OCCITANIA !! Forum


Vous n'êtes pas connecté. Connectez-vous ou enregistrez-vous

Forum "Anèm ! Oc ! Endavant !"

Aller à la page : Précédent  1, 2, 3  Suivant

Voir le sujet précédent Voir le sujet suivant Aller en bas  Message [Page 2 sur 3]

1 Forum "Anèm ! Oc ! Endavant !" le Ven 21 Mar - 14:55

Danís


Adjudant
Rappel du premier message :

COORDINACION "ANEM ÒC"

Dimenge
27 d'abrieu de 2008 a
BESIERS
(de 8h30 a
17h30)


FORUM
"ANEM! ÒC! ENDAVANT!"


Palais dei Congrès
- 29 avenguda Camille
Saint Saens- Besiers


[onte
se tròba: lo plan]



A totes los que vòlon far viure la lenga
occitana





Amb las doas
manifestacions de Carcassona e de Besièrs, « Anem Òc » a mostrat que
de milièrs de personas se podián mobilizar, dins l'unitat, a l'entorn de
qualques reivindicacions simplas per far viure la lenga.


Dempuèi aquelas
mobilizacions de causas càmbian. Mai de collectivitats se meton a far quicòm per
la lenga. D'unas an quitament meses en plaça de programas de desvolopament


Pasmens çò que caup
dins la Crida « Anem Òc ! per la lenga occitana ! » es pas encara
realitat. Devèm encara e totjorn contunhar la pression, particularament de cap a
l'Estat qu'a pas bolegat duscas ara.


« Anem Òc ! »
a decidit de tornar lançar la mobilizacion per manifestar a la fin de 2009 en
gardant las cinc reivindicacions de basa contengudas dins la
crida.


Manifestar amassa per
se retrobar e dire publicament çò que demandam es plan, mas sufís pas. Nos cal
preparar coma cal la mobilizacion de 2009 e soscar als mejans de melhor far
passar, tre ara, lo messatge nòstre dins la societat, a totes los nivèls :
associacions, monde economic, monde politic.


De mai lo govèrn a
promés una iniciativa e eventualament un debat parlamentari sus la question de
las lengas. Devèm far çò que cal per que la promessa siá tenguda e per preparar
aquel debat.


Nos cal mai que jamai
definir nòstras ambicions per la lenga d'òc. Mai que jamai devèm far passar lo
messatge que la lenga es l'afar de totes, de l'ensemble de la societat. Cal que
pertot siá pausada la question de la lenga coma un element constitutiu del
desvolopament que volèm per nòstre país.


Per aquò far, « Anem
Òc ! » convida totes los que vòlon
far viure nòstra lenga a un grand
debat que se farà
lo 27 d'abril a Besièrs.


Aquel debat serà a l'encòp una reflexion sul biais de
portar las reinvindicacions nòstras e tanben sul biais d'organizar la
mobilizacion per que la manifestacion de 2009 siá una granda capitada .


Cadun sentís
qu'avançam, mas cadun sap que res es pas ganhat. I a encara un fum de monde que
nos cal anar veire, d'arguments que cal tornar dire, de proposicions que cal
cambiar en accions. La simpatia que creis en favor de nòstra lenga, la cal
cambiar en projèctes concrets, en politicas publicas.


La fòrça de
proposicion del monde associatiu unit e l'investiment de cadun an començat de
far bolegar las causas . Es aquela fòrça que nos menarà sul camin de la
reconeissença dels dreits que volèm per la lenga occitana.


La coordinacion « Anem Òc »


( Institut d'Estudis
Occitans, Felibrige, Federacion dels Ensenhaires de Lenga e Cultura d'Òc,
Calandreta, Òc-Bi, Conselh de la Joventut d'Òc)


31 Re: Forum "Anèm ! Oc ! Endavant !" le Ven 4 Avr - 20:27

LaurençD


Occitan Warrior
Occitan Warrior
zo a écrit:E mai nos agrade pas sèm en frança macarel! Triste E tot se decidís amont.
Aquò's benlèu la realitat, mas es tamben un vejaire impausat. La solucion al problema de l'orsa ? Es a Paris ! La solucion a la desertificacion del mèu païs ? A Paris ! La clava per salvar l'occitan ? E merda !
Sias tròp pessimista Zo. Se l'occitan es sempre viu ara, o sabem qu'es pas la fauta de l'Estat francès.

