OCCITANIA !! Forum


Vous n'êtes pas connecté. Connectez-vous ou enregistrez-vous

Forum "Anèm ! Oc ! Endavant !"

Aller à la page : Précédent  1, 2, 3

Voir le sujet précédent Voir le sujet suivant Aller en bas  Message [Page 3 sur 3]

1 Forum "Anèm ! Oc ! Endavant !" le Ven 21 Mar - 14:55

Danís


Adjudant
Rappel du premier message :

COORDINACION "ANEM ÒC"

Dimenge
27 d'abrieu de 2008 a
BESIERS
(de 8h30 a
17h30)


FORUM
"ANEM! ÒC! ENDAVANT!"


Palais dei Congrès
- 29 avenguda Camille
Saint Saens- Besiers


[onte
se tròba: lo plan]



A totes los que vòlon far viure la lenga
occitana





Amb las doas
manifestacions de Carcassona e de Besièrs, « Anem Òc » a mostrat que
de milièrs de personas se podián mobilizar, dins l'unitat, a l'entorn de
qualques reivindicacions simplas per far viure la lenga.


Dempuèi aquelas
mobilizacions de causas càmbian. Mai de collectivitats se meton a far quicòm per
la lenga. D'unas an quitament meses en plaça de programas de desvolopament


Pasmens çò que caup
dins la Crida « Anem Òc ! per la lenga occitana ! » es pas encara
realitat. Devèm encara e totjorn contunhar la pression, particularament de cap a
l'Estat qu'a pas bolegat duscas ara.


« Anem Òc ! »
a decidit de tornar lançar la mobilizacion per manifestar a la fin de 2009 en
gardant las cinc reivindicacions de basa contengudas dins la
crida.


Manifestar amassa per
se retrobar e dire publicament çò que demandam es plan, mas sufís pas. Nos cal
preparar coma cal la mobilizacion de 2009 e soscar als mejans de melhor far
passar, tre ara, lo messatge nòstre dins la societat, a totes los nivèls :
associacions, monde economic, monde politic.


De mai lo govèrn a
promés una iniciativa e eventualament un debat parlamentari sus la question de
las lengas. Devèm far çò que cal per que la promessa siá tenguda e per preparar
aquel debat.


Nos cal mai que jamai
definir nòstras ambicions per la lenga d'òc. Mai que jamai devèm far passar lo
messatge que la lenga es l'afar de totes, de l'ensemble de la societat. Cal que
pertot siá pausada la question de la lenga coma un element constitutiu del
desvolopament que volèm per nòstre país.


Per aquò far, « Anem
Òc ! » convida totes los que vòlon
far viure nòstra lenga a un grand
debat que se farà
lo 27 d'abril a Besièrs.


Aquel debat serà a l'encòp una reflexion sul biais de
portar las reinvindicacions nòstras e tanben sul biais d'organizar la
mobilizacion per que la manifestacion de 2009 siá una granda capitada .


Cadun sentís
qu'avançam, mas cadun sap que res es pas ganhat. I a encara un fum de monde que
nos cal anar veire, d'arguments que cal tornar dire, de proposicions que cal
cambiar en accions. La simpatia que creis en favor de nòstra lenga, la cal
cambiar en projèctes concrets, en politicas publicas.


La fòrça de
proposicion del monde associatiu unit e l'investiment de cadun an començat de
far bolegar las causas . Es aquela fòrça que nos menarà sul camin de la
reconeissença dels dreits que volèm per la lenga occitana.


