OCCITANIA !! Forum


Vous n'êtes pas connecté. Connectez-vous ou enregistrez-vous

Forum "Anèm ! Oc ! Endavant !"

Aller à la page : 1, 2, 3  Suivant

Voir le sujet précédent Voir le sujet suivant Aller en bas  Message [Page 1 sur 3]

1 Forum "Anèm ! Oc ! Endavant !" le Ven 21 Mar - 14:55

Danís


Adjudant
COORDINACION "ANEM ÒC"

Dimenge
27 d'abrieu de 2008 a
BESIERS
(de 8h30 a
17h30)


FORUM
"ANEM! ÒC! ENDAVANT!"


Palais dei Congrès
- 29 avenguda Camille
Saint Saens- Besiers


[onte
se tròba: lo plan]



A totes los que vòlon far viure la lenga
occitana





Amb las doas
manifestacions de Carcassona e de Besièrs, « Anem Òc » a mostrat que
de milièrs de personas se podián mobilizar, dins l'unitat, a l'entorn de
qualques reivindicacions simplas per far viure la lenga.


Dempuèi aquelas
mobilizacions de causas càmbian. Mai de collectivitats se meton a far quicòm per
la lenga. D'unas an quitament meses en plaça de programas de desvolopament


Pasmens çò que caup
dins la Crida « Anem Òc ! per la lenga occitana ! » es pas encara
realitat. Devèm encara e totjorn contunhar la pression, particularament de cap a
l'Estat qu'a pas bolegat duscas ara.


« Anem Òc ! »
a decidit de tornar lançar la mobilizacion per manifestar a la fin de 2009 en
gardant las cinc reivindicacions de basa contengudas dins la
crida.


Manifestar amassa per
se retrobar e dire publicament çò que demandam es plan, mas sufís pas. Nos cal
preparar coma cal la mobilizacion de 2009 e soscar als mejans de melhor far
passar, tre ara, lo messatge nòstre dins la societat, a totes los nivèls :
associacions, monde economic, monde politic.


De mai lo govèrn a
promés una iniciativa e eventualament un debat parlamentari sus la question de
las lengas. Devèm far çò que cal per que la promessa siá tenguda e per preparar
aquel debat.


Nos cal mai que jamai
definir nòstras ambicions per la lenga d'òc. Mai que jamai devèm far passar lo
messatge que la lenga es l'afar de totes, de l'ensemble de la societat. Cal que
pertot siá pausada la question de la lenga coma un element constitutiu del
desvolopament que volèm per nòstre país.


Per aquò far, « Anem
Òc ! » convida totes los que vòlon
far viure nòstra lenga a un grand
debat que se farà
lo 27 d'abril a Besièrs.


Aquel debat serà a l'encòp una reflexion sul biais de
portar las reinvindicacions nòstras e tanben sul biais d'organizar la
mobilizacion per que la manifestacion de 2009 siá una granda capitada .


Cadun sentís
qu'avançam, mas cadun sap que res es pas ganhat. I a encara un fum de monde que
nos cal anar veire, d'arguments que cal tornar dire, de proposicions que cal
cambiar en accions. La simpatia que creis en favor de nòstra lenga, la cal
cambiar en projèctes concrets, en politicas publicas.


La fòrça de
proposicion del monde associatiu unit e l'investiment de cadun an començat de
far bolegar las causas . Es aquela fòrça que nos menarà sul camin de la
reconeissença dels dreits que volèm per la lenga occitana.


La coordinacion « Anem Òc »


( Institut d'Estudis
Occitans, Felibrige, Federacion dels Ensenhaires de Lenga e Cultura d'Òc,
Calandreta, Òc-Bi, Conselh de la Joventut d'Òc)

2 Re: Forum "Anèm ! Oc ! Endavant !" le Ven 21 Mar - 15:47

Sokolovic


Trobador !!
Trobador !!
Cu as qu'a previst de l'anar aquí ? Pensi que l'ostau dau PM mandarà quaucun. Es important que l'ague de gents de totei lei regions d'òc per l'organisacion.
Si podem pas planher d'un cert lengadocentrisme e ren faire per ajudar.