32 Re: Forum "Anèm ! Oc ! Endavant !" le Ven 4 Avr - 20:45

LaurençD


Occitan Warrior
Occitan Warrior
zo a écrit: La simpla supression de pòstes de fonccionaris e l'inexistença de las lengas regionalas dins los novèls programas fa que lor presencia dins l'educacion nacionala va demesir drasticament dins las 5 o 6 annadas a venir.
Soi plan plaçat per ne parlar, soi regent en seccion, mas pensi que tancarem l'an que ven e maites seguiran!
LOS (PSEUDO) PODERS LOCALS I PODRAN PAS RES. Tusta-Paret
LaurençD a écrit:Sias tròp pessimista Zo. Se l'occitan es sempre viu ara, o sabem qu'es pas la fauta de l'Estat francès.
Me citi qu'ai escrich una conaria, perdon Zo Geinat . D'assurat que los regents son ligats a las decisions de l'Estat. Esperi que degun deurà pas tancar l'an que ven.

zo


Occitan Warrior
Occitan Warrior
LaurençD a écrit:
zo a écrit: La simpla supression de pòstes de fonccionaris e l'inexistença de las lengas regionalas dins los novèls programas fa que lor presencia dins l'educacion nacionala va demesir drasticament dins las 5 o 6 annadas a venir.
Soi plan plaçat per ne parlar, soi regent en seccion, mas pensi que tancarem l'an que ven e maites seguiran!
LOS (PSEUDO) PODERS LOCALS I PODRAN PAS RES. Tusta-Paret
LaurençD a écrit:Sias tròp pessimista Zo. Se l'occitan es sempre viu ara, o sabem qu'es pas la fauta de l'Estat francès.
Me citi qu'ai escrich una conaria, perdon Zo Geinat . D'assurat que los regents son ligats a las decisions de l'Estat. Esperi que degun deurà pas tancar l'an que ven.

Òsca E te/me tòrni citar que pensi sincerament que per qu'una accion siá eficaça per l'occitan cal que siá plan ciblada. E la cibla es de bon veire! En fach per la mancar o cal voler!
E per vos provar que non soi pas pessimista,mas realista aqui una novèla qu'acabi de recebre (origina CREO):
fermeture du poste de Felix Daval


Le seul poste de prof d'occitan de l'académie (lycée Monnet à Aurillac)
est sur la liste des trop nombreuses fermetures de postes pour la
prochaine rentrée. Je l'ai lu sur un document du syndicat CGT de
l'éducation. Aux demandes de Félix ou de Bruno, l'administration répond:
ne vous inquiétez pas, les heures seront assurées... A quel prix?
(compléments improbables d'horaires de profs d'autres disciplines, TZR
d'une autre académie qui ne se déplacera peut-être pas?) Quelles
promesses peuvent-ils tenir dans le contexte de fermetures en nombre à
tous les niveaux? Des heures pour quels élèves? Le lycée Emile Duclaux,
dans ses documents de présentation des différents bacs aux parents
d'élèves de 3ème, mentionne bien la possibilité de passer une épreuve de
langue régionale mais, contrairement à toutes les autres options
possibles, ne propose pas l'inscription à cette option là, n'organise
donc pas la préparation de l'épreuve... si la demande arrive à
s'exprimer quand même, il envisagera peut-être comme cette année un
atelier le soir après le départ des cars de ramassage ou le mercredi
après-midi.... Quel avenir dans le Cantal pour Bruno Duranton, seul
titulaire du capes d'occitan, et qui aurait pu légitimement obtenir le
poste que Félix libère (retraite)? Quel respect pour l'engagement
permanent et ancien de Félix, de Jean Fay et de tous ceux qui ont oeuvré
au maintien, malgré réformes, promesses non tenues, désinformation ou
non information, pressions, de l'enseignement de l'occitan en lycée.
Alors que la fameuse enquête de l'IFOP sur les langues en Auvergne
montre un attachement majoritaire de la population à sa langue régionale
et réclame une meilleure transmission en particulier par l'école, dans
le Cantal, cet enseignement assuré par des surveillants volontaires
(Feijoo, Delpy, Castanier, Julié, Maryse Mabru) au lycée de st-Flour
pendant des années a fini par disparaitre; idem pour Mauriac après les
départs en retraite (Clément Besombes, ) et les tentatives TZR. Il ne
restait que Aurillac. C'est fait. Le mouvement des profs se termine le
11 avril; personne ne pourra le demander, il n'est pas dans la liste!
Sauf si...
*Samedi 5 avril*: à partir de 9 h 30 devant le marché d'Aurillac,
démonstration de l'intérêt de la population pour le maintien d'un
service public d'éducation à l'appel des profs de Monnet (8 postes à
fermer) et de tous les syndicats et organisations souhaitant l'abandon
des fermtures de classes, d'écoles, de postes ou d'heures de la
maternelle au lycée (café, gâteaux, musique, tracts et discussions).
Ce sera l'occasion pour les occitanistes de montrer (visualiser) leur
attachement à ce service public qui a permis à des générations de
lycéens de découvrir, d'apprendre et de pratiquer l'occitan, (voire
d'obtenir leur bac ou leur mention grâce à cette option).
Ce pourait être aussi l'occasion pour les quelques adhérents du CREO et
leurs amis de se retrouver par exemple pour diner sur Aurillac vers midi
et élaborer ensemble un communiqué, une action... Faites suivre l'info
autour de vous; je n'ai pas toutes les adresses mail.
Pour terminer sur une note plus encourageante, j'ai reçu hier
officiellement l'accord de principe pour l'ouverture d'une classe
bilingue (parité horaire occitan/français) à l'école de Thiézac dès la
rentrée de septembre. Elle concernera d'abord le cycle 1 puis après
évaluation devrait se poursuivre jusqu'à la fin de la scolarité
primaire. Quand on sait que le collège de Vic, qui assure déjà
actuellement la continuité de l'enseignement de l'occitan, réfléchit à
un projet de classes bilingues dans les prochaines années, ce serait
paradoxal de fermer toute possiblité de continuer en lycée!
Au fait j'accueille dans ma classe de Thiézac, la semaine prochaine,
Laure Bonnet, une ancienne élève de Félix, actuellement en licence
d'occitan à la fac de Montpellier avec Marie-Jeanne Verny... et la
boucle est bouclée!
Bona nuèit.
Lo Patrick
Tusta-Paret Tusta-Paret Tusta-Paret Tusta-Paret Tusta-Paret Tusta-Paret Epaurugat Tusta-Paret Tusta-Paret Tusta-Paret Tusta-Paret Tusta-Paret Tusta-Paret Diable