La coordinacion « Anem Òc »


( Institut d'Estudis
Occitans, Felibrige, Federacion dels Ensenhaires de Lenga e Cultura d'Òc,
Calandreta, Òc-Bi, Conselh de la Joventut d'Òc)


61 Re: Forum "Anèm ! Oc ! Endavant !" le Sam 26 Avr - 11:06

OstauPM


Steack Cathare
Steack Cathare
merces

62 Re: Forum "Anèm ! Oc ! Endavant !" le Sam 26 Avr - 22:26

fredoc


Occitan Warrior
Occitan Warrior
Que soi pro d'acòrd dab Matieu e AAP, que cau sortir de Lengadòc. Occitania n'ei pas lengadòc. Qu'arcastam a continuar la politica centralizada de França e que tornam produsir lo medish esquèma.
Anem encontrar los occitans "passius" e cuélher de navèths militants. Marselha que pòt aver lo potenciautà seguir lo noste combat. Com Bordèu o Clarmont.
Per çò qui ei deu desplaçament, que podetz estar segurs que los biarnés-qui son a la punta deu militantisme, shens nat chovinisme:)- e los lors vesins e amics de Gasconha e haràn lo viatge. Militants a huec!
Los de Lengadòc que pòden tanben tirar dinc a Provença, n'an pas 3 h de camin.
Tà Marselha, Anem vò!!!
Provença !


_________________
Ací qu'ei l'alh ! ce disè la ceba. / Amic de cadun, amic de degun.
"La vida es una tombola", Manu Chao.
http://www.occitania-fotbol.com

63 Re: Forum "Anèm ! Oc ! Endavant !" le Dim 27 Avr - 10:12

Bombonarèla


Pintaire
Pintaire
Soi tanben plan d'acòrdi amb la declaracion d'AAP, coma amb la d'Iniciativa per Occitania. Pensi que coma ieu, molon de lengadocians sostenon tanben l'idèa de sortir de lengadoc, segur que Marselha o Bordèu, seriá una fòrça bona causa...

Ne sauprem mai aqueste ser...

64 Re: Forum "Anèm ! Oc ! Endavant !" le Dim 27 Avr - 20:04

Le Guilhèm


Occitan Warrior
Occitan Warrior
alavetz Redola-Uèlhs

65 Re: Forum "Anèm ! Oc ! Endavant !" le Lun 28 Avr - 11:46

Sokolovic


Trobador !!
Trobador !!
E ben ?

Fin finala ? Degun dau forum l'es estat an aquesta acampada ?
Vorriáu ben saupre coma si debanèt.
De nòvas !

66 Re: Forum "Anèm ! Oc ! Endavant !" le Lun 28 Avr - 16:50

Bombonarèla


Pintaire
Pintaire
Oé... de nòvas! Ges de mail del comitat, ges de mail de l'IEO, ges de messatge sul forum... soi crentosa, aquesta manca d'informacion daissa ren augurar de bon...

Anèm òc, mandatz-nos una bona novèla!!

67 Re: Forum "Anèm ! Oc ! Endavant !" le Lun 28 Avr - 17:53

Zengi


Trobador !!
Trobador !!
Bon n'èi pas lo temps jo, que hetz cagar !

Jo n'i èri pas, mes de ço que sei deus militants d'Anaram presents:
La manifestacion que's debanarà en octobre de 2009, lo lòc n'ei pas causit peu moment, que serà au colectiu Anem òc d'ac har, qui estó assabentat de la demanda de Marselha per organizar la.

Per ço qui ei de las nostas reivendicacions portadas (Occitan lenga oficiau), qu'estón recebudas pro plan peus participants a l'amassada.

Se'n voletz saber mei, escotatz Radio País a 7ò30, 8ò, 8ò15, 12ò, 6ò e 11ò deu ser --> http://www.radio-pais.com

68 Re: Forum "Anèm ! Oc ! Endavant !" le Lun 28 Avr - 18:06

Bombonarèla


Pintaire
Pintaire
Mercé Matieu

Bon, ben nos demòra pas qu'a los negar jos los mails los del comitat, encara...

69 Re: Forum "Anèm ! Oc ! Endavant !" le Lun 28 Avr - 19:21

Danís


Adjudant
Esperatz un pauc, quo era nonmas ier, e la manif es dins mai d'un an, laissatz-lur lo temps de s'organisar per mandar los mails !

