Drech de responsa ai GPistas de l occitanisme

Puisque, ça s'est vu, il suffit de le dire pour que les choses bougent, la France s'ennuie!

Quand m arriba de rescontrar de militants occitanistas, valent a dire quora ai pas lo temps de chanjar de trepadors quand ne vieu un arribar au luenh, constati lo fossat que l' a entre elei e ieu.

La conversacien en generau s aissa sus lo raport a la lenga, lei conarias segondarias d aquesto ordre, e ben sovent torna cort.

A la questien de saupre a qunte gra mi senti militant, demori quiet e silencios, per la simpla e bona rason que mi senti pas militant occitan.

E elei mi dién: mai sias un cinic, perque ti la jogas, enfin, lo fach de parlar es militar, lo fach d estre sus RLO tanben.

A n aquesto moment, coma son gents que m emmerdan, li dieu que non, lo fach d estre a Radio Lenga d Oc es pas un acte militant, es un biais per ieu de mi crompar mei cigaretas e de cauças caras.

En generau es aqui que parte en colhas.

Que lo militant occitan, joine coma vielh, es un tipe serios. L a de sujets que fau pas galejar em eu, au mens lo saupratz, e subretot pas quant es questien de militar.

Elei si levan de matin en si sentent militant, tot ce que fan dins sa vida es fach per portar gloria e enauçament a la bela lenga occitana, fan passar la causa, leis interests de la lenga avans lei sieus, alara que ieu, e bé, l occitan mi seve qu a crompar de cauças, fau doncas passar meis interests avans lei de la causa.

E ansin aquelei GPistas de l an 2000, mi donan de leiçons, mi dien tot lo mesprètz qu eprovan per lei gents coma ieu, e mesme, emplegan de gros mots, mi dien de drecha...

Oh l insulta!

Alara vo, lo confèssi, l'occitan m en bati, l i sieu vengut coma d autrei venan socialistas, coma un tremplin vers meis ambiciens personalas, un pichot mitan monte sara aisit de si far son trauc, e, calculator coma siau, machiavelic coma ciau, capitarai de mi metre tot lo monde a va faire.

D'unei an montat de grops mai o mens inspirats de la musica tradicionala, e si fan sei cachets dins lei baletis, vo plus lèu lei balétis coma dien elei, tot en si batent de la lenga, au limit en la mespresent.

E be ieu ai fach parier, a despart que sabi pas cantar. Siau doncas un jorn arribat a radio lenga d oc e li ai dich 'wé salu j voudrè fèr d la radio esk vous embauchez', elei m an respondut 'Bien sûr monsieur Yellow, mais par contre il vous faudra apprendre la langue occitane', ieu li ai dich 'okè j sè po ske cè é j m en fou, mè j le frè'.

Es ansin que siau dintrat a radio lenga d oc, mi falia un emplec, de cauças novas, l i sieu doncas vengut per opportunisme.

Seriosament...

Ai pas de mi justificar sus la valor de mon accien militanta, ai pas de venir plorar dins vostrei braç en vos dient 'mai pasmens siau militant bouhouhouhou', pasmens mi vau adreiçar a n aquelei maoistas occitans de mei bochas, entre doeis encentas de sa pichota rad...

Oblidavi, perdon... lo militant occitan a pas de radio, tot ce que ganha passa dins d escotisons a la causa occitana, e doncas mi pou pas auvir...

Tot en sachent que serve en ren, m adreiçarai aqui ai gents que comptan dins son enrodagi un militant occitan... Lei paurei.

Chasco matin en mi levent, mi dieu pas 'oooooaah uei ben vau anar a la radio militar per l occitan, tiens!'

Non!

Chasco mat... chasco miegjorn en mi levent mi dieu 'ooooaaaah ben vuèi vau anar trabalhar a la radio'

Lo militant occitan, eu, tot ce que fa deu servir la causa, en si levent milita, en beguent lo cafe, milita, quand passa sota la docha, milita e encara, n i a mesme que prenan pas de docha per far encara mai militant occitan... Subretot dau caire d Arnaut Bernart...

E poiriai continhuar longtemps ansin, mai vos esparnharai lo tot.

E de que volon? Ai la chança de travalhar dins un media, de lo pouguer faire en occitan, fau de militantisme inconscient e chasco jorn pendent una ora fau ma BA militanta, lo reste dau temps siau normau e mi crompi de cauças, tubi, biqui, en esperent l endeman de reprèner meis activitas que son profecionalas avans que d estre militantas.

E vo, e perdon si vos fa mau, mai siau pagat a contar de colhandras dins lo posto en patois, a la sieuna diferencia, elei que si fan cagar a faire un mestier qu a ren de veire e qu a ren de fotre d autro de sei seradas que de militar.

Son doncas de benevolas, e ne son fier.

Per tot loable que sigue, osca, es ben d aguer de cavas a defendre e jamai li lor reprocharai, podi pas perdonar per contra que dins lei diccionaris occitans lo mot argent e retribucien sigue un gros mot.

Nautrei, raconteurs de colhardisas, gents de radio occitanas, siam mai o mens profecionaus e avèm chausit de travalhar en occitan, e en tota onestat de prèner de riscas emé l occitan.