3 Re: Forum "Anèm ! Oc ! Endavant !" le Mer 26 Mar - 18:10

Bombonarèla


Pintaire
Pintaire
Vaqui lo mail que mandèri al collectiu Anem òc:


"Joan Maria Caunet prepausèt a David Grosclaude d'organisar la manif a Gueret. D'autrei la vodrián faire en Provença. Fau faire comprendre au monde la necessitat de prendre en còmpte la geografia occitana, que lo mai important es l'eficacitat globala.
Per aquò la causida se fa sus un luec quasi centrau, non pas per causida partisana mai per que lei mai luenchencs sigon a pauc près a equidistança… de mai se deu trobar sus lei vias de circulacion principalas (trin, autopista ...)
Far circular la mapa d'Occitania dins la documentacion d'Anem Oc.
Per valorizar cada region se pòu pensar d'organisar de trins regionaus (Ex : "La region lemosin per la Lenga occitana") mai fau trobar finançaments ( participacion dei Consèus Regionaus ?)"

Ensaji d'esser la mai objectiva e aquò's lo punt de vista d'una lengadociana:

Me semblava que dins una amira d'eficacitat globala seria mai interessant de causir un canton d'Occitania que son pés demografic seria fòrca grand coma... Provença... Verai que la visibilitat de la manifestacion seria mai granda dins una ciutat grandarassa e fòrça poblada.
Per çò qu'es de l'equidistança coma dison, francament, dobti qu'un grop vengut de la Guardia Piemontesa trapa que Carcassona siague a "equistança", nimai Lemosin, un Niçard o encara un Marselhés.

Las causas devon virar e se cal mostrar sus lo territòri tot, valent a dire "dis aup i pirenèu" e pas dins un ròdol dich "central" que fin finala cambia pas jamai.

Los occitans serian pas de viatjaires dels grands, un pauc fregs a bolegar?? Ieu me farai una joia d'anar manifestar en cò dels autres... per un cop!

Los que vòlon faire coneisser lo lor punt de vista pòdon venir al forum del dimenge 27 d'abrial de 2008, a Besièrs : "ANEM! ÒC! ENDAVANT!" per ne discutir amb l'organisacion de la manifestacion puei que prepausan de grops de reflexion.

sanmarti


Occitan Warrior
Occitan Warrior
Per aver lo mai de resson possible dins los medias e a ço dels politics cal qu'aquesta manif se debanesse dins una capitala regionala de las grandas coma Marsilha, Montpelhier, Tolosa o Bordèu.

5 Re: Forum "Anèm ! Oc ! Endavant !" le Ven 28 Mar - 11:08

IEU


Pintaire
Pintaire
o Rodès...

6 Re: Forum "Anèm ! Oc ! Endavant !" le Ven 28 Mar - 12:07

Romegaire


Draquilhon
Draquilhon
o Rodès...
e perquè pas a Pozolet lo Naut tant que li sias?

7 Re: Forum "Anèm ! Oc ! Endavant !" le Ven 28 Mar - 13:44

sanmarti


Occitan Warrior
Occitan Warrior
e perquè pas a Pozolet lo Naut tant que li sias? Poce Levat

I a tabes "Campets e La Molera" o "Cantaus-Tuzaguet"

8 Re: Forum "Anèm ! Oc ! Endavant !" le Ven 28 Mar - 21:35

IEU


Pintaire
Pintaire
Romegaire a écrit:
o Rodès...
e perquè pas a Pozolet lo Naut tant que li sias?

Idèa
Hey! perque pas a Monès?

9 Re: Forum "Anèm ! Oc ! Endavant !" le Sam 29 Mar - 14:35

Romegaire


Draquilhon
Draquilhon
Idèa
Hey! perque pas a Monès?
As rason, pensi qu'aquo's ço melhor. Merdelon FOR EVER. GAVACH PODER!!!!!

