Lo campionat occitan de fotbòl

Rappel du premier message :

a seguir aici

http://girondins.de.bordeu.over-blog.com/

L'an passat, lo campion foguèt lo TFC.

1/ Tolosa 12 punts (+2)

2/ Marsilha 9 pts (+2)

3/ Bordèu 9 pts (0)

4/ Niça 6pts (-4)

Ben benleu non hé pas tots més bon a cada cop entendre causas parrieras qu'es cagant... Pr'amor quitament non hé pas tots qu'en hé partit.
Aprés si aquo que'vs pot har arrider, eh beh anem... mes jo que'm truca, que soi harta d'entendre causas ataus...

Que va qu'ei ua blaga ! Qu'ei la realitat de Bordèu tanben, mauaisit de diser que lo monde acerà an l'accent dit 'deu sud'. Mes aquò n'entra pas en lo critèri d' 'occitanitat', urosament tau monde de Valença o Montluçon !

occitaneta a écrit:Es dab broma com aquera que lo mond se conforta dens l'idea que Bordèu es la França...

Cresi que malastrosament, dins lo càp de la majortiat del monde Bordeu es França, mas Tolosa, Marsilha, Clarmont, Pau, Lemotges...le son tanbèn, e Barcelona es Espanha e Caraglio, Aison, Rocavionne...son Italia.

Es atal pel moment, nos cal bolegar fòrça tan contra los jacobins embarats que contre los sense talents que son "valets dels ministaris e cortesans de subvencions" (coma lo diria lo meu fraire Sergio) e que me demandi de còps que i'a se daissar la lenga nòstra dins la seuna situacion los adoba pas istòria de gardar un poderet, veire un poderonet que tenon.

Me diretz aquò va pas dins lo capitol esport, vos respondrai çaquelà que si parli del esport nacional occitanISTE lo Puncha-Mosca

Amistats

Cedric

Occitan Libertari a écrit:E adishatz la liga deus campions !!

E issa Nissa!

Òc, quan perdes contra ua equipa atau, que i a de que questionà's ..

E ben Miladiu ! Se vei que quo es enquera l'estiu ! I a nonmas la rubrica "Espòrt" que foncciona !
Tant mielhs, remarcatz, quo me fará de las vacanças (enquera un pauc...), lo subject m'interessa pas dau tot... e enquera mens qu'aquò, se qu'es possible, aime pas lo capitalisme, alara l'espòrt lo mai capitaliste, pensatz !

Bon, vos daisse tirar daus "penòs" dins vòstre canton, io m'en tòrne jugar a las bolas....sens presa de testa...

aime pas lo capitalisme

utopista

Non, realiste. L'argent es forçadament de drecha, alara tant qu'aurem un sistemi capitaliste (io dirai pusleu "tant qu'aurem de l'argent...") serem pas en democracia, e serem en dangier de mòrt.
Bon, enfin, dise 'quò, mas qu'es pas tròp l'endrech...

qu'èri ironic, espèri que l'as comprès !

A bon ??? Eras ironic ???
Merda, io que pensavas qu'eras un òrre borsicotaire, partesan de Bush, emb daus pòsters de Jean-Marc Sylvestre dins ta chambra ! Me seriá trompat ?

Qu'aimi plan lo Jean-Marc Sylvestre ! Aquò qu'ei un jornalista objectiu, pas com los bolchevo-leninistes de France Inter o de Ràdio Occi.. sei pas qué.

Matieu a écrit:Qu'aimi plan lo Jean-Marc Sylvestre ! Aquò qu'ei un jornalista objectiu, pas com los bolchevo-leninistes de France Inter o de Ràdio Occi.. sei pas qué.

Sabi pas personalament, soi pas jornaliste FAU lo jornaliste, l'occitan es benleu per d'unes un biais de parlar ta ieu es un biais de pensar

Amistats

Cedric

l'occitan es benleu per d'unes un biais de parlar ta ieu es un biais de pensar

Cedric qu'es un poeta

(emplegas lo 'tà' en ton occitan tu ?)

Matieu a écrit:(emplegas lo 'tà' en ton occitan tu ?)

Sabe pas s'avetz remarcat, aqui sus queu fòrom, o s'avetz desjá auvit parlar Cedric, mas sa lenga exista pas, donc se pòt permetre de prener un pauc de tot. Mas qu'es vrai que nos aviá recondut sos amics gascons dins la molonada...

