TransOccitan: Filme documentari

Deuriá passar sus france3 a la prima e a l'auton...de seguir!



TransOccitan, voyage au coeur du Grand Sud





http://www.amdaprod.com/cat-transoccitan.html



>C’est l’histoire d’un train qui traverse le pays d’Oc de Bayonne jusqu’en Italie. A bord de ce train, voyage l’écrivain Roland Pécout. Suite à la demande d’un éditeur pressé, il part à la à la rencontre des gens du pays en traçant un itinéraire au cœur d’un Grand Sud insolite. Il doit rendre compte des valeurs d’une culture enfouie dans l’histoire : l’Occitanie.

>Dijòus15 de mai de 2008 a 21h

Salle du Bois de l’Aulne - 1, Place Victor Schoelcher - Jas de Bouffan - Ais de Provença
Guillaume Blanc, Productor, Amda Produccion
França Televisions e Daniel Grillon, Director Regionau França 3 Mediterranea

Vos convidan a l'avant-promiera dau documentari
TransOccitan

un filme d’Eric Eratostene ambé Roland Pecout (90 mn)

difusat en 6 x 26’ lei dissabte 17/24/31 de mai 7/14/21 de junh a 10h30 dins Vaqui, sus France 3 Mediterranèa

Roland Pecout, escrivan barrutlaire prend lo trin que traversa lo País d’Òc de Bayonne fins a Italia.
Deu prepausar a son editor una vision actuala sus lei valors d’una cultura aclapada dins l’istòria : l’Occitania.

(Filme en lenga d’òc sota-titolat en francés)

en preséncia dau realisator e deis intervenents dau filme

Contact premsa France 3 Mediterranèa : Laurence Pichou 04 91 23 45 48

Bojarron a écrit:
>Dijòus15 de mai de 2008 a 21h

Salle du Bois de l’Aulne - 1, Place Victor Schoelcher - Jas de Bouffan - Ais de Provença
Guillaume Blanc, Productor, Amda Produccion
França Televisions e Daniel Grillon, Director Regionau França 3 Mediterranea

Vos convidan a l'avant-promiera dau documentari
TransOccitan

un filme d’Eric Eratostene ambé Roland Pecout (90 mn)

difusat en 6 x 26’ lei dissabte 17/24/31 de mai 7/14/21 de junh a 10h30 dins Vaqui, sus France 3 Mediterranèa

Roland Pecout, escrivan barrutlaire prend lo trin que traversa lo País d’Òc de Bayonne fins a Italia.
Deu prepausar a son editor una vision actuala sus lei valors d’una cultura aclapada dins l’istòria : l’Occitania.

(Filme en lenga d’òc sota-titolat en francés)

en preséncia dau realisator e deis intervenents dau filme

Contact premsa France 3 Mediterranèa : Laurence Pichou 04 91 23 45 48

Li saràs joine ?

Malurosament pas, que serai dins Aude. Serà segurament fòrça interessant. Se tu ò d'autrei li van, nos contaretz.

Bòn li siáu estat fin finala.

A levat que l'aviá aparentament un problèma de calibracien dau projectur e dau son, siáu estat un pauc deçauput.
Lei tèxtes dichs per Roland son fòrça ben e l'idèia es interessanta (un viatge de Baiona ai Valadas en tren ambé d'escalas dins lei vilas mai grandas ò lei ròdols mai conoissuts d'Occitània). Mai mancava quaucarèn, sabi pas tròp qué. La causida deis interveneires es de còp un pauc estranha. Per exemple, a Marselha, es Miquèu Cordes (de Plus Belle la vie) que rescòntra Roland. Nos dona l'escasença d'ausir un bèu tròç de plaqueta publicitària, es pas per ren qu'es France 3 que produsiguèt aquesto filme.
Deçauput perqué, va tòrni dire, l'idèia au començament es un bòna idèia, mai bessai que mancava un pauc de preparacien en amont.

Passarai sus l'acuèlh fach per aqueleis qu'organisavan la serada. Un sala perduda a la periferia d'a z'Ais, ren, manco l'aiga dau pati, per si refrescar lo barquiu. Lo filme e basta. L'aguèt ben d'assai d'escambis ambé Roland e lo realisator mai aquò nimai semblava pas previst (pas de micrò per lei questionaires).
Ren que donava enveja d'esperlongar la serada, mai bessai qu'èra fach a bèl esprèssi.

Marca mau per l'acuelh, mi sospren pas gaire emb aquò. E la chausida de Miquèu Còrdas per Marselha, aquela tuba... Espèri qu'auràn sauput enauçar lo nivèu per leis autrei convidats... (pareis que son montats en Gavotina veire lei jugaires de Morra, aquò siáu curiós de va veire, l'idèia es chanuda)

Ai agachat la promiera part ièr sus lo net : VAQUI ara per ara ai pas pron de matèria per mi far una idèia, veirem dissabta

I eri tanben dijòu e siáu d'acòrd amé tu.L'ideia es bòna a la debuta après ...

Per contra , fin finala , urosament que l'avia ges de micro per lei questions perque passar una mieja ora per ausir :" Mai compreni pas perque se parla francés dins lo film?"Pfffffffff...

Lanas = David Grosclaude
Peirigòrd = Joan Pau Verdier
Tolosa = Claudi Sicre
Carcassona = Claudi Martí
Larzac = Alain soulié e José Bové
Sèta/Montpelhier = Mauresca Fracàs Dub
Marselha = Miquèu Còrdas
Niça = Ben Vautier.

E lo viatge es tanben entremesclats d'imatges de rasetaires, d'escartaires, de targaires e, v'as dich, de morraires.

