Estivada de Rodés

E alavetz, parlem pas de la nosta estivada ?

Qui ei qu'i va ? Qui serà au camping ?

Jo en tot cas !

Io tanben, e l'Òmi-Esquiròu tanben, e Occitaneta tanben...

E per te dire, avem desjá parlat de l'Estivada, quand lo programe surtiguet, tòrna-te refregir la memòria dins un subject pas tròp eslunhat de queu-qui...

Ieu l'i sirai. Enfin, si i a pas de chamnhament de darriera minuta. Mas nonmas per lo darrier jorn, lo dissades. Per veire Obrint Pas !!! Sirai coma la Magali (la de la libraria) e la Clara (ma mia). Siran maitot au campatge de la joventut (oc-es la Magali de la libraria es maitot la Magali de la joventut).

Pensi que seréi tanben au campatge de la joenessa

E ben podrem far una zòna "Occitania ! Fòrom" a l'interior dau campatge de la Joventut ! E botarem una bandiera, e tot !

E qu'es tu que vas pagar la bandiera ??

Siquenon, jo, òmi-esquiròu, que serei tanben au camping. Qu'ei aprestat los disques de la Companhia Creòla (Tigaligatan Tigaligayan ! Ohé Ohé ! !)

si portas la compània creola, que poderàtz dançar au camping au mensh ...

ceba e roi a écrit:si portas la compània creola, que poderàtz dançar au camping au mensh ...

Aqueth gojat qu'a la maishancetat sus eth !

Sinon non te vederem pas ? quite pas lo dissabte entà Obrint Pas ?

pas segur enqüèra mès pensi pas, susquetot dab l'embrolha que m'a hèit lo president ger au ser sus msn...
jo tanpauc non soi pas occitaniste, o lavetz un occitaniste dempuish pas pro de temps tà poder compréner e apreciar la fòrça de la musica occitana... e tà díser vertat me'n trufi !
lo mei qu'i pensi, e lo mensh que m'agrada lo concèpte d'un hestivau sonqu'occitan, e a maugrat de çò que'n disen daubuns, centrat sus un sonque pais e ua sonque cultura... mei d'aquò, pas lo versant lo mei joenn qu'i aja d'aquesta cultura ! après, vertat que n'i soi pas jamei anat, que parli shens de conèisher, mès bon, confessi qu'après de duas diumentjadas hòlas com las duas passadas, n'èi pas hòrt envetja de tornar a la realitat occitana ! jo judas ? benlèu, e lavetz ?!

e puish, lo diumentge que's hestejarà la senta-magdalena (los de las lanas que saben plan çò qui's passa la nuèit deu dissabte au mont, e enter los dus, cresi que jà ei hèita la causida!)...

ceba e roi a écrit:lo mei qu'i pensi, e lo mensh que m'agrada lo concèpte d'un hestivau sonqu'occitan, e a maugrat de çò que'n disen daubuns, centrat sus un sonque pais e ua sonque cultura... mei d'aquò, pas lo versant lo mei joenn qu'i aja d'aquesta cultura !

Obrint Pas son pas occitans... Mas bon, la plaça daus catalans dins l'Estivada es particulara...

Es normau que l'Estivada sia centrada sus la cultura occitana. I a mai d'un festenau entau. Per exemple, Avinhon, es lo festenau de çò que se fai dins lo teatre frances. L'Estivada es lo festenau de çò que se fai dins l'encastre de la cultura occitana. Qu'es 'na vitrina.

be preferi l'arrière-boutique que non pas la vitrina...

bah que compreni qu'après tot aquo n'as pas hami de tornar viener a la realitat occitana... Sustot dens un miejan ont percòp lo mond que manca cruaument de dusau degreu e non pensa pas a portar un espiar critica sus çò qui hé...
Mes après que'm sembra important tanben de har lo mei de publicitat possible e balhar lo mei d'encoratjament possible a la cultura e la lenga nostas. Puish, l'EHZ n'es pas devenut l'EHZ que coneishem en ua annada per exemple.
Breu que'm estanqui aciu pr'amor fin finau qu'es totjorn la quita causa : tu, que vedes lo veire a mieitat vueit, mentre que jo que vedi lo veire a mieitat plen !

