Coma se dis ...

Dins la cor de recreation, m'encanhi força d'ausir lei pitchons dire , , o o pièger encara .... e tot en francès!!
M'agradarieù miès , en revenge, d'ausir dei cavas coma "chapacan, branda-biassa ...." Donc fau que l'appreni ai pitchons .Mai coma siau una filha ben apresa , coneissi pas força vocabulari su aqueù subjèct.....
Donc, lanci una crida : ADJUDATZ-ME !!!! La rintrada es diluns......

Euh... i a Gige que comencet de damandar daus "renècs", dins una seccion similara per aqui...
Los "renècs" en frances, son lo "jurons", lo probleme es que coma sem tots daus braves dròlles e qu'avem casiment tots apres l'occitan a l'escòla, tu pensas ben que nos an pas apres a dire "merda" !
Donc, quo es un pauc mauaisit...
En defòra daus tradicionaus "Macarèl", "Hilh de Puta", "Putanièr", "Tron de Diu", sabe pas tròp...
N'autres disem "Fidelou", quo es demorat en frances, quo es la contraccion de "Filh de loira", "Fils de Loutre"...poetic, non ?

Hilh de Puta ,Tron de diu.....
Es pas per ieu, es per mei pitchons , fau pas l'oblidar..... Deja que siau pas ben segura de poder conservar mon poste l'an que vèn , imagini ben la reaccion dei parents :
Per contra , fidelou, m'agrada ben !!!

Siau pas tant ben apresa qu'aquò . Ai oblidat : gramaci!!!

Òc, mas quo es parier : una loira quo es una puta tanben...'quò ven de la peu, que serviá a far daus manteus, que las putas portavan...
Mas bon, se balhas pas l'etimologia (n'en sei aps segur, aquò dich, vau verificar), 'quò n'ira...
Anem cherchar quauquarren de mens vulgari, alara

Vai donar fidelou, vai pas explicar !!!! Porron pas comprendre normalament alor que hilh de puta .... es un pauc "transparent "!!

Dins Ardècha, se dis "va te faire viadasar"
Es a dire : va te faire montar per un ase.
Oèi... Per de pichons, es benlèu pas lo melhor biai de parlar...

Esperi que lei parents parlon pas l'occitan....

i a una paraula qu'es polideta dins la bocha d'un mainatge es "trufa"
"Sias una trufa, tu !
Non, la trufa sias pas que tu !"
Ieu, pense que vau mai lor apprene aquò que viadasar.

Pensavi pas donar viadasar ..... Coneisson "la trufa " , lo dison en francès!!!

Òc ben, l'avantatge per los Occitans es que pòdem majar de trufas chasque jorn, que los Franchimands pòdon solament manjar de "patates" !
(Perdon, chau pas se trufar...)

Siáu bèn estonat d'entendre aquelei paraulas de la boca d'una dròlla tant apresa ! !

Es obligatòri per leis escolans de parlar coma dei "charretiers" ?

Pensi que non e seriá puslèu temptat de li faire comprendre que l'a d'autres biais de donar son avis, d'esprimar son desacòrd.

Es ben tota la questien de la riccessa de la lenga, que siegue lo frances ò l'occitan.

Coma pòdon dire autrement aquelei mòts marrits ?

Es l'ocasien d'una bòna recerca de vocabulari ! ! !

Adièu, e fasètz pas de chauchavielhas...



ò ó á ú í

Sias provençala doas conselh de Marselha : lo "rompa-bassa" de Manu "viens dormir a la maison"Theron me sembla plan, si de non conselhi l'emprunt a Gelu que faguet Yellow, lo maravilhos "li verrin me ponha l'avelana"... si de non ausigueri un parent de Calandreta a Tolosa far d'anadas diser al seu drotle dins una serada "me sulfatas pas lo majoflièr" m'agrada tanben

Bòn, mandi lo lec tanben, lei doni per info, ren per lei dròlles! (garda ton mestier, es pron malaisat de li arribar)

tèsta d'ai, bedigàs, pacolin, ensucat, caluc, arleri, niais, destruci, banasta, basaruta, testard, bastian contrari, colhon, tòti, fadat, ravi, estraça, bordilha, colhòti, borrica, darnagàs, bastardon, caco... vai pintar de gàbias!

en ço meu emplegem tanben un "Andolfi" o encara (mas aquò es una influencia catalana ) "caganit

Danís a écrit:
N'autres disem "Fidelou", quo es demorat en frances, quo es la contraccion de "Filh de loira", "Fils de Loutre"...poetic, non ?

