Las radios en occitan

Adieussiatz,

Una pichona crida a contribucion, sèm d'ensajar de fargar dempuèi d'anadas un malhùm de radios en lenga nòstra per fins de poder obrar mai en inteligencia amassa.

Doncas aquela crida (que pòt concernis totun, qu'un que siaguesse lo seu canton) per demandar ajuda, las radios mancan maishantament d'animators benevòls en lenga nòstra, doncas qu'un que siaguesse lo canton ont setz, s'avetz d'ideas o d'envejas vos cal anar veser las radios que son en cerca de monde...

Sèm un apleche que malastrosament es pas fòrça usitat pel mitan occitanISTE (per escupir i'a monde, per se tirar lo det del cuòls e balhar un còp de man en bontan las mans dins la merde, i'a pas degun).

Se setz del rodol mondin e que setz interessats per dintrar dins la còla de Radio Occitania, trantalhetz pas de me contactar.

Darrier assabers: soi de tornar fargar lo format del jornal de miègja-jornada de Radio Occitania per la dintrada: pel moment es trencat e 3 partidas : Internacional, Europea, Estat Frances, soi d'ensajar de lo mudar en Internacional, Euròpa (ço que se debana al dessus del massiu inclusit), Espandi occitana-catalan... per aquel darrier punt, me caldria doncas monde referents de pertot en Occitania e en Catalunya per me faire virar d'assabers....a doncas se setz interessats o que coneissetz monde interessats, pensatz amb ieu vos pregui

Amistats

Cedric

soi d'ensajar de lo mudar en Internacional, Euròpa (ço que se debana al dessus del massiu inclusit), Espandi occitana-catalan... per aquel darrier punt, me caldria doncas monde referents de pertot en Occitania e en Catalunya per me faire virar d'assabers...

Que'm sembla hòrt interessant. Que pensi qu'aurèi, a còps, informacions per tu (tà Gasconha).

Io vòle ben, mas ai pas tot compres a çò que te faliá coma ajuda...

Danís a écrit:Io vòle ben, mas ai pas tot compres a çò que te faliá coma ajuda...

La torni faire d'un biais mai aisit benleu (qu'aier ai picat aquò seguida del pamflet sus "I virasolelh" e aprep la dimenjada Vinadio aviai benleu lo cervel un drin dins l'escuretat.

Doncas per l'anada venenta (tre la dintrada de setembre) voli mudar lo jornal d'assabers de mièg-jornada de la radio en un jornal trencat en 3 capitols : Internacional, Europa e Espandi Occitana-Catalan (ai ensajat de trapar un terme politicament correcte, personalament auria dit Nacional).

Alavetz lo probleme es que las sorgas d'assabers que tenen son d'agencia de premsa françimanda (Afp) o inglesas amb un agach franca-frances (Reuters, AP), las nòvas "regionalas" (sic) son mai que mai pas tractadas (o alara dins los capitols "Insolite".

L'idea seria doncas de trapar corespondants dins Occitania Tota e dins Catalunya que me podrian sia faire passar per mail, sia daissar sus un fòrom sus la ret (de bastir) totas menas d'assabers (me voli pas embarar dins assabers en occitan pas que sus la cultura occitana, voli parlar de tot ço que pertoca Occitania e Catalunya (Politic, social...).

Per esser segur d'esser entendut un eisemple, m'estimi mai important per un media occitan de poder parlar dels problemes que pòt pausar lo TGV dins valadas, o los problemes d'OGM dins los cantons agricols del pais que non pas de "Paris Bronza-cuòl", e per aquò manquem de sorgas.

Per res vos amagar (es una part de ço qu'avèm discutit a Rodes amb los autres medias) la tòca finala seria de poder aver una agencia de premsa occitana (qu'es quicòm que far mestier) e que podria servi a totes los medias que siaguesse radios, premsa escricha o encara premsa televistalhada...

E per aquò cal monde fisables que podrian ajudar a d'aquò, que lo probleme es que pel moment avèm radios amb jornalistes per faire virar assabers de Biarn, Bigòra, Tolosa e lo seu rodol, e lengadòc baish fins a aprep Montpelhier, çaquelà i'a un fùm de cantons ont avèm pas res (Marsilha, Bordèu, Lemosin, Alvernha, Ardecha, Aran, Valadas....)