Zengi


Trobador !!
Trobador !!
Anaram Au Patac qu'a decidit de sostiéner la 'candidatura' de Marselha per l'organizacion de la manifestacion a viéner. Vos harèi seguir lo noste punt de vista escriut bèthlèu.

(Matieu, te mandarèi lèu un messatge privat a d'aqueth perpaus ..)

35 Re: Forum "Anèm ! Oc ! Endavant !" le Dim 6 Avr - 16:48

Tiston


Occitan Warrior
Occitan Warrior
Danís a écrit: Avem nonmas un Méd'Oc (que va leu desapareisser), una seccion Anaram (son 4 o 5...), lo Comitat Girondin de la Lenga Occitana, qu'amassava totas las associacions va desapareisser, au profiech d'un IEO 33 enquera en formacion (zo será un moment, pense...). E i a evidentament quauques vielhs en banlega, mas bon, ilhs serián prestes a anar pertot en bus, pas a organisar una manifestacion de 20000 personas dins un contexte defavorable, e los comprene. A Bordèu, quo es mòrt. Mai qu'a Marselha, segon io.

justadament... Provença e Lengadoc son plan coneguts de tots los franchimands per lor lenga... mesme se beucop cresen que l'occitan se parla nonmas dins la region tolosana e qu'en provença se parla provençau (fau dire que beucop en Provença contunhen de luchar per quela distincion...)
a Limotges, per eisemple, i'a un potenciau enorme, perque la vila a gardat un caracteri bassetz rurau e obrier, tots los jounes Limotjauds son concients de lor raiçs paisanas e obrieras "patoesofonas", e qu'alentorn de la vila nos am d'engeura beucop beucop de monde (la granda majoritat dau mai de 60 ans) que parlen occitan... mas d'un autre biais nos am nonmas un IEO de 4 salariats, 'na tota pita Calandreta, a part quo i'a nonmas que de las pitas iniciativas mau conegudas (coma mon emicion radio per eisemple), e nos am beucop de mau de far coneisser au monde d'aqui lu "problema" occitan...los jounes lemosins son pas dau tot engatjats per la lenga (devem esser quauqua res coma 20 "militants" de mens de 35 ans dins Limotges...pas mai...)
alora dins 'na vila coma Limotges, se i'avia 30 000 manifestants que venian de pertot per la lenga occitana, te garantisse que l'endeman l'IEo Lemosin reçaubraria 500 damandas d'adesion (e ieu passaria de 500 a 20 000 auditors... Ironic )
surtir dau Lengadoc per la prupchana manif, qu'es 'n'evidencia... De mai, crese que l'occitan provençau jauvis desja de 'na brava reconeissença (de nauçar, totjorn, de segur...mas...) , de las regions coma Lemosin o Auvernha aurian tres cops mai mestier de quela publicitat per lor lenga, quo faria que per un cop um n'oblidaria pas que 'las son de regions occitanas!
enfin, chasqu'un precica per son cluchier, qu'es naturau... Escacalassant