10 Re: Forum "Anèm ! Oc ! Endavant !" le Mar 1 Avr - 19:52

zo


Occitan Warrior
Occitan Warrior
E perqué pas París? Interrogacion
Aquò's pas una galejada...

11 Re: Forum "Anèm ! Oc ! Endavant !" le Mar 1 Avr - 21:13

Danís


Adjudant
zo a écrit:E perqué pas París? Interrogacion
Aquò's pas una galejada...

Io seriá d'acòrd, de tota faiçon quo es ben la sola mena de ser far entendre de l'Estat dins 'queu pais...e puei au mens, quo es a la mesma distancia per tot lo monde, tres oras de tren (mai que per 'nar de Bordèu a Rodés en tot cas, pertant, quo es mai luenh).
Mas de l'autre costat, 20000 personas dins una vilòta coma Besièrs, 'quò se vei, dins una capitala coma Paris, benleu pas. E puei n'i que se trobarán per dire que podem pas desfendre la decentralisacion e 'nar far nòstra manifestacion dins la capitala...e aurán pas forçadament tòrt sus aquò...

12 Re: Forum "Anèm ! Oc ! Endavant !" le Mar 1 Avr - 21:38

Sokolovic


Trobador !!
Trobador !!
Danís a écrit:
zo a écrit:E perqué pas París? Interrogacion
Aquò's pas una galejada...

Io seriá d'acòrd, de tota faiçon quo es ben la sola mena de ser far entendre de l'Estat dins 'queu pais...e puei au mens, quo es a la mesma distancia per tot lo monde, tres oras de tren (mai que per 'nar de Bordèu a Rodés en tot cas, pertant, quo es mai luenh).
Mas de l'autre costat, 20000 personas dins una vilòta coma Besièrs, 'quò se vei, dins una capitala coma Paris, benleu pas. E puei n'i que se trobarán per dire que podem pas desfendre la decentralisacion e 'nar far nòstra manifestacion dins la capitala...e aurán pas forçadament tòrt sus aquò...

Per ti dire la veritat, siáu en plen d'acòrd ambé tu.
M'agradariá mièlhs París que una vilòta lengadociana de mai.
Perqué ?
Perqué coma v'as dich, París pausa la mesma constrencha per totei ò quasi.
Perqué anar a París es menar la crida dins lo còr de l'estat. Es mostrar que podem venir metre lo oai dins sa vila.
E sabem malurosament que l'estat e lei mèdias estent parisenc, lo resson si farà que se l'a una preséncia fòrta encò d'elei.is, toteis amassats, aquò si que ne sariá un de oai. Ambé de concert dins de luecs parisencs.
Veiretz que si ne'n parlarà.


E s'es pas París, deuriá èstre Marselha, qu'es la soleta vila que la manifestacion aurà de resson. Qu'a Tolosa, pasarà per una causa lengadò-lengadociana.

13 Re: Forum "Anèm ! Oc ! Endavant !" le Mar 1 Avr - 22:03

posoèra


Occitan Warrior
Occitan Warrior
Se hèm quaucom a París seré mélher d'i èster dab totas las minoritats de l'estat francés ... pr'amor qu'ua manifestacion dab quate gats occitans degun n'en va parlar ...

14 Re: Forum "Anèm ! Oc ! Endavant !" le Mer 2 Avr - 10:28

LaurençD


Occitan Warrior
Occitan Warrior
E ben ieu trobi qu'una manifestacion d'occitan a Paris, fa desfilat d'indians. La meteissa a Tolosa o Marselha, fa presa de poder.

15 Re: Forum "Anèm ! Oc ! Endavant !" le Mer 2 Avr - 15:04

Zengi


Trobador !!
Trobador !!
Jo tanpòc soi pas d'accòrdi per pujar a la capitala. Ne voi pas har lo jòc de l'Estat francés. A la limita, ua grana manif dab los autes pòble de l'Exagòne, mes personaument, n'i credi pas.
Que'm haré caguar tanben ua caminada a Tolosa .. Hartèra deu lengadòc !