Aqui esperi que soi estat pron clar, si de non contactatz me

Amistats

Cedric

la tòca finala seria de poder aver una agencia de premsa occitana

Aquò qu'ei important..

Occitan Libertari a écrit:

la tòca finala seria de poder aver una agencia de premsa occitana

Aquò qu'ei important..

Non, es pas important es CAPITAL

E alavetz ço que balhè la discutida enter medias a Rodés ? Que's harà abans 2012 o non pas ?

Occitan Libertari a écrit:E alavetz ço que balhè la discutida enter medias a Rodés ? Que's harà abans 2012 o non pas ?

Ben escota, te dirai francament que cora soi arrivat eri pas fòrça fòrça optimiste, çaquelà se debanet hèra plan, avèm plan discutit mentré Radio Pais, Lenga d'òc Montpelhier, Radio Occitania e la Setmana (nos cal acontactar leu Radio Lenga d'òc Narbona que me sembla important d'esser clas, i'a projectes (que desrevelarai pas açi pel moment, cal menajar l'esfgach de suspresa ) .
Al nivèl uman foguet esperiença de las bravas (pel fora-borra avem trapat una brava compliçitat mentre las radios, e foguet ta ieu un plazer de las bravas d'obrar tan amb Domenja qu'amb Yellow), per te diser, Lenga d'òc Montpelhier m'an convidat de lor balhar un còp de man per la feria biterenca (e esperi qu'i podra i'aver qualqu'un de Pais tanbèn).

Aprep cal pas desnegar qu'avèm un fum de problemes d'adobar: coma associacion, avem pas los miègjans de finançar los nòstres emplegats de longa, doncas far un "turn-over" coma se dit en frances, un drin pesuc.

Autre probleme (e benleu lo probleme matge), aquelas radios eisiston dempuei d'anadas (nosautres que sèm l'aujòl farem 26 ans dins un mes), ensajem de faire ço que podem per esser un apleche al servici de l'occitan e de los que lo desfendon (o que dison de lo faire), resulta deguns se bolega, los occitanISTES son plan coma de costuma per se pausar en balhaire de leissons o en escupissaires mas cora cal fotra las mans dins la merda, i'a pas mai degun (per citar un eisemple, representavai Radio Occitania a l'acamp sus la carta de cultura occitana de la region Miegjorn-Pireneus, me soi pres la cara amb 2 rompa-bassa que comenceron d'atacar al nivel de la qualitat e que cora l'or digueri "vos convidi de venir a la radio cora voletz ensajar al mens un còp de faire un jornal de mièg-jorn e veiretz ço que representa en terme de dificultat" me responderon "a ven non sabèm pas faire, es pas lo nòstre mestier" (ço que faguet que lor responderi aprep fòra acamp per pas fotra lo rambalh e assegurat per mos 15 ans d'esperiencia en radio" s'es pas lo vòstre mestier, me venetz pas balhar leissons, soi un professional, vautres non doncas vos emerdi")

En conclusida (anetz començar de n'aver un confla de ieu e de ma caganha verbala, per que tot se fasguet (e leu a mai) i'a l'enveja, lo vam, çaquelà nos manca lo monde (t'aprometi que d'aquela passa, soi uros d'esser sol (manca la manca de me faire amanhagar) que se tenavia una fremna, aurai pas de temps d'i consacrar (mentre los projectes radios e los projectes d'al costat, aviai previst de tornar fargar un grop de musica o de me tornar fotre de faire lo DJ dins los bars mondins per botar un drin de bura dins los espinarc e faire virar la musica occitana, teni de damandas çaquelà teni pas leser d'onorar, me cal quitament prener reng-de-pé amb ieu meteis una setmana d'avança per anar escampar d'aiga).

Doncas òc es possible, se i'a monde que prenom dos o tres oras cada setmana per fins d'adobar e de venir faire una ora d'emission dins las nòstras radios, per fins de nos descargar un boçin e de nos permetre de bastir projectes sense dever faire lo dacòs administratiu e lo contengut del meteis temps.

Aqui lo punt per l'ora de la situacion amic

Amistats

Cedric

E.A : (per los que me coneisson pas m'estimi d'emplegar Escrit Aprep en plaça de Post Scriptum, far cagar lo monde doncas ieu me far riser ): a d'aquel prepaus un darrier punt, s'avetz dins lo canton vòstre radios que fan d'emission en occitan o que serian interessat d'en difusir (mentre las tres radios avem un fum d'oferta, sabi pas pels autres, mas nosautres a Radio Occitania tenem 500 oras d'archius en occitan), mercés de nos faire virar las loras entresenhas.

