Accueil
Adieu,lo dimècres 23 de julhet presenti al dintre d'una charadissa amb qualques joves poètas occitans un recuèlh de poèmas ecrit per un vintentat de poetessas e poètas de uèi que sortirà lèu lèu. Se volètz venir escotar çò qu'an de dire aqueles autors venètz al canton poèsia a partir de las 15 oras.
De còr e d'òc.
Marxelin
SAREM OCCITANS
Somiam a la libertat
Dins una cramba limòucosa,
Parlam la lenga a la muralha
Los mots glisson contra lo papièr pintrat
E tomba l’esperit.
Sarem occitans lo jorn que l’aurem decidit.
Al ras dal sòl
Caldrà recampar los tròces
E los tornar pegar.
Los lançarem un còp de mai a la muralha
E los tornarem recampar
Per los tornar pegar.
E los tornar lançar …
Sarem occitans lo jorn que l’aurem decidit.
Res sortís del catafalc.
Lo crit ?
Se canta que cante
Canta pas per ieu
Canta per ma mia
Qu’es al lenc de ieu.
Sarem occitans lo jorn que l’aurem decidit.
Marxelin