36 Re: Forum "Anèm ! Oc ! Endavant !" le Dim 6 Avr - 20:33

Danís


Adjudant
Ai de las novelas freschas.

A l'IEO, se parla aparentament, per la manif que ven, de la far emb d'autras minoritats de França : Bretons, Còrses,...mas las lengas dichas d'oïl serián pas convidadas. Perque far una manifestacion emb daus representants daus dialectes d'oïl fariá tanben esclatar los manifestants en dialectes e fariá creire a l'opinion publica a l'existencia de "LengaS d'Òc", en balhar rason aus provençalistas. Las delegacions de las lengas d'oïl an aparentament compres lo punt de vusda...

Per la vila, se parla de mai en mai de la Provença, siá Arlas siá Ais.

37 Re: Forum "Anèm ! Oc ! Endavant !" le Dim 6 Avr - 21:10

Le Guilhèm


Occitan Warrior
Occitan Warrior
mercé per las novelas frejas

38 Re: Forum "Anèm ! Oc ! Endavant !" le Mar 8 Avr - 18:44

sanmarti


Occitan Warrior
Occitan Warrior
Escusatz me mès avant de causir lo luoc, Marsilha trop en Prvença, Bordeu trop a l'oest , Tolosa trop al centre (!) caldrià saber qual es l'"objectiu" d'aquela manifestacion e quals son los lostres mejans. M" expliqui:

1- La toca es de butar per obtener la reconeissença oficiala de l'estat frances, amb rratificacion de la carta europèa, etc.... alavetz cal far una jornada d'accion amb tots los pobles de França (bretons, corses, bascos...) e pas soncament entre nosautres, sia totis amassa a Paris sia cadun de son costat dins son canton, mes lo meteis jorn e amb las meteissas reivendicacions.

2- Volem sensiblizar los occitans a la lor cultura, far pression suls elegits locals per obtener mai d'escolas bilinguas, mai d'ajudas a las associacions .... alavetz la manif la cal organisar en ço nostre, mes per estre present dins cada region, perque pas far 2 o 3 manif al meteis moment? Per exemple 1 en Provença, 1 a Bordèu 1 a Clarmont d'Auvernha? L'eficacitat segon ieu es pas unicament dependenta del nombre de participants que de la presencia de la reivindicacion sus tot lo territori occitan.

Quala que sia la causida, cal pas perdre de vista qu'una de las condicions mager del succes es l'impact "mediatic" de la manif. Es per aquo que pensi pas que d'organisar aquela jornada a Arles o Rodes siague una bona causa: los jornalistas de la TV o de las radios aiman pas trop de se desplaçar (perdon Cedric)

39 Re: Forum "Anèm ! Oc ! Endavant !" le Mar 8 Avr - 18:47

Zengi


Trobador !!
Trobador !!
Las novèlas qu'ei d'Anem òc peu lòc: que's harà dens un lòc centrau ..

Colèra Censura

L'objectiu, lo coneishem haut o baish, que son lhèu los mejans qui pausan problèma ..

40 Re: Forum "Anèm ! Oc ! Endavant !" le Mar 8 Avr - 19:19

joan_cavalier


Trobador !!
Trobador !!
sanmarti a écrit:
Quala que sia la causida, cal pas perdre de vista qu'una de las condicions mager del succes es l'impact "mediatic" de la manif. Es per aquo que pensi pas que d'organisar aquela jornada a Arles o Rodes siague una bona causa: los jornalistas de la TV o de las radios aiman pas trop de se desplaçar (perdon Cedric)