70 Re: Forum "Anèm ! Oc ! Endavant !" le Lun 28 Avr - 19:25

Zengi


Trobador !!
Trobador !!
Pensi totun qu'ei important de foter la pression !
En tot cas, tots los ressons qu'èi avut de l'amassada e son hèra positius.

71 Re: Forum "Anèm ! Oc ! Endavant !" le Mer 14 Mai - 12:44

Le Guilhèm


Occitan Warrior
Occitan Warrior
1) Rendut-compte dau Dimenge 27 d'abrieu de 2008 a BESIERS (34)
FORUM "ANEM! ÒC! - ENDAVANT “
Rendut-còmpte establit per AM. Poggio amb l'ajuda de Felipe Martel / JM Courbet.
Entre 150 e 200 personas passèron dins la jornada... ambé de moments de frequentacion mai densa que d'autrei...
• Dubertura de la jornada :
Lei presidents de cada composanta de la Coordinacion presentan
la problematica de la jornada : David Grosclaude (Institut d'Estudis
Occitans), Jacques Mouttet (Felibrige), Felipe Martel (Federacion dels
Ensenhaires de Lenga e Cultura d'Òc), Joan-Lois Blenet (Calandreta),
Martina Hourquet-Gracia (Òc-Bi), Maria Boivert
(Conselh de la Joventut d'Òc).
Maria Boivert : Besièrs de 2007 donèt un envanc novèu mai lo pretzfach
es enòrme e avèm la responsabilitat de lo perseguir. Aquò vòu dire que
se fau batre sus totei lei domenis de la vida culturala. Perque la
lenga pòu pas viure sens dròlles escolarisats dins la lenga, perque
l'ensenhament pòu pas èsser eficaç sens preséncia de la lenga per
carrièra, perque la creacion occitana se pòu pas desvolopar sens medias
e subretot sens una television occitana, perque fin finala tot es a
faire, nos fau tre ara donar totei lei mejans de metre en plaça un plan
de desvolopament globau.
Felipe Martel : Necessitat per lei sòcis deis associacions ligadas a
Anem Oc de se pas acontentar de venir a la manifestacion, mai de menar
un trabalh de contワnia per l'apreparar e desvolopar la conscientizacion
en societat. E de saber parlar a la societat dins son ensems, per
defugir l'embarrament dins lei problèmas de botiga, e un fonccionament
occitanisto-occitan que s'adreiça qu'ai convençuts.
Jaque Mouttet : Avèm de gròs problèmas davant nautrei, l'estat se
desengatja de tot pauc a cha pauc : ensenhament, medià, ajudas publicas
divèrsas ; mai avèm d'espèr que siam units maugrat nòstrei diferéncias,
d'autant mai que I a tanben un recampament de totei lei lengas
regionalas de França per de revendicacions comunas.
David Grosclaude : Siam units, es una bòna causa. Avèm lo pensament de
la transmission de la lenga. I a urgéncia, fau una politica linguistica
volontarista, devèm faire pression dins tota la societat. Fau saupre
parlar au monde : elegits, medias, gènts que son a nòstre entorn.
J-Louis Blenet : Necessitat de transmission de la lenga emai de la
cultura. Fau començar per faire aplicar lei lèis qu'existan. Après
parlarem de lèi novèla. Fau chifrar sus d'estrategias concretas.

