Limòtges en Occitan - Serada Arri !

Pareis que i a dau monde qu'an parla d'una manifestacion coma en Arles mas a Limòtges per lo 3 d'octòbre. Ben, an ren compres !!!
Lo 3 d'octòbre, Arri ! organizarà sa segonda serada a l'entorn de la campanha Limòtges en occitan. I aura daus jaspissons plan braves de fotre sus ta veitura ! Quò se debanarà un còp de mai a l'Amicale des Parachutistes Belges, rua Charles Michels a Limòtges. Te balharai mai d'informacion leu mas tu po'es desjà reservar ta serada per lo 3 d'octòbre !

que podem ensajar de har ua veitura desempueish Bordeu

Òc, s'ac pòt har !

Voi ua plaça alavetz !

oc-es 'na veitura de Bordales chariera de la set a Limotges (qu'es aitau que 'pelem quela rua, comprendretz perque se venetz!)!

Coma lo disia lo Maime, apres lo succes de la prumier'edicion, l'an passat, e facia au succes populari e a la damanda de la jounessa lemosina, am decidit de passar la vitessa superiora... totjorn lo mesme prinicipe: musica occitana (enregistrada mai en liev benleu), ornaments occitans de pertot, biera e autres produchs locaus, e lançament de la granda campanha "Limotges en occitan", per damandar la sinhalisacion bilinga dins nostra ciutat. Distribucion de letras-tipes de mandar a la mairaria, documents explicatius e distribucion daus braves japissons qu'un membre dau colectiu faguet!
De monde, de chalor, de biera, de musica occitana, un messatge de far passar... tot per tornar far 'na bona serada!
venetz nombros!
desja, pense que nostr'amic Marçau, l'einucent, sera qui... apres li veiretz 'na bona part de la clica lemosina...
Bordeu-Limotges via Peiriguers o Angouleme : a pauc pres 2 oras 30
Tolosa-Limotges via l'autorota: 3 oras max

Confirme, vene en « Limousine » amb 'na bruna daus pirenèus.

Distribucion de letras-tipes de mandar a la mairaria

Se n'en vòs botar un exemplaris numeric suu web, m'agradaré de pagar (e pegar) un timbre e de mandar aquò a l'ostau de vila de Lemòtges (e benlèu que d'autes deu forum an la medisha idèia).

Einucent a écrit:Confirme, vene en « Limousine » amb 'na bruna daus pirenèus.

Lemosin-Pirenèus, setz l'Occitania granda tots dos! Mancaria mas que vostr'enfant veguesse lo jorn dins las Valadas...

Òmi a écrit:

Distribucion de letras-tipes de mandar a la mairaria

Se n'en vòs botar un exemplaris numeric suu web, m'agradaré de pagar (e pegar) un timbre e de mandar aquò a l'ostau de vila de Lemòtges (e benlèu que d'autes deu forum an la medisha idèia).

pas la pena perque vendras la cerchar lo 3 d'octobre a Limotges quela letra-tipe...
mai seriosament, veirem apres, volem desja començar per los Limotjauds (segur qu'es ço que marca lo mai un elegit, quante los motons qu'eu governa comencen de s'esbramelar...) mas sei pas contra l'edeia d'eslargir la campanha a tots los Occitans apres...

Einucent a écrit:Confirme, vene en « Limousine » .

Ebé, mos pairs an beu dire que passat lo quinze de setembre las jaladas porián estre tòst ribadas, d'aici a surtir la lemosina.

clafotis a écrit:[las jaladas porián estre tòst ribadas, d'aici a surtir la lemosina.

sèm dins lo grand nòrd, mas diguèi pas « canadienne ».

Tiston a écrit:Lemosin-Pirenèus, setz l'Occitania granda tots dos! Mancaria mas que vostr'enfant veguesse lo jorn dins las Valadas...

Hahaha !! Ariejés-lemosin, nascut dins las valadas !! Paure pichon !!

coma l'aviam dich, setz tots convidats!
venetz venetz pitits venetz...

Podetz explicar en dus mots en que consisteish aquera serada ?

Beure, segur, e puèi… demandar un « Limòtges » en occitan a la dintrada de la vila !

Matieu a écrit:Podetz explicar en dus mots en que consisteish aquera serada ?

Tiston a écrit:lançament de la granda campanha "Limotges en occitan", per damandar la sinhalisacion bilinga dins nostra ciutat. Distribucion de letras-tipes de mandar a la mairaria, documents explicatius e distribucion daus braves japissons qu'un membre dau colectiu faguet!

Emai coma l'a dich Cirèira, qu'es 'na serada emb musica, biera, etc. L'interet es qu'es pas un luec occitanista. Qu'es un bar emb de las practicas jòunas e pas occitanistas.

An parlats de la serada 'queu mandin sus Kaolin F.M.

E arser, Tiston ne'n parlet sus Beaub'fm (http://www.beaubfm.org/). L'i seras Jan-Peire ?

maime a écrit:E arser, Tiston ne'n parlet sus Beaub'fm (http://www.beaubfm.org/). L'i seras Jan-Peire ?