Quo rai San Marti, soi d'acòrdi amb la tua analisi (quitament se vesi miègjan de trucar aquò) aprep pensi que lo comitat a pron madurat (sem luenh de l'adobament de Carcassona onte la Conferencia de Premsa dins la ciutat mondina se faguet...lo dissabte 1er de julhet a 11 oras (basta pas de diser qu'amb una data pariera eri tot sol jornaliste)

Aprep a l'encontrari SanMarti me far plazer de veser que aquelas nocions son presas en compte per d'unes, te diriai quitament mercés de le joslinhar....

http://www.myspace.com/joan_cavalier

41 Re: Forum "Anèm ! Oc ! Endavant !" le Mar 8 Avr - 19:20

Bombonarèla


Pintaire
Pintaire
Qual pensa esser aqui a Besièrs lo 27, qual sera representat?

42 Re: Forum "Anèm ! Oc ! Endavant !" le Mar 8 Avr - 20:14

Zengi


Trobador !!
Trobador !!
Dilhèu qu'i seréi, en tant que militant d'anaram Au Patac

43 Re: Forum "Anèm ! Oc ! Endavant !" le Mar 8 Avr - 20:42

Bombonarèla


Pintaire
Pintaire
Benlèu qu'i serai tanben, seria agradiu de se lo faire saupre.

44 Re: Forum "Anèm ! Oc ! Endavant !" le Mar 8 Avr - 21:54

Barbet


Occitan Warrior
Occitan Warrior
sanmarti a écrit:2- Volem sensiblizar los occitans a la lor cultura, far pression suls elegits locals per obtener mai d'escolas bilinguas, mai d'ajudas a las associacions .... alavetz la manif la cal organisar en ço nostre, mes per estre present dins cada region, perque pas far 2 o 3 manif al meteis moment? Per exemple 1 en Provença, 1 a Bordèu 1 a Clarmont d'Auvernha? L'eficacitat segon ieu es pas unicament dependenta del nombre de participants que de la presencia de la reivindicacion sus tot lo territori occitan.
Quala que sia la causida, cal pas perdre de vista qu'una de las condicions mager del succes es l'impact "mediatic" de la manif.

Mi geinan teis arguments, qu'après que siguem totei venguts de luenh, 2 còps en Lengadòc, anam despartir lo monde, e serà cadun per son barri moquò? Quina solidaritat! Pensi au contrari que perdrem en pes a esclatar lei fòrças, e lo Marselha "tròp en Provença", aquela empega... Parlam pancara de Niça mi sembla... De cu es aquel argument? Dobtós

45 Re: Forum "Anèm ! Oc ! Endavant !" le Mer 9 Avr - 11:47

Zengi


Trobador !!
Trobador !!
Benlèu qu'i serai tanben, seria agradiu de se lo faire saupre.
Seràs assabentada Clucant

46 Re: Forum "Anèm ! Oc ! Endavant !" le Mer 9 Avr - 18:40

sanmarti


Occitan Warrior
Occitan Warrior
Bojarron, fasiai simplament una caricatura de ço qu'avem vist sus aquel tema. Plan segur que Marsilha es pas trop Provençala. Es provençala e basta!

47 Re: Forum "Anèm ! Oc ! Endavant !" le Mer 9 Avr - 19:22

LaurençD


Occitan Warrior
Occitan Warrior
sanmarti a écrit:Bojarron, fasiai simplament una caricatura de ço qu'avem vist sus aquel tema. Plan segur que Marsilha es pas trop Provençala. Es provençala e basta!
E ieu que cresiai que Marselha era sonque marselhesa !...
(non ! pas sul cap !)

48 Re: Forum "Anèm ! Oc ! Endavant !" le Mer 9 Avr - 22:39

Barbet


Occitan Warrior
Occitan Warrior
sanmarti a écrit:Bojarron, fasiai simplament una caricatura de ço qu'avem vist sus aquel tema. Plan segur que Marsilha es pas trop Provençala. Es provençala e basta!

Bah, lei convicciens personalas de còps que li a, sas... Clucant

49 Re: Forum "Anèm ! Oc ! Endavant !" le Jeu 10 Avr - 18:25

sanmarti


Occitan Warrior
Occitan Warrior
Mi geinan teis arguments, qu'après que siguem totei venguts de luenh, 2 còps en Lengadòc, anam despartir lo monde, e serà cadun per son barri moquò? Quina solidaritat! Pensi au contrari que perdrem en pes a esclatar lei fòrças,

M'estimi melhor parlar d'eficacitat puslèu que de solidaritat. Fasem una manifestacion cada 2 ans, es pas aquo qu'empachara l'estat francès de dromir! Cal alavetz qu'aquela manif siague "rentabla" e que permetta d'obtenguer quicom. Per ieu reunir 20, 30, o 50000 personas al meteis loc fa pas que de nos balhar confiança e fiertat, ço qu'es pas mal jà, mas fara pas cambiar grand causa. Ara que sabem que i a de gents en quantitat per se mobiliar, ne cal profeitar per occupar melhor lo terren. Occitania es bèla, fa 900 kms de Niça a Baiona e 500 Foish a Clarmont.