Tots los occitanistas vesen las chausas entau, e la question que nos pausem, qu'es pas coma gardar nòstra mitat de veire plen sens que degun i trempe son det, contrarament a çò que semblas pensar, Ceba.

Qu'es pusleu coma emplir lo voide que demòra, jusinca tot far sabrondar. Tu, ses una de las gotas d'aiga que nos permetriá de tot emplir. Se ses pas aqui, ton absencia se remarcará pas tròp, mas nos fará perdre de temps, lo temps de trobar 'n'autra gota d'aiga (o de Picon, coma voles...).

Aquò s'apela una "métaphore filée", nom de !

la causa, b'ei que pensi tanben que benlèu la luta la mei importanta n'ei pas de miar a rodez. serà pas dens un hestivau atau que trobaràm lo parat de dinamisar hèra la situacion d'occitània: aquiu tot lo món haut o baish serà occitaniste convinçut e militant, culturau o politic o linguistic ... non vau pas tot autant anar dens las hestas popularas d'occitània (com jà ac hadótz a la Morue o a Sent-Pèir d'Orlhac), o lo sentiment nacionau ei hòrt desenvelopat shens que sia un sentiment conscient e volontari, e ont aquiu i a un besunh de conscientisacion, d'occitanisacion vertadera...
De qué vau lo mielhs ? anar a véder grops occitans qui's barran suu lor mitan, sus un public que jà aven, o d'encontrar e de parlar dab uas sonques personas qui n'auren pas jamei ni audit lo quite mòt "occitan", lavetz que parlen la lenga, lavetz que se'n véden cada dia tà víver la lor vita dens lo lor pais, lavetz que son confrontat a las delocalisacions, a la hugida deus servicis publics ?....
N'èi pas la vertat absoluda, mès sabi tot au mensh que dens aqueras hestas, dens las ferias s'i pòt trobar hòrt de món interessant e que pas jamei vederàtz dens un hestivau elitiste e enclavat com me sembra l'estivada (desencusatz per aqueth mòt, e desencusatz tanben per parlar shens de sàber, m'enfin a çò que'n vedi o çò que'n audeisi díser, sembra pas d'estar ua hesta hèra populara l'estivada >> cau estar plan previénut e avisat tad escotar las manufacturas verbalas non ?)...
e per aqueth còp, cresi pas que sia ua question de veire mitat vuèit mitat plenh... per aqueth còp au mensh

L'occitan es popular, de tota faiçon, perque lo monde aimarián pas las Manufacturas Verbalas ? Après qu'es una question de gost. L'Estivada es una festa populara, coma las ferias, o los festenaus locaus, mas en mai grand, qu'es tot. E puei dire que la cultura occitana es elitista, aquò es una conariá, pas una cultura dins lo monde es elitista, e l'occitana, parlas ! La lenga siguet tojorn parlada per lo pòple !

E quand dises que es un mitan barrat, te responde enquera un còp que l'i ses pas 'nat, e dire de conariás gròssas entau (ten, me bòte a parlar coma Occitaneta ) deuriá sufir a te far pendre. Tots los toristes dau canton, los jòunes, venen veire los concerts a gratis. E son interessats. Io, l'an passat, ai parlat de cultura occitana emb daus tipes que coneissián pas dau tot, e qu'eran aqui per ensard. Un detzenat. Quò los interessava, e son demorats tota la setmana. Se chasque occitanista present a fach quela demarcha, avem fach un trabalh d'informacion sus cents e cents personas !

E vese pas perque una amassada d'occitanistes, emb lo mau qu'avem a nos veire, es pas una dinamisacion de la cultura. I a de grops que se son formats a l'Estivada, de rencontras que se son fachas...en fach, qu'es per lo moment la sola festa qu'amassa los occitanistas d'en pertot.

Las ferias, qu'es nonmas per se bandar lo morre, e me farás jamai creire qu'es pas la sola chausa que t'interessa pendent l'estiu...

Tenes aqui un discors de òrre parisenc, los dangierós, los a qui normalament disem "viens a l'Estivada, après seulement tu pourras critiquer".

As pas lo dret de sortir queu discors, subretot emb çò qu'as fach per l'occitan...