Aquò qu'ei plan, jo gausi tostemps emplegar mots provençaus en lo men gascon, ei lo dret ?

pense pas que quo siá una question de dret, degun t'en empeschará, mas pusleu una question d'"etica", de "deontologia", de "consciencia". Fau totjorn gardar en testa que l'occitan es una lenga dialectalisada, e pòt subreviure nonmas en tant que tala...

En gròs, pense que podes prener daus mòts d'en pertot, mas en aver en testa que quo pòt chanhar completament ton dialecte.

Ma demarcha, quand ai enveja de prener un mot que ven d'alhors ?

Anem, un exemple (dedicaça a M.P., mon professor...) :

M'agrada mai lo mot provençau "pantalh" que mon tròp frances "raive"?
Ma demarcha : prene lo diccionari (mai d'un per esser segur) e cherche dedins tots los mots que son sinonims e especifics a mon dialecte. Se n'en tròbe pas, la question se pausa pas tròp : lo mot estrangier es adoptat.
Se n'en tròbe, desjá quo vòu dire qu'ai apres un mot que coneissiá pas, donc en generau vau empleiar queu-qui un moment.

Apres, se los mots que tròbe me semblan tròp frances, aqui qu'es mai complicat : desjá per çò que quò vòu pas dire que lo mot ven dau frances, qu'es benleu lo contrari, e aqui qu'es important de zo gardar !
Çò melhor, dins queu cas, qu'es de damandar a un linguiste dau canton...

Aquò, qu'es ma demarcha a io... Vos sembla bona o pas ?

Compreni plan. S'emplegi a còps mots provençaus, qu'ei per'mor qu'ei la lenga, lo dialècte deus mens parents, la qu'èi entenut (a còps..) mainat, los mots que'm vienen naturaument que..

Òc, comprene, mas pense pas que quo siá una rason per te farjar una lenga a mitat-chamin entre lo provençau e lo gascon, quo pòt esser dangierós per la lenga... çò melhor qu'es de t'en chausir un "per la vita".
O, encara mielhs, la solucion que chausissen mai d'un occitans jòunes a l'ora d'ara (coma io...) : aprener los dos.
Ara qu'avem pus de frontieras entre los dialectes, que nos empescha d'aprener lo dau vesin ? Segur, quò damanda un pauc de trabalh, mas qu'es plan melhor per la lenga que de tot boirar !

Que la vau apréner òc, quan serà lo parat. Totun vedi pas lo problèma d'adobar mots d'autes dialèctes. E se, dab la democratisacion de la lenga que parlaram en lo futur un occitan 'unifiat', que disi perqué pas ?
Preferi que l' unificacion de l'occitan e's hàcia atau que per un decret oficiau. Qu'ei ua evolucion naturala de la lenga..

La principala particularitat de la lengua occitana es sa dialectalisacion. Se i a pus de dialectalisacion, vese pas l'interes de se batre per ela.
E coma defendre la pluralitat e la diversitat en la fasent dispareisser ?

Que parli d'aquèra 'uniformisacion' dens l'encastre d'un processus naturau de democratisacion, non pas d'ua causida tactica mes bèthlèu d'ua evolucion de la lenga que mesclarà mots de dialèctes diferents per'mor los ligams seràn mei hòrts enter las regions occitanas, e los locutors mei numeros.
Disi pas que cau passar per aqui, disi qu'ei ço que poderé arribar..

Danís a écrit: Sabe pas s'avetz remarcat, aqui sus queu fòrom, o s'avetz desjá auvit parlar Cedric, mas sa lenga exista pas, donc se pòt permetre de prener un pauc de tot. Mas qu'es vrai que nos aviá recondut sos amics gascons dins la molonada...

Adieussiatz,

Danis sap que ço que dits (un còp far pas puta ) es pas tròp neçi : te confessarai que fagueri l'objecte (amb d'autres joves occitans del rodol mondin) d'une estudi sus los qu'an tornat apres la lenga tota sola, e que d'aprep la seuna conclusida (mèfi aquò pòt faire tremolar un fum d'occitanISTES e de lenguistes) soi de fargar un proto-dialecte a ieu tot sol (que fau pecas, mas las fau d'un biais regular, valent a diser que soi de fargar un nòu sisteme, mas vos rasseguri, teni pas brica l'intencion de me pausar coma nòu goron de secta, pensi que lo mitan occitan n'a ja pron, encara que l'idea de me montar un farem (perdon un harem IOI) d'esclavas sexualas me desagradaria pas)).

Pel de mai e mon emplec de la lenga, soi un chuca-sang o un papagalh coma vos estimet mai, d'eisempla passeri una part de l'estivada e de la feria de Besiers de faire d'emissions de radio amb l'excelent amic Yellow Splif de RÒL Montpelhier qu'es provençau e traperi paraulas de provençal.