1 - Lo movement vist de l'exterior :
Expausat dei ponchs de vista demandats a de monde pron assabentats de
l'anar de l'occitanisme mai pas directament engatjats per aver un agach
un pauc mai distanciat e critic qu'aqueu que podèm aver nautrei...
S'èra demandat lo ponch d'una antropològa de Bordèu (Coleta Millet),
d'un jornalista allemand (Kay Wagner) e d'un universitari occitan
qu'ensenha en Australia (que li devèm lo jà ancian De l'Utopie au
pragmatisme, sus lo moviment occitan despuèi leis annadas setanta).
Leis autors son absents totei tres e lei tres textes son resumits :
Causas positivas : engatjament dau movement associatiu, capacitat de
produccions de qualitat... saut qualitatiu e quantitatiu ambé la
manifestacion de Besièrs...
Criticas : la tendéncia de l'occitanisme au còp a la dispersion e a
l'embarrament, e d'autra part la dificultat a gerir la dialectica
unitat/diversitat sus un ensems tant vaste coma l'espaci occitan.

2 - Debat : Una manif : Onte? Quand ? Coma ?
Jamai perdre de vista l'objectiu promier qu'es de recampar encara mai de monde qu'a
Besièrs (que se podèm pas permetre d'èstre mens, es nòstra credibilitat
que se jòga) per faire creisser de lònga la pression tant sus l'Estat
coma sus leis elegits ... (ambé tanben una mediatizacion mai
alargada)... per lei faire bolegar e obtenir una vertadiera mesa en
plaça d'una politica linguistica positiva.
L'espandi occitan es grandaràs e nos fau arribar an una mena d'equitat
de desplaçaments per leis occitans deis extremes geografics.
La còla locala se dèu d'èstre solida, que fau pas oblidar lo pes grandaràs de l'organizacion.
La coordinacion se poirà pas ocupar dau «vilatge occitan» nimai de la
fèsta dau vespre... que deuràn èstre pres en carga integralament per
d'autrei gropes o associacions volontàrias.
•MANIF de 2009 :
Quand : a l'automna, octòbre de 2009 en principi, periòde que
sembla propici per pausar un còp de mai la question de l'estatut e de
la plaça de la lenga occitana, a quauquei mes deis eleccions regionalas.
Onte : d'unei se pensan que la fau faire a la periferia occitana mai
pas en Lengadòc un còp de mai... vilas son prepausadas : Marselha,
Tolosa, Avinhon, Nimes, Guéret... per que siegue pas totjorn la mema
region que n'aprofieche... an totei d'arguments (de còps
contradictòris) tant valables leis uns coma leis autrei...
D'autrei pensan a Paris, amb leis autrei lengas de França : mai li es
estat respondut que sei representants n'avián refusat l'idèia.
Leis arguments de totei siguèron entenduts e la decision finala serà
presa per la Coordinacion, a l'acamp que ven : es a dire lo 4 de junh.

3 - Rapòrt dei gropes de reflexion :
Après una intervencion d'Ines Cavalcanti per presentar lo
projecte de nòstreis amics "italians" sus una marcha per l'integracion
de l'occitan au patrimoni mondiau, avèm agut lei renduts-còmptes deis
talhiers.

• 1 ) Medias :
Per lei medias, demanda d'un servici public de television (e de
radio) regionala occitana distinct de F3, que sabèm pron l'interés que
manifesta per lei lengas "regionalas" ; çò que vòu pas dire de
renonciar a faire pression sus F3, d'abòrd
qu'es çò qu'exista uei
Estacion dins cada region (possibilitat d'escambiar de programas).
Un finançament public es pas impensable. La redevença se podriá
partejar, anar ai regions a proporcion de la populacion; se fa dins
d'autrei paメs. Interès economic (creacion d'emplecs), envanc per la
creacion artistica.
Una accion simbolica de trobar per materializar aquesta question de la
redevença : per exemple, grèva de la redevença que seriá versada sus
d'un compte blocat.
Necessitat d'ajudar tanben leis autrei media : premsa escricha, radiò privadas, sites internet...
Necessitat per «Anem òc» de metre en plaça una comunicacion mai joina au nivèu
deis imatges e dau biais de lei faire virar...

• 2 ) Creacion :
Solament doas personas per lo talhier que faguèt chic.
Mai sabèm totei que la necessitat de sosténer la creacion en lenga occitana pòu èstre qu'una dei prioritats...