Per consequent, avèm ges de leiçons de reçaupre de la part de gents que si cagan dessus de prèner de dardènas, de prèner de riscas en fent cavas diferentas en occitan, e que si destinan a de profeciens coma prof deis escolas, profecien segura, aquo dich sensa vouguer insultar leis ensenheires d occitan que nos reprochan pas de faire ce que fasem.

Bon, bon, bon... e ben l'i sem, aqui...
Vau ensaiar d'esser clar, que me facilitas pas las chausas, ses totjorn a la limita.

1) Precise que te jutje pas sus lo fons de ton messatge. Personalament m'en fote, e puei en tant qu'administrator oneste e imparciau ai pas lo drech de parlar sus aquò.

2) Aquò dich, tòrne dire en public çò que t'ai dich en privat : los arguments que sortisses e que pensas esser lo sol a aver, los ai desjá auvit, te pausar coma anti-militantisme es pas revolucionari en se, contrarament a çò que dises e que semblas pensar.

3) Parierament, çò que dises daus famos OccitanISTES (quela nocion vaga, plan practica per recondre tots los desfaus de quauques individus) m'en fote, l'utilisacion que fas de queu mot sens mai de precision (a tu t'agrada mai lo terme de "militant occitan", mas lo sentit deu plan esser lo mesme) montra plan ton coratge vertadier. Quo es plan aisat d'escupir dins la sopa, sabem quitament pas de qui parlas, mas tot lo monde se sent visat.

4) Semblas plan aimar la provocacion. N'autres avem dau segond gras. Mai dau tresen, e tot çò que vodrás. Mas, estranhament, 'quò foncciona pas. Benleu quand la provocacion se boira emb de las insurtas, o un mespres totau per lo monde que parlen occitan (son ilhs que son visats, fin finau, sens anar jusinca cherchar un "militantisme" pregond), donc per tots los que son sus lo forum, quo a tendencia a esnerviar un pauc. E per ren, en mai. La provocacion, normalament, quo es censat te botar en colera, d'acòrd, mas per far avançar las chausas. Mas chas tu non, as enveja de far chiar per far chiar, de fotre lo rambalh, nonmas entau, per veire. La crisi d'adolescencia, benleu. Sembla que dura, chas tu.

5) La crisi d'adolescencia, 'quò explicariá un fum de chausas, en fach. Tas contradiccions, per exemple. Un còp nos dises que tos parents t'an apres l'occitan, l'autre venes nos dire que ses arribat a la radiò entau, per veire, e que t'an oblijat a aprener una lenga que coneissiás pas. Mas t'en vòle pas, la mitomania quo es una malautia reconeguda. Prener lo monde per daus cons, aquò quo es mai problematic.

6) T'ai avertit, m'aviá semblat que t'eras calmat, a 'gut quauquas ideias constructivas dempuei la darriera batesta de la dimenjada, mas non, pissar sus la testa dau monde quo es mai fòrt que tu. E z'invente pas : "aquelei maoistas occitans de mei bochas" 'quò tocha dau monde dau forum, mai benelu io.

7) Sem 'qui per bastir quauquarren, per eschamnhar sanament sus daus subjects variats. Ta darriera remarca es tot manca contructiva, e vai quitament a l'encontra de la charta dau forum.

8 ) Compte tengut de tot aquò, mai de las demandas qu'ai reçaugut per los uns e los autres dempeui un moment e que m'an ajudat a bastir queu argumentari, ses bandit dau forum per una durada indeterminada.


Franchament, prene pas 'quela decision de gaitat de cur, mas sem 'qui per avançar, pas per demorar sus de las pelejadas inutilas e esterilas. Espere que botarás queu temps a profiech per
aprener çò qu'es la vita en comunautat, çò qu'es un forum, que te recondre darrier un escranh te balha pas lo poder de tot dire e que
frotjarás un pauc dins ta testa.

Valent a diser..... te foti reprotches e te daissi quitament pas lo dreit de respondre........me desencusaras mas trapi aquo estalinian (e te diria que me surprend un drin de tu)....

Disi pas aquo per de que es Yellow (qu'es un amic , qualqu'un d'onte soi fòrça proche l'ai pas jamai amagat) mas me sembla qu'aici es un espandi de libertat, onte cadun pot menar las seunas ideas, libre a cadun de legir se l'interessa o de daissar se s'en bat (soi personalament d'acòrdi sul fach que l'occitanISME (t'en faguet pas dins l'acabament de la dimenjada tendrai leser de satisfaira la teuna curiositat sul famos ISTA) a tendencia de s'embarar dins las problematicas lenguistica-lenguistica, ieu m'en foti doncas vau pas dins facultat (al mens benleu que i'aguesse qualqu'un que sortis del computor amb un fusilh).

Duas darrieras remarcas : se deu virar monde rapòrt a l'insolenta, pensi que sem mantunes que deurias fotre defòra d'aver agut prepaus limits....(anem coma vol de noms t'en balhi Joan cavalier (a tout seigneur tout honneur) Bojarron, Bombonarela, Darboneta.....