Se voletz seguir lo medish debat suu FPL: quina vila per la manif ?

16 Re: Forum "Anèm ! Oc ! Endavant !" le Mer 2 Avr - 16:37

Barbet


Occitan Warrior
Occitan Warrior
De mon costat coma va diguèri ja venguèri ais doas manif emb plaser emai siguèsson dins lo meme ròdol. 2 còps oei, 3 non.
La lucha per l'occitan deu èstre panoccitana, la solidaritat tanben.
Lo Felibrige s'es apondut ais organizators, unei miliers de provençaus venguèron a Besièrs, non pas a Arles.
Mi sembla tanben que lo pés demografic deu èstre l'element màger de la chausida dau luec de la manifestacien que vèn, estent emb aquò lo "fosc", la manca d'informaciens e l'ipocrisia que li a alentorn de l'apartenéncia dau provençau a l'occitan, soveti que si fague ailà. (emai se vendrai onte que siegue, quasi).
Mai que rendre lei tornas, s'agisse d'èstre solidaris.

Vos pegui çai-sota çò que diguèron Iniciativa per Occitània rapòrt a aquò e que parteji pron:

Iniciativa Per Occitània, lo laboratòri politic, culturau e sociau, prepausa quauquei
consideracions estrategicas per capitar encara mai lei manifestacions futuras.

1. Far una manifestacion en Provença, amb impacte demografic e mediatic


Es necite de contunhar lo vam de mobilizacion de Carcassona 2005 e de Besièrs 2007, en organizant de manifestacions similaras amb intervals regulars. Un objectiu desirable seriá una manifestacion per an.

La manifestacion venenta se deuriá far dins una vila pus de 100 000 estatjants per fin d’aver un impacte pus fòrt. Lei grands mèdias remarcan pus çò que se passa dins lei vilas grandas que dins lei pichonas.

La manifestacion venenta se deuriá far dins una granda vila de Provença per afortir
l’occitanitat dau provençau dins lei mèdias. De mèdias provençaus (France 3
Méditerranée, La Provence) parlèron pas clarament de la preséncia massissa dei
manifestants provençaus a Besièrs. E saupèron pas presentar clarament la manifestacion de Besièrs (unitària) en fàcia de la còntramanifestacion d’Arle (qu’èra còntra l’unitat de l’occitan). Devèm pas negligir l’impacte d’aquela confusion mediatica dins l’opinion provençala.

Tanben, Provença es la region pus poblada d’Occitània. La demografia deu èsser una cibla dins l’estrategia occitanista. Ramentem que Provença a 4,5 milions d’estatjants e que despassa de luenh leis autreis entitats administrativas d’Occitània coma Aquitània (2,9 milions d’estatjants), Miegjorn-Pirenèus (2,6), Lengadòc-Rosselhon (2,3), Auvèrnhe (1,3), Lemosin e la Charanta Occitana (0,8 ), Droma-Ardecha (0,7), lei Valadas Occitanas (0,2), Mónegue (0,03) e Aran (0,007).

Ajustem que Provença concentra la gròssa majoritat dei vila occitanas de pus de 100 000 estatjants (Marselha, Niça, Tolon, Ais, Avinhon, Nimes). N’i a mai que dins l’ensems deis autrei regions occitanas (Tolosa, Bordèu, Clarmont-Ferrand, Lemòtges, Pau).

Una vila ideala de manifestacion per l’occitan seriá doncas Marselha, Ais o Avinhon.
Valent a dire: una vila situada au centre demografic d’Occitània, pron notabla per lei mèdias, pas tròp luenh dei zonas centralas d’Occitània e tenent de liasons estradieras facilas amb totei lei regions occitanas.