• 3 ) Vida publica :
Urgéncia de rendre la lenga visibla per carriera, dins totei lei luecs publics.
L'essenciau dei revendicacions vira a l'entorn de la question de la toponimia ambé la signaletica bilingüa...
La question d'una oficializacion de l'usatge de la lenga dins l'us
administratiu es mai delicata, dins lo contexte tradicionau francés. Se
fau assabentar dei reglaments oficiaus per lei possibilitats d'emplec
de la lenga e leis utilizar au maximum per endralhar una pratica
publica de l'òc, dins lei comunas, lei despartaments... Pensar tanben
ai messatges sonòres... Pensar ais accions pròchi l'escòla : activitats
periescolàrias, grèpias...
Faire una «labelizacion« dei comunas que pratican mesuras concretas per l'emplec
de l'occitan.

• 4 ) Ensenhament
(veire 2) çai-jos)
Calandreta e FELCO an una analisi diferenta de la Lei Fillon.
Per J.L Blenet, la lei Fillon permete ai regions de definir lei
modalitats de l'ensenhament dei lengas regionalas, mai refusan de s'i
engatjar. L'urgéncia absoluda es donc de faire pression sus elei per
qu'amagèstren de convencions lei mai ambiciosas possiblas per de dire
de metre l'Estat davant sei responsabilitats.
La FELCO pensa que l'article brèu introduch dins una lei que parla
d'aure a per tòca essenciala e non avoada d'apreparar un desengatjament
totau de l'Estat, qu'ansin remandariá ai regions la responsabilitat non
pas tant dei "modalitats de l'ensenhament" que de son finançament. Pòt
èstre una trapèla, que pensan pas que lei regions siegan lèstas d'i
tombar dedins.
Cò qu'empacha pas, la FELCO e lei CREOs, de revendicar per que lei
convencions se sinhèsson au mai lèu, per çò qu'es lo solet biais per
l'ensenhament public, a terme, d'estre dins la legalitat, ni per lo
pauc de ben que pòdon pensar de la legalitat vista per lo sénher Fillon.
Ponch positiu : au finau es estada lançada l'idèia d'un acamp de
reflexion entre lei doas associacions que trabalhan dins lo domèni de
l'ensenhament per apregondir la discussion.

• 5 ) Accions concretas, accions simbolicas fins a 2009 :
Per l'accion, e la popularizacion de la revendicacion, çò qu'es
estat entrevist es mai que mai d'iniciativas mai o mens simbolicas e
espetaculàrias :
Alestir un calendier d'accions qu'anaràn crescendò fins au jorn de la manifestacion.
Metre en plaça d'accions dins totei lei regions per que totei
aprofiechèsson d'aquesta mobilizacion; accion simbolica a Paris; accion
importanta e coordonada dins l'esperit de la bicicletada Bordèu/Besièrs
de 2007; marcar l'anniversàri de la crosada (1209 / 2009); ocupacion de
luecs simbolics; interpelacion d'artistas internacionaus per que
sostengon la lenga occitana ; estrifar lei papiers d'identitat ; se
badalhonar la boca...
Trobar una accion fòrta, mediatica e simbolica per lo jorn de la manifestacion
Se fau despatolhar per que lo materiau d'informacion e de difusion
siegue a disposicion dau monde lo mai lèu possible e pron de temps
avans la manif...
Pensar de multiplicar e variar lei supòrts : afichas, cartas postalas, camisons, pegasolets, etc... creacion d'un logò...