E coma comença de faire la genmerdaria: soi pas una balança mas coma soi ieu que me fau insolentar a gratis demandi esplicacions sus la reaccion de Lafontan sus aquel topichttps://occitania.forumactif.com/fin-de-serada-f45/occitania-qu-es-aquo-t666.htm
Se aquo e pas d'insolenta agratis m'i coneissi pa (al mens que coma la meuna maire es morta i'aguesse prescripcion.....)

Cedric

Venir racar sus un fòrum sonat "Occitània" sus la cara dei gents que la vòlon justament bastir, que respèctan sa lenga... una idèia de la bòna.
Siguem clars, se lo "tunning" ò sai pas qué mi fa racar, passarai mon camin en veguent tala mena de fòrum.
Lo fonccionament tipe "bomba dau dintre" per far espetar un fòrum es vergonhós.

Yellow a écrit:'Bien sûr monsieur Yellow, mais par contre il vous faudra apprendre la langue occitane', ieu li ai dich 'okè j sè po ske cè é j m en fou, mè j le frè'

Cò qu'auriás poscut assajar de ben faire... Un pauc de seriós, s'es per ganhar moneda. Perqué pas aprene lo lengadocian, a Montpelhièr se non as aprés lo gavòt naturalament a l'ostau? Ah, verai, pichin ausères de provençau...

Yellow a écrit:Tot en sachent que serve en ren, m adreiçarai aqui ai gents que comptan dins son enrodagi un militant occitan... Lei paurei.

Escuepes sus lei gents que t'escotan emb aquò, que de joines pas militants que t'escotan, deu pas n'i aver un molon. Siáu ja espantat que de gents t'escotan tot cort emb de discors ansin, li crèsi gaire.

Pecaire, siás pas naissut emb la crespina, teis enemics leis as a l'ostau. Deu èstre òrre.

Lo monde sus lo fòrum s'interèssan pas a "yellow", se'n baton regde, e tu dròlle venes racar sus de gents que ni t'interèssan, ni leis interèsses?

Yellow a écrit:E vo, e perdon si vos fa mau, mai siau pagat a contar de colhandras dins lo posto en patois, a la sieuna diferencia, elei que si fan cagar a faire un mestier qu a ren de veire e qu a ren de fotre d autro de sei seradas que de militar.

Ti fas mau solet en realizant que fas...pas grand cauva.

Yellow a écrit:Nautrei, raconteurs de colhardisas, gents de radio occitanas, siam mai o mens profecionaus e avèm chausit de travalhar en occitan, e en tota onestat de prèner de riscas emé l occitan

Sembla qu'es l'occitan que pren de riscas emb de gents coma tu.

Yellow a écrit:Per consequent, avèm ges de leiçons de reçaupre de la part de gents que si cagan dessus de prèner de dardènas, de prèner de riscas en fent cavas diferentas en occitan

Tu, dròlle, as pas de leiçon de donar aicí. Ren ti va permete. Degun a demembrat que diguères te'n batre de la ràdio "en occitan" a la diferéncia dei vertadiers, que passariás a la "francesa" tre que n'auràs mejan. Prenes ges de riscas, siás soncament perdut.

E quora vas gardar 3 nistons l'estiu a "l'escòla occitana en Provença", de qu'es, oportunisme, mercé la familha? Una risca? Sas se vòs ganhar d'argent, dins la vida "reala" si ne pòu ganhar ben mai, li deuriás pensar, que tròbi tei bralhas pas flame nòvas...

Yellow a écrit:... e que si destinan a de profeciens coma prof deis escolas, profecien segura, aquo dich sensa vouguer insultar leis ensenheires d occitan que nos reprochan pas de faire ce que fasem.

Mestier que voliás faire, avans de mancar lei datas d'inscripciens... Quauqu'un venguèt racar sus lei gents de ràdio? M' a escapat. Deliri de persecucien ?

Mi fau quasi de lagui per tu, se montes ais Estivadas, se venes a Besièrs tanben... Que diràn, que faràn lei "militants", lei gents tot simplament, a un tipe qu'a tant racat sus sa cara...

M'es aviaire qu'aquesto còp se ti venon parlar, serà ren per parlar linguistica, dau mens m'estonariá.

Evidentament, eras oblijat de la dubrir, Cedric...

L'estalinian te saluda plan, aviá justament pensat a far una seccion "goulag", per i botar tots los qu'eran pas d'acòrd coma io. Sens desconar, me podes pas reprochar d'esser autoritari, ai justament estat per tròp laxista, çò que pòt explicar perque fin finala, Yellow es demorat tant longtemps, e perque tu ses enquera sus lo forum...

Aqui, quo es efectivament un espandi de libertat, e ai ben dich que jutjava pas Yellow sus lo fons de sa pensada (pròva que sei vertadierament pas estal') mas sus lo biais de zo dire. Mas la libertat sus un forum passa tanben per lo respect de l'autre, e aquò Yellow n'en montrava gaire dins sos darriers messatges. De dire que degun es pas oblijat de legir, de qui te fotes ? Degun es pas oblijat de legir, benleu, mas tot lo monde pòt zo far, autrament dich, quand ven insultar (drech de responsa ???? Mas a qué ??? L'a desjá plan agut son drech de responsa dins lo subject sus lo discò, pas besonh de venir n'en botar mai aqui) clarament daus membres dau forum e montra un mespres per 150 inscrichs, io, en tant qu'administrator, pòde pas laissar passar. Se voletz un luec per poder debitar vòstres panflets, avetz qu'a crear un blòg, entau vertadierament lo monde serán liures de zo legir o pas. En mai lo costat individualiste seriá plan botat en avant. S'ai perpausat en priavt a Yellow de li far una seccion "Bac à Sable", quo era pas nonmas per rire !

