Accueil
L'Audiéncia Nacionala, tribunal d'excepcion de l'estat espanhòl, sentencièt lo passat 16 de setembre a dètz ans de preson l'ex-pòrtaparaula de Batasuna Arnaldo Otegi. La senténcia del tribunal espanhòl prevei tanben las meteissas penas per l'ex-dirigent del sindicat LAB, Rafael Díaz Usabiaga, e d'autras penas de preson per tres autres militants abertzales. Lo tribunal especial espanhòl los acusa d'agir coma integrants d'ETA en ensajar de rebastir la formacion illegalizada Batasuna, a travèrs del projècte Bateragune. Aital, la senténcia impausa tanben penas d'uèch ans de preson per Sonia Jacinto, Gardan Zabaleta (filha del cap d'Aralar, Patxi Zabaleta) e Arkaitz Rodríguez. Txelui Moreno, Mañel Serra e Amaia Esnal son estats absolguts.
Cal remembrar qu'Arnaldo Otegi es estat empresonat preventivament dempuèi octòbre de 2009 pel "crimi" d'aver contribuit a la refondacion de la direccion del partit politic Batasuna, vengut ilegal per las autoritats de l'estat espanhòl que fa un usatge cinic de la paraula democracia.
En realitat çò que destorba lo govèrn de Madrid, es pas qu'Otegi, mas lo legitim del movement de desliurança del pòble Basc per lo sieu drech a l'autodeterminacion . En efièch la condemna d'Otegi s'inscriu dins lo meteis procès de criminalizacion de l'esquèrra abertzale que lo Mandat d'Arrèst Europèu (MAE) contra Aurore Martin o encara la detencion dins lo passat mes de julhet de Daniel Derguy a Caors.
Cal egalament remembrar la repression qu'exercís l'estat espanhòl contra lo movement basc (barrament de jornals, escòlas, tavèrnas, contraròtles, condemnas, MAE, torturas...), que se debana en un periòde ont ETA e l'esquèrra abertzale se son compromesas a resòlvre lo conflicte per la via democratica (lo cessament del fuòc unilateral d'ETA!). En aquela situacion la condemna d'Otegi pels tribunals d'excepcion es un atac de mai de las autoritats espanhòlas contra lo procès de patz en Euskal Herria.
Cal que condemnem amb fermetat, un còp de mai, la violéncia e l'acarnassiment de la justícia coloniala de l'estat espanhòl contra los militants independentistas basques.
Balham tot lo nòstre sosten incondicional a l'esquèrra abertzale e exigissèm lo desliurament immediat d'Arnaldo Otegi e los autres condemnats, l'arrèst de las torturas a Euskal Herria e la retirada de totes los MAE.C
Cal remembrar qu'Arnaldo Otegi es estat empresonat preventivament dempuèi octòbre de 2009 pel "crimi" d'aver contribuit a la refondacion de la direccion del partit politic Batasuna, vengut ilegal per las autoritats de l'estat espanhòl que fa un usatge cinic de la paraula democracia.
En realitat çò que destorba lo govèrn de Madrid, es pas qu'Otegi, mas lo legitim del movement de desliurança del pòble Basc per lo sieu drech a l'autodeterminacion . En efièch la condemna d'Otegi s'inscriu dins lo meteis procès de criminalizacion de l'esquèrra abertzale que lo Mandat d'Arrèst Europèu (MAE) contra Aurore Martin o encara la detencion dins lo passat mes de julhet de Daniel Derguy a Caors.
Cal egalament remembrar la repression qu'exercís l'estat espanhòl contra lo movement basc (barrament de jornals, escòlas, tavèrnas, contraròtles, condemnas, MAE, torturas...), que se debana en un periòde ont ETA e l'esquèrra abertzale se son compromesas a resòlvre lo conflicte per la via democratica (lo cessament del fuòc unilateral d'ETA!). En aquela situacion la condemna d'Otegi pels tribunals d'excepcion es un atac de mai de las autoritats espanhòlas contra lo procès de patz en Euskal Herria.
Cal que condemnem amb fermetat, un còp de mai, la violéncia e l'acarnassiment de la justícia coloniala de l'estat espanhòl contra los militants independentistas basques.
Balham tot lo nòstre sosten incondicional a l'esquèrra abertzale e exigissèm lo desliurament immediat d'Arnaldo Otegi e los autres condemnats, l'arrèst de las torturas a Euskal Herria e la retirada de totes los MAE.C