Coma se dis ...

Rappel du premier message :

Dins la cor de recreation, m'encanhi força d'ausir lei pitchons dire , , o o pièger encara .... e tot en francès!!
M'agradarieù miès , en revenge, d'ausir dei cavas coma "chapacan, branda-biassa ...." Donc fau que l'appreni ai pitchons .Mai coma siau una filha ben apresa , coneissi pas força vocabulari su aqueù subjèct.....
Donc, lanci una crida : ADJUDATZ-ME !!!! La rintrada es diluns......

I pensi ,vesi "gros mot" d'aqui,"gros mot" d'alai. En cas que d'unes ba sachen pas, se ditz un renèc. (vb: renegar= dire des gros mots)

Paraulassa es un francisme.

ço qu'utilizi lo mai :

- Cabord, cabordas (força utilizat per tot lo monde dins ma region).
- Piot
- Inocent (a la significacion de colhon dins Aude)
- lo famos, vai te'n cagar
- putanier
- qu'un con aquel tipe
...

Per ieu renegar vòu dire "renier".
Un renegat es un que reneguèt sa religion, ò quaucaren mai.

Renec l'ai jamais ausit, subretot dins lo sens "d'insulte".

Una escorna bessai, un mòt gròs.

"insulter" ieu diriáu "desparlar"

Se paraulassa es un francisme (tan si pòu, l'emplegui pas nimai, pasmens ai jamai ausit un francés dire "une parolasse' " a luega d'una "insulte"), renec mi sembla una construcccion neoccitana.

Desparlar sona plan (ieu emplegui insolentar mas desparlar me sona mielh a l'aurelha) lo renec m'agrada tanben...

Vendut aquele dos los raubi mercés monde...

Amistats

Cedric

Digatz me se m'engani, mas cresiai que desparlar vòlia dire "délirer" en francès.

Ben, vesi que vos agrada de donar tot lei renècs que conoissetz ( e dire qu'a la debauta dau subjèct, lo Danis disià que degun nen conèissiá.... ) e, se sabi totjorn pas parlar l'occitan deis occitanistes, ara, sabi jurar coma un carretier !!

Per ieu, lo renèc es pas una insulta es un "juron" , ço qu'es pas la mema cava , una insulta se dis per atacar quauqu'un, un renèc se dis tot lo temps , per comencar una frasa , es un biais de parlar . per contra, ai trobat dins lo diccionari per "gros mot" "marrida rason" mai l'ai encara jamai ausit ...

Per tornar au subjèct, fin finala , ai donat 'trufa, fan de luna,tòti, fadat,colhon e borrica " ai pichons. Lo promier jorn,an tot emplegat e mon ideia de donar dei renècs per que lei pichons nen emplegon mens a fach camba lassa: era coma una litania dins la cor de recreacion" hé, tu veux venir jouer avec moi trufa- fan de luna-tòti-fadat-colhon- borrica ?"
Non es pas verai , era pièger encara "" hé, tu veux venir jouer avec moi colhon-trufa- colhon-fan de luna-colhon-tòti-colhon-fadat-colhon- borrica-colhon ?"Forçadament, n'i a un qu'es un pauc mai transparent que leis autres!

Mai, ara , l'a una cava qu'a cambiat e que m'agrada ben : en plaça de dire "oh p...", dison "oh fan de luna !" e aquo m'agrada ben!!!

oh tan de còps colha dins la boca d'una filha de bona familha qu'es vergonhos IOI

joan_cavalier a écrit:oh tan de còps colhas dins la boca d'una filha de bona familha qu'es vergonhos IOI

Deuriá vos sanccionar per aquela, Monsur Cavalier ! (dempuei quora setz surtit dau pòste de Genmerdaria ???)

Una filha ben apresa , vòli ben mai una filha de bòna familha ....Si ves ben que conoisses pas ma familha!!!!!

Aquo dis, mercé mon adjudant per l'intervencion , pensi que lo fau gardar encara un pauc au pòste per lo faire bofar dins lo balon : seriau pas estonada que si troba traças d'aigardent......

confessi d'aigardent de figa

As rason darboneta, un renèc es efectivament la traduccion per "juron". se podriá dire tanben un damne.

A prepaus i a plan "medamne" o "dieu medamne" tan qu'i pensi.