A prepaus se ditz que lo Congre del Partit Socilista que ven se debanara a Tolosa en Novembre, es benlèu l'escasença de remembrer a n'aquelis bravas gents ço qu'es d'estre d'esquerra non?

50 Re: Forum "Anèm ! Oc ! Endavant !" le Jeu 10 Avr - 19:11

joan_cavalier


Trobador !!
Trobador !!
sanmarti a écrit: Occitania es bèla, fa 900 kms de Niça a Baiona e 500 Foish a Clarmont.

Aqui soi pas d'acòrdi e oc t'en voli San-Marti........fas pas dintrar valadas e aresta Occitania a Fois....e ieu que vivi a mitat camin mentre Fois e Andora de que soi.... (lo primier que dit un ors, i foti lo donut coma la bandiera del Japon IOI)

sanmarti a écrit:
A prepaus se ditz que lo Congre del Partit Socilista que ven se debanara a Tolosa en Novembre, es benlèu l'escasença de remembrer a n'aquelis bravas gents ço qu'es d'estre d'esquerra non?

Sus aquo (e disi pas aquo sovent a un ome) soi lo teu ome camarade se tens mestier d'ajuda....

Seria plan a mai que lo Cohen es ara una icona al PS (l'ome que salvet Tolosa de 27 ans de dreita) e que quora la sacro-santa constitucion francesa es estada cambiada pel tractat de lisbona, tots lo deputats de Garona-Nauta an signat una letra demandan la ractificacion de la carta europea de las lengas las mens espandidas.....

Tots...non demoreron dos "Irreductibles Gaulois" per opausar resistencia e un dels dos se dit ....Pierre Cohen

http://www.myspace.com/joan_cavalier

51 Re: Forum "Anèm ! Oc ! Endavant !" le Jeu 10 Avr - 20:13

sanmarti


Occitan Warrior
Occitan Warrior
escusa me som pas trop valent en geografia. Alavetz diriai 580 km de Lhospitalet a Montluçon e 980 de Baiona a Coni (donadas viamichelin.com!)Plan Urós

52 Re: Forum "Anèm ! Oc ! Endavant !" le Ven 11 Avr - 6:37

IEU


Pintaire
Pintaire
joan_cavalier a écrit:
sanmarti a écrit: Occitania es bèla, fa 900 kms de Niça a Baiona e 500 Foish a Clarmont.

Aqui soi pas d'acòrdi e oc t'en voli San-Marti........fas pas dintrar valadas e aresta Occitania a Fois....e ieu que vivi a mitat camin mentre Fois e Andora de que soi....

...un catalan


Escacalassant

53 Re: Forum "Anèm ! Oc ! Endavant !" le Ven 11 Avr - 8:08

Romegaire


Draquilhon
Draquilhon
IEU a écrit:
joan_cavalier a écrit:
sanmarti a écrit: Occitania es bèla, fa 900 kms de Niça a Baiona e 500 Foish a Clarmont.

Aqui soi pas d'acòrdi e oc t'en voli San-Marti........fas pas dintrar valadas e aresta Occitania a Fois....e ieu que vivi a mitat camin mentre Fois e Andora de que soi....

...un catalan


Escacalassant

IEU, te pregarai d'accusar pas los catalans de totas las catastrofas de la planeta! Escacalassant

54 Re: Forum "Anèm ! Oc ! Endavant !" le Ven 11 Avr - 8:29

joan_cavalier


Trobador !!
Trobador !!
Romegaire a écrit:
IEU, te pregarai d'accusar pas los catalans de totas las catastrofas de la planeta! Escacalassant

Es vertat a mai soi pas qu'a mitat catalan, doncas per faire la pieger catastrofa de la planeta, cal associar Occitania & Catalunya..... Plan Urós

http://www.myspace.com/joan_cavalier

55 Re: Forum "Anèm ! Oc ! Endavant !" le Ven 11 Avr - 14:56

IEU


Pintaire
Pintaire
joan_cavalier a écrit: cal associar Occitania & Catalunya..... Plan Urós

Parles pas de malur...