Vese, e tròbe 'quò vergonhós, que començas de balhar daus noms. Desjá, senhale que degun, quitament tu, a reussit a far l'unanimitat contra se coma Yellow dins lo subject sus lo discò, e coma zo fai aqui. Las personas que me citas se son montradas violentas nonmas per respondre a una provocacion inutila de Yellow. D'elas, aurián pas l'ideia de començar lo prumier messatge d'un subject en dire dau mau dau monde (presents, pas presents, i a un pauc de tot, quo es conegut, podem tot dire recondut darrier un ordinator), en defòra benleu de tu e daus famos OccitanISTES, mas enquera un còp, te vau pas empeschar de passar per un colhon, e au mens as un biais de dire mai "leugier" (au contrari de tas blagas...) e un second gras que podem comprener.
De tota faiçon, lo còp que ven laissarai pas la situacion anar tant luenh, quitament se quo es contra mos principis censurarai avant.

Per çò qu'es de Lafontan, ai pas perçaugut sa frasa coma una insurta.

"Siás dins lo S.O. de la Liga ? Hilh de puta.. ('')"

"Hilh de Puta" es una interjaccion, aqui, pas una insurta, los "..." zo montren. Apres, pensa çò que vòu dau Servici d'Òrdre de la Liga, quo es pas mon probleme, z'as dich tu tanben, aqui quo es un espaci de libertat...
Se n'en voles saure mai, perque pas li escriure en privat ?

E conselh : lo còp que ven, te fau anar te planher a la Genmerdaria, merces...

Euh, Bojarron, fau pas tròp forçar, que quitament se Yellow aviá pres un drech de responsa sens n'aver besonh, ara l'a pus...

En tot cas, s'ai suspendut Yellow sens durada precisa, quo es ben que compte lo veire en vrai, per jutjar sus peças, a l'Estivada per exemple (e te convide, Bojarron, a participar a la discutida, a l'entorn d'una cervesa, d'un biais apasimat...). Se apareis que pòt chamnhar de comportament durablament, será benleu possible per eu de tornar. Dins l'estat actuau de las chausas e emb çò qu'a dich, i a pas mejan.

Es estat tròp luench aquí.

Se pòdi compréner una part de son rasonament (e la veisien dau monde "baletesc" es fòrça justa per quant a ieu), francament, es anat un pauc tròp luench en mesclant tot lo monde dins la mesma banasta.
Danís faguèt un trabalh de moderacien, e mai n'aguèsse pas l'enveja au començament, vieu pas coma auriá poscut laissar passar un messatge entau.
Coma va diguèt fòrt ben Bojarron, per si ganhar la vida l'a milantas biais de lo far sensa passar per l'occitan, subretot encuei en França.
E puei, de dire qu'es pas militant...Malurosament bessai per eu, si que l'es. E ben mai que d'autrei aquí.
Fau pas ni mai tròp préner lei gents per de nècis. Quora as d'ascendéncia coma la sieuna, d'aguer un tau discors, siam dins lo complèxe Oedipian en plen.

Yellow, cresi qu'es bessai per que siás completament eissut d'aqueu monde militant, qu'en de mai li trabalhas au dintre, que ti pòdes permetre d'adoptar aquesta postura provocatriz.
Sabi que pòs pas respòndre per lo moment. Espèri que tornaràs lèu amb un esperit mai sople. Subretot que part de ton pensament s'ameritariá d'èstre esclargit ( e que, va tòrni dire, l'a de causas que son pas forçadement faussas dins çò que dies, emai siegon mescladas dins d'autrei un pauc mai dobtosas).

Patz e amor en totei.

La caricatura del "militant" que Y. prepausèt, èra pas acceptable, fa l'amalgam entre molon de causas qu'an pas res de veire, dins d'unes messatges Y. anava a l'encontre de la charta del forum, ne foguèt avisat. Ensaja pas de culpabilisar lo paure Danís, que pensi qu'es pas un trabalh agradiu que d'èsser moderator, e me pensi que se fa pas una jòia de las grandas d'aver fòra-bandit un sòci. Es una jòia per degun, mas Y. auriá pas degut en arribar tant luenh, foguèt avisat d'una exclusion potenciala, ne tenguèt pas compte.

joan_cavalier a écrit:Duas darrieras remarcas : se deu virar monde rapòrt a l'insolenta, pensi que sem mantunes que deurias fotre defòra d'aver agut prepaus limits....anem coma vol de noms t'en balhi : Joan cavalier, Bojarron, Bombonarela, Darboneta.....

Qu'ei la vita e qu'ei atau....

