Un jòc cultural... (seguida)

E ben, contunhi qu'ai ganhat lo darrièr còp.
Qu'es lo nom d'aqueste villatge ?

'Quela-qui es mauaisada...
Fau coneisser la Provença, puei que 'quò me sembla venir d'alai, vist lo paisatge...mas m'engane benlèu...
Malhana, coma perpausèt lo Gavach ?

Bon alara:

-I sembla aver una vegetacion "miègterranenca" degradada, e lo reliu es fòrt. Prepausi un vilatge de Dròma o d'Ardecha.

Per jo, n'ei pas Provença. Qu'ei un endret montanhòu, sollide. Baisha montanha. E pro verd tanben. Jo que perpausi, shens briga conéisher lo parçan, lo Massiu Centrau.

lo Massiu Centrau.

Siá la mitat d'occitània e en èsser selectiu.

Danís a écrit:'Quela-qui es mauaisada...
Fau coneisser la Provença...

Notaràs la subjectivitat de la dificultat...
Ti dirai que onte que siegue en Occitània, serà necite de conoisser lo luec, a la gròssa.

Vesi ben que patolhatz , alara vos balhi un pichòt indici : es pas Provença.

...e a rason Gavach !

D'unes indicis

De teulas son los teulats

Se es plan vèrd, l'ocupacion dels sòls e l'estile del vilatge es miègterranenc

Lo país es calcari. (donc sud-ardecha o prealpas)

Ai rason?

As rason Gavach : es un pais calcari, las pradas demoran pas longtemps verdas après la prima. Pensi que la fotò foguèt presa abans l'estiu, en mai o en junh.
Vos balhi un vejaire d'un autre biai, que vos ajudara a prepaus del tipe de montanha :

anem vau jugar...
quo siria pas Saou dins la Droma? pres la forest de Marsana?

Osca per Tiston, es ben Saou, nen siáu segura : ai exactament la mema foto!!!!!
Lo còp que ven, assajarai d'estre mai rapida ....

A gagnat lo Tiston ! Es Saou dins Droma.
Los que coneisson pas devon i anar, lo parçant es meravilhos !
Es aici :




E vaqui d'autres vejaires :

'li sei jamai 'nat mas ne'n avia auvit parlar... un amic demoret dos ans dins la region (a Valença)...
'laidonc qu'es mon torn d'aver l'onor de botar 'na foto...

Anem, ente se puot veire 'quela sculptura? 'qu'es 'na fontana... (vos ne'n fasetz pas, i'aura doas autras fotos mai larjas per vos ajudar...)

A foish ?

Matieu C. a écrit:A foish ?

non...
mas ben jugat! eria segur que Foish seria perpausada... vos dirai perque mai tard...

Lo darrièr còp qu'ei vist ua pèira d'aquèra color, qu'èra a Conhac. La vila sancèra es d'aquèra color tristassa, pr'amor de la distilacion deu conhac que minjarèi la pèira. Mes Conhac, n'es pas Occitània ...

Dirèi qu'es benlèu dens lo Gard, sabi pas perque ...

L'Òmi a écrit:

Dirèi qu'es benlèu dens lo Gard, sabi pas perque ...

non... mas te ses un pauc apropchat totparier, geograficament vole dire...

Seriá pas Forcauquier?

Vists los escuts, que pensi qu'ei ua vila enter Lengadòc (la region), e Provença. Ne coneishi pas tròp lo canton. Lhèu Alès?

Bojarron a écrit:Seriá pas Forcauquier?

'qu'es quo! Forcauquier en Nauta-Provença, entre lu Luberon e la Montanha de Lura... pas ben lunh de Manosca...
qu'es la fontana sent-miqueu sus la plaça sent-miqueu...
eria segur q'un Provençau trobaria redde, mas a 'quela etapa, osca!
tu coneisses ben? ai 'gut lu bonaur de li passar 10 jorns l'estiu passat... remirabla region!

explicacions per los que son jamai 'nats a Forcauquier:
qu'es lu pais dau grand felibre Leoun de Berlu -leon de berluc-, amic e corespondant de Mistral (veire ma foto: (https://i.servimg.com/u/f43/11/63/62/74/dsc00110.jpg
e dau chantador Renat Sette (que demora a Mane, crese, a costat...) e tanben de l'istorian joan-ives roier.
ai dich qu'eria segur que quauqu'un perpausaria Foish perque gaitatz los dos blasons, a gaucha forcauqier, a dreita Foish:


de mai obludem sovent (n'autres non-Provençaus) que la crotz occitana era tanben l'emblema daus comtes de Provença





place Saint-Michel : située dans la vieille ville, elle est très célèbre grâce à la Fontaine Saint-Michel
qui est un monument classé. Cette fontaine de style gothique a été
érigée en 1512. Le bassin rond actuel a remplacé, en 1912, le bassin
octogonal d'origine. La partie au-dessus des dégueuloirs a été refaite
à l'identique en 1976. La base est célèbre pour les curieuses scènes
sculptées qui représenteraient les vices que Saint Michel cherche à
écraser.
(qu'es vrai, avia estat plan estonat per 'na sculptura de 'na femna que fai veire son cuou ad un tipe que la viesa la quilha redda...o quauqua ren dau genre...)

vos conselhe a tots de 'nar far un torn sus http://fr.wikipedia.org/wiki/Forcalquier
e puei de li 'nar en vrai, de segur!
qu'es 'na pita vila plan interessenta, a l'istoria plan richa e ambe de nombros nombros monuments e chausas de veire... e la region es fantastica... Mane, Banon, Lurs, Monfort, La Brillane...
sei tombat amoros de quela region... de mai los autoctones son plan plan plasents! n'am bargassat coma beucop de vielhs naut-provençaus adorables...
e puei qu'es a Forcauquier que se fai lu pastis Henri Bardouin, pas mau dau tot ...
e i'a totplen de bona besunha de minjar: fromatges, fruchs, miau, ... e quel'odor de lavanda a plen nas (li eria 10 jorns apres la copa...quand las gerbas sechan sur las broas daus champs...)

anem, me plante 'qui, sei en tren de crebar d'enveja de li tornar, en Nauta-Provença... subretot que la nevia tomba fort sus Limotges arser...e prefere lu solelh e la chalor...)

Notaretz qu'a cada còp que tomba sus un endreit polit, soquetz còp sec a Arieja IOI

Òsca!! Qu'ei un jòc genhèc: amusant, estrambordant, e culturau (com los explics dab la responsa finau).
B'èm hèra luenh deu Julian Lepèc e de las soas "Questions per un colhon".

A tu Bojarron.

Tiston a écrit:
'qu'es quo! Forcauquier en Nauta-Provença, entre lu Luberon e la Montanha de Lura... pas ben lunh de Manosca...
qu'es la fontana sent-miqueu sus la plaça sent-miqueu...
eria segur q'un Provençau trobaria redde, mas a 'quela etapa, osca!
tu coneisses ben? ai 'gut lu bonaur de li passar 10 jorns l'estiu passat... remirabla region!

Conoissi coma 'quò, passèri dins lo relarg un parèu de còps...sensa remembre de la fònt malurosament! Es la coexisténcia dei dos blasons que m'adralhèt, tipic de la Vauclusa e dei pròchei Basseis Aups.
òsca per ta presentacien.
Anem vau boscar un imatge