Danís a écrit:deuriá sufir a te far pendre

bé'n vaqui ua bera prova de dubertura !


soi content de poder aver ua parladura atau sus aqueth subjècte, qui cadia pas dens l'ataca personau e qui demòre pregonda e objectiva ...

si ei aquò l'occitanisme, l'incapacitat ad aceptar ua critica exteriora au microcòsme, l'incapacitat a compréner que l'estivada sia pas la hesta la mei atractiva d'euròpa, l'incapacitat a véder auta causa que la soa coda e la soa accioneta, l'incapacitat a dubrir los uelhs a'us qui non forman pas part deu grop, segur que non soi pas occitaniste....

e puish, de convéncer los toristes, vaquí ua bera accion militanta !! e't comprèn un drapèth tà botar dens los lors cagadors ?? benlèu ua camiseta "adishatz" ??? o lavetz un sonque sovier exotic e folclòric de la lor visita anuau a la maison de campanha d'aveiron ??

Eh ben que pensi que lo ceba n'a pas tòrd sus aqueth còp !! Vertaderament las hestas "vertaderament" popularias que'ns permiten tanben de har viure la cultura tot en encontrar deu mond... Que'm sembra que l'exemple de Sent Peir qu'es uns deus bons...
De mei, si de heit la cultura occitana es a la basa ua cultura de las popularas que cau tanben dubrir los uelhs e arremarcar qu'uei lo dia qu'ac ei de mensh en mensh... De segur que i a enquera deus exepmles qui confirman lo contrari ( e urosament !). Espia a l'entorn e vederas leu quin tipe de populacion parla l'occitan. Per exemple, los liceus qui perpausan ua opcion en occitan ne son pas los deus barris popularis... Ne pots pas tanpòc diser que non as jamei encontrat quauqu'un (pr'amor que i a en a força) qui joga lo "puriste" de la lenga... beru los exemples que son numeros.
Aprés que'm sembra totun que deus rendetz vos com lo de Rodes son importants entà nosautes ! De mei Ceba, ne'm vas pas diser que los hestivaus vascos o catalans non son pas sovent tanben deus endrets ont arretrobam de las personas ja convinçudas...
Breu, quitament que podem deplorar un drin d'elitisme dens a cultura nosta ne cau pas tanben mancar las occasions de la tornar popularisar... l

E si tà jo qu'es totjorn ua istòria de veire plen o veire vueit... pr'amor dab tu lo veire qu'estotjorn plen ençò deu vesin e pas jamei ençò de noste... Prener dab plaser çò qui'ns es prepausar ( a maugrat que tot non sia pas perheit e que tot non sia pas com l'aimariam) qu'es tanben d'ua daubua faiçon estar optimista e aver hami de har bolegar las causas... Si mond com nosautes n'anem pas ad aqueth genre d'amassada me demani plan com lo noste viejaire pòt's mesclar aus autes...

mès si món com nosautes n'anem pas a las ferias, qui poderà sensibilisar la joenntut e'u món qui n'esperan pas qu'aquò ?? mont de marsan > milers de personas a convéncer.... rodes > centenas de personas convénçudas ???

après, hèi pas nada classificacion, e sonque disi que JO non veniréi pas a rodes (au mensh pensi) per mantuas rasons, e mei que mei pr'amor de l'argumentacion dànisesca hehehe...

m'enfin segur qu'i cau anar tanben, e qu'ei ua bona causa qu'existia aqueth hestivau, e qu'ei un moment important tad occitània; mès pas lo sonque, ni benlèu pas lo principau... i a d'autes eveniments qui n'an pas l'etiqueta occitana e qui ac son tot autant ! (e puish, avetz vist lo lògo deu hestivau suu lor siti : crotz de tolosa sus carta de frança !! e puish, avetz vist los esponsors de l'eveniment ?? ministeri de la cultura francesa, caisse d'épargne, orange, SPIE, EDF !!

tanben, tà çò qui ei de las hestas catalanas o bascas, segur que a beths còps (sovint ?) pregan davant deus convinçuts, mès pensi pas qu'existian hèra de causas autant catalano-centradas o basco-centradas com l'ei l'estivada, qui s'afichen com "caire-horc de las culturas catalanas o bascas"... e de tot biais si existeishen, las des.hendréi pas !

Bon ben credi que sem (mei o mensh) d'accòrd !
B'anem poder vever un còp shens pelejada donc !

