Juec culturau 4

Un pauc de natura... Onte siam?

...sus la còla!

Provença?

Lo massís dels maures?

L'esterel ?

gorjas de Daluis? ambe lu Var que se permena tranquilon?

òc, èra ben Provença Fredoc, pas lei Mauras, mas lo massís vesin, l'Esterèu. Ti sarraves Gavach. Es verai tanben Tiston qu'au nivèu dei colors podiá pegar!
Totun Picheborgne estent que mi conoisses personalament auriás poscut laissar jugar leis autres, que mi rompes un pauc lo juec dins l'uòu...

L'Esterèu es un massís volcanic ancian, vesin dei Mauras. Siam aicí dau costat Frejús/ Sant Rafèu. Es lo país que li resti.
De la cima, si vei d'Itàlia fins qu'a Venturi (pròche d'as Ais), per temps clar Corsega. (aicí Mercantor a man drecha):

Es un país de maquís, de pins, de castanhiers, de suves (aubre que resistisse ben au fuec).

Cu ditz suve ditz levaire de rusca... per far lei taps! (n'i a encuèi un seissantenau sus lei dos massís).
Lo mestier es totun matrassat per la concurréncia d'Espanha ò de Portugau... e la produccien de taps de plastic.
Mens d'entretenença dei suvieras, pas pron d'escabòts, secaressa tarribla, fan que l'Esterèu tant coma lei Mauras creman cada ans. (paurei toristas que passan de vacanças marridas, pecaire...)

Au sègle XVIII Gaspard de Bessa, un "robin dei bòscs" provençau trevava lo luec, si li escondiá e agantava emb sa chorma perceptors e viatjaires rics, fin qu'a l'atge de 24 ans, que si faguèt executar as Ais.
"Es lo pas de l'Esterèu" es restat una expressien totjorn viva per parlar d'un ròdol dangeirós!

La montanha a lei pès dins la mar, es peraicí que lo desbarcament si faguèt, dins lei còdols onte lo relèu es mens regde.






...Per aquelei qu'an legit Tintin, L'iscla negra, vos remembrarà quauqua ren, per nautres es l'iscla d'aur...pareis qu'inspirèt l'autor moquò:

Plan polit canton (lo sol endrech d'occitània ont se tròba de maquís). La còsta es servada aital tot lo long del massís?

Malurosament pas. D'unei caps, ò còlas patisson dau "mitatge", en tota logica au mai vas dins lei calancas, au mens trobaràs de construcciens. Aqueu relèu fòrt espauruga sovent lei toristas que restan lòng la rota... çò que permete de trobar encara de luecs en riba de mar que siás solet.
Parier per lo massís, qu'es enviroutat d'ostaus, mas qu'es completament protegit au dintre sus un parèu de centenaus de quilomètres carrats, permete tanben de si poder passejar d'oras sensa crosar degun, en generau

Verai per lo maquís, dau temps que fasiá mestier de s'escondre la gent esplechavan pron son potenciau. Fa qu'en 43 leis alemands li botèron fuec per cochar leis amagats... Un chaple ecologic, qu'a cada còp lo bòsc si demesis en favor dau maquís justament.

Bojarron ensajarai de far un esfòrç lo còp que ven. 'qui vos daissi 'na foto, me podetz daissar lo nom del siti o alaura son emplaçament precis.

ieu sabi picheborgne...es plan lo luoc ont anavas amb d'amics teus ? daissi jogar lo autres

Es de pèirafèrre (basalte) donc, a vista de nas:

Un canton volcanic del massís central (Auvèrnha, Velai o Vivarés benlèu?)

vust coma los rocs son redonds, vist la peira, vist la vegetacion... pense pas a l'Auvenha... quo me fai un pauc pensar a quauques paisatge de las Gorjas dau Tarn dins las Cevenas... non?

Quela peira es pas volcanica. T'enganas Gavach... Mès anatz trobar qu'es un endrèch fòrt conegut.

Bon ensaji...Es pas lo sidobre?

IEU a écrit:Bon ensaji...Es pas lo sidobre?

es 'quela zòna, mai de precisions..... si que non quò's tròp aisit

lo caos de la Ressa?

Ieu, sabi pas monte es mai es un endrech força polit!!!Es vertadierament una bòna ideia ,aqueu juèc!mercé Gavach et laurençD per l'aguer trobat!

Jo ne sèi pas briga on ei. Mes que sèi que voleri estar en aqueste moment en aqueth endret. Com dens los autes qui avetz presentat d'aulhors, que son subèr beròis.

Quan balhes la responsa, non desbrombes pas d'explicar e de descriver lo lòc. Qu'ei plan de saber on ei, mes qu'ei mei plan enqüèra de saber çò qu'ei e perqué.

mercé Gavach et laurençD per l'aguer trobat!

En efèit, mercés hèra. Ja que non tròbi pas sovent la responsa...

IEU a écrit:lo caos de la Ressa?

MANCAT !!!!!!!! lol

Merda mancat...

L'escandorga? (es pas luonh de ton pais aquo...)

Totjorn pas IEU.......

Lo saut de la truèita?

OSCA Gavach !!!!!!! efectivament quo's lo saut de la trucha entre Burlats e Lacrozette dins Tarn, dins lo massiu del Sidobre.

Ara quo's a tu Gavach !

Ont es?

De sapins, de vacas, de solelh l'estiu (un mes), de burla e de nèu l'invern (cinq meses)...
Aquò's Leire Nauta !

Qu'ei tròp planèr tà jo...

Lhèu la region de Nimes, un parçan hèra planèr.

Vist qu'un gavach es un audenc, diriai que vesem la montanha negra al fons.