòc, comprèni qui ajan "gasconistas" ... pr'amor que de vertat en lo "món occitan" de còps la lenga parlada es rede estranha, que's sembla ausir parlar francés en pr'amor d'un accent deus maishants e de mots sapients ridiculs, e los locutors natius son completament desseparats d'aquò ... e puish, que cau díser que de vertat lo lengadocian a ua predominancia sus autes parlars ... en quin dialècte son ensenhadas las doas solas licéncias d'occitan ?? E en quin dialècte es l'emission Viure Al País ?
Soi desolada d'ac díser mes lo gascon e lo lengadocian son pas las medishas causas ... i a d'escòlas Calandretas, e un deus dus collègi occitan en Gasconha, e rede d'autas causas ad entorn de la lenga, alavetz qu'es NORMAU que los gascons posquen estudiar lo lor dialècte !! E en mes d'aquò, la fac deu Miralh es en Gasconha !!

16licéncia a Montpelhièr Empty Re: licéncia a Montpelhièr Mar 16 Fév 2010 - 12:29

Cerièra de Mai


Trobador !!
Trobador !!

Sòfia a écrit:o cors de lenga que sian gascon e lengadocian, e aquò a cada semestre, aquò òc.
Es çò qu'ai ieu, domatge que siá pas per totis los corses ! Desolada per tu que n'ajas pas aprofeitat !

E ara, desempuish que soi en Lengadòc, comprèni qui ajan "gasconistas" ... pr'amor que de vertat en lo "món occitan" de còps la lenga parlada es rede estranha, que's sembla ausir parlar francés en pr'amor d'un accent deus maishants e de mots sapients ridiculs, e los locutors natius son completament desseparats d'aquò ...
Te pòdi pas dire qu'as tòrt, a ieu tanben me pena que siá tant malaisit de trapar de corses ont s'apren a parlar amb un bon accent. Urosament, trapi aquò a l'IEO amb lo Godolin, mas a la fac del Miralh lo parlar es… mens bon, anam dire ! ;)
E es vertat qu'aquí, sustot en vila, un locotur natural per referent de lenga, n'as pas jos la man, forçadament !

e puish, que cau díser que de vertat lo lengadocian a ua predominancia sus autes parlars ... en quin dialècte son ensenhadas las doas solas licéncias d'occitan ?? E en quin dialècte es l'emission Viure Al País ?
Aquò, o tròbi normal, sèm a Tolosa çò me sembla, vila que malgrat una influéncia gascona fòrta, ne demòra pas mens vila de lengadòc. Al contrari reprochariái puslèu a la fac de nos aprene un parlar « lengadocian estandard de sabèm-pas-ont (d'enlòc) » al lòc d'un sud-lengadocian que seriá mai adaptat a la vila e a çò que se parla a l'entorn (sabèm pas jamai, se crosèm un locutur natural un jorn sur un marcat del Lauragués, caldriá que los corses nos poguèsson servir a nos far comprene !)
Per contre es normal que i aja (e a t'entendre ne caldriá mai aparentament) de gascon al Miralh, qu'es la fac de la region administrativa ont los 2 parlars son presents. Per contre per la tele, as Punt de Vista, qu'es pas en lengadocian çò me sembla ! ;)
Après se pòt totjorn reprochar als lengadocians que tot es en lengadocian, es pas nòstra fauta se la licéncia de Pau s'es tampada, ni se se pas pas d'autras licéncias d'occitan (sol) endacòm mai. Cal pas desconar tanpauc ! E per la television, avèm 1 emission en lng, n'ai 1 en gsc, 1 en prv… Lo problèma aquí, veiràs ben, es pas que i aja tròp de lengadocian, mas ben que i aja pas… de nòrd-occitan, non ?

17licéncia a Montpelhièr Empty Re: licéncia a Montpelhièr Mar 16 Fév 2010 - 13:38

Qualqu'un mai


Guelha de bonda
Guelha de bonda

Sòfia a écrit: en quin dialècte son ensenhadas las doas solas licéncias d'occitan ?? E en quin dialècte es l'emission Viure Al País ?

As rason quan parlas de la plaça deu gascon a Tolosa. Pr'aquò, me brembi d'aver recebut un jornalista de l'equipa occitana de França 3 Sud quan comencèi mon emission a ràdio Occitania en 2002. Ça digoc qu'avèvan passat un anonci entà prénguer un jornalista que sabosse parlar gascon (apuèi que lo lor ancian correspondent gascon avosse acabat dambe França 3 Sud) entà trabalhar a l'emission "Viure al país" e au "jornal occitan". Me digoc que n'avèvan pas recebut nada responsa e atau, trobèn pas nat jornalista gascon.