adiu!
e ben mancatz de paisans a Bordeu, se de non t'aurias apres tot plen de pitits mots doçs, Danis...

per començar segon me, en Lemosin, "filh de lop" es diferent de "filh de loira", lu prumier 'quo vuou pas dire grand chausa, 'qu'es coma "fichtre" en frances, (exemple "filh de lop, ai ben minjat" o d'engueras "tu sabes que lu Sarko es decedat?", "Oh filh de lop, 'qu'es bien vrai???"
"filh de loira", de segur, 'quo vuou dire "filh de puta"...mas 'qu'es pas totjorn n'inurta, 'quo puot se dire dins lu mesme cas que filh de lop...
i'a tanben chas n'autres lu "fuec de Diu" , prononciat Fidédi entre las bochas de tot bon Lemosin que se respecta (mesma sense que filh de lop, d'alhors beucop de monde io disen aqui mas sens saubre que 'qu'es de l'occitan!)
i'a "filh de garça" (prononciat fidégarceu, mesma sense que filh de lop)
dins la mesma seria i'a lu tradicionau "fotre!!" , lu doç 'fant de puta, o d'engueras los ancestraus per mon arma! e 'crat nom de Diu!!...

veiqui per los juraments (renecs en lengadocian) los mai prononciats en Lemosin... (mas de segur i'en a de plen tombareus...)

per ço qu'es de las insurtas lemosinas, ne'n veiqui 'n'eschantilhon:
granda colha! (i'a pas mestier de io revirar...)
Colhas d'aucha! (couilles d'oie)


Cuòu foiros! (cul chiasseux, comment ça les Limousins manquent de classe???)


viech de oalha! (o d'auvelha, = bite de brebis, e oc-es 'quo vuou ren dire mas 'qu'es entau!)
paubre einocent! (pauvre crétin)
Vielha carna/raca/solha/birga (vieille charogne/vermine/ordure,saleté/machin, engin) a vos de chausir la combinason que vos platz lu mai...



Tròç de... (avant un nom commun ou un adjectif, ça veut dire sacré/foutu...) ça marche bien avec, par exemple, sadolaud (ivrogne), babiaud (crétin), fadard (abruti/fou), lechadier (gourmand tendance boulimique), gorrina (salope), meissongier (menteur), raubaire (voleur) eca eca eca...



e de segur, i'en a un plen diable d'autras, d'insurtas lemosinas, vos ai nonmas chausit 'quelas qu'aime lu mielhs...de memoria... mas se ne'n voletz d'autras, crese aver un limero de la revusda Lemouzi ente i'avia tot un dossier sus las insurtas (mas subretot de Corresa, e lu bas-lemosin es pas ma specialitat...) alora chercharai 'quo-qui deman...

En co mieu, dins avairon (e a l'entorn de segur) i a tanben lo tradicional "Vai te far molzer" (va te faire traire) que marcha plan. Lo vos aconselhi per "lusir en societat"

en Lemosin, "filh de lop" es diferent de "filh de loira", lu prumier 'quo vuou pas dire grand chausa, 'qu'es coma "fichtre" en frances, (exemple "filh de lop, ai ben minjat" o d'engueras "tu sabes que lu Sarko es decedat?", "Oh filh de lop, 'qu'es bien vrai???"

Ben ai jamai auvit filh de loira mas cantonièra e maitot boriera (quò per las goiatas que fan pauc de cas de la virginitat avant d'èsser maridada).

I a tanbem banturle, pas trop messant per una insurta

E maitot que lo diable me 'racha la coa. Quò es mai un juron coma per mon arma

Demora tanben lo Vai ten passejar.....aprep, melhor que de nos damandar lo nostre vejaire benleu pòt montar un talhier sul teme amb los teus escolans....

doumemartegau a écrit:Siáu bèn estonat d'entendre aquelei paraulas de la boca d'una dròlla tant apresa ! !

Es obligatòri per leis escolans de parlar coma dei "charretiers" ?

Pensi que non e seriá puslèu temptat de li faire comprendre que l'a d'autres biais de donar son avis, d'esprimar son desacòrd.

Es ben tota la questien de la riccessa de la lenga, que siegue lo frances ò l'occitan.

Coma pòdon dire autrement aquelei mòts marrits ?

Es l'ocasien d'una bòna recerca de vocabulari ! ! !

Adièu, e fasètz pas de chauchavielhas...