Pense pas que l'Estivada sia 'na granda festa populara, dau pòple occitan... Qu'es pas 'quò l'objectiu de l'Estivada. Bon, ok, sei pas jamai 'nar veire... Mas lo Cristian Grenet, lo director artistic, l'explica ben : qu'es la vitrina de çò que se far de bon dins la creacion occitana actuala. L'objectiu es de balhar au monde mas tanben aus programators de las salas d'espectacle en Occitània e en defòra, 'na vision de la creacion artistica occitana.

Apres, lo trabalh de sensibilizacion de la populacion a l'importancia de sa cultura, de sa lenga, de son identitat, es, per ieu, un trabalh de chasque jorn. Un eveniment coma l'Estivada es important per los militants perque es important de se tornar trobar emb dau monde qu'an lo mesme objectiu militant. Quò fai dau ben. Mas fau pas se barrar dins son mitan occitaniste (o nacionaliste basc e/o catalan). Fau ne'n surtir perque lo pus grand trabalh es defòra, dins la populacion...

Ieu l'Estivada li sei 'nat en 2003! Li setz 'nat en 2003? Quand sei 'ribat après 'na jornada de tren e la despensa daus 3/4 de mon budget vacanças, ai trobat nonmas un cementari de crotz blanchas emb marcat dessur "bassista", "tecnician son", "cantaire" e autres...
E oc, en 2003 'qu'era la chauma daus intermitents dau spectacle, e paubre de ieu l'avia dins lu cuol! E se sei completament d'accord emb la bela majoritat de lors revendicacions (que lor combat es pas 'chabat, avetz seguit Avinhon 2007?), 'queu ser de julhet 2003 que sei 'ribat a Rodes, auria tuat lu prumier intermitent qu'auria trobat...
E dempuei n'ai jamai pogut li tornar, que coma ujan pode pas prener mas vacanças en julhet...a 'qu'era tant bon d'estre estudiant e d'anar liurament de festenaus en festenaus...
Bon per tornar au sujet pense personalament que i'a ren de chucant a ço que l'Estivada sia "occitan-centrada"...un festenau de reggae es "reggae-centrat", un concors de petanqua es "bola-tornat" e 'na feira au saucisson es "ganhon-tornada"!
Trobe plasent de banhar dins 'n'ambiança 100 per 100 occitana o 100p.100 africana o 100p.100 alsaciana quand vau dins un festenau o 'na feira qu'a un teme donat...après se i'a d'autras culturas convidadas tant mielhs!
Boiretz dos problemas:
-la joia d'un amassada dau mitan occitanista o mesme "occitan-friendly" (sus lu modele "gay-friendly") e SUBRETOT la possibilitat d'auvir pendant quauques jorns de dietzenats de creacions occitanas que passen quasi jamai dins vostres ranvers e que fau se far 150 qm per 'nar las veire... 'qu'es lu principi d'un festenau!
-lu dever qu'avem, o pusleu l'obligacion qu'um s'a se-mesme balhat de promover la cultura occitana a l'entorn de se...'qu'es ço que faras Ceba, e qu'es vertadierament important, a las Ferias per exemple...'qu'es ço que fasem tots aqui (dau mens pensi) auprès de nostres colegas, de nostres amics non sensibilisats eca...
Los dos son pas antagonics, pas dau tot, au contrari...Nos am mestier de nos 'massar daus cops coma a Rodez o a las manifestacions de Carcassona e Besiers per nos donar lu coratge de preschar la bona parola occitana tota l'annada emb d'interlocutors sovent mesfiants o ostiles...
Lu niveu de representacion o pusleu de consideracion, de coneissança sociala de la lenga que tant nos platz es tant bas que devem ren laissar passar per la reviscolar, ne'n parlar, ne'n far parlar...tot es bon a prener!
Segur après 'qu'es possible de far de criticas, e 'qu'es sovent lu cas, daus libres, daus discs, daus spectacles, daus festenaus eca que nos an pas agradat...um n'es pas oblijat d'aimar quauquaren per la quita rason que 'qu'es en occitan! Mas fau 'menar de criticas objectivas, rigorosas...
Lu mielhs, Ceba, es qu'anes a l'Estivada se podes li 'nar e que en segua ne'n fases 'na critica que sera tot a fach legitima...
Segon me, per 'chabar, occitanista 'quo vuou ren dire, o pusleu 'quo vuou tot dire e ren dire...me me sente occitanista quand aprene a quauqu'un que son patois , ben que 'qu'es en fach de l'occitan, e que li parle un pauc de l'istoria de la lenga, e de la literatura eca...me sente tamben occitanista quand vau manifestar a Besiers...me sente occitanista quand responde a quauqu'un sus la tiala qu'a "denigrat" lu "patois" lemosin o provençau...Certans benleu me diran que sei pas occitanista perque ne fau pas partida de p'un'organisacion (coma Conselh de la joventut o simplament IEO)... Pense que 'qu'es coma se sentir Occitan, qu'es 'na chausida personala e degun puot te dire que tu lu ses pas...e se um a enveja de se dire occitanista, um l'es! Punt finau!

