Estivada de Rodés

Rappel du premier message :

E alavetz, parlem pas de la nosta estivada ?

Qui ei qu'i va ? Qui serà au camping ?

Jo en tot cas !

Danís a écrit:
alara Tiston, ranja tos cotelons e podes enlevar lo bandeu de kamikaze qu'as sus la testa...

e que fau daus bilhets de tren que vene de chaptar sus voyage-sncf.com per la crosada pan-Lemosin contra los Gascons??? 'Qu'es te que vas me los tornar paiar???
Non non non, 'qu'es trop tard, a la guerra!
Lemosins, per l'amor de nostre pais!
Cridarem, purarem, sufrirem,sanharem, morirem, portarem lu dou, mas jamai, jamai, refusarem lu combat per nostra patria lemosina, la sola patria occitana!...en avant amics! Per la victoria de nostre pople!

Dànis a écrit:Io pause la question : perque los toristes porián pas s'interessar a la cultura occitana?

Mès qui a dit aquò ?

si soi jo, volèvi pas sonque díser qu'avant de convéncer los toristes, i avèva benlèu d'autas personas qui an mei mestier d'estar informats... los occitans eths medishs per exemple ??? e benlèu que n'i auré mei d'informar dens ua hesta com mont de marsan o quauqua hesta vertadèrament populara qu'i aja (per populara, que voli díser hesta qui amasse tota la joenntut d'un parçan... au mont, contunhi l'exemple, tots los qui an enter 15 e 35 ans, e qui non se la jogan pas parisencs-aquesta-hesta-qu'ei-ua-hesta-de-praubes-pecs-paisós-sabi-pas-qué, tots la joenntut de las lanas, e ua bona part deu gers, de la gironda, de l'òlt, deu biarn, deu quite pais basc nòrt qu'ei amassada; per a jo aquò b'ei ua hesta populara, ua toca prioritaria tau moviment occitan). vertat, n'ei pas ua vitrina culturau, n'i audiràtz pas grops de jazz creatius e tribalhats, tanpauc tota la qualitat qu'i a a l'estivada; sonqu'i trobaràtz món, d'occitans qui saben pas qu'ac son...

après, si la sonque cultura occitana de qualitat vos interessa e pas l'aviéner e la conscientisacion deus occitans, segur que vau mielhs anar a l'estivada... au mensh esvitaràtz l'òrre musica de la fête foraine, las pelejadas qui acaban mau, l'olor de pisha dens tots los carrers, los conards fascistes e plantats qui gulan e cantan cançons sexistas, racistas e violentas...

ceba e roi a écrit:
au mensh esvitaràtz l'òrre musica de la fête foraine, las pelejadas qui acaban mau, l'olor de pisha dens tots los carrers, los conards fascistes e plantats qui gulan e cantan cançons sexistas, racistas e violentas...

E ben te tu sabes vendre un produch!!!'quo balha enveja de li 'nar efectivament...
e i'a que d'autre a las ferias? nonmas 'quo? crese pas totparier...
Mas ses ben coratjos de li 'nar dins 'quela debaucha de violença e de racisme...

aquò b'ei lo maishant aspècte...
a costat i a hèras autas causas, las bandas qui jugan tota nuèit e lo món que dança, que crida, que parla, que cad, que bèu, tots amassa; lo vin, las parladuras evidentament, de tot e d'arren, susquetot d'occitània s'ac vòs, e dab un món hòrt interessat quan li explicas drin l'istòria deu pais e de la lenga; las encontras que hès, quan te trobas dab quauqu'un qu'èra dab tu a l'escòla primaria e que n'avèvas pas vist dempuish 15 ans.... sabi pas, la hesta, qué !

a ben lai efectivament 'quo balha mai d'enveja! Veiqui...

Ben que'm consideri com militanta e totun ne partatji pas briga tot çò que podetz disèr... Que'm sembra que si jo eri lo Ceba, ben que serei desgotada a vita de Rodes...
De mei, las atacas personaus a que serveishen??? Que'm sembra que lo Ceba n'a pas de compte a render a qui que sia suu son biais de viure la soa ocitanitat e lo son occitanisme... Que hé hòrt dens lo son parçan, qu'ensaja tostemps de convencer lo mond, que parla en occitan hort plan e devisa dab autas personas qui a la basa non son pas trop occitanofóna... Alavetz, benleu n'es pas militant deu biais sdont jo soi militanta, benleu n'es pas occitanista deu biais dont Danis es occitanista... Mes qu'es tot aquò a la soa faiçon e qu'es ja hort plan !!!
De mei, que'm sembra tanben que las criticas deu Ceba que son criticas "constructivas" e n'es pas lo tot solet ad ac disèr !!! Que cau saber entener aquò tanben, e non pas tostemps se barrar e au prumèr mau-accòrd disèr a l'aute que non es pas occitanista ( qui ei avut lo dret jo tanben...)
Que precisi que non soi pas d'accòd dab tot çò que lo Ceba pòt sostenèr e qu'avem "sovent" desbats deus grans... Mes a maugrat de tot aquò que podem totjorn devisar e lo son viejaire n'es pas sovent ua critica o ua maishancetat gratis... (Com aquò benleu non'm dira pas qu'accepti sonque las mias ideas e que soi moralisatitza quan quauqu'un n'ei pas d'accòrd...)