17 Re: Forum "Anèm ! Oc ! Endavant !" le Mer 2 Avr - 17:46

Zengi


Trobador !!
Trobador !!
Perque pas avinhon ..
e puish la quatau a Pau, la lenga ei pro viva a nosta Clucant

18 Re: Forum "Anèm ! Oc ! Endavant !" le Mer 2 Avr - 18:45

Romegaire


Draquilhon
Draquilhon
Tanben, Provença es la region pus poblada d’Occitània. La demografia deu èsser una cibla dins l’estrategia occitanista. Ramentem que Provença a 4,5 milions d’estatjants e que despassa de luenh leis autreis entitats administrativas d’Occitània coma Aquitània (2,9 milions d’estatjants), Miegjorn-Pirenèus (2,6), Lengadòc-Rosselhon (2,3), Auvèrnhe (1,3), Lemosin e la Charanta Occitana (0,Cool, Droma-Ardecha (0,7), lei Valadas Occitanas (0,2), Mónegue (0,03) e Aran (0,007).

Sioi pas segur que pres aital l'argument demografic siague pertinent, ço mai important es benleu lo nombre de locutors de la lenga que l'om pot trapar dins caduna d'aquelas zonas. D'un autre costat vèsi pas nimai la pertinencia de pensar l'espaci occitan en terme de regions segon la division administrativa francesa sus aquela question. Cal te dirà jamai soi miègjorn-pireneenc e per aquo voli que la protesta siague en Miègjorn Pireneus?
tant val pensar la causas en grandas divisions dialectalas, e sus aquel punt te rejonhi serià temps de faire sortir la causa de l'espaci central del centre de Lengadoc. Seriai doncas favorable a ço que lo cop que ven se fasquèsse en defora de l'espaci lengadocian (o alara en lengadoc, mas Monès Idèa ). Aprèp pensi que de se trobar dins una ciutat grandassa seria una bona causa per èsser un pauc mai visible. Fins ara, tot s'es fach dins de ciutats pichonetas, benlèu per crenta d'èsser ridicule dins una vilassa se jamai i avia pas deguns. Pasmens pensi que dins un sistema centralizat coma aquel ont se troba lo pais occitan, tant val per èsser vist èsser dins una de las capitalas d'una de las regions (aquelas tristas divisions administrativas). Alara rai per Marselha, perque pas? o alara Bordeus? (santa puta! doas vilas de drechas... se vos sentissètz de debatre de la question amb Jupé o Gaudin Risolet Progressiu )

19 Re: Forum "Anèm ! Oc ! Endavant !" le Mer 2 Avr - 22:13

Le Guilhèm


Occitan Warrior
Occitan Warrior
Pensi que la manifestacion que ven serà organizada dins un luoc ont i aurà pro de monde per poder l'organizar. En 2005, a estat a Carcassona perque i avia l'Alan Roch e l'IEO 11 (per informacion es pas el qu'a volgut l'organizar, aquo a estat "impausar" perque sabian pas ont la faire) e en 2007 a Besièrs perque i a lo sèti de l'IEO Lengadoc.

Si i a pas digus per organizar a Marselha o Bordèu per exemple, es fotut, la manif serà encara en Occitània centrala.

20 Re: Forum "Anèm ! Oc ! Endavant !" le Mer 2 Avr - 22:21

Zengi


Trobador !!
Trobador !!
A Pau l'Ostau Biarnés qu'amassa 48 associacions occitanas, se avem pas pro de monde dab aquò diu vivant !
Pensi qu'ei ua faussa excusa aquò

21 Re: Forum "Anèm ! Oc ! Endavant !" le Mer 2 Avr - 22:34

Le Guilhèm


Occitan Warrior
Occitan Warrior
Matieu a écrit:A Pau l'Ostau Biarnés qu'amassa 48 associacions occitanas, se avem pas pro de monde dab aquò diu vivant !
Pensi qu'ei ua faussa excusa aquò

oc, pasmens Grosclaude es lo big boss, mas benlèu Pau es un pauc trop excentrat (per los organizators).

Mas per exemple a Marselha o a Bordèu, quant d'associacions occitanas ??? (cal pas prene aquo per de l'antimarselhisme, al contrari, serai plan content si era aval).

