Accueil
Lo pòble palestinian que pateish sofrenças de non pas díser ! Luenh d'anar dens lo sens de la patz, l'estat israelian que contunha de colonizar Palestina. Las violéncias hèitas au pòble son innombrables e quotidianas e qu'es dab determinacion e abnegacion que los Palestinians resisteishen cap ad ua vertadèra epuracion etnica. Qu'es clar que las multiplas tocadas a las libertats fondamentaus, los empachas continuèrs ad ua vita normau qu'an per mira lo descoratjament e la partença deus Palestinians de la lora tèrra. L'ambicion colonizadora d'Israel es pas un mite.
Qu'aurem podut pensar que l'estat francés hicaré autant de conviccions ad emparar los drets elementàrias d'un pòble com hica tota la soa energia entà sauvar los engenhaires d'Aréva au Níger. A manca d'aquò, que pren har e virar entà la politica colonizatora d'Israèl en defénder lo boicòt ! La Canceleria qu'a avut aquesta suber idea segon la quau tot aperet au boicòt deus produits d'un país n'èra pas qu'ua "provocacion publica a la discriminacion cap ad ua nacion”, castigada d'un an de preson e de 45 000 euros d'esmenda. Lo ministèri public que demanda aus procuraires de la Republica d'assegurar ua repression "fèrma e coherenta” d'aquestes agís. Com se nomar ua plaça Ben-Gorion en París, en plea repression en Palestina, ne'us sufiva pas !
Solide, tot aquò n'es pas per idealisme mes plan pr'amor qu'i a interès financèrs deus importants enter los dus estats e lors capitalistas respectius (vedetz Agrexo). L'amalgama enter anti-semitisme e anti-sionisme n'es pas tanpauc anodina quan mantua personalitat politica, economica o mediatica son sionistas convençudas. Mes e'ns poden escarnir d'antisemite quan disem NON a la colonizacion ? E totun la França que deuré saber com s'acaban las aventuras coloniaus e l'expiar aus israelians...
Cap au sosten de l'estat francés cap a la politica de colonizacion israeliana, que devem respóner peu boicòt de tot çò qui vien d'Israèl, qu'es lo solet miejan d'alertar lo monde e de har floishar l'estat coloniau. Lavetz, tots amassas boicotem aqueste estat coloniau !!
Pr'amor, qu'ac tornam díser, n'es pas ua question de religion mes ua question de territòri. Com lo pòble israelian e poiré víver en patz quan son estat infligeish un castig de non pas díser aus palestinians...
Qu'exortam los estats de deishar aquesta guèrra de colonizacion. Non podem pas tolerar qu'ua barrèra qu'ahamia e tua cada jorn mei lo pòble palestinian. L'estat israelian qu'emplega procediments de colons, qui ne podem pas tolerar. Lo boicòt qu'es ua faiçon de combàter economicament aquesta colonizacion, en tot marcar la nosta reprovacion cap ad a las granas enterpresas que finançan lo sionisme e entertienen d'aqueste hèit la colonizacion e lo genocidi latent deu pòble palestinian.
NON AU COLONIALISME ACI O ACIU !!!
BOICOTEM ISREAL DINC A LA PATZ E LA DESTRUCCION DE LAS COLONIAS !!!
LIBERTAT PEU PÒBLE PALESTINIAN !
Mei d'entresenhas : http://campagneboycott.blogspot.com/
SOLIDARITAT OCCITÀNIA-PALESTINA!!