ps: volia ajostar, se i'a desbat tendut, enrajat, 'qu'es pertant beleu pas la pena de se mandar de las frasas dau tipe: "subretot emb ço qu'as fach per l'occitan...." Qu'es lu melhor moien de perdre daus militants!

Pas perdre daus militants, se ditz pas militant ! Qu'es normau que quò m'enmerda quauqu'un que critica a fons sens coneisser, subretot que tròbe qu'aquela critica es pas justifiada ! N'en fariá d'autras, mas pas quelas-qui !

Bon, per çò qu'es de l'occitanisme, vese pas perque faudriá esser membre d'un assò o d'un partit politic per esser occitaniste ! Tu ses occitaniste, e l'occitanisme, qu'es la resulta de tot cò qu'as dich :

me sente occitanista quand aprene a quauqu'un que son patois , ben que 'qu'es en fach de l'occitan, e que li parle un pauc de l'istoria de la lenga, e de la literatura eca...me sente tamben occitanista quand vau manifestar a Besiers...me sente occitanista quand responde a quauqu'un sus la tiala qu'a "denigrat" lu "patois" lemosin o provençau...

Danís a écrit: Qu'es normau que quò m'enmerda quauqu'un que critica a fons sens coneisser, subretot que tròbe qu'aquela critica es pas justifiada ! N'en fariá d'autras, mas pas quelas-qui !

oc mas sabes ben coma ieu que la tiala es lu melhor endrech per donar sas eideias mas tamben per pas las donar clarament...
un messatge de quauquas linhas puot viste estre mau compres...sovent um chausis la mauvesa demonstracion, la mauvesa argumentacion...e um passa per un conard (lu sabe ben ieu que ne'n sei lu specialiste!!! )
I'a ren de mielhs qu'una vertadiera discussion reala, en facia de l'autre...personalament sei desja tombat d'accord en dietz minutas en parlar en facia emb 'na persona que nos nos aviam insurtat sus la tiala pendant daus mes entiers!!! 'Qu'es tamben 'quo lu perilh daus forums e d'Internet per ço qu'es daus sujets que faschan, los sujets sensibles...
après ai beleu pas tot seguit, beleu vos setz-vos dich, emb lu Ceba, de las chausas mauplasentas en privat...

dànis, avant d'atacar los autes, pensi que poderés drin passar la bareja davant de ta pòrta : qu'as hèit tu tà l'occitan ?? véner bièra ?? e coneishes mont de marsan avant d'ac criticar ??
e puish te pregui, dise'm ont o quant critiquèi "a fons" com dises l'estivada ! be disi que veniréi pas pr'amor ne'n èi pas l'envetja e que's debana a pamparigosta, disi qu'ei un versant de la cultura occitàna qui m'agrada pas, disi que jà prevedói ua auta hesta ont m'arretrobi dab tota la mia banda un còp per an, mès pas jamei ne critiqui l'estivada "a fons" !
me desencusaràtz de har càder lo desbat tant baish (enqüèra que sii pas segur d'estar lo qui amiè la parladura dens aquesta davarada perilhósa...), soi hart de'm préner patacs atau, e a d'atacas personau atau cau bé arrespóner quauqu'arren ! susquetot quan viénen de quauqu'un qui non vau pas hòrt mielhs que lo qu'ei ciblat !
e vertat me disi pas militant, pr'amor pensi qu'un militant ei quauqu'un qui passa sa vita, sas nuèits e sons jorns a lutar e construsir; jo benlèu qu'èi tròp de canha tad ac har, lavetz me la conti pas en preténer estar çò que soi pas, o en decidir e clamar suus teulats, e dab mespres vos pregui, de qui ei occitaniste/militant o pas ...

