Accueil
bon, si pas degun ne'n vòu parlar, jo que hèi passar lo mail qui convida tots los interessats a's màver a l'amassada tà la dubertura d'un ostau occitan a Bordèu... l'amassada que's debanarà aquest divens (lo 15 de Junh), a las 7 deu ser, a la maison deus estudiants de l'universitat bordèu 3 (maine universitari de Pessac-Talença)... los qui volen mei d'informacions que poden contactar l'associacion medòc au lor mail med_oc_bordeu@hotmail.com
OSTAU BORDALES / CENTRE CULTURAU OCCITAN A BORDEU
Sem quauques uns a esser partits d’un constat : Bordèu, qu’es pertant una vila occitana, es pas fòrça « occitanizada ». Manca las associacions que fan dau trabalh sus lo terrenh, los Bordalés son pas concientizats a la cultura occitana e a sa lenga.
Sem quauques uns a aver enveja de reagir.
Per aquò volem botar en plaça l’ « Ostau Bordalés » (nom provisòri), un (petit) centre culturau au mitan de Bordèu. En mai de servir de locau a las associacions que n’an besonh, queu luec podrá fonccionar per de las rencontras, de las expausicions, daus concèrts, perqué pas, dins la tòca de far coneisser la cultura occitana sus la region.
Devem aprofiechar de l’interès balhat a l’ora d’ara per la Region a sas lengas minoritàrias (L’Amassada) per botar en plaça, lèu, queu centre.
Concretament, nos fau crear una novèla associacion occitana (lei 1901), charjada de gerar lo locau.
Nos faudrá tanben amassar daus sòus, trobar un bon endrech, e, principalament, dau monde pro motivats per far viure l’Ostau...
Tots los occitanistas interessats son coralament convidats a venir en parlar, pendent una prumièra AG, previsda per lo Divendre 15 de Junh, a partir de 7 oras.
L’amassada se tendrá dins l’Auditòrium de la Maison daus Estudiants de L’Universitat Michel-de-Montaigne Bordeaux III a Pessac.
Nòta : per lo moment l’associacion Med’Oc, ajudada per Anaram Au Patac Gasconha Nòrt, centraliza, en esperar que quauqu’un se perpausa per tornar prener la direccion dau project...
PRUMIERAS IDEIAS
Ai ‘gut de retorns e de reaccions (un pauc) après aver mandat un prumier còp quela letra. D’aquò vos balhe una sintesi, en precisar que las ideias implican per lo moment nonmas los que las formulen.
- Tot lo monde es a pauc près d’acòrdi per damandar de las subvencions a la region, a la mairia, etc…
Mas quauques uns an pas enveja de dependre totalament daus poders publics, subretot d’una mairia que a jamai montrat un fòrt engatjament en favor de l’Occitan…
- Podem donc pensar a de l’autò-finançament per lo locau, au mens en partida, çò que nos permetriá de nos virar, se jamai la mairia nos seguís pas o nos daissa tombar…
- Per far ‘quò, i a mai d’una solucion. La mai evidenta e benlèu la que raportariá lo mai d’argent seriá de far un bar-restaurant qu’apartendriá a l’associacion. Perpausariam de produchs regionaus, de vin, de cervesa (de « cervesa occitana », s’en tròba, qu’es la mòda…). Me sei entresenhat un pauc, e i a quauques productors que podrián esser interessats e nos far daus « pretz »…E i a pas besonh de fòrça chausas, sem pas de professionaus.
- Lo probleme major per quò es mai la disponibilitat de chascun : un bar, quò pòt esser gratifiant, mas quò damanda de trabalh, e faudriá pro monde per dubrir regularament (un o dos jorns per setmana).
- Aus que m’an dich que farjar una novela associacion qu’era un pauc mai esparpalhar los occitanistas de Bordèu, sei d’acòrdi, mas la creacion d’una tala associacion es necessaria d’un punt de vusda juridica : se volem far un bar, fau qu’aquò siá botat dins los estatuts. Parierament, aurem un compte complicat a gerir, e me sembla que nos fariá perdre de l’estachar au compte d’una associacion existenta. Per facilitar la tresoraria, me sembla que nos fau aquela associacion. Après, podem trobar daus mejans de pas « atomisar » lo mitan occitanista. Per exemple, podrem instalar un sistemi de cò-presidencia (chasque president o un membre de chasqua associacion es cò-president, a egalitat emb los autres), de mai, quò botariá tot lo monde au mesme niveu, e podriam prener de las decisions sens que tot lo monde siá ‘qui. E quò ajudariá fòrça per far se rencontrar las associacions, puei que lo telum associatiu a Bordèu foncciona un pauc en cicle barrat. Après faudriá pensar a autra chausa per lo tresorier.