Ca que la se te pausa problèma, podèm prepausar de faire una sortida magistrala cadun son torn...ges de geloses!

joan_cavalier a écrit:E coma comença de faire la genmerdaria: soi pas una balança mas coma soi ieu que me fau insolentar a gratis demandi esplicacions sus la reaccion de Lafontan sus aquel topichttps://occitania.forumactif.com/fin-de-serada-f45/occitania-qu-es-aquo-t666.htm
Se aquo e pas d'insolenta agratis m'i coneissi pas.

De segur que siás pas una balança, es evidentament un biais de far que de puntar del det un "novèl" del forum, de lo mesclar a'n aquesta discussion... Es coma aquò que gardarem lo monde sul forum! Òsca!

.

Sabi Danís qu'a pus mejan de respòndre, dau mens sus lo fòrum, en privat mon email es de bòn trobar.
Après tala diatriba, sonada emb aquò "drech de respònsa"... Pensi que tot es dich sensa besonh d'esclargir mai la pensada.

Bombonarèla a écrit:

joan_cavalier a écrit:E coma comença de faire la genmerdaria: soi pas una balança mas coma soi ieu que me fau insolentar a gratis demandi esplicacions sus la reaccion de Lafontan sus aquel topichttps://occitania.forumactif.com/fin-de-serada-f45/occitania-qu-es-aquo-t666.htm
Se aquo e pas d'insolenta agratis m'i coneissi pas.

De segur que siás pas una balança, es evidentament un biais de far que de puntar del det un "novèl" del forum, de lo mesclar a'n aquesta discussion... Es coma aquò que gardarem lo monde sul forum! Òsca!

Sei pas convinçut per 'quò...sei pas segur que Joan Cavalier cherche a integrar tot lo monde dins una discutida que deu conflar la majoritat daus membres...o ben tot, quo es tu que fas dau segond gras...mas bon, quo es benleu io qu'ai l'esperit mau lunat...
En tot cas, ai totjorn plan aimat las frasas que comencen per "Sei pas una balança, mas..."

Bombonarèla a écrit:
Ca que la se te pausa problèma, podèm prepausar de faire una sortida magistrala cadun son torn...ges de geloses!

Hum...io 'quò me fai pas rire, sei 'qui per gardar lo mai de monde possible, alara se voles far un concors de clacatge de pòrta, perque pas zo far sus un autre forum ? Melhor, vos pòde crear un forum completament noveu, lo forum "OccitanISTA" (fará plaser a quauqu'un...) nonmas per vos engular e clacar las pòrtas...

Te'n fagues pas me sentissi ben sus lo forum e pensi ben i demorar!

A bon, ben va plan, alara...

Mas un concors de la sortida mai polida se poiriá far, amb de categorias: Marrida fe, victimisme, delacion e una jurada. Seriá risolièr, non?

Coquin de diu, aquela discussion me leva un pes !
Danis : !

LaurençD a écrit:Coquin de diu, aquela discussion me leva un pés !
Danis : !

E coma ? I aviás pas participat tu, pertant ?

Un bricon, pas mai, adjudant meu

Dos o tres punts (desencusats se lo fau tardier mas ai preste dos o tres jorns per ieu, marrit militant que soi e puei sabi que dins certs cas se respondi còp sec las meunas paraulas passon las meunas pensadas

Doncas partissem :

• Danis sias pas tu que tracti d'estalinian (se l'aviai volgut faire, t'auria mandat un MP o te l'auriai dit de cara, sap que soi pas la mena d'òme atal) es lo metode que trapi Estalinian, aprep se Yellow e ieu fasem l'unanimitat contra nosautres fòra d'atacas "agressivas " de Bombonarela e Bojarron (te trapi que seria plan de los aparar aqueles 2 mas coma l'amiga de Bojarron es de Besiers, seria benleu riscat) pas degun nos diguet que que siaguesse de cara, sem pesucs, sem cinics, confla de segond gras (disi pas que cal pas qu'aquo mas pensi que monde coma nosautres per botar de còps que i'a còp de pé dins la formiguiera) mas me sembla pas que siaguessem embarrats dins la discutida....aprep paur de mancar d'argument o manca d'avelana per estimar mielh anar plorar dins las bragas de l'adjudant Danis....enfin a cadun la seuna vista
  
• Bombonarela, non te dirai que teni pas de tirar Lafontan (se teni quicòm de diser a Lafontan basta pas per ieu que de l'anar veire) aprep compreni la pausicion de Yellow e apondrai que ieu tanben soi plan uros d'emplener lo meu fregidor cada mes mercés a l'occitan (qu'una vergonha) e te dirai que me sentissi pas "militant" dins lo meu trabalh (per ieu fau lo jornaliste dins ma lenga, l'occitan qu'es una lenga normala, se lo fasiai en tibetenc aquo seria un acte militant, aprep non fau lo meu trabalh de jornaliste amb lo meteis ton que lo fariai en frances o en ingles. Citarai aici una de las (trop raras) bonas frasas de Claudi Sicre "Je descends pas sur le terrain, je vis dedans soir et matin", vesem pas lo besonh de se cridar militant (o ieu de me pegar un ISTE o un ISTA) per aquò....ieu me sembla normau de desfendre ma lenga, far pas de ieu un "superman". Aprep de vertat que ço que me far alucinar dins l'occitanISME (ai promes tendrai, lo teste prometut sera abanç dimars aici) es aquela volontat de pas aver locutors normau, que parlon per parlar pas per menar una lucha, aquela volontat d'"enrotlar" totun dins lo militantisme, devem montar un còp d'estat o que ?
  
