D'arguments solides contra la diversitat lingüistica

Adieussiatz Monsur LaurençD. Merce de trasmettre ma letra als vòstres amics agarats. Siatz un brave tipe, se perdetz vòstre accent seretz un quasi francès.

La patria es a cramar ! D’atacas vergonhonasas plojan suls senators e academians, los nòstres vielhs plans valoroses, generals pas jamai espaurugats que se faran tuar per Eilzheimer puslèu que de cambiar d’opinion.

Amics jacobins. Cal nos daissar pas far ! La pluralitat passara pas ! Sem fòrçats d’esser encara mai inteligents e aperts que de costuma. Òc ben es possible ! Basta pas que los darriers patesofòns ajan tòrt, los cal reconoisser qu’avem rason. Ara lors arguments pesan pas brica :

Argument n°1 : las lengas regionalas son de lengas vertadièras.
Aquò’s pas possible, perque las compreni pas.

Argument n°2 : las lengas regionalas an produsit de litératura de valor.
Fals ! N’ai pas jamai legit (de veire argument n° 1).

Argument n°3 : las lengas regionalas apartenan a l’istòria francèsa.
Es una messorga de las grandas. Vaqui l’istoria vertadièra : las lengas regionalas dintreron dins França amb los nazis en 1940, que los petainistas lors dubrigueron la pòrta. Abans, la França parlava pas que francès dempuèi los gallesses (de veire Jules Ferix e Bernard Henry Levix).

Argument n°4 : las lengas regionalas menaçan pas l’unitat nacionala.
Fals ! Fals ! Fals ! Los militants patesofòns son d’extremistas pagats per l’Union Europenca per terorisar a l’amagat nòstres inspectors de l’educacion nacionala. La toca finala : l’Europa de las regions, es a dire l’Europa etnica, es a dire l’Europa alemanda.

Argument n°5 : defendre las lengas regionalas es defendre la democracia.
Encara cal dire de non ! Lo francès es LA lenga democratica. S’aprenes lo francès, aprenes la democracia (qu’es un mòt francès). D’efiech, la Republica francèsa es lo pais mai democratic de la galaxia. La prova : 100 % dels francèses vòlon parlar pas que francès (son pas de francèses los autres).

Argument n°6 : l’ONU condamnet França per aparar pas sas lengas regionalas.
Aquel « machin » !!! N’avèm pas mestier, avèm lo Senat.

Argument n°7 : las lengas regionalas son a crebar. Se òm fa pas ren serà una riquesa lèu perduda.
Que marida fe ! Son pas una riquesa mas una despensa : còstan de sòus los peluts qu’ensenhan aquelas pseudo-lengas. Se dispareisson, podrem comprar un mièj Rafale de mai.

Argument n°8 : lo bilingüisme permet de se comprene melhor, doncas de comunicar melhor ambe los autres.
De que ? De que ?

Argument n°9 : la diversitat culturala es la modernitat.
Aquò’s benlèu verai. Mas te nos caldria explicar perdeque auriam mestier de la modernitat. Sem franceses e França es eternala.

LaurençD a écrit:Non, es un amic que le dison Robes-Peire (es un pseudo). Tombèt de biciclèta sul cap l'an passat e espera plan dintrar a l'academia l'an que ven.

Einucent a écrit:Paubre, s'a fracassat lo Danton ?

Adieussiatz Monsur LaurençD, vos merceji per la publicitat qu’avetz balhada als mèus arguments. Los vòstres amics an de que soscar.

Vòli vos senhalar lo poèma estrambordant de mon amic Peire Assolina, qu’es pas un colhon a miejas. Dins son blòg lo quite Senher Cavaillé es estat fòrçat de cridar ceba : «Quel lyrisme ! Quelle élévation ! Quel sublime élan patriotique ! Oui, je le crois, Pierre Assouline est mûr pour l’Académie» (http://taban.canalblog.com/)

Vaqui l’òbra subrebela :

Si je t’oublie, Villers-Cotterêts, Que ma droite s’oublie !
Que ma langue s’attache à mon palais,
Si je ne me souviens de toi
Si je n’élève Villers-Cotterêts
Au-dessus de toutes mes joies !

Seriatz brave se reviriatz aquò als vòstres amics qu’an plan mestier de repassar lor catéchisme. Gara ! La Republica recoinesserà son monde !

maime a écrit:Oc-es mas qu'es un autor quebeques dins un jornau quebeques... Los quebeques an ren compres a la grandor a la França : volen lor indenpendéncia en luòc d'un ratachament a la mair-patria... Emai la directritz de l'escòla diwan de Paris es quebequesa...

LaurençD a écrit:Après tot aquela merda de dreita, un pauc d'inteligença aici :
http://www.ledevoir.com/2008/07/07/196748.html
La prova que esser francofòn vòl pas dire esser contra las lengas de França !