En conclusida (anetz començar de n'aver un confla de ieu e de ma caganha verbala, per que tot se fasguet (e leu a mai) i'a l'enveja, lo vam, çaquelà nos manca lo monde (t'aprometi que d'aquela passa, soi uros d'esser sol (manca la manca de me faire amanhagar) que se tenavia una fremna, aurai pas de temps d'i consacrar (mentre los projectes radios e los projectes d'al costat, aviai previst de tornar fargar un grop de musica o de me tornar fotre de faire lo DJ dins los bars mondins per botar un drin de bura dins los espinarc e faire virar la musica occitana, teni de damandas çaquelà teni pas leser d'onorar, me cal quitament prener reng-de-pé amb ieu meteis una setmana d'avança per anar escampar d'aiga).

N'ei pas jamei vist quauqu'un qu'obra 5 parentèsis dens la medisha frasa !

Mei seriosament n'ei pas ganhat enqüèra..

Tà informacion, que vam començar a la rentrada ua mutualizacion d'info ràdio deu diluns au divés (7ò-10ò) dab Ràdio Pais, Radio Auloron e Votz de Noste (Voix du Béarn). Se foncciona que serà jà plan..

Que'n vòli pas véner la pèth de l'ors avan la caça, mes s'as la possibilitat (tu o quauqu'un d'autre) de'ns balhar quauquas nocions de jornalisme, pensi que benlèu a Bordèu, dab los estudiants e lo MED'OC, pòdem ensajar de trobar ua o duas personas per l'agencia occitana. Pr'amor qu'em pas format tà har de jornalisme, mes benlèu que quauqu'uns son interessats.

Per las verguetas, trantalhas pas, podi faire mielh.

Per lo projecte, n'ausigueri parlar, s'avetz mestier de que que siaguesse que vos podi portar, sera amb plazer.

Aviai començat tanbèn d'obrar a un raprochament amb la jornaliste d'una autra radio que far pauc d'occitan (e donte amagarai lo nom, es mon costat trobador) mas al cap de dos o tres escambis, avem agut incompatibilitat

Anem, que hè pujar lo subjècte.
Dilhèu n'ei pas l'endret, mes que'm haré gai de tornar parlar deus escambis enter las ràdios occitanas.
De quin biais, quan e quin (aquò qu'ac sei) e seré possible d'escambiar sons (actualitats, dossièrs, entervistas ... ) enter nosautes. Pensi mei precisament a R. Occitània e R. Lengadòc segur.

Motivats o pas ?

Solide l'ome,

Domenja te diguet benleu mas ensajem d'i trabalhar, aprep manquem de temps e aquo es de cosina de l'endadins, anem pas faire cagar aici amb aquo lo mai simple s'en vol parlar, basta pas que de me mandar un mail ( thebigdreux@yahoo.fr )

plan

L'Òmi a écrit:Que'n vòli pas véner la pèth de l'ors avan la caça, mes s'as la possibilitat (tu o quauqu'un d'autre) de'ns balhar quauquas nocions de jornalisme, pensi que benlèu a Bordèu, dab los estudiants e lo MED'OC, pòdem ensajar de trobar ua o duas personas per l'agencia occitana. Pr'amor qu'em pas format tà har de jornalisme, mes benlèu que quauqu'uns son interessats.

Nos qualificas de jornalistas, m'en senti tot ufle vau rogir... Fau saupre que Cedric e ieu avèm pas reçauput de formacien profecionala (emai siguessi en trin de m aprepara a passar un concors per dintrar en escola), que ce que savèm, l'avèm aprés sus lo tas, coma la magèr part dei gents de media de l'ora d'ara. Per parlar chifras, fau saupre que sonque 20% dei "jornalistas" francés lo son vertadierament, valent a dire qu'an aprés son mestier en escola... Lo terrenh es la vida.

Vos podi ieu far part de mon esperiença, conselhar, vos balhar de dralhas, que siau joine mai qu' ai d'esperiencia mina de ren, mai nulament usurpar lo titre de jornalista per aquo far.

(putans de gascons mi fètz metre de 'que' d'en pertot dins mei frasas )