• Enfin (mon costat mangosta, gardi la serp per la fin) Bojarron, vau ensajar de pas tombar dins lo nèçi o dins l'insolenta "a gratis" mas reconeiss qu'amb pot d'aquela 'qualitat" la taca m'es malaisida.... te diriai plan que las atacas multiplicadas contra la "familha" de Yellow (e per tant te confessarai que m'arrivet mantunes còps de m'engrunar amb la "familha" de Yellow) cadun es nasgut dins tal o tal mitan, te diriau que coneissi un fum de filh d'occitanistas (aici tiri la majuscula parli de monde que respecti) que fan la lora rota e que los parents (e per tant dins los eisemples i'a dos o tres parents amb los cals m'engruni regularament) an daissat "liures" lor an apres l'occitan mas los an pas butat de militar, son elis qu'an causit (causida sus laquala tiri mon capel, que per virar dins lo mitan en essant "lo filh o la filha de" es pas aisit) o benleu es gelosia desplaçada Bojarron, benleu te serias estimat d'aprener l'occitan a l'ostau ? Un darrier punt (que me far cagar doncas vau faire viste hèit e plan fotut) serai ieu tanben a Festa d'Oc e a l'Estivada per faire de radio (pel primier amb un fum d'amics amb los cal viri a l'entorn de Lou Dalfin e de Goulamas'k), se vòls podetz passar nos diser un pichon adieu amb los teus amics "militants", per contra serem un cinquentenat doncas se venetz, venetz nombroses (me desencusi Danis, soi un pacifiste e quora vesi Bojarron faire d'amenaças entau a monde que consideri de la familha, teni pas enveja que de respondre "Toca-z-i-se gausa", aprep esperi que sera pas vist coma una sonada al Street Fighting contrari al reglament, mas me soi dit que coma daissavias passar la responsa de Bojarron, la meuna geinaria pas)
  

Cedric

Danis, Bombonarèla, Bojaron...
Car'un còp los occitaNISTES

joan_cavalier a écrit:Bombonarela e Bojarron (te trapi que seria plan de los aparar aqueles 2 mas coma l'amiga de Bojarron es de Besiers, seria benleu riscat)

Espèri que vas capitar d'explicar clarament ta pensada aquí subre.

joan_cavalier a écrit:te diriai plan que las atacas multiplicadas contra la "familha" de Yellow

Se t'amuses encara a desviar mei paraulas, vas capitar de mi catigar un chico...
Degun e manco yellow a compres qu'aviáu atacat sa familha, liege coma cau e clava.

joan_cavalier a écrit:o benleu es gelosia desplaçada Bojarron, benleu te serias estimat d'aprener l'occitan a l'ostau ?

Inocent, l'occitan l'ai apres per carriera emb lei gents dau mieu... Ta remarca es d'una intelligéncia sensa parier.

joan_cavalier a écrit:o manca d'avelana per estimar mielh anar plorar dins las bragas de l'adjudant Danis....enfin a cadun la seuna vista

Cò que fas encara aicí a ti lamentar sus Bombonarèla e ieu, agisses coma una balança e m'agrada gaire.

joan_cavalier a écrit:se vòls podetz passar nos diser un pichon adieu amb los teus amics "militants", per contra serem un cinquentenat doncas se venetz, venetz nombroses

M' amenaces? Pantalhi ...?? Siás completament madur ò que ?? Siás a mi dire que ti vas escondre darrier 50 "collegas" per reglar un problèma, e siás tu que nos vèn parlar d'avelana??
E entre nautres vesi pas çò que venes fotre a respòndre a quauqua ren que ti pertòca pas... ?

Mi siáu explicat en privat emb yellow, ni eu ni ieu avèm besonh que vengues fotre ton nas dintre.
Ti remembri qu'ai jamai racat sus cu que siegue, ieu, e ti conselhi de pas anar mai luenh.

Encara un còp siás a costat, mas mèfi ai mòts qu'emplegues emb ieu, siam pas sòci, clar?

joan_cavalier a écrit:Serai ieu tanben a Festa d'Oc e a l'Estivada per faire de radio (pel primier amb un fum d'amics amb los cal viri a l'entorn de Lou Dalfin e de Goulamas'k), se vòls podetz passar nos diser un pichon adieu amb los teus amics "militants", per contra serem un cinquentenat doncas se venetz, venetz nombroses

Tas menaças son francament risolièras, que sias pas solet a coneisser la còla dels Goulamas o del Dalfin... Ne parlas de longa per te faire mofar, mas sias francament tròp "people" mon paure, per te rendre compte que son amics amb un fum de monde e que sias pas l'unenc ! E francament vesi pas Sergio, Fred o Phil o Sly dels Goulamas venir tustar sul morre de qual que siague perdeque Cedric lor diguèt...