A mai, me far riser cora òm me parla del meu dialecte d'origine : soi creissut dins la part lengadociana del pais de "salsepareille" (mai precisentament a Ais-las-aigas (Ax les Thermes en pates de Moliere)), soi nascut d'un paire bigordan (de Sant-Lari-Solan) e d'una maire comengesa (Banheras de Luchon), ela meteissa filha d'una catalana (Escala dins la Noguera Palharesa) e d'un aranes (Bossost).

Cora parli occitan e que desiri comunicar, parli amb los meus amics Yellow Splif (provençau/ vivaro aupenc), Marçau (La Taissoniera Lemosin) , Sergio Berardo (Caraglio, Valadas occitanas) doncas naturalament en parlant dintri paraulas de los lor dialectes.

A mai teni d'amics d'un fum de paises (Cameron, Vietnam...) e lor raubi paraulas e espressions de lo lor parçan.

Doncas òc parli una lenga que petassi e que d'aprep ieu val melhor que de se garrolhar mentre nosautres(coma disi sovent l'important es pas de diser una femna/ ua hemna/ una frema, l'important es de la bicar) e aparentament aquò foncionna (de veser las chifras d'audit de Radio Occitania) aprep soi benleu un traidor pels 150 estatjans del meu villatge mas cresi que m'an perdonat e los quites occitanISTES qu'ensajeron de me faire plegar (e me podetz creire i son pas anat amb l'esquina del culher) se son mandats faire molzer.

Coma le diria aquel brave obsedat de Jan de NAdau qu'ai la "bite qu'ei atau

Amistats

Cedric

De que dire ? Tòrni tot bèu just de l'estadi velodrome...Que pietat ! Que pecat de veire aquelei jogaires marselhés. Òsca ai tolosan de segur mai tròn de dieu ! D'aquelei jogaires ! E l'ambient dau velodrome qu'èra subrerealiste, em" leis estadiers que prenguèron plaça davans lei tribunas avans la fin de la partida per assegurar la securitat deis autrei pifres.
Burp ! N'ai lo racabòmi !

ostauPM a écrit:De que dire ? Tòrni tot bèu just de l'estadi velodrome...Que pietat ! Que pecat de veire aquelei jogaires marselhés. Òsca ai tolosan de segur mai tròn de dieu ! D'aquelei jogaires ! E l'ambient dau velodrome qu'èra subrerealiste, em" leis estadiers que prenguèron plaça davans lei tribunas avans la fin de la partida per assegurar la securitat deis autrei pifres.
Burp ! N'ai lo racabòmi !

M'inquiesta, lo Godolin s'es pas encara trufat de tu...onte era amb tu onte es mort aquela bestia ? per tant lo vejeri la setmana passada al concert de Dalfin

Per contra los Girondins be son enquera anats cercar un bon punt en Flandre (com's dit en occitan ?), hihi!
Qu'em tresau deu campionat de l'estat francès e prumèrs deu campionat occitan !!!

Occitaneta contenta, contenta, contenta !!

Soi plan tornat de Marselha aqueste maitin e plan content de véser ganhar lo TFC al Vel' (cal díser que lo TFC aviá pas ganhat a Marselha dempuèi mai de 40 ans!!!!). Èi pas encara realizat que lo TFC ganhèt arser a Marselha e pr'aquò !
Malastrosament, los "estadièrs" marselheses (ambe la complicitat) dels CRS tustèron de suportaires del TFC a la sortida de l'estadi. Vegèri un collèga jagut a tèrra tustat per 2 CRS e sabatat per "un valent estadièr" marselhés. Resultat: lo suportaire en question es totjorn aqueste ser en observacion a l'espital e es plan nafrat. Solide, i aviá pas cap jornalista a aquel moment (domatge, tot aquò se debanèt davant los burèus de França 3 Mediterranèa). Mas bon, aurem un còp de mai un article de mèrda dins la Despacha o endacòm mai per díser que los Tolosencs fotèron la mèrda e que tanplan la policia coma los estadièrs marselheses son d'angèls vertadièrs!! Alavetz Matieu, cal plan créser qu'aquelas putas d'estadièrs marselheses se mainèron mai de far la securitat als jogaires de l'OM que non pas a nosaus (e normal tanben, los jogaires de l'OM son "d'estars" ). Afar de seguir. Si que non, arribèrem tardièrs dins l'estadi (manquèrem quitament lo prumièr but d'Emana) e demest totis los desplaçaments que fasquèri a Marselha, es plan lo prumièr còp que vegèri un ambient de mèrda atal a Marselha (pr'aquò, l'ambient en çò nòstre èra pas mai tarrible qu'aquò quitament se cantèrem plan coma cal lo repic del "Se Canta" en segonda temporada). Matieu, èras ambe los MTP ?