ò ó á ú í

Pensi qu'as pas ben compres , non, es pas obligatòri de parlar coma dei "charretiers " mai leis escolans se geinon pas per lo faire ! As fach un servico de recreation, darrierament ?? Lei pitchons parlon d'un biais!!!!! Mai es pas per s'insultar , es justa qu'an besonh de parlar coma aquò per s'emancipar un pauc ( ai dei CM2!!!). Per ti donar un esempi, quora eriam en classa rossa , aviam fach una passejada dins la còla . Lei pitchons an pas arestat: " , regarde la branche ! Hé, , t'as vu la maison? Oh, , c'est pas vrai !!! C'est trop ,....."
Donc, coma es pas possible de les arestar en disènt " Fau pas dire aquò, es pas beù...", aviam decidat, amé la maire que nos accompanhava, d'inventar dei jurròn. E alor lei pitchons an comencat de dire : " Nom d'une feuille, espèce de phénologue , nom d'un conifère résineux...." .E coma eron obligat de perpensar avans de parlar , utilisavo ben mens de mots vulgari !!
Es la meme cava que vodriàu faire , mai en Provencaù, faire perpensar a l'utilisation dei "gros mots " per , au final, n'en utilisar mens!!Es segur que vai pas utilisar lo vocabulari qu'es proposat su lo forum .... es un pauc trop!!!!! mai de cavas coma "trufa " , a ieu, m'agrada bèn ! per lei pitchon , es un biais de "transgressar l'autoritat", e per ieu, es un biais de redurre leis orrors qu'ausi dins la boca deis escolans !!!

Per finir, t'en fagues pas , siaù trop alassada per faire dei chauchavielhas !!! Siaù pas soletament un darbon, siaù tamben una marmòta !!!!!

Danís a écrit: lo probleme es que coma sem tots daus braves dròlles e qu'avem casiment tots apres l'occitan a l'escòla, tu pensas ben que nos an pas apres a dire "merda" !
Donc, quo es un pauc mauaisit...

La seguida de la discussien montra bèn aquò!!!!!

Los juraments passen las frontieras, alara...
Mas ente avem apres a parlar entau ?

Si que non, i a una chausa que fau ben veire, los juraments en occitan son luenhs d'aver la mesma portada que en frances.
La nocion de grossieretat, o de vulgaritat exista pas, o au mens i a pas de frontieras entre lo lengatge familier e lo lengatge corent. Per aquò, "hilh de puta" es pas un "gros mot", quo es una interjeccion, que de tota faiçon a perdut son sens vulgari (au contrari dau frances).
Bon, apres explicar aquò a daus pitits qu'an jamai fach 'quela diferencia, 'quò será complicat, o impossible...

Me vèsi pas explicar aquò!!!!!
Quant a la proposicion dau "cagant de premièra " , de "montar un talhier sul teme ",me vèsi pas tamben l'explicar a mon inspetor ..... !!

Fantona, fantona...tot se pòt esplicar e justificar....

Eisemple: Senher inspector, ai remarcat a l'ora d'ara una tendencia dels meu escolans de s'insolentar en emplegant paraulas que vos podi pas torni diser, que dins la boca d'una jova filha de familha brava vos faria pujar lo rotge a las gòtas... me soi dit que seria un bon miègjan educatiu e pedagogic de lor aprener de s'insolentar d'un biais mai manhac (me desencusi, l'esplicacion es facha a la borra-borra que soi dins una jornada onte fau lo trabalh de 3 personas a l'encop, ensajarai se vòls de desenvolopar mai apasimat mai leu

Cedric

Faudrà li dire en francès perque parla pas lo provencaù, l'inspector !!!!!!

Nosautes, avem avut ua perioda ont s'aperavan per mots estupides :

"- Adieu Pistolet !
- Adieu Mitrailette !"

Bon, qu'ac sabi, qu'es vertaderament pec ...

Vai perdre tota credibilitat se proposi ais escolans "pistolet e mitrailette "! lol!

guindól! Sempre l'ai ausit pichon quand qualqu'un sortissiá una colhardisa...
Lo guindól es la frucha que conoissètz solide, es tanben l'extremitat de la queca.

Degun a pas encara sortit lo famós "Vai t'en cagar a la vinha e pòrta me la clau" qu'es pr'aquò un simbòl de la cultura nòstra.Aqui es adobat.
Equivalent "Vai tetar l'ase!"

I a ben tanben "bada cuól" mas m'agrada pas tant . Puta d'enganat, sanaire,enclocat.

E perqué pas simplament conàs: es simple, pròche del francés,l'ideàl per la recreacion.