Dànis a écrit:
Io pause la question : perque los toristes porián pas s'interessar a la cultura occitana?


Mès qui a dit aquò ?
[quote]

Si, lo ceba

E tà responer au monde, preferi parlar de la mea cultura aus torists que non pas a pegòts deu Mont completament harts.
Que i a limitas dens la popularitat

De mei, las atacas personaus a que serveishen??? Que'm sembra que lo Ceba n'a pas de compte a render a qui que sia suu son biais de viure la soa ocitanitat e lo son occitanisme... Que hé hòrt dens lo son parçan, qu'ensaja tostemps de convencer lo mond, que parla en occitan hort plan e devisa dab autas personas qui a la basa non son pas trop occitanofóna...

Qu'avem tanben lo dret de diser ço que pensam. Se lo ceba demanda qu'acceptiam las criticas, qu'ac cau har tanben eth medish !
E n'avem pas jamèi jutjat lo son militantisme, totun jo pensi que ne cau pas pensar que rodés ei lo rendetz vos occitanistas deus occitanistas taus occitanistas, n ei pas sonque aço.

Beh n'as pas legit la debuta de la discutida donc...
De mei, si non es pas sonqu'aquò que l'es un drin totun.

Beh n'as pas legit la debuta de la discutida donc...

Si si

De mei, si non es pas sonqu'aquò que l'es un drin totun

Urosament que l'ei un drin totun ! B'ei un mau d'amassà's enter occitans ?!

Ai enfin agut la definicion de "popular" que Ceba aviá pas balhat. E aqui, n'en sei segur, pòde dire que l'Estivada es populara ! Se mesura mens, per la sola bona rason que l'Avairon es pas un departament fòrça poplat, mas los jòunes venen veire çò que se passa a l'Estivada ! venen de Tolosa, d'Auvernha, de Roergue, e aqui parle pas daus jòunes occitanistes convinçuts...
Alara, pus de malaise ?

Personaument, trobi que tot lo monde an lo lor tròç de vertat.

Ceba, que'u agrada de har la ferià, qu'es ua hesta que'u coneish, e ont es adaise : lo Ceba va parlar d'occitan entà'u Mont ( e en mei d'aquò, que's quauqu'un que sap parlar dab un pintaire pintat !)

Danis, eth, qu'es adaise dens lo mitan occitan. A cada còps, que coneish tot lo monde, que sap qui es qui, e tot aquò : lo Danis s'en va entà Rodes (en mai d'aquò, sap trobar los occitanistas que te pagan ua cervesa !)

Apres, jo qu'ei jà ensatjat la ferià (e coma n'èri pas dab las bonas personnas e lo bon ser, n'ei pas tròp aimat), donc aquesta annada, vau ensatjar Rodes.

Tu as pas estat Solon, l'òme lo mai savi de la Graissa de la Greça, dins una vita anteriora ?
Pense que qu'es tu qu'as 'gut lo mot de la fin, e as rason...

Eh ben jo ne trobi pas la toa blaga arridenta !! Lo mond n'a pas lo dret d'estar mei gros que la miejana impausada per la norma impausada per la societat capitalista ???

Mes ! Que'n soi pas gròs ! Totun, qu'aimi la greisha de guit, d'auca, de pòrc, de garia, de polòi, de vaca, de craba, ..............
Qu'aimi tanben l'òli d'oliva, de vira-só, de pepita d'arrasim, .............

De que parlatz ??? De io ??? Ai fach una blaga ??? Qu'era pas intencionau, me damandava nonmas coma disiám "Grèce" (lo pais) en òc, qu'es tot !
Version francesa, per que las chausas sián claras : "Tu n'as pas été Solon, l'homme le plus sage de la Grèce, dans une vie antérieure ?".
Veiqui, qu'es tot, luenh de io l'ideia de dire dau mau dau fisic de quauqu'un !

Venes paranó, Occitaneta, una setmana de vacanças en mitan occitaniste te fará un ben fòu...

P'un messatge dempuei 2 jorns... son tots a l'estivada... jos la plueja

A deman los pitits !!!

Sei tornat maison... crese qu'ai vist un pauc tot lo monde de queu forum... Mas coma sei un dròlle timide, ai pas beucòp parlar coma vautres... Ai 'na question : eras tu, occitaneta, que me fotet ton drapeu occitan dins la chara pendent lo concert d'Obrint Pas ????

Ben qu'es hort possible que's sia jo... mes après pensi que non i aveva pas sonqu'un drapeu occitan pendant lo concert !

Sinon ben a maugrat deu hred e de la pluja l'Estivada 2007 qu'era taribla !!

occitaneta a écrit: mes après pensi que non i aveva pas sonqu'un drapeu occitan pendant lo concert !

Oc-es, i avia beucòp de monde de Pim Pam Pom emb daus drapeus...