Godolin a écrit:Soi plan tornat de Marselha aqueste maitin e plan content de véser ganhar lo TFC al Vel' (cal díser que lo TFC aviá pas ganhat a Marselha dempuèi mai de 40 ans!!!!). Èi pas encara realizat que lo TFC ganhèt arser a Marselha e pr'aquò !
Malastrosament, los "estadièrs" marselheses (ambe la complicitat) dels CRS tustèron de suportaires del TFC a la sortida de l'estadi. Vegèri un collèga jagut a tèrra tustat per 2 CRS e sabatat per "un valent estadièr" marselhés. Resultat: lo suportaire en question es totjorn aqueste ser en observacion a l'espital e es plan nafrat. Solide, i aviá pas cap jornalista a aquel moment (domatge, tot aquò se debanèt davant los burèus de França 3 Mediterranèa). Mas bon, aurem un còp de mai un article de mèrda dins la Despacha o endacòm mai per díser que los Tolosencs fotèron la mèrda e que tanplan la policia coma los estadièrs marselheses son d'angèls vertadièrs!! Alavetz Matieu, cal plan créser qu'aquelas putas d'estadièrs marselheses se mainèron mai de far la securitat als jogaires de l'OM que non pas a nosaus (e normal tanben, los jogaires de l'OM son "d'estars" ). Afar de seguir. Si que non, arribèrem tardièrs dins l'estadi (manquèrem quitament lo prumièr but d'Emana) e demest totis los desplaçaments que fasquèri a Marselha, es plan lo prumièr còp que vegèri un ambient de mèrda atal a Marselha (pr'aquò, l'ambient en çò nòstre èra pas mai tarrible qu'aquò quitament se cantèrem plan coma cal lo repic del "Se Canta" en segonda temporada). Matieu, èras ambe los MTP ?

Nani pas. Èri au viragi Sud, encò dau C.U. 84. Per l'ambient que vòs que te digue ? Quora perdes 2 a 0 après un trentenat de minutas as pas puei enveja de cantar. Qunta bronca a la fin de cada mieg-temps. E leis aplaudiments per lei jogaires tolosans. Èra completament reversat l'estadi.
Òsca pasmens per vautrei vai emai siguessi descorat per aquelei viechs d'ai de Marselhés...
Sabiáu pas per tei colègas. Espèri que sortiràn lèu-lèu de l'espitau. Ieu m'escapèri leu de l'estadi per evitar d'èstre pres au mitan d'una filada ò qué que siegue.
Anam s'etraçar de rire quora anam jogar Liverpool, ti va dieu !

Ès ambe los CU, d'acòrdi! Si que non, lo joen en question es tostemps a l'espital anuèit. Per l'an passat (OM-Bordèu), i aviá agut una bandairòla "Solament Marselha" per la "Cosa". I èras per quicòm benlèu o alavetz qual balhèt aquela iniciativa de las bravas? Bon coratge a vosaus per doman de ser!

Godolin a écrit:Ès ambe los CU, d'acòrdi! Si que non, lo joen en question es tostemps a l'espital anuèit. Per l'an passat (OM-Bordèu), i aviá agut una bandairòla "Solament Marselha" per la "Cosa". I èras per quicòm benlèu o alavetz qual balhèt aquela iniciativa de las bravas? Bon coratge a vosaus per doman de ser!

Espèri qu'anarà lèu mièlhs lo joine.
Per quant a la bandairòla, non, li siáu per ren. Es una iniciativa dei gents de la Cosa Ultra. Sabi pas qu aguèt aquesta idèia, subretot de l'anar escriure en grafiá classica. Iniciativa dei bònas, de segur...
Siáu pas C.U. personalament. S'atròva qu'aguèri d'intradas per aquela partida estent que lei collègas li podián pas anar, rapòrt a l'orari (e òc, lo dissabte a cinc oras un quart, ne l'a que trabalhan, bravei sinhors de la liga !).
Voei, li vau a l'estadi'sto sera...Veirem ben çò que si debanarà, emai siguessi pron marfisant sus la resulta finala se contunhan de (des)jogar coma n'an la costuma despuei lo començament de l'an lei marselhés...

Bon, vòli pas har lo cagant, mes ier i a l'OM qu'a ganhat contra Liverpool e tot lo monde s'en fot ?