22 Re: Forum "Anèm ! Oc ! Endavant !" le Mer 2 Avr - 22:46

Zengi


Trobador !!
Trobador !!
Grosclaude ei pas briga lo boss de l'ostau, qu'ei tot lo contra..
Excentrat.. que n'ei hartèra !!! QUE VA CALER QUE UN DIA, LOS LENGADOCIANS E APRENOSSEN A VIATJAR HILH DE PUTA

Danís


Adjudant
Lo Guilhèm a écrit:Pensi que la manifestacion que ven serà organizada dins un luoc ont i aurà pro de monde per poder l'organizar. En 2005, a estat a Carcassona perque i avia l'Alan Roch e l'IEO 11 (per informacion es pas el qu'a volgut l'organizar, aquo a estat "impausar" perque sabian pas ont la faire) e en 2007 a Besièrs perque i a lo sèti de l'IEO Lengadoc.

Si i a pas digus per organizar a Marselha o Bordèu per exemple, es fotut, la manif serà encara en Occitània centrala.

Matieu a écrit:A Pau l'Ostau Biarnés qu'amassa 48 associacions occitanas, se avem pas pro de monde dab aquò diu vivant !
Pensi qu'ei ua faussa excusa aquò

Per contra, a Bordèu, 'queu argument foncciona. Avem nonmas un Méd'Oc (que va leu desapareisser), una seccion Anaram (son 4 o 5...), lo Comitat Girondin de la Lenga Occitana, qu'amassava totas las associacions va desapareisser, au profiech d'un IEO 33 enquera en formacion (zo será un moment, pense...). E i a evidentament quauques vielhs en banlega, mas bon, ilhs serián prestes a anar pertot en bus, pas a organisar una manifestacion de 20000 personas dins un contexte defavorable, e los comprene. A Bordèu, quo es mòrt. Mai qu'a Marselha, segon io.

IEU


Pintaire
Pintaire
Romegaire a écrit: Seriai doncas favorable a ço que lo cop que ven se fasquèsse en defora de l'espaci lengadocian (o alara en lengadoc, mas Monès Idèa )

Vos cal pas cercar...Es aqui la solucion

http://fr.wikipedia.org/wiki/Mounes-Prohencoux

Danís


Adjudant
Çò qu'a de particular 'queu vilatge ? Interrogacion
Ai pas ben compres la blaga, 'qui...



Dernière édition par Danís le Jeu 3 Avr - 10:05, édité 1 fois

Romegaire


Draquilhon
Draquilhon
Danís a écrit:Çò qu'a de particular 'queu vilatge ? Interrogacion
Ai pas ben compres la bla, 'qui...

Desencusas nos Danis, aquo's un "private joc" gavach (o puslèu sud-avaironés). Apuèi, per ço que Monès pot aver de particular... tant val que i anèsses veire d'en per tu. Escacalassant . enfin de tot biais es pas lo subjècte d'aquel forum.
Vos cal pas cercar...Es aqui la solucion
"IEU" te respondi qu'una causa: Merdelon FOR EVER!

27 Re: Forum "Anèm ! Oc ! Endavant !" le Jeu 3 Avr - 11:23

IEU


Pintaire
Pintaire
Danís a écrit:Çò qu'a de particular 'queu vilatge ? Interrogacion
Ai pas ben compres la blaga, 'qui...

Qual a pas vist Monès a res vist...

28 Re: Forum "Anèm ! Oc ! Endavant !" le Jeu 3 Avr - 14:18

capbreton


Occitan Warrior
Occitan Warrior
danis, ne soi pas d'accordi dab tu sus Bordeu. Que i a mond interessat per las ideas occitanas.
Dens tota la Gironda que i a hort de causas en occitan.

mes apres los moviments politics e culturaus ne son pas briga developats

29 Re: Forum "Anèm ! Oc ! Endavant !" le Ven 4 Avr - 12:19

Sokolovic


Trobador !!
Trobador !!
Lo Guilhèm a écrit:
Matieu a écrit:A Pau l'Ostau Biarnés qu'amassa 48 associacions occitanas, se avem pas pro de monde dab aquò diu vivant !
Pensi qu'ei ua faussa excusa aquò

oc, pasmens Grosclaude es lo big boss, mas benlèu Pau es un pauc trop excentrat (per los organizators).