Un renèc es pas necesariament una insulta (mas un damne insulta dieu), mas es de segur vulgari (coma lo cedric).

Ex: Jèsus (renèc) m'entravèri tornar per aquela puta de canha (renèc)!

Òm pòt fòrt plan renegar e damnar sens insultar:
ex: Macarel de hilh de puta de santa verja que sèm fotut se pòu pas lèu!!!

A contrariò podem (mas es pas tant aisit z o confessi) insultar sens emplegar un sol renèc:
Aquela lenga de sèrp de Cedric a una plan brava panolha.
(pas de rima en olha per la responsa cedric, mercés plan seriá tròp aisit).

Tot aquò per dire: me sembla plan qu'en francés, juron et gros mot sont des synonymes.

I pensi, al luòc de oh putain!, los mainats pòdon dire Òu puta!
Solide es popular mas pas vulgari coma en francés.

Expression favorita del sògre: puta de puta de puta! (o Puuuuuuuuuuuuta!)

zo a écrit:
Aquela lenga de sèrp de Cedric a una plan brava panolha.
(pas de rima en olha per la responsa cedric, mercés plan seriá tròp aisit).

De que, olha es feda en biarnes vesi pas res de mai......aprep soi pas un especialiste de la normalisacion (un Koïné-lenguiste se dit me sembla)

zo a écrit:I pensi ,vesi "gros mot" d'aqui,"gros mot" d'alai. En cas que d'unes ba sachen pas, se ditz un renèc. (vb: renegar= dire des gros mots)

escusa-me mas en lemosin disem pas renèc... disem "juron"... e per renegar, disem jurar... "en cas que d'unes ben sapchen pas", tot se ditz pas parier dins tots los dialectes...que quo sia dich!

LaurençD a écrit:Digatz me se m'engani, mas cresiai que desparlar vòlia dire "délirer" en francès.

t'as rason, en Lemosin en tot cas, desparlar vuou dire "délirer", "déraisonner", "extravaguer"...

darboneta a écrit:Aquo dis, mercé mon adjudant per l'intervencion , pensi que lo fau gardar encara un pauc au pòste per lo faire bofar dins lo balon : seriau pas estonada que si troba traças d'aigardent......

Mèfi, Darboneta, d'unas serradas, la gendarmalha son los mai bandats !

Tiston a écrit:

zo a écrit:I pensi ,vesi "gros mot" d'aqui,"gros mot" d'alai. En cas que d'unes ba sachen pas, se ditz un renèc. (vb: renegar= dire des gros mots)

escusa-me mas en lemosin disem pas renèc... disem "juron"... e per renegar, disem jurar... "en cas que d'unes ben sapchen pas", tot se ditz pas parier dins tots los dialectes...que quo sia dich!

Te cresi ten! m'en cresiái e ara soi ieu la olha dins aquesta istòria!

zo a écrit:Te cresi ten! m'en cresiái e ara soi ieu la olha dins aquesta istòria!

mas non, mas non, te tuas pas per quo!
e coma l'avia dich mai naut, en Lemosin disem sovent "jurament"...

Tiston a écrit:
escusa-me mas en lemosin disem pas renèc... disem "juron"... e per renegar, disem jurar...

Es lo vòstre costat pais blanc de ritons

joan_cavalier a écrit:

Es lo vòstre costat pais blanc de ritons

tu m'estonas... los ritons ne'n fasem de grilhons, n'autres... vese que ses jamai vengut en Lemosin, n'autres som anarquo-comunistes, monsur lu Mondin! (mondin 'quo vuou ben dire amators de champanha, caviar, cigares e partidas finas non?)

Pròva que coneissi los Lemosins, sabiai còp sec quala seria la teuna reaccion (ai plan compres en qualques anadas de practicar la MXLologia, sabi qu'am un lemosin qual pas desconar sus Guinguoin, Aurador o los tractar de cuòls-blancs).
Aprep ieu soi pas un mondin, soi un ariejes (pas un manja-patana) e dins mon pais, la glesia catolica foncionet pas tanpauc (per tant an ensajats festas popularas, un cert 16 de Març an adobat un barbecue gigant...e ben bastet pas IOI

joan_cavalier a écrit:per tant an ensajats festas popularas, un cert 16 de Març an adobat un barbecue gigant.