1) decide pas qui es occitaniste o pas, mas tu as ditz que l'eras pas... emb benleu ton segond gras costumier... a priori, tot lo monde sus queu fòrom son considerats coma occitan-s-istes-òfones-raiar la mension inutila...

2) ai pas criticat Mont de Marsan, d'alhors t'ai desjá dich qu'era preste a i anar (o a una autra feria, que normalament es pas dins ma cultura lemosina) se m'i portavas... mas m'agrada d'anar a l'Estivada, perque chanhar ?

3) as efectivament criticat l'Estivada, benleu pas a fons, mas dire qu'es pas populara e qu'es elitista, aquò es desjá fòrt.... e meschant, subretot per quauqu'un que coneis pas... aquò dich, t'en vòle pas particularament, tot lo monde fai aquò a un moment o a un autre, personalament, critique quauques festenaus frances sens jamai i esser anat...

4) ai pas jamai dich que valiá mielhs que tu en tant qu'occitaniste, e se l'avetz pensat, qu'es benleu una frasa mau virada de ma part. Per io tots los occitanistes se valen, tot lo monde an de bons e des meschants costats, ai nonmas senhalat un que tròbe meschant chas tu perque la situacion lo damandava, empescha pas a degun de far parier per io, o per quauqu'un mai...

5) per tot lo monde, avem pas agut de discussion privada emb lo Ceba, nonmas una pita discutida sus MSN, ente avem dich a pauc près la mesmas chausas qu'aqui.

Mas pendent tota l'anada, a pas arrestat de dire que la musica occitana era de la merda (aquò m'en fote a la rigor, qu'es un gost personau), que los lemosins eran pas occitans, que deurián pas existar, e tot aquò...

Qu'era de segond (o de centiesme) grás, segur (enfin, espere... ), mas bon, a un moment, quò me tusta sus lo sistemi, normau...

6) E tròbe pas que fasas tombar lo desbat tot en bas, qu'es pas agradiu, mas necessari...

lo mei qu'i pensi, e lo mensh que m'agrada lo concèpte d'un hestivau sonqu'occitan, e a maugrat de çò que'n disen daubuns, centrat sus un sonque pais e ua sonque cultura

E se nosautes ne's bolegam pas tà la cultura nosta, e'm pòs diser qui ei qu'ac va har ?..

si ei aquò l'occitanisme, l'incapacitat ad aceptar ua critica exteriora au microcòsme, l'incapacitat a compréner que l'estivada sia pas la hesta la mei atractiva d'euròpa, l'incapacitat a véder auta causa que la soa coda e la soa accioneta, l'incapacitat a dubrir los uelhs a'us qui non forman pas part deu grop, segur que non soi pas occitaniste....

Com l'as dit, n'es pas jamei anat a Rodés. Que va las leiçons.. Sabes pas de que parlas.

e puish, de convéncer los toristes, vaquí ua bera accion militanta !

Sabes tostemps pas de que parlas.. A rodés que parlam tanben dab monde.. de Rodés té ! E monde que ne coneishen pas briga l'occitan. Se pensas que l'Estivada qu'esto hèita tà's tocar enter occitanistes, que t'enganas amic.
E de tot biais, pensi qu'avem tanben lo dret de partatjar dab los torists. L'an passat en parlar dab eths, qu'ei après que i a ua quatau lenga en suissa per exemple.

mès pensi pas qu'existian hèra de causas autant catalano-centradas o basco-centradas com l'ei l'estivada[quote]
Òc, as rason.. ne's ved pas jamèi, hèstas bascas hèitas taus bascas, que parlan deus bascas e deu Bascoat..

e vertat me disi pas militant, pr'amor pensi qu'un militant ei quauqu'un qui passa sa vita, sas nuèits e sons jorns a lutar

Dab la toa definicion, Occitània que seré jà libra..

bon, i a hòrt de causas que voldri arrespóner enqüèra... occitan libertari sabi pas si m'as legit o sonque espiat au missatge lèu-lèu.
m'enfin deishi aqui la batesta, be soi mei que hart d'aquera parladura dens lo vent e agrida !
vosautes que vatz ont voletz
jo que vau ont voli
( e si n'ei pas au medish lòc, tant mielhs heheh ) (dusau grad, eh ??? )

e bon, me sortiràtz pas de l'ideia que n'i a pas hèra aqui qui suporten la critica !! quin escandòu tad ua sonqu'arremarca !!