Mas per exemple a Marselha o a Bordèu, quant d'associacions occitanas ??? (cal pas prene aquo per de l'antimarselhisme, al contrari, serai plan content si era aval).

Es de veire coma si deu organizar.
Es pas tant una questien dau nombre de persona mai de sa motivacien.
Far venir 20000 personas a Marselha, se comences lo trabalh pron en amont, es de bòn far.
Basta de sacher s'apuejar sus lei bòneis personas, pas forçadament occitanISTAS (©Big Dreux Prod Limited) mai sus tot lo malhum associatiu locau. Que sabi de crèoles que seràn lests per venir si passajar cotria e metre d'animacien musicala e de color dins lo passa-carriera. Basta tanben de sacher picar ai bònei pòrtas, per aver un sosten dei collectivitats dei bèus.
Mi sembla que si podriá far a Marselha, bessai en apondent un eveniment dei gròsl lo sera ai Docks dei Suds per exemple. Amb un bèu concerts qu'acampariá çò melhor de la creacien occitana d'encuei.

E puei, pensi pas que 20000 personas a Marselha agon un resson mens fòrt que 20000 a Besiers. Siáu convinçut de l'encontrari.
Fau ben saupre que dins l'esperit dei gents, dei mèdias mai que mai, occitan = lengadòc.
S'exista una cèrta voluntat de far petar aquel eimatge, fau sortir des vilòtas de Lengadòc-Rosselhon.

E lo simbòu sariá dei bèu pasmens.

A rapòrt de Bordèu, pòu tanben servir de menar una mena d'electrochòc dins la vida associativa occitana. L'interés es tanben de menar lei gents de si rescontrar. E pensi que Bordèu, coma Marselha ganharián d'èstre visitadas per leis autreis actors de la cultura d'Òc. E lei bordalés s'avisarián bessai de sa particularitat.
Nissa sariá ben parier.
Pau tanben.
Mai anar a Narbona, Millau ò ue ne'n sabi mai. Serà non per ieu.
A rapòrt de Tolosa, seriá un mendre mau, estent qu'es una vila bèla ( = gròssa, hè !), mai lo resson riscariá d'èstre gaire fòrt estent que Tolosa = crotz de Tolosa = occitan.
Passariá per una manifestacien d'afogats de l'estadi Tolosenc.

De tot biais, la promiera causa de far, es ben de l'èstre an aquel acamp e de veire çò que si dis ailà.

30 Re: Forum "Anèm ! Oc ! Endavant !" le Ven 4 Avr - 19:48

zo


Occitan Warrior
Occitan Warrior
Sòfia a écrit:Se hèm quaucom a París seré mélher d'i èster dab totas las minoritats de l'estat francés ... pr'amor qu'ua manifestacion dab quate gats occitans degun n'en va parlar ...

Es effectivament çò que voliái dire.
E mai nos agrade pas sèm en frança macarel! Triste E tot se decidís amont.

Se compreni l'importancia de l'accion locala, dins lo cas "des langues régionales",me tusta la manca d'accions sus l'opinion publica al nivèl nacional.
La simpla supression de pòstes de fonccionaris e l'inexistença de las lengas regionalas dins los novèls programas fa que lor presencia dins l'educacion nacionala va demesir drasticament dins las 5 o 6 annadas a venir.
Soi plan plaçat per ne parlar, soi regent en seccion, mas pensi que tancarem l'an que ven e maites seguiran!
LOS (PSEUDO) PODERS LOCALS I PODRAN PAS RES. Tusta-Paret

31 Re: Forum "Anèm ! Oc ! Endavant !" Aujourd'hui à 12:44

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 3]

Aller à la page : 1, 2, 3  Suivant

Permission de ce forum:
Vous ne pouvez pas répondre aux sujets dans ce forum