Arrrrrrrg davalar per 'na jornada emai i aguesse la serada, 'quò es pas tant 'cepte qu'aquò estranhament.
D'autant mai que lo 17 dau mes entrent me trobe a París coma « los amics de la lenga d'òc » http://occitan.paris.free.fr/ (la sola amassada occitana ente balhí de la manada 'questa annada, fòra las librarias eponimas) e lo 24 vau aprep ~10 oras de tren benleu 'ribar a Carcassona per la cridada. Quo es pas aisat mas ai chusit la rason sus lo cur .

maime a écrit:E arser, Tiston ne'n parlet sus Beaub'fm (http://www.beaubfm.org/). L'i seras Jan-Peire ?

Pode pas passar totas las dimenjadas dins lo tren, emai aimesse 'queu 'niver

Comprene plan. T'espere veire a Carcassona 'laidonc !

Bon, los lemosins , èra plan la serada ? M'auriá agradat de poder venir, mas coma sabetz (los que seguisson lo bloguitge) sèm en plen trabalhs de renovacion d'appart, fa la 2a serada Arri que manqui, me fa cg, mas bon… desolada.
Nos faretz un pichòt rendut-compte ?

Cerièra de Mai a écrit:Bon, los lemosins , èra plan la serada ?
Nos faretz un pichòt rendut-compte ?

adiu, bon, sei d'engueras en tren de me desvelhar, ai donc pas l'edeias pron clara per far dins la prosa, mas reddament:
-beucop de monde, coma l'an passat, veire mai...
-beucop de monde interessats per la campanha sus la sinhalisacion bilinga, e desja 'na cinquantana de letras au Maire sinhadas!
-las animacions plagueren bien au monde (musica occitana, ribada de Super Occitan au mitan de la serada, concert de trad lemosin (duo Urroz/Randonneix accordeon chabreta) que faguet bien dansar lo monde a miegnuech passat, lo miraudios Tendilhon dau Randonneix (per los que conseissen pas, esplicarem 'n'autre cop)
-quauques chamisons (MXL87, CRIL, MACAREL) venduts
-'na bona quantitat de botelhas de Cerva d'Oc vendudas (mai begudas), tanben daus bons pans de miau (fabricats per la mair daus patrons dau bar) venduts...

E subretot, speciala dedicaça a nostres tres amics bordales qu'avian fach lo voiatge, e qu'an tengut lo cop dusqu'a las 8 oras dau matin! Beucop d'eschamnhes força interessants, e de bona rigolada tanben! Merces a ilhs! Bon, ai un pauc v'onta de certans Lemosins (que se tornaren coneisser ) que son 'nats se coijar doas oras avant los Bordales! Urosament que som dos d'aver mantengut lo niveu limotjaud dusqu'a la fin...

Apres, qu'es pas a nautres Lemosins organisators de jutjar de la reussita de la serada, mas totparier podem dire que los objectius qu nos aviam fixat son estat remplis!


Per 'na vision (e perque pas 'na critica) exteriora, laisse parlar los Bordales!

Bon, bé que vau balhar lo punt de vista men sus aquesta sera...
Tà jo, qu'estó quauquarren de hòrt positiu, e ua serada de la bonas !
Qu'estoi agradablament suspresa peu monde present, e pr'amor hòrt monde qu'èra ja plan consientisat (sabi pas com s'escriu aqueste mot) !
Que hè plaser de véder l'Occitania qui bolega shens pretencion, casi naturaument...
Me sembla qu'es un tribalh deus bons, e que los organizators d'aquesta serada poden estar pro content de çò qui'm sembla estar ua escaduda !

Enfin, mercegi los amics limosins entau son arcuelh e aquesta nueit hestiva !

Tiston a écrit: Bon, ai un pauc v'onta de certans Lemosins (que se tornaren coneisser ) que son 'nats se coijar doas oras avant los Bordales!

Pfff... Certans avian de las obligacions militantas lo lendeman... Enfin, dins la jornada...
Bon, sei pas si l'occitan serà sauvat mas l'alcoolemia fuguet liberada !!!

maime a écrit:Bon, sei pas si l'occitan serà sauvat mas l'alcoolemia fuguet liberada !!!

La question que me pause, quo es de saubre se la teuna (d'alcolemia) fuguet violentament liberada sus ton canapè o s'as 'gut lo temps d'anar aus comuns...

Si que non, fòrça bona serada, plan interessanta, coma disiá Occitaneta, lo monde presents semblaven plan duberts e receptius a la chausa. Veiretz ben au niveu de las sinhaturas de peticion, de tot biais, se 'quò a fonccionat.

s'avèvi pas aquèth hilh de comissari de caishau, serèi vengut dab plaser !

L'Occcitaneta e lo Danis an tot dit.
Ua serada de las bonas e pensi viener a Limotges a la purmera serada d'Arri a Limotges.

ne vau pas parlar de las caishaus de l'omi

Danís a écrit:La question que me pause, quo es de saubre se la teuna (d'alcolemia) fuguet violentament liberada sus ton canapè o s'as 'gut lo temps d'anar aus comuns...

Ai pas ren liberat dau tot ! Ai plan bailejat mon alcoolemia per pas perdre tota la bona Cerva d'Oc quavia begut