- Precise que totas las associacions, occitanas o non que son interessadas poden participar. Ai paur d’aver, dins ma letra, centralisat sus las assòs occitanas, mas sem d’acòrdi per dire que tots solets, i arribarem pas, o alara lentament… La mira directa es de far una « presencia materiala occitana » a Bordeu, mas s’avem la possibilitat de trabalhar emb d’associacions que son pas en rapòrt direct emb l’occitan, per que pas ? Los escambis poden esser profieitables a tots !
- A perpaus dau bar, se volem pas nos batre emb la prefectura per la venta de beventas alcòlisadas o simplament de minjalha, nos faudriá editar una carta de membre de l’ « Ostau », que vendriam a l’entrada e qu’ auriá una durada limitada (un an, sieis mes, a definir…). La vendriam pas tròp char (per pas far fugir lo monde), e entau totas las practicas dau bar serián oficialament membras de l’assò, e donc podriam lur vendre çò que volem sens que quò semble ilegau. (Per ma part, e pense que serai pas lo sol, ai de las reservas sus aquò, ai pas tròp enveja d’aver de problemes emb la prefectura o la gendarmariá per « venta ilegala », fau veire s’avem lo drech).
- Sabe que, au Med’Oc, avem ensaiat d’obtener un locau, per montar una biblioteca associativa occitana (trobavam que las Bibliotecas Universitarias perpausavam pas tròp de libres en òc, subretot en literatura moderna). Bon, i sem pas parvenguts, avián pas de plaça. E ara, vesem dins l’ « Ostau » lo mejan de montar una pita biblioteca (çò qu’es important, emb lo mau qu’avem a trobar daus libres occitans). Dau còp, lo sistemi de carta de membre nos serviriá per empruntar los libres, e tot aquò… E entau, benleu que lo « Centre des Lettres » (o un afar similara) nos podrá ajudar.
- Rapele mai precisament las activitats que las associacions podriam menar au dintre de l’ « Ostau » en tant que luec : biblioteca, amassadas, cors (auriam NÒSTRE locau per balhar daus cors), expausicions, projeccions, conferencias/rencontras/desbats, mini-concerts (jos reserva, quò dependrá, de segur, de la plaça qu’aurem), seradas/velhadas (conte), disnats, teatre… En breu, tot çò que se pòt far dins un luec entau !
- La quantitat e la varietat d’eveniments dependrá dau nombre de personas motivadas, alara MOBILISATZ-VOS e venguetz a l’amassada dau 15 !
OSTAU BORDALES / CENTRE CULTURAU OCCITAN A BORDEU
Sem quauques uns a esser partits d’un constat : Bordèu, qu’es pertant una vila occitana, es pas fòrça « occitanizada ». Manca las associacions que fan dau trabalh sus lo terrenh, los Bordalés son pas concientizats a la cultura occitana e a sa lenga.
Sem quauques uns a aver enveja de reagir.
Per aquò volem botar en plaça l’ « Ostau Bordalés » (nom provisòri), un (petit) centre culturau au mitan de Bordèu. En mai de servir de locau a las associacions que n’an besonh, queu luec podrá fonccionar per de las rencontras, de las expausicions, daus concèrts, perqué pas, dins la tòca de far coneisser la cultura occitana sus la region.
Devem aprofiechar de l’interès balhat a l’ora d’ara per la Region a sas lengas minoritàrias (L’Amassada) per botar en plaça, lèu, queu centre.
Concretament, nos fau crear una novèla associacion occitana (lei 1901), charjada de gerar lo locau.
Nos faudrá tanben amassar daus sòus, trobar un bon endrech, e, principalament, dau monde pro motivats per far viure l’Ostau...
Tots los occitanistas interessats son coralament convidats a venir en parlar, pendent una prumièra AG, previsda per lo Divendre 15 de Junh, a partir de 7 oras.
L’amassada se tendrá dins l’Auditòrium de la Maison daus Estudiants de L’Universitat Michel-de-Montaigne Bordeaux III a Pessac.
Nòta : per lo moment l’associacion Med’Oc, ajudada per Anaram Au Patac Gasconha Nòrt, centraliza, en esperar que quauqu’un se perpausa per tornar prener la direccion dau project...
PRUMIERAS IDEIAS
Ai ‘gut de retorns e de reaccions (un pauc) après aver mandat un prumier còp quela letra. D’aquò vos balhe una sintesi, en precisar que las ideias implican per lo moment nonmas los que las formulen.
