Los russes e la diversitat culturala

Ten, vos balhi un ligam per un article paregut dins Lo Monde (qu'es un jornal serios !) :
http://www.lemonde.fr/cinema/article/2008/03/18/l-ukraine-veut-imposer-au-detriment-du-russe-des-sous-titres-dans-sa-langue-nationale_1024619_3476.html
Resumit : los ucranians (que son un pauc los occitans dels russes) devon definitivament largar lor patès e parlar la lenga del Potin. Son de nacionalistas meissants aquels ucranians, que lo russe es una lenga minorizada. En mai d'aquò, abandonar la lor langa fara progressar la diversitat culturala.
Un còp de mai, lo colonisat dèu se daissar bicar e dire "merce plan monsur blanc"

Quo es un pauc viciós 'quela situacion. Sabe pas se lo jornaliste dau monde es nul o se justament ensaja de dire qu'es per las lengas majoritarias, perque quo es mai simple (la segonda dirai). Juga sus la paur e la cultura en dire que se los films comencen d'esser distribuits nonmas en ucrainian, 'quò sirán los pitits films d'art e d'ensai que n'en patirán...viciós, 'queu article, vertadierament, mas pense que 'quò ven en majoritat dau punt de vusda dau jornaliste...

Aquò se passa pas sonque en Ucrania .. au Belarus qu'an lo madeish problèma ... e ara, lo belarussian, qu'ei la lenga locala e lenga oficilia dab lo rus, s'ensenha pas mei a l'escòla .... e la gent emplegan pas hèra lo belarussian ... qu'ei a díser tanben, qu'an un president fan de l'URSS e qui contunha de hèr la russificacion

Aquel article lo tròbi mai que vicios. Es "politicament correct" : parla de diversitat culturala, de respect de las minoritats, de tolerància. Mas, darrièr tot aquò, i una mena de blocatge psicologic davant çò qu'es pas ren d'autre qu'una accion de defensa de la lenga.
Me fa pensar al tractament dels catalans dins los media francès. Al temps del franquisme, los catalans eran agachats tals de democrats opressats e las lors revendicacions pareissian legitimas. Ara, e mai las revendicacions sieguen parièras, son venguts de nacionalistas retrograds. Òm diria qu'es çò parièr pels ucranians.
Pensi que d'unes pòdon pas sofrir qu'una revendication culturala capite.

Conóissi un pauc la situacion en Ucraina, e lo problèma es que la majoritat de la populacion que viva dins l'èst dau país si di russofòna, alora qu'esquasi toi aquelu que si tròvon à l'oèst son ucrainofònes.

Aquelu da l'èst non si sènton ucrainians e es dificil per totplen de parlar la lenga ucrainiana. Es lo resultat de l'epòca quora l'Ucraina foguèt una partida de la Russia pí de l'Union Sovietica. Avant, toi parlàvon russian, e l'ucrainian si parlava solament dins li campanhas. Aüra l'ucrainian es devengut la lenga oficiala.

lhèu lo problèma tanben dab los país de l'ex URSS es que, entaus petits país, regde de gent son estat enviats en Siberia per mantuas rasons ... e tà tornar poblar las regions desertas an enviat russes .... donc hèra de gent dens quauques país de l'ex URSS an los grands qui son rus, e donc, la cultura rus.

Li a tamben totplen de gents en Siberia que son de culturas ucrainiana, bielorussa, polonesa o autri. La maja part d'entr' aquei es estada deportada dau regime comunista.

E paralelament, totplen de Russes son estats deportats o mandats en Siberia o dins li repùblicas per li pòplar o colonisar.

Ma poadi dire qu'en Ucraina es un pauc diferent perqué la presença dei Russes es pus anciana a l'èst, e lu Russes son sovent mesclats mé lu Ukrainians.

LaurençD a écrit:Ten, vos balhi un ligam per un article paregut dins Lo Monde (qu'es un jornal serios !) :
http://www.lemonde.fr/cinema/article/2008/03/18/l-ukraine-veut-imposer-au-detriment-du-russe-des-sous-titres-dans-sa-langue-nationale_1024619_3476.html

Un article d'Alexandre Billette. Aulhors, lo tipe qu'escriu: "A language is not an identity"

http://mondediplo.com/2006/03/07identity

Billette, qui colabòra au "Courrier des Balkans" despuish annadas, que i arrevirava en 2002 un article sus las minoritats lingüisticas en Grècia: http://balkans.courriers.info/article2035.html

Que n'i a tà's demandar s'a vertadèrament comprés la question de las lengas.