I èri pas, per mantunas rasons e va regreti pas.
A ben ten los mediàs nacionals n'an pas parlat aqueste còp! E sètz suspreses?
òuu sèm pas mai de 20 000 (puslèu 15 000 per çò qu'ai comprés). Ara los anti-occitan n'an la pròva: los occitanistas non son pas qu'un planponhet "d'intellos" caganhas.
Occitan=Carcassona=Besièrs=catars=lengadòc=invencion, deformacion de l'istòria.
Vesi una causa positiva ça-que-la: lo discors de Grosclaude: N'i a pron d'èsser gent amb l'estat francés.L'auriá calgut dire aquò fa 20 ans, ara me sembla un pauc (tròp) tard, mas "vieux motard que jamais".
Per çò qu'es de
la seguida? Avèm ara lo sosten de la mager part del monde, la violencia seriá contra productiva.
L'idèia de Lafontan m'auriá semblada interessanta aquò fa 20 ans. Ara pensi que fariá pas que provar un pauc mai que l'occitan es crevat (o pauc s'en manca).Jamai de pichòtas manifestacions aital non aurián pas l'atencion dels mediàs "importants".
Soi d'a fons per
una manifestacion per las lengas regionalas a Paris, amb tot lo monde!!!
Sèm en França, l'estat francés es amont es el
que regís tot aqui e non se va pas melhorar amb "le petit Nicolas", al contrari!
Quin es la primièra vila occitana de França? Paris. La primièra vila bretona, basca, còrsa, catalana, ch'ti, picarda,arpitana etc... Paris, totjorn Paris.
Volètz far paur, volètz tocar lo monde? I cal anar, totes, amassa!! Nos podràn pas ignorar, los mediàs seràn obligat d'explicar qual bloquèron las rotas, perqué i aviá tantes monde per carrièra.
Liberté, égalité, fraternité pour toutes les langues de France, pas deux poids, deux mesures (voire plus) comme c'est le cas encore aujourd'hui.