- Tot lo monde es a pauc près d’acòrdi per damandar de las subvencions a la region, a la mairia, etc…
Mas quauques uns an pas enveja de dependre totalament daus poders publics, subretot d’una mairia que a jamai montrat un fòrt engatjament en favor de l’Occitan…
- Podem donc pensar a de l’autò-finançament per lo locau, au mens en partida, çò que nos permetriá de nos virar, se jamai la mairia nos seguís pas o nos daissa tombar…
- Per far ‘quò, i a mai d’una solucion. La mai evidenta e benlèu la que raportariá lo mai d’argent seriá de far un bar-restaurant qu’apartendriá a l’associacion. Perpausariam de produchs regionaus, de vin, de cervesa (de « cervesa occitana », s’en tròba, qu’es la mòda…). Me sei entresenhat un pauc, e i a quauques productors que podrián esser interessats e nos far daus « pretz »…E i a pas besonh de fòrça chausas, sem pas de professionaus.
- Lo probleme major per quò es mai la disponibilitat de chascun : un bar, quò pòt esser gratifiant, mas quò damanda de trabalh, e faudriá pro monde per dubrir regularament (un o dos jorns per setmana).
- Aus que m’an dich que farjar una novela associacion qu’era un pauc mai esparpalhar los occitanistas de Bordèu, sei d’acòrdi, mas la creacion d’una tala associacion es necessaria d’un punt de vusda juridica : se volem far un bar, fau qu’aquò siá botat dins los estatuts. Parierament, aurem un compte complicat a gerir, e me sembla que nos fariá perdre de l’estachar au compte d’una associacion existenta. Per facilitar la tresoraria, me sembla que nos fau aquela associacion. Après, podem trobar daus mejans de pas « atomisar » lo mitan occitanista. Per exemple, podrem instalar un sistemi de cò-presidencia (chasque president o un membre de chasqua associacion es cò-president, a egalitat emb los autres), de mai, quò botariá tot lo monde au mesme niveu, e podriam prener de las decisions sens que tot lo monde siá ‘qui. E quò ajudariá fòrça per far se rencontrar las associacions, puei que lo telum associatiu a Bordèu foncciona un pauc en cicle barrat. Après faudriá pensar a autra chausa per lo tresorier.
- Precise que totas las associacions, occitanas o non que son interessadas poden participar. Ai paur d’aver, dins ma letra, centralisat sus las assòs occitanas, mas sem d’acòrdi per dire que tots solets, i arribarem pas, o alara lentament… La mira directa es de far una « presencia materiala occitana » a Bordeu, mas s’avem la possibilitat de trabalhar emb d’associacions que son pas en rapòrt direct emb l’occitan, per que pas ? Los escambis poden esser profieitables a tots !
- A perpaus dau bar, se volem pas nos batre emb la prefectura per la venta de beventas alcòlisadas o simplament de minjalha, nos faudriá editar una carta de membre de l’ « Ostau », que vendriam a l’entrada e qu’ auriá una durada limitada (un an, sieis mes, a definir…). La vendriam pas tròp char (per pas far fugir lo monde), e entau totas las practicas dau bar serián oficialament membras de l’assò, e donc podriam lur vendre çò que volem sens que quò semble ilegau. (Per ma part, e pense que serai pas lo sol, ai de las reservas sus aquò, ai pas tròp enveja d’aver de problemes emb la prefectura o la gendarmariá per « venta ilegala », fau veire s’avem lo drech).
- Sabe que, au Med’Oc, avem ensaiat d’obtener un locau, per montar una biblioteca associativa occitana (trobavam que las Bibliotecas Universitarias perpausavam pas tròp de libres en òc, subretot en literatura moderna). Bon, i sem pas parvenguts, avián pas de plaça. E ara, vesem dins l’ « Ostau » lo mejan de montar una pita biblioteca (çò qu’es important, emb lo mau qu’avem a trobar daus libres occitans). Dau còp, lo sistemi de carta de membre nos serviriá per empruntar los libres, e tot aquò… E entau, benleu que lo « Centre des Lettres » (o un afar similara) nos podrá ajudar.
- Rapele mai precisament las activitats que las associacions podriam menar au dintre de l’ « Ostau » en tant que luec : biblioteca, amassadas, cors (auriam NÒSTRE locau per balhar daus cors), expausicions, projeccions, conferencias/rencontras/desbats, mini-concerts (jos reserva, quò dependrá, de segur, de la plaça qu’aurem), seradas/velhadas (conte), disnats, teatre… En breu, tot çò que se pòt far dins un luec entau !
- La quantitat e la varietat d’eveniments dependrá dau nombre de personas motivadas, alara MOBILISATZ-VOS e venguetz a l’amassada dau 15 !
Dànis, alias Tristan Gahús 