Fas dins ton messatge precisament tot çò que criticas e que puntas en cò de Bojarron e de ieu... e lo comprenes meme pas...

Cabussas dins lo ridicul lo mai grand, pièger, fas pietat, òm auria poscut esperar que la perda de Yellow te mena a la reflexion, e mena doncas lo forum a un ambient mai sanitos... Eh ben non...

Mercé.

Bojarron a écrit:
Espèri que vas capitar d'explicar clarament ta pensada aquí subre

Ben trapi que tenetz lo meteis biais de pensar e qu'aniriatz plan amassa mas coma sabi que ten a una amiga sus Besiers e que soi per lo bonur dels coples......

Bojarron a écrit:
Se t'amuses encara a desviar mei paraulas, vas capitar de mi catigar un chico...
Degun e manco yellow a compres qu'aviáu atacat sa familha, liege coma cau e clava.

Alara vesem

Bojarron a écrit:
E quora vas gardar 3 nistons l'estiu a "l'escòla
occitana en Provença", de qu'es, oportunisme, mercé la familha? Una
risca? Sas se vòs ganhar d'argent, dins la vida "reala" si ne pòu
ganhar ben mai, li deuriás pensar, que tròbi tei bralhas pas flame
nòvas...
[.....]
Cò qu'auriás poscut assajar de ben faire... Un
pauc de seriós, s'es per ganhar moneda. Perqué pas aprene lo
lengadocian, a Montpelhièr se non as aprés lo gavòt naturalament a
l'ostau? Ah, verai, pichin ausères de provençau...

Roohh desencusa de vertat ai mau legit qualqu'un me pot prestar cluquas ?

Bojarron a écrit:
Inocent, l'occitan l'ai apres per carriera emb lei gents dau mieu... Ta remarca es d'una intelligéncia sensa parier.

Woaw l'as apres per carriera, ieu tanben, egalitat de que fasem sortissem los viech e lo doble-decimetre?

Bojarron a écrit:
Cò que fas encara aicí a ti lamentar sus Bombonarèla e ieu, agisses coma una balança e m'agrada gaire.

Non aquo se sona pas si lamentar se sona respondre, acontestar sap lo dacòs que far qualqu'un qu'es pas d'accordi amb lo teu vejaire e ieu lo fau de cara aici sul generau. Aprep te rasseguri, en fau pas un afar personau, per tot te diser t'ai quitament pensat coma un ome simpatic e dubert que me fasia plazer de veser a cada estivada quora t'ai connegut e parier per la tua amiga

Bojarron a écrit:
M' amenaces? Pantalhi ...?? Siás completament madur ò que ?? Siás a mi dire que ti vas escondre darrier 50 "collegas" per reglar un problèma, e siás tu que nos vèn parlar d'avelana??

Torni legir lo teu messatge

Bojarron a écrit:Mi fau quasi de lagui per tu, se montes ais
Estivadas, se venes a Besièrs tanben... Que diràn, que faràn lei
"militants", lei gents tot simplament, a un tipe qu'a tant racat sus sa
cara...

Aquo es pas una amenaça ? e sias tu que parla de militants al plural, soi un pacifiste mas estimi pas las luchas inegalas subretot quora es question de tustar sus qualqu'un que m'es proche me mescli. Aprep rassegura te, te fotriai pas sus la cara soi un pacifiste, e a mai commenci de tustar al tresen patac t'en daissa dos se te vol amusar.....

Bojarron a écrit:
E entre nautres vesi pas çò que venes fotre a respòndre a quauqua ren que ti pertòca pas... ?

Mi siáu explicat en privat emb yellow, ni eu ni ieu avèm besonh que vengues fotre ton nas dintre.
Ti remembri qu'ai jamai racat sus cu que siegue, ieu, e ti conselhi de pas anar mai luenh.

Ben en fach en Arieja avem una vielha costuma es que quora qualqu'un que balha una idea se far agressar e que a mai es un amic, lo jostenem aquo se dit amistat o solidaritat...sabi Yellow fotut de se desfendre, mas quora om i parla de reaccions de militants (ço que continui de diser sembla fòrça a una amenaça fisica ço que me geina mai que mai dins un espandi virtuau m'en manhi)

Bojarron a écrit:
Encara un còp siás a costat, mas mèfi ai mòts qu'emplegues emb ieu, siam pas sòci, clar?

t'en faguet pas, pensi que me coneis pron per saber que quora disi quicòm l'assumi, e se m'engani assumi tanben lo fach de m'esser enganat aprep t'ai dit soi per la discutida mai que per la tusta....

Bombonarela se legis plan ço qu'ai marcat, parli d'una chorma d'amics que vira amb ieu al nivels dels concerts de Goulamas'k, t'en faguet pas demandarai pas jamai a Sergio o Fred (peni pas que veirem Filou a un concert de Goulamas'k pel moment) de se manhar d'aquela mena d'afar, son d'amics mas ai pas jamai parlat d'exclusivitat, aprep coma l'ai dit mai naut, respondi a las menaça fachas sus un amic per una botada en garda .....aprep pel de mai, legis mai naut te pregui

Mi fau quasi de lagui per tu, se montes ais
Estivadas, se venes a Besièrs tanben... Que diràn, que faràn lei
"militants", lei gents tot simplament, a un tipe qu'a tant racat sus sa
cara...

