l'UNESCO s'ensaj a la linguistica

http://www.unesco.org/culture/ich/index.php?pg=00206

pensi qu'a l'UNESCO saben pas on trobar linguistes, e qu'an decidit de hèr ua carta de las lengas en danger atau ...
l'Occitan ? mes qu'es aquò ?
Per contra podètz véder en la lista lo provençau, l'auvernhat, lo gascon ...
Tanben se pòt constatar per exemple que lo gascon, lo "franco-provençal"( qu'es l'arpitan) e l'aragonés son au medish nivèu

500.000 locutors pel Lengadocian, aquò me sembla un pauc en dessús de la realitat non ?
Pr'aquò cossí far per saber lo nombre de locutors, aquò me sembla un trabalh fòrça dificil de far.

Tròbi que la rubrica "Commentaires" ont es possible d'apondre d'informacions e de fonts es una bona causa !

Mertyl a écrit:
Pr'aquò cossí far per saber lo nombre de locutors, aquò me sembla un trabalh fòrça dificil de far.

es sustot un tribalh seriós de hèr, tribalh que n'an pas hèit es evident ... e que sia l'UNESCO es ua vergonha ...

Mertyl a écrit:Tròbi que la rubrica "Commentaires" ont es possible d'apondre d'informacions e de fonts es una bona causa !

tiò ! trobi tanben ... que'us deishèi quauques messatges

Locutors dau provençau : 150 000
Locutors dau gascon : 250 000
Locutors dau lemosin : 400 000 !!!


Mas lo mai forts : los locutors de l'auvernhat : 1 315 000 !!!

E avetz vist? L'alsacian se parla pas en França, quo se parla mas en Suissa! Lo flamand qu'es mas en Belgica, e l'arpitan qu'es mas en Suissa...
E lo platt-deutsch de Lorana, ben en fach quo exista pas.... lo berrichon tanpauc...

Nos fan bien rire (o purar?) quilhs conauds de l'Unesco...

D'ont lo fach que tròbi la possibilitat d'escriure de comentaris es una bona causa. Après cal veire çò que faràn de comentaris.

Aquò fa paur ! Las lengas amb de pichòts clavels, coma de parpalhons en çò d'un colleccionaire.
Las estatisticas son completament desvariadas. A causa del blackout de l'Estat francès, degun sap pas onte ne sem. Aquò dich, cal èstre colhonàs per escriure que l'arpitan es dins una santat melhora que l'occitan lengadocian o provençal ! I a benlèu gaire que defòra de França que l'arpitan contunha d'èstre emplegat, mas per exemple dins Leire o Ròse, aquela lenga es gaireben mòrta.
Que critèris an emplegats ? De que fa la vitalitat d'una lenga ?

LaurençD pels critèris de UNESCO es aquí : http://www.unesco.org/culture/ich/index.php?pg=00142

D'acòrdi, doncas los vaqui :


Bon, tot aquò es fòrça coerent. ça que la, aver d'otis de mesura es plan, se'n poder servir es quicòm mai. A l'ora d'ara, i a degun que pòsca dire quant sem los occitanofòns, puèi que lo sol que poiria balhar l'entresenha es l'INSEE, es a dire l'Estat, es a dire l'enemic. Alara ? 2 milions, 3 milions, 1 500 000 ?
L'absencia del catalan es un bricon estranha.

Lo catalan es pas de verai en perilh en Catalonha-Sud, mai en Catalonha-Nòrd òc...

E ben, es pas tan segur qu'aquò que lo catalan siaga pas en perilh al sud... A Barcelona, la lenga mai parlada es plan lo castelhan !
L'aurian aumens poscut classificada "vulnerable"

Siáu anat a Barcelona aqueste estiu e realament ai ausit quasi tant de personas parlar en catalan qu'en castelhan (e subretot son de joves que parlan lo catalan)! Endemai, ambé lo sostèn de la Generalitat, totei lei paneus an d'estre en catalan (e lo son), es tant facile d'estudiar en catalan qu'en castelhan (e i a d'endrechs qu'es mai facile en catalan)... Ambé lo sostèn deis autoritats localas (qu'an quasi tot lo poder), te pòde assegurar que lo catalan es realament pas en perilh en Catalonha-Sud. (Un estudi de la Generalitat mostra qu'en Catalonha, lo catalan es la lenga utilisada per 45% de la populacion a l'ostau e 51% de la populacion dins la carrièra, e aquestei chifras son a aumentar cada annada.) Serià geniau d'aver la mateissa situacion en Occitània....

La situacion dau basc per exemple es mai dificile. E de segur lei lengas que son pas oficialas dins lei comunitats autonomas son dins la mateissa situacion que l'occitan en França.

Axel a écrit:Siáu anat a Barcelona aqueste estiu e realament ai ausit quasi tant de personas parlar en catalan qu'en castelhan (e subretot son de joves que parlan lo catalan)! Endemai, ambé lo sostèn de la Generalitat, totei lei paneus an d'estre en catalan (e lo son), es tant facile d'estudiar en catalan qu'en castelhan (e i a d'endrechs qu'es mai facile en catalan)... Ambé lo sostèn deis autoritats localas (qu'an quasi tot lo poder), te pòde assegurar que lo catalan es realament pas en perilh en Catalonha-Sud. (Un estudi de la Generalitat mostra qu'en Catalonha, lo catalan es la lenga utilisada per 45% de la populacion a l'ostau e 51% de la populacion dins la carrièra, e aquestei chifras son a aumentar cada annada.) Serià geniau d'aver la mateissa situacion en Occitània....

La situacion dau basc per exemple es mai dificile. E de segur lei lengas que son pas oficialas dins lei comunitats autonomas son dins la mateissa situacion que l'occitan en França.

L'a la volontat dei poders publics e l'a la realitat. Ieu que vau soventei fes a Barcelona, m'espanti cada còp de veire que maugrat la politica volontarista dau govèrn catalan, es ben lo castelhan que s'auve lo mai sovent per carriera.
Mai Barcelona es un cas a despart, dins leis autrei ciutat, lo catalan es encara mèstre.

Tamben fau dire qu'a Barcelona i a fòrça de gents que venon d'autrei ciutats espanholas, e d'America Latina e per aquò, se parla (un pauc) mai castelhan.