Tojtorn degun sus queu forum... Son tots a desadolar de l'Estivada...



Ah... la Cerva d'Oc... Veiqui 'na plan brava invencion dau Lemosin...

Veiqui, l'Estivada 2007 se 'chaba dins lo sang... Non, perdon, tòrne començar...

Veiqui, l'Estivada 2007 se 'chaba dins las larmas (ai vist de monde que voliá pas partir), e quò se compren, après 4 jorns de conivencia, de musica, de sadoladura, de festa, qu'es malaisat de s'en tornar a sa realitat, mai que mai francesa...
Coma d'acostuma, de liams se son farjats, d'amistats son nascudas (veire mai...), tota fòrma d'estress a disparegut e es nonmas demorat un brave monde, tot un pòble que celebrava sens vergonha sa cultura, son istòria, sa musica, sos arts, totas sas fòrmas d'engatjament...
Musicalament, era fòrça mens plan que l'an passat, mas io ai 'gut de bonas suspresas, coma Gai Saber, Lo Còr De La Plana, Nux Vomica, Poçinet Jaç Band o Les Manufactures Verbales (esite a botar Obrint Pas perque m'an un pauc deçaugut e ai auvit un chiframent daus sòus qu'an pres per venir que me sembla un pauc vergonhós ).

Sens comptar un cabaret mai fòrt que l'an passat. n'en profite per remerciar Manu Theron que nos i botet un fuec... vos dise qu'aquò, puei que podretz tornar trobar sus queu fòrom vòstras estars occitanas mai aimadas, en videò, dins pas tròp longtemps espere...

Danís a écrit:d'amistats son nascudas (veire mai...)

Merces au Conselh de la Joventut per las capòtas, laidonc ???

Entà Obrint Pas que'm sembra normau... L'estivada qu'es quauqu'arren de subvencionat e non'm chepica pas briga de veder qu'un grop atau demana autan dens aqueras condicions. Qu'es tanben merces ad aqueth genre de pagament que's poden permiter de jogar hort mensh car dens d'autas situacions... Que'm sembra qu'es lo sol miejan de poder ligar la loa musica (pr'amor que'n viven) e lo lor militantisma !

As benleu rason, Occitaneta. Se la mairia o lo Conselh generau son prestes a paiar 15000 euròs per far venir un grope conegut, vau pas los en empaichar ! E quò me concerna pas çò que fan de l'argent de la cultura, dau moment que lo balhen a la cultura, e aqui me sembla que l'Estivada ganha plan daus sòus de las subvencions.

Ah... la Cerva d'Oc... Veiqui 'na plan brava invencion dau Lemosin...

Merces au Conselh de la Joventut per las capòtas

Mas... t'ai pas vist passar a l'estand !!! Ses un fantaume o qué ???

Danís a écrit:]Mas... t'ai pas vist passar a l'estand !!! Ses un fantaume o qué ???

T'as pas vist la Magali ? Era coma 'la ! T'as pas vist un tipe emb un chamison Lou Seriol e 'na mostacha ? Non ? E ben... Ai vist beucòp de monde mas i a pas degun que m'a vist... pfff... Tornarai pus a l'Estivada

Maime cau díser adiu au monde !
Vertat que la cervesa limosina ei miravilhosa, ne'n podem comandar o pas?

Danís, se'm passas la video deu Manu a l'estanquet, te balharèi mila potons !

A, d'acòrdi, ara vese qui ses, Maime ! Eras au campatge, non ? T'ai vist Diumenc, avant de partir, enfin t'ai crotzat, mas coma t'ai pas auvit parlar en lemosin, ai pas fach lo rapròchament...

Per çò qu'es de la Cerva D'Òc qu'a plan marchat a l'Estivada

Spoiler:

s'en pòt pas comandar (pas enquera, dau mens), fau siá anar la cherchar a Gorre, en Lemosin (...) siá esperar daus eveniments occitans.
Los que venen ente seratz segurs de n'en trobar, serán l'Escòla Occitana d'Estiu a Vilanòva d'Òlt e la Toristalha a Brantòsme (pròche Peiriguers) lo 25 d'Aost. Si que non, lo Remesi de l'Estanguet de Tolosa n'a de caissas a vendre de còps...

E se parla d'un bar de Bordeu que va dubrir e que n'en vendriá...

Occitan Libertari, te passarai pas la videò de Manu, mas te rassegure, sem en tren de montar emb L'Òmi (que deu esser en tren de recuperar de l'Estivada, aqui...) una WEB-TV, liada emb queu fòrom. I botarem totas las videòs presas a l'Estivada ujan, l'an passat e i a dos ans (quand comencere de li 'nar). Auras donc mejan de veire ton Manu au cabaret...

D'alhors, n'en profite per passar una anoncia : avem besonh d'ajuda, se quauqu'un s'i coneis plan en informatica o dins lo fonccionament de las Web-TV... es lo plan-vengut, perque aqui pòt prener longtemps...

Au pieger, botarai las videòs sus YouTube o un afar entau.