Aquò es pas una menaça. Quo es un regret.

serai ieu tanben a Festa d'Oc e a l'Estivada per
faire de radio (pel primier amb un fum d'amics amb los cal viri a
l'entorn de Lou Dalfin e de Goulamas'k), se vòls podetz passar nos
diser un pichon adieu amb los teus amics "militants", per contra serem
un cinquentenat doncas se venetz, venetz nombroses

Veiqui una menaça vertadiera. En mai, citas dau monde que son pas sus lo forum, e que poden pas confirmar o infirmar tas paraulas. Quo es dangierós.

Un darrier punt (que me far cagar doncas vau faire viste hèit e plan fotut)

Se te fai chiar, perque l'aver fach ?

Danis sias pas tu que tracti d'estalinian (se
l'aviai volgut faire, t'auria mandat un MP o te l'auriai dit de cara,
sap que soi pas la mena d'òme atal)

Non, justament, sabe ren. Te coneisse pas en fach. E sei pas ton amic, au contrari de çò que pòden laissar pensar quauques messatges qu'as marcat sus lo forum. D'alhors tene a precisar a tot lo monde que lo lo prumier còp que t'ai parlat quo era i a mens d'un an, a l'Estivada, e enquera, avem pas tròp parlat, per io ai fach partida daus 4-5 que son 'nats te coijar perque l'alcòl te rendiá pelejaire e que voliás espautir lo nas de Fredoc, mai un còp sus l'espantla lo darrier jorn, mai un pitit desjunar a la Grappa (e eras pas tot sol). Quo es tot, e t'ai pas tornat veire dempuei. Ren t'empescha de jugar un ròtle sus lo forum, coma quauques uns aqui, donc non, ren me permet de dire que ses pas un òme entau.

aprep paur de mancar d'argument o manca d'avelana per estimar mielh anar plorar dins las bragas de l'adjudant Danis...

1) Se manca rarament d'arguments contra un tipe a las teorias fumosas sus l'occitanISME qu'a clarament 3 gramas a chasque còp qu'escriu un messatge (parle per tu, pas per Yellow).

2) Me sei benleu mau exprimit, mas degun es vengut "plorar" dins mas braias. Manca tu, en fach.

Per consequent, ses bandit dau forum, au mens per un mes. Benleu mai, se pendent lo mes que ven lo forum vira coma fau, sens pelejadas coma n'avem 'gut darrierament.

Adjudant Danís

Se vòs mai d'entresenhas (que per lo moment sei crebat), podes laissar un messatge sus la bostia mail dau forum, a occitaniaforum@hotmail.fr
Ensaiarai d'i respondre.

2 o tres punts leu dit abanç d'esser satelisat (merces adjudant Danis)
Consideri que respondi a Bojarron, qu'escorna Yellow pr'amor qu'aquel darrier pot pas respondre (ço que trapi injuste) tu trapas pas que lo messatge de Bojarron es una escorna ieu vo (aprep a cadun la sua vista) aprep ai assumat mon risc, accepti la reaccion de l'atempradoïre

Aprep per clarificar, ai pas jamai dit qu'erem amics l'ai dit t'estimi ben,( tot coma normalament dins la vida videnta aimi ben Bojarron), ai pas jamai dit qu'erem vielhs confraires, confermi que nos sem encontrats a l'estivada mas pensaviai qu'aviam pron parlat sul forum per que poguesse entendre mon biais de foncionar...

Aquela istoria de l'estivada tendria mestier d'esser contada d'un cant a l'autre mas bon teni pas mestier de me justificar

Per los que son vengut plorar dins tas bragas sias tu que diguet a Yellow que fasia (tot coma ieu ) l'unanimitat contra el, ieu vejeri pas que 2 o tres reaccions assumadas (e agressivas, forca agressivas dins cert cas)

Te disi un cop mai osca çaquela per aquel forum, que me sembla esser enfin un endreit onte se pot parlar de tot liurament en occitan, esperi que lo demorara

Cedric

Hilh de puta, que ço que s i a passat aquiu ?

Qu'etz RIDICULES ! NUL NUL NUL !

Danis e'm pòdes explicar viste hèit perqué Yellow estó hòrrabandit ?

"Viste hèit", quo es malaisat...
Fau tot legir, per tot comprener...
Mas responsas son desjá daus resumits de çò que Yellow a dich.

Voi díser que quitament s'es lo Danís que parla e qu'a "satelisat" Yellow e Joan Cavalier, las decisions se prenen a dos, eth e jo. (Quitament se parli pas per ara, soi enqüèra lo "creator e l'administrator deu forum)

Donc assumi completament las decisions administrativas deu Danís.

Adjudant L'Òmi

Apres aver legut lo messatge de Yellow ..

Pensi qu'a petat un plomb, praubòt, poish pas imaginar que pensa totas las ideas caricaturaus exprimidas suu "militant occitan". E diu sap que soi pas un occitanista amorós deu mitan.

Que deu pas estar plan dens la soa vita, aquò que pòt arribar ..