Nuvèu banturle

Polida présentacion ! Planvengut !

Einucent a écrit:especialiste daus aperitiu que duran

(tu tanben ?)

E diga-me : ai vist « grafiste » sus lo tieu perfil, se dich « grafiste » ? (soi debutanta en occitan, e l'ai pas dins mon diccionari…)

Adiu Einucent !

Adiu l'Einucent lemosin

Adiu Bettie, eeeeeeeh Cerièra, espere que te siès pas tròp "poisona" per mettre dins un ... clafotis (Adiu Clafotis, tamben)

Cerièra de Mai a écrit: ai vist « grafiste » sus lo tieu perfil, se dich « grafiste » ? (soi debutanta en occitan, e l'ai pas dins mon diccionari…)

Los diccionari qu'existisissen son de bon fisar per las paraulas que los vielhs disian tots los jorns, lo probleme dau mèu trabelh, coma lo de l'interfàcia de quèu forum, es que nos demora d'inventar quò que nos manca.

Allera dise grafiste per 'mor que me vese pas inventar un neologisme putride que faria polemica sens permetre d'èsser entendut. Dire "designer", quitament siria non-mas "graphic designer", implica un trabelh de conçaubcion qu'entenden pas los francoparlants.
Dire "dessenhaire" tira tota referença a la mesa en pagina papièr e web.
Suei entre los dos.

designer

me semble aver legir dins un dicò savant que "design" veniá de "l'ancien français : dessenh" , quò es un pauc colhon mas ai tornat la redire 'quela quí, e de nombrosas vetz.

Grafiste, quò es clar mas i a maitot : pintor , dessinhator... e pintritz, dessinhatritz

clafotis a écrit:
me semble aver legir dins un dicò savant que "design" veniá de "l'ancien français : dessenh"

qu'es 'rai sens lo nòstre dessenh e lo dessein dau Françès, i auria pas de design en Englès. Dempuèi qu'es estat empruntat, lo sens evoluiguèt per dire aura "quèu que calcula 'na fòrma dobada au fons" e quò zo saben pas mantuns francoparlants qu'usan quèu mot a la mòda, quant a pintraire, pintor, pintaire ... sus un escran me sembla mau dobat.
Los catalans emplejan diseny /dissenyor mas viguei tant de neologismes foirós que suei demorat au calque dau mòt qu'empleje professionalament, sens tombar dins "realisaire de suppòrts per las nuvelas tecnologias de l'informacion e de la comunicacion" .

Té, 'quò seriá pas lo Marçau ? A se, quo es bien lo Marçau, adiu Marçau !
Se voles nos far un "Coma-Cal" per lo forum, te geina pas !

Einucent a écrit:Allera dise grafiste per 'mor que me vese pas inventar un neologisme putride que faria polemica sens permetre d'èsser entendut. Dire "designer", quitament siria non-mas "graphic designer", implica un trabelh de conçaubcion qu'entenden pas los francoparlants.
Dire "dessenhaire" tira tota referença a la mesa en pagina papièr e web.
Suei entre los dos.

Òc, compreni… es lo mieu mèstier tanben ! (fau pas de web, es tot…) Ai marcat « dessenhaire grafica », ieu, perqué sabi pas cossí dire…

Adiu pitit !!! Coma quò vai ? Totjorn sus Tolosa ? Seras a l'Estivada ? Ieu benleu... Aime plan ton chamison roge... Podes totjorn lo vendre ? Perque ai tot plen de clients per te que lo volen...

Adiu Maime
Per quò qu'es dau chamison Lo Grand, la familha (sa filha) me balhèt pas la permeson de ò comercialisar. As un collector !
Mai lhi agradèt lo tractament, mai que lo monument qu'es estat pausat sus l'avenguda que pòrta son nom (lo viguei pas, ieu)
L'argument "Che Guevarra lemosin/occitan" ajèt l'effiech inversa dau desirat, volian pas que venguèsse 'na icòna vuèjada de son sens.

Òu demòra 'na persona que me sembla èsser passat au costat de la notorietat que desmerita e me fai totjorn un paus dau mau quora las gents me damandan quin era. Los cocoricofiles que flotejan lor bleublancrouge tots lo 6 de junh per celebrar lo desbarcament daus aligats se dèurian suvenir que foguèt possible mercès aus FTP Lemosins qu'an retengut la Das Reich.
Parrièr de la batalha dau Mont Gargan (la sola victòria d'una armada de partesans) qu'es completament desconeguda allèra que se celebra 'na conaria estategica que faguèt massacrar quilhs dau Vercòrs.
Plante 'quí mas quò desmeritaria un subject especiau sus los personatges claus de l'Istòria d'Occitània. Per quilhs que vesen pas bien mon chamison ò sembla de quò :

---

Per quò qu'es de Rodés, l'i sirai per presentar mon trabelh de dessenhaire tras MXL87. Lo Grenet refusèt la part chamisons, me balhèt pas gaire d'esplicacions. Dissèt solament que Macarel ò fasià dempuèi d'annadas e qu'era pron entau. Totparrièr, sus lo síte se pòt veire que i a un stand de 'na societat que fai 'na "ligne de vêtement en occitan", ai degut èsser tòp modèste. Pense far portar un "chabatz d'entrar" a d'una ostessa polideta qu'acculhiria las gents sus lo stand" e portar tots los jorns una de las nòstras creacions.

Encoratge las gents que se volen permenar amb lor chamison MXL87 sus lo síte dau festenal de ò far.

Einucent a écrit:Dissèt solament que Macarel ò fasià dempuèi d'annadas e qu'era pron entau.

Mas i a jamai pro de camisetas occitanas !

Fau creire que per se fasia jà tròp, avia 3 damandas per daus chamisons, n'autres e sabe pas qui poden èsser los 2 de mai, i a 'na brava tièra sus lo site de las paraulas de chansons.

Faguei valèr que calculavam mai lo visual que pas la fabricacion e la venda dau suppòrt e sèm "tolerats" quela annada, fai 2 ans deviam percir l'espandi d'un mesme stand amb lo CRJOC e fuguèt pas tant plan.
Avian daus chamison putrides en 5 colors flashy , vos suvenètz : la prumiera version amb daus persos de Ben qu'era estada facha sens son accord. Totparrièr las gents ne'n volian (per la causa ) e nos los damandavan, a n'autres, ten !

Me sembla que la presença de produches comerciaus amb una cura d'un minimum de rentabilitat lor fai paur, seria parrièr dins un mitan culturau autre que occitan.

Mas dins 'queste cas vòle entendre la presença de "Macarel" e "Qu'es acquò ?"