Alh Òli a écrit:Pòs estre ce que vòs, de tot biais ,n'as pas la causida mon colèga, que lo monde virarà que ne siguesses d'acòrdi ò non. Ensuita mei convicciens mi regachan, ti dirai qu'ai de mau de ben prèner lo mesprètz que pòrtas a mei convicciens atlantistas (saviau pas que portar de Nike e manjar au McDo èra atlantista, mai perqué pas -que furni la mementa per i trobar un pòst monte disiau òsca Bush, aprèp ti fas tei conclusiens solet, saras pas lo premier ni o darrier aici meme d'inventar de cavas a mon endrech.
Non ai ren inventat, colèga... dire "A l'ora de la mondializacien, chascun fa un pauc coma vòu", es un argument tipicament atlantiste pisque sembles caucionar aqueu fenomen (es la mondialisacion, la lei dau mai foart, toi fan com'aquò, donc fau tamben com'aquò...).
De mai, l'atlantisme non si limita a Bush. Cau remarcar que criticar Bush e la guèrra en Iraq es un excelent alibi per si pretendre "anti-atlantiste". Aquest alibi es d'alhors utilisat dai politicians e jornalistas europencs que si díon non-atlantistes perqué critíquon la politica de Bush, ma sosténon d'un autre costat li revolucions de color en Ucraina o en Georgia, l'independença dau Kosovò, l'agression de SaaKashvili còntra l'Ossetia, l'expansion de l'OTAN en Euròpa orientala, lu movaments d'oposicion pro-americans en Russia (Kasparòv, "Autra Russia"), en China (Tibet e Dalaï Lama). Estre còntra Bush non empacha òubligatoriament d'èstre un atlantiste: se sostenes la politica de Clintòn e d'Obama en Afghanistan per exemple, seràs tamben un atlantiste.
Alh Òli a écrit:D'alhors lo pòst d'avans mi fa pensar qu'ai de mau de comprèner lo fach de parlar de mondializacien en l'associant a l'atlantisme, vòli ben un cors de sciencia politica segon un alter, mi manca despuèi la fac.
Mondialisacion e atlantisme son naturalament ligats pisque la promiera serve lu interés de l'imperialisme atlantiste, es a dire, american. Non doblidar que la pensada neoliberala es estada imposada en Occident dai mitans financiaris americans dins la fin dei anadas 70 per cassar l'independença economica de l'Euròpa. Or actualament, e maugrat la crisis, lu païses de l'UE persíston de considerar que l'ultraliberalisme es lo solet modèle economic que vague.
Alh Òli a écrit:Pasmens, si la mondializacien tua leis identitats, patin cofin, fòrça es de constatar que lo patois tornèt a la mòda de la paur qu'augura, dién lei specialistas. As bèu estre contra, pasmens serve...
La mondialisacion a pas ren da vèire embé lo retorn (ipotetic) a la mòda dei lengas regionali, ben au contrari.