Steinbeck en Occitan deu Bearn

Que sòrt a Per Noste :


De las soritz e deus òmis

De John Steinbeck

George, un òmi qui coneish la vita de barruèr e lo son amic Lennie, un òmi gran mes mainadèc, que’n van un drin a la bambòla, en cèrcas de tribalh peus camps de California. N’an pas arren sonque las pelhas que pòrtan e l’espèr que bèth dia e’s posquin trobar un endret qui sii lor, tà poder partatjar lo saunei american. Mes los sauneis qu’an un prètz. Lo brave gigant Lennie ne’s coneish pas la fòrça e quan tròban un tribalh en un ranch, que’s va cercar trebucs dab la nora deu mèste. De taus trebucs que lo son protector George ne’u poirà lhèu pas sauvar…

Dab « Los arrasims de la malícia », « De las soritz e deus òmis » qu'ei l'ua de las òbras mei coneishudas de John Steinbeck, l'un deus escrivans americans màgers deu sègle XXau, qui recebó lo prèmi Nobel de literatura en 1962.

http://www.pernoste.com/Modules/Association/Actualites.aspx

Osca ! Bona ideia de revirar Steinbeck en Occitan.
A quore, la reviràda de "Tortilla Flat" ?

Pensatz que l'arrevirada s'ei hèita despuish la version originau, o via lo francés ?

Ben en tota logica, una revirada se hè despuish la lenga d'origina. Sinon s'es estada mau hèita en francés, i aurà la deca en occitan.
Es pr'amor d'aquò que Sherlock Holmes es cagant en francés : es estat revirat despuish la version... americana (e òc, los americans comprenen pas tostemps l'englés d'Anglatèrra...). En mei d'aquò, es estat mau revirat.

Ben en tota logica, una revirada se hè despuish la lenga d'origina

Logicament òc .. mes la logica e l'occitanisme .. benlèu soi maishanta lenga

Non mes es pas sonque occitanista aquò. Es mei generalizat. Es una practica frequenta dens l'edicion.

Çò que vedi es sustot lo hèit qu'a Per Noste semblan aver un biais mei inteligent de trabalhar que dens las autas maisons occitanas. (Yasmina Reza, Umberto Eco, Steinbeck, Nothomb, Rowling... + literatura per los dròlles + bendas dessenhadas...+ campanha de publicitat quan un libe sortís + èran simpatics quan lor èi crompat un libe a Rodès, contrarament a d'autes...). Lor manca pas qu'una petita mesa a nivèu per las cubertas, una navèra version deu site un chic mei bandante e deishar de revirar los noms d'autors (Iasmina Reza ...) e son l'ostau d'edicion lo mei seriós d'Occitània !

Vertat que la cubèrta deu darrèr .. estranha !

A perpaus de revirada , un texte de Joan-Pèire Cavalièr sus l'escrivan basque Bernardo Ataxga (que sos libres son revirats a partir de lors reviradas castelhanas) :
http://taban.canalblog.com/archives/2010/04/29/17726354.html

Perpausar traduccions occitanas de libes en luengas estrangeras, aquero qu'ei utile !
Que haseva hreita de poder descobrir autors magers shens passar peth frances.
Que permet tanben d'aumentar er'auherta de bona literatura en occitan per'mor si ns'acontentavam dera produccion occitana actuau ne legerem pas hera. Eth darrer libe qui lejoi dab plaser qu'ei La plueja rossela, conselhat per Mela sus eth son blog.

Com se deu, a Per Noste que traduseishen directament dera luenga originau, qu'ei marcat dessus.

Com se deu, a Per Noste que traduseishen directament dera luenga originau, qu'ei marcat dessus.

[quote]

me semblava pas qu'aqueth libe parlava d'omosexuaus .. estranh