@Darboneta
L'eras tu ? A ben si siam degut veire, emai si conoissem pas mi sembla.

E as oblidat La Ciotat = Tatou

Ben de segur que se siam vist ,eriam pas un molon tanpauc....mai non si conoissem pas .

Caspi !
Aviáu oblidat lo Tatou !
L'aviá tanben un escur realisator de filme chinés que me'n ramenti pas mai lo nom quora passa per Canas.

Fau saber tanben que la versien presentada èra trencada (fasiá 90 mn, cresi) estent que la versien definitiva serà en tres partidas de 52 mn.

Per quant a l'aculhença, vò, es pecat. Lei convidaciens estampadas sus d'un papier espés en quadricromia an degut manjar tot lo budget.

urosament que l'avia ges de micro per lei questions perque passar una mieja ora per ausir :" Mai compreni pas perque se parla francés dins lo film?"Pfffffffff...

be justament, per de qué n'es pas en occitan lo film ? -susquetot que son pas sonque locutors qui parlan-
(question drin pegòta, m'anetz pas a esbramejar de tròp esperi)

ceba e roi a écrit:

urosament que l'avia ges de micro per lei questions perque passar una mieja ora per ausir :" Mai compreni pas perque se parla francés dins lo film?"Pfffffffff...

be justament, per de qué n'es pas en occitan lo film ? -susquetot que son pas sonque locutors qui parlan-
(question drin pegòta, m'anetz pas a esbramejar de tròp esperi)

L'a pas que de gents que parlan occitan (José Bové et Ben Vautier) mai la respònsa qu'es estada facha es qu'avián totei la chausida. Faliá subretot que venguesse naturalament. Donc soventei fes leis escambis començan en francés puei passan en occitan.

Sap l'occitan lo Bové ?

Semblariá que leis occitanistas si lo recampèsson en faguent l'amalgam "altermondialista/Conf' e occitanisme", mas crèsi ren per l'aver crosat que siegue son afaire, de pròche ò de luenh...

vertat que i a avut amalgam las ideas de josé que son "volem viure al pais" mes n'ei pas autonomista e enquera mensh independentista. per l'avèr encontrar que m'avèr dit que sus la question de l'occitanisma que deishèr aquò aus qui mestrejavan e que per eth occitania era sonque ua cultura de françia e que lo son combat n'era pas aqueth. aprés josé qu'a un discors per la tv e que deu estar plan comprès lavetz qu'a de har concessions.

Non justament, Bové parla pas occitan. A tot lo mens dins lo documentari mai cresi que dins la vida vidanta nimai. Aqueu de la confederacion paisana que parla occitan , dins lo documentari, es Alain Soulié.
Aprés, lo Bové coneissiá de segur l'ambicien dau documentari donc s'es pas un occitanista acarnassit, deu pasmens aver de simpatia per lo movament.
Pensi pas que quaucun que se'n chaute de l'occitan ague acceptat de perdre de temps per un "grossier lengatge". Subretot quaucun que fa de politica.

Que cau anar véder la purmèra partida tà se hargar un punt de vista ! Aici !

"Occitania , paura empiri darbonat "
Coma lo dèvi prendre ????

aqueste filme es de l'argent geta per la finestra ! Es de l'occitanisme bling-bling !

Lo Tolosa de Sicre, es dens ua auta dimension espacio-temporala o i a pausa qu'ei pas vist Matabiau ?

Lo Guilhèm a écrit:aqueste filme es de l'argent geta per la finestra ! Es de l'occitanisme bling-bling !

De qu'es aquesta conariá ?

Lo Guilhèm a écrit:aqueste filme es de l'argent geta per la finestra ! Es de l'occitanisme bling-bling !

Non cau pas exagerar ... N'es pas lo documentarí que sauvarà Occitania, mes qu'es totun quauqu'arren de corrècte.

Aqueth film a au mensh quauqu'arren d'objectiu : de véder l'encontra dab los chinés ... ("Ils me font jouer un rôle, mais ça m'amuse !")

Lo Guilhèm a écrit:aqueste filme es de l'argent geta per la finestra ! Es de l'occitanisme bling-bling !

Plan d'acordi ! Me siai anat fins a Tolosa, e bastet. Pas cap de vejaire critic, de frasas vuèjas mas dichas d'un biais prigond. Una mena de pinholada intelectuala, que.
A prepaus de Sicre, mon opinion era pas encara plan facha, e ben iara l'es : aquel tipe es un goro. Macarèl, l'occitan es pas una filosofia !

Preferi no'm pas exprimir sus aquò, seréi pas objectiu, mes totun pensi qu'exageratz drin..
I a tròp de francés, aquò qu'ei segur, mes aqueth documentari ei agradiu totun (de mentaver, lo Pecout esto hèra frustrat per la version abracada e conselha au monde d'espiar la version longa deu filme).

E ben, solide que la critica es sempre aisida, mas un documentari es pas de bon far. Subre tot sus un subecte tant besuquet coma Occitania. De veire la version longa.

LaurençD a écrit:E ben, solide que la critica es sempre aisida, mas un documentari es pas de bon far. Subre tot sus un subecte tant besuquet coma Occitania. De veire la version longa.

Espèri que ti siás mal exprimit...ò que fas una galejada.
Perqué senon

Que vòu díser "besuquet" ?

E ben, benleu que me siai mau exprimat . Voliai dire "difficile, casse-cou"...
De qu'as comprès ?

LaurençD a écrit:E ben, benleu que me siai mau exprimat . Voliai dire "difficile, casse-cou"...
De qu'as comprès ?

quaucaren coma "n'est pas intelligent à faire"