56 Re: Forum "Anèm ! Oc ! Endavant !" le Ven 11 Avr - 17:16

PicheBorgne


Draquilhon
Draquilhon
joan_cavalier a écrit:

Es vertat a mai soi pas qu'a mitat catalan, doncas per faire la pieger catastrofa de la planeta, cal associar Occitania & Catalunya..... Plan Urós


Colèra Colèra Colèra Jamai de la vida paure òme !!!! io la lor dòni als espanhòls la Catalunya Nord ! S'associar amb eles.... mès èras bandat quand as escrich aquò non....? Perqué pas s'associar amb los franceses tanben ...???

Pesuc

57 Re: Forum "Anèm ! Oc ! Endavant !" le Ven 25 Avr - 15:35

OstauPM


Steack Cathare
Steack Cathare
E-mail mandat a la coordinacien "Anem Òc" :


Adessiatz-

Après una acampada de son conseu d’administrança, l’Ostau dau Pais Marselhés a arrestat aquelei decisiens a rapòrt de la manifestacien per la lenga de 2009 :


L’Ostau dau Pais Marselhés sostendrà tota decisien (Provença, Lemosin, Bearn, Gasconha, etc) que fariá sortir aquel eveniment de Lengadòc. Aurà donc nòstre sostenh tota iniciativa, fòra de Lengadòc, per pas assimilar Occitania e Lengadòc coma se fa tròp sovent dins l’espèrit d’elegits locaus e tanben per pas afortir un pauc mai de gènts com’aquelei dau Collectif Prouvènço, de l'Institut Béarnais et Gascon, de Consulta provenzale, etc.

Esperam tanben qu’aqueste còp lo servici de securitat de la manifestacien sauprà prendre lei mesuras per evitar la preséncia de gropes de la drecha extrema coma fuguèt lo cas a Besièrs. Vos rapelam qu’aquelei gropes an poscut si metre en davans de la manifestacien e an mancat faire passar 20 000 personas per de facistas ais uelhs de la premsa, e an causat d’eveniments greus qu’an menat mai de très personas a l’espitau. Aquela questien nos sembla au mens tant importanta coma aquela de la vila onte si debanarà la manifestacien.

L’Ostau dau País Marselhés demòra una associacien, e donca en defòra de tota marca politica, mai de segur vendrem pas a una autra manifestacien onte s’atrobarà de facistas taus que lei joinessas identitarias. Aquò es nòstra Occitania.

Esperam fòrça qu’aquela acampada dau 27 permetrà d’arribar a un decisien bòna per lei militants d’Occitania tota.



Ostau dau Pais Marselhés

58 Re: Forum "Anèm ! Oc ! Endavant !" le Ven 25 Avr - 20:21

Gavach


Occitan Warrior
Occitan Warrior
Esperam tanben qu’aqueste còp lo servici de securitat de la manifestacien sauprà prendre lei mesuras per evitar la preséncia de gropes de la drecha extrema coma fuguèt lo cas a Besièrs. Vos rapelam qu’aquelei gropes an poscut si metre en davans de la manifestacien e an mancat faire passar 20 000 personas per de facistas ais uelhs de la premsa, e an causat d’eveniments greus qu’an menat mai de très personas a l’espitau. Aquela questien nos sembla au mens tant importanta coma aquela de la vila onte si debanarà la manifestacien.

L’Ostau dau País Marselhés demòra una associacien, e donca en defòra de tota marca politica, mai de segur vendrem pas a una autra manifestacien onte s’atrobarà de facistas taus que lei joinessas identitarias. Aquò es nòstra Occitania.

Mercés a l'OPM de dire las causas, espèri qu'una responsa clara sus aquel sicut serà donada deman. Si que non demorarai ieu tanben a l'ostal (Besièrs demòra per ieu la pieger protèsta de ma vida alara, e carcassona la melhora, e dieu sap que n'ai facha de protèstas...)

E una responsa clara vòl pas dire las asseguranças foscas que nos foguèron donadas abans Besièrs.

http://conselhamistos.blogspot.com/

59 Re: Forum "Anèm ! Oc ! Endavant !" le Sam 26 Avr - 10:40

Zengi


Trobador !!
Trobador !!
Vaqui l'argumentari d'AAP qui serà legut (qu'espèri !) au fòrum per ço qui ei de la causida de la vila organizatora:
(Ua precision: se lo Fòrum e decida de non pas causir Marselha, que sostiéneram vilas coma Bordèu, Clarmont, Limòtges o Arla, qui non son pas de lengadòc).