Entaus cors de gascon a Tolosa o dens Gèrs, te responoi ja la setmana passada. Avèm pas encara a l'IEO 31 ua auhèrta de las bèras entà prepausar cors de gascon ... hèu 1 cors a Fonsorbas e soi jo solet que'm hascoi la formacion en gascon tolosan. Apuèi, te cau véser çampar dambe lo CFPO Mieijorn-Pirenèus: http://www.cfpoc.net/

18licéncia a Montpelhièr Empty Re: licéncia a Montpelhièr Mar 16 Fév 2010 - 14:23

posoèra

posoèra
Occitan Warrior
Occitan Warrior

òc qu'èi vist aquò deu CFPOC, m'interessa pr'amor que balha un diplòma e ua idèa deu men nivèu ...
bon après peus cors, de tota faiçon las particularitats de l'armanhaqués las aprengui soleta ( e es pas evident) ... mes parli pas sonque ende jo, parli ende los estudiants gascons en generau ...
e n'èi pas arren contra los professors de la fac ... sonque trobi qu'es de dòu har de véser que la licéncia d'occitan es sonque ende preparar aus concors de l'ensenhament e non pas ende ensenhar la lenga ( dilhèu es la medisha causa dab las licéncias d'anglés o de castelhan, mes aquestas lengas son pas en las medishas situacions ...) ... e soi conscienta que son pas los professors que deciden de tot ... es clar que si èm obligats d'estudiar l'ancian francés es pr'amor que com i a pas sufisament d'estudiants en òc nos cau aver cors dab los de letras de còps ...
Coneishi estudiants que voleren aprénger la lenga a la fac, mes ne's vòlen pas enmerdar dab lo medievau e la linguistica, e lavetz que hè ua persona en mensh, e un locutor en mensh ..... licéncia a Montpelhièr 953631

19licéncia a Montpelhièr Empty Re: licéncia a Montpelhièr Mar 16 Fév 2010 - 18:38

Danís

Danís
Adjudant

Ai rencontrat Alain Rousset divendres ( licéncia a Montpelhièr 957530 licéncia a Montpelhièr 866997 ), per li presentar un pauc la situacion de l'ensenhament de l'occitan a la facultat, e, tant se compren que eu sia estat estonat, mas tots los occitanistas presents semblavan aprener que l'occitan era ensenhat emb las letras francesas, au mesme niveu que lo latin, e subretot nonmas formator per l'ensenhament (ensenhament per lo quau va faler ara aver un master, sens que lo master d'occitan existe...).
La "profesionalisacion" de tot o partida de la licencia d'occitan (que passaria desjà per desseparar l'occitan daus UFR de Letras) o au mens l'adaptacion dau percors aus noveus mestiers que se fan dins la lenga (jornalisma radiò-tele, formator, comunicaire, vendaire, bibliotecari, sabe pas que de tant) me sembla un enjuec important per l'avenidor, e me sembla que lo mitan occitanista de facultat (mai d'alhors) z'an pas enquera vist...

20licéncia a Montpelhièr Empty Re: licéncia a Montpelhièr Mar 16 Fév 2010 - 20:33

Cerièra de Mai


Trobador !!
Trobador !!

Sòfia a écrit:e n'èi pas arren contra los professors de la fac ... sonque trobi qu'es de dòu har de véser que la licéncia d'occitan es sonque ende preparar aus concors de l'ensenhament e non pas ende ensenhar la lenga
Es lo principi de la fac, dins cada seccion que siá ! I vas per siá véner professor(a), siá per fa de la recerca (çò qu'explica la linguistica, lo medieval, eca…) mas segurament pas per aprene la lenga !
I voliái anar per aprene l'istòria del país (UE de civilisacion), e soi a me mainar que lo nivèl de lenga es… pas tarrible (disi pas que soi fòrta ieu, mas bon, apreni, soi pas professora !) e que lo programe de civi es un « te copi les pels en quatre »…
Bon, aurai ensajat ! ^^

Coneishi estudiants que voleren aprénger la lenga a la fac, mes ne's vòlen pas enmerdar dab lo medievau e la linguistica, e lavetz que hè ua persona en mensh, e un locutor en mensh ..... licéncia a Montpelhièr 953631
Segur que lor cal anar endacòm mai !

[ps : Godolin, i a cors aquel dijòus, o son las vacanças ?]

21licéncia a Montpelhièr Empty Re: licéncia a Montpelhièr Mer 17 Fév 2010 - 11:15

Qualqu'un mai


Guelha de bonda
Guelha de bonda

Non, pas de cors aqueste dijaus (lo cors que ven per tu serà lo 4 de març/mars)

Contenu sponsorisé



Revenir en haut  Message [Page 1 sur 1]

OCCITANIA !! Forum » FACULTAT » Cours d'Occitan (Et autres langues) » Commentaires / Questions » licéncia a Montpelhièr

Permission de ce forum:
Vous ne pouvez pas répondre aux sujets dans ce forum