• 6 ) Sintèsi
La prioritat dei prioritats es que lo monde, aquelei que l'i
èran e aquelei que l'i èran pas mai que militan localament foguèsson
ben convençuts de la necessitat d'una accion lònga d'espandiment dei
temas de nòstrei revendicacions en societat.
Fau metre en plaça, tre ara, lei Comitats locaus per començar la sensibilizacion e l'accion.
La fòrça de proposicion dau monde associatiu unit e l'investiment de
cadun an començat de faire bolegar lei causas . Es aquesta fòrça que
nos menarà sus lo camin de la reconeissença dei drechs que volèm per la
lenga occitana.
Anem òc sostendrà la Caminada organizada per la Chambra d'Òc, dau mes
d'avost au mes de novembre, per demandar que la lenga occitana siegue
marcada au Patrimòni mondiau de l'umanitat
===============================================================
2) Sintèsi de la comission ensenhament
Las revendicacions compartidas de la Crida Anem Òc que son tostemps a la basa de la reflexion.
Que demandam l’aufèrta a tots d’un accès a l’ensenhament de l’occitan a
l’escòla, dens lo segondari, e l’Universitat (dab un desvelopament, a
l’Universitat, d’un ensenhament dens las filièras autas que literàrias
o linguisticas).
Anem Òc que deu tribalhar de cap a l’Estat entà que sia precisada ua
plaça legau especifica entà las lengas de França (trobar la
denominacion mei apropriada, cf remarcas pendent lo debat), ua plaça a
despart de las lengas estranhèras au territòri.
Anem Òc que deu tribalhar a acompanhar las collectivitats territoriaus
a definir la plaça qui ei la lor dens la definicion de las modalitats
d’ensenhament de l’Òc.
Aquera plaça qui an de tiéner a costat de l’Estat, las Collectivitats,
que deu estar descrivuda d’ua mena la mei completa coma se pòt en
dehòra de la trapèla qui ei la d’un debat suu desengatjament o pas de
l’Estat sus las collectivitats territoriaus. Que cau doncas tribalhar
sus objectius clars e contenguts precís tad aquestas convencions.
Un questionament que serà tanben a miar lèu sus las grépias en òc.
Un dossièr en vias a non pas desobligar qu’ei lo de l’ensenhament aus
adultes. Que’s crean besonhs sus plan de fronts. Adultes plan formats
que hèn necèra que las institucions especializadas n’arriban pas
tostemps a hornir en nombre suficient.
A moment dat que va caler saber comunicar de cap a la populacion tota
(parents d’escolans e eleguits comprés) sus la definicion clara deus
enjòcs de la formacion a l’occitan e en occitan : enjòcs linguistics e
culturaus. Que nse cau arrespóner concretament a la question : quau ei
lo contengut d’un ensenhament e quaus ne son los beneficis ?
Que demandam l’inscripcion au programa nacionau de las escòlas, dens lo
quadre deu sòcle comun de coneishenças, l’estudi, en francés tà tots
los escolans, de la diversitat linguistica e culturau istorica de la
França.
Que caleré poder har un descriptiu de çò qui ei l’ensenhament de la
lenga d’òc au dia de uei entà informar los non-ensenhaires suu sicut

72 Re: Forum "Anèm ! Oc ! Endavant !" le Mer 14 Mai - 14:07

Sandrinèta


Trobador de Comptador
Trobador de Comptador
octobre de 2009! qu'ei hera luenh! Triste

73 Re: Forum "Anèm ! Oc ! Endavant !" le Mer 14 Mai - 14:36

Bombonarèla


Pintaire
Pintaire
Bah... quand veses lo temps que cal sonque per decidir del luèc...(conflictes...) e coma la manif ven de mai en mai granda demanda de temps d'organisacion...

74 Re: Forum "Anèm ! Oc ! Endavant !" le Mer 14 Mai - 14:39

Sokolovic


Trobador !!
Trobador !!
Sandrineta a écrit:octobre de 2009! qu'ei hera luenh! Triste

Voei

Mai mi sembla pasmens lo temps necessari per mesurar l'impact eventuau de Besiers (e mai se lei darrierei sesilhas de l'Assemblée Nationale e, mai que mai, la decisien dau govèrn de far coma de costuma, valent a dire ren, nos pòdon donar una idèia...) e, tanben, per organizar un novèu passa-carriera qu'auriá per ambicien de recampar au mens tan de gents que lo darrier.