Dens un an e mieja adara
que's debanarà la tresau manifestacion per la lenga occitana.
Se lo lòc d'aquera manifestacion n'ei pas la prioritat purmèra
per AAP, que demora totun un enjòc deus importants.

Qu'ei ua evidenca taus
militants e simpatisants de la causa occitana: que cau amassar monde
tau noste tresau rendetz-vos. Mes que cau saber tanben que segon lo
lòc de la manifestacion, lo resson non serà pas briga
lo medish en los diferents parçans d'Occitania. E la resulta
de duas manifestacions en Lengadòc qu'ei quasi inexistenta en
parçans com lo Limosin, l'Auvernha o la Provença,
parent praube d'Occitania.


Necessitat de sortir de Lengadòc

Qu'ei per'mor d'aquò
que pensam qu'ei temps de har un pas en davant e de sortir deu
territòri centrau lengadocian, tot simplament entà
amuishar au monde autanlèu de lengadòc que d'aulhors
qu'Occitania non se limita pas a la banlega tolosana e
monpelhierenca.

L'argumentari centrau non
pòt pas tiéner ad vitam eternam. Los lengadocians
tanben qu'an d'apréner a viatjar, e de descubrir autas
realitats sociaus occitanas. Duas o très òras mei en
bus per anar d'un costat o de l'aute deu territòri occitan,
non sauré descoratjar monde motivat tà militar tà
la lenga nosta.

Demorar un còp mei
en lengadòc que seré préner lo risc de har
créisher las reivendicacions reaccionàris e localistas
deus bearnistas o deus provençalistas. Quin se poderam deféner
alavetz d'estar lengadò-centrista ? Atau a AAP, que pensam
qu'avem d'estar mei representatius de la pluralitat e de la
diversitat d'Occitania.


Perqué e caumanifestar a Marselha ?

La manifestacion
organizada peu colectiu « Anem Òc » qu'a
shens nat dobte un ròtle pedagogic deus grans auprès de
la populacion. Detzenats de milièrs de manifestants per las
carrèras, que's pòt esvitar peus mediàs mes pas
peu monde de la ciutat. Que serà donc aqui lo parat de har
conéisher, de har descubrir l'occitaneitat d'ua vila a
milierats de personas.

Marselha qu'ei la ciutat mei grana d'Occitania per ço qui ei deu nombre de poblants, e
que hè malurosament partit de las vilas qui's son drin
desbrembat lo lor eretatge culturau.

Marselha qu'ei un simbèu,
ua vila populara constituida de mantuas generacions d'imigrats.
Aqueras populacions, l'occitanisme qu'a tanben las enténer. Se
non s'escadem pas a encontrar, e har préner consciéncia
au monde d'origina estrangèra qu'Occitania non se poderà
bastir shens eths, los projèctes linguistics que demoraràn,
a termi long, ineficaçs cap au manca cruciau de locutors en
lenga nosta. Marselha que pòt estar, dens aqueth cas, un
tremplin deus bons entà har petar las parets de la lenga
occitana.

Lo potenciau deus hialats
culturaus associatius e militants deu parçan marselhés,
se cau saber que n'ei pas autant desvelopat com en los parçans
biarnés e tolosans, que permeterà d'assumir ua part de
l'organizacion de la manifestacion de 2009. De mei, per l'aviéner,
que va ahortir aqueth hialat provençau e atau intensificar la
soa accion linguistica de cada dia., per'mor deu resson inevitable
d'aqueth rendetz-vos.

60 Re: Forum "Anèm ! Oc ! Endavant !" le Sam 26 Avr - 11:00

Sokolovic


Trobador !!
Trobador !!
De boei tèxtes aquita.

Aquelei que li van, espèri que nos contaràn çò que s'a dich !

61 Re: Forum "Anèm ! Oc ! Endavant !" Aujourd'hui à 23:59

Contenu sponsorisé


Voir le sujet précédent Voir le sujet suivant Revenir en haut  Message [Page 2 sur 3]

Aller à la page : Précédent  1, 2, 3  Suivant

Permission de ce forum:
Vous ne pouvez pas répondre aux sujets dans ce forum