Mas emb lo soleu que nos tomba dessus, e la flema qu'avem, i a pas un occitaniste qu'es preste a passar cent per cent de son temps sus l'occitan (manca quauquas excepcions, coma David Grosclaude, qu'es a l'encòp a la Setmana e a l'IEO).

Io pause la question : perque los toristes porián pas s'interessar a la cultura occitana

Los ingles, que chas ilhs an de lengas regionalas tanben, comprenen pas coma la França a pogut fòra-bandir sas lengas regionalas, e quand 'riben per ensard a l'Estivada, van dançar, escotar de la musica, veire los estands, parlar emb lo monde, e quand parten, saben un minimum que qu'es l'occitan.
Mas atencion, parle pas daus "beaufs" de camping, los que porten las chausetas sus las tongs, qu'an lo ventre que surtís dau "marcel" e que rotlen dins un camping-car pas ecologic...

E de còps, se montren mai interessa(n)ts que los frances, elevats emb l'educacion jacobina parisenca que coneissem tots...

Mas se tròba totjorn quauques frances (un gròs paqueton, tot parier) per parlar.

Pausavas la question daus esponsòrs de l'Estivada, aquò nos fai rire tots los ans, fau saure qu'es un festenau menat per la mairia de Rodés (UMP), los occitanistes an pas tròp la libertat de chausir.. mas bon, me dise que quò poriá esser pièger... i a un bon nombre de productors locaus, tot parier...

E Trad Mag pòrta mai son nom, sabe pas se l'avetz legit, mas parla pas tròp sovent de trad, subretot sus sa lista de festenaus d'estiu ! Que pusleu çò qu'un apela "Musique Du Monde", e aquò qu'es larje coma terme... parla de musica occitana, de chançon francesa, de musicas d'Africa, de ròck...
Puei bon, i a tot parier una bona dòsa de trad a l'Estivada, tots los sers i a una ora, una ora e demia de dança sus planchat, menada per daus rops trad.

Danís a écrit:Mas pendent tota l'anada, a pas arrestat de dire que los lemosins eran pas occitans, que deurián pas existar, e tot aquò...

S'as vertadierament dich 'quo-qui, Ceba, podes te comptar un enemic de mai! La guerra es duberta!
Los Lemosins son pas nombros mas coratjos!
Sovenetz vos dau Guingouin!!!!
'Quo vai petar!



Lemosins, per un schisme radicau dau mitan occitaniste!!!
independencia lemosina!!!!!! mas pas a 'na certana sauça provençala,
nautres faram pas que parlar, perseguirem tots los enemics dau Lemosin per los sanhar coma de ganhons!

L'Occitania, 'qu'es lu Lemosin, e solament lu Lemosin! Los Lengadocians, Gascons, Auvernhats e autres Provençaus son nonmas d'impostadors, Occitania comença a Bellac e Garach e se 'chaba a Briva e Peiriguers!!!
Los trobadors eran Bernat de Ventadorn, Gui d'Ussel, Bertran de Born, Gaucelm Faidit eca...los Marcabru, Jaufre Rudel, Raimbaut d'Aurenja eca eran nonmas d'usurpators de la denominacion, mas podian pas estre trobadors tot simplament perqu'eran pas Lemosins, e se um n'es pas Lemosin um n'es pas Occitan...simpla logica!!!



ps: pas mestier de precisar que 'quel'envolada lirica es nonmas d'umor, per joslinhar la grossieretat daus dires de Ceba, qu'a, l'espere, se-mesme fach d'umor e de simpla provocacion en disant 'quo-qui!

Ai precisat que 'quelas remarcas de Ceba eran marcas de son umor tan particular, alara Tiston, ranja tos cotelons e podes enlevar lo bandeu de kamikaze qu'as sus la testa...