Aparentament, lei demandas de dentralizacien son estadas ausidas. Fau veire ara se seràn ententudas...

75 Re: Forum "Anèm ! Oc ! Endavant !" le Mer 14 Mai - 19:36

LaurençD


Occitan Warrior
Occitan Warrior

1 - Lo movement vist de l'exterior :
Expausat dei ponchs de vista demandats a de monde pron assabentats de
l'anar de l'occitanisme mai pas directament engatjats per aver un agach
un pauc mai distanciat e critic qu'aqueu que podèm aver nautrei...
S'èra demandat lo ponch d'una antropològa de Bordèu (Coleta Millet),
d'un jornalista allemand (Kay Wagner) e d'un universitari occitan
qu'ensenha en Australia (que li devèm lo jà ancian De l'Utopie au
pragmatisme, sus lo moviment occitan despuèi leis annadas setanta).
Leis autors son absents totei tres e lei tres textes son resumits :
Causas positivas : engatjament dau movement associatiu, capacitat de
produccions de qualitat... saut qualitatiu e quantitatiu ambé la
manifestacion de Besièrs...
Criticas : la tendéncia de l'occitanisme au còp a la dispersion e a
l'embarrament, e d'autra part la dificultat a gerir la dialectica
unitat/diversitat sus un ensems tant vaste coma l'espaci occitan.

Aici, lo rendu-compte lo trapi un bricon flac. Es pecat, que l'ideia era fòrça bòna.
Vaqui çò qu'en dis La Setmana del 8/5 (pagina 3) :
<< Per exemple era notada la manca de professionalisme e de qualitat còps que i a dins la comunication, la difficultat a tocar de partidas de la societat en rason d'una mena de replec espontanèu e la tendéncia a demorar entre monde coneguts. Aquel difficultat a se dubrir tornava dins aquelas letras coma la tendencia a doblidar còps que i a çò d'essencial en plaça de donar la prioritat a çò commun qu'es lo combat per la lenga.
Mas d'autras remarcas èran formuladas coma per exemple lo fait de veire pas que lo public ven a la question de la lenga per de vias diversas ; se calia avisar de pas far de la coneissança de la lenga una condition per dintrar dins la cultura occitana. Cal daissar de pòrtas dubertas à de personas que vendràn puèi a la lenga.
Foguèron evocadas de conflictes inutiles, d'actitudes un pauc arcaïcas, de visions còps que i a folcloricas ; ça que la los tres observators mençonavan que la manifestacion de Besièrs èra un saut qualitatiu e quantitatiu important. >>

76 Re: Forum "Anèm ! Oc ! Endavant !" le Jeu 5 Juin - 15:18

OstauPM


Steack Cathare
Steack Cathare
Lo Guilhèm a écrit:1) Rendut-compte dau Dimenge 27 d'abrieu de 2008 a BESIERS (34)
FORUM "ANEM! ÒC! - ENDAVANT “
Rendut-còmpte establit per AM. Poggio amb l'ajuda de Felipe Martel / JM Courbet.
Leis arguments de totei siguèron entenduts e la decision finala serà
presa per la Coordinacion, a l'acamp que ven : es a dire lo 4 de junh.


Up...

77 Re: Forum "Anèm ! Oc ! Endavant !" le Jeu 5 Juin - 18:18

Bombonarèla


Pintaire
Pintaire
Bon... òm espèra... De nòvas!!! Bombissant

78 Re: Forum "Anèm ! Oc ! Endavant !" Aujourd'hui à 12:44

Contenu sponsorisé


Voir le sujet précédent Voir le sujet suivant Revenir en haut  Message [Page 3 sur 3]

Aller à la page : Précédent  1, 2, 3

Permission de ce forum:
Vous ne pouvez pas répondre aux sujets dans ce forum