Que pensatz dau 14 de Julhet ?

Rappel du premier message :

Io, lo 14 de Julhet, "demòre dins mon liech moflet", coma disiá Brassens (traduccion Peiraguda...)

Segur, mas çò que vòle dire, es que Montfort es vengut un simbeu, era un simple sodard, a la debuta. Mas coma era lo mens vergonhós, lo mai actiu benleu, es devengut queu personatge que coneissem. Celebrar la mòrt d'un personatge de segonda man, quitament s'es conegut, quò m'enmerda un pauc... quò balha l'impression de se racrochar a de las pitas branchas...

Jo tanben que soi tà d'ua data mei positiva, e deu sègle 20 o 21.
Dilhèu lo podem crear, l'eveniment: organizar ua amassada de joens occitans, en causir lo dia, on haràm ua declaracion de principi sus Occitània.
Que demanda un tribalh deus bons, mes qu'ajudaré a la consciéncia occitana. (Perqué pas organizar un concèrt a l'entorn d'aqueth eveniment, dab los grops occitans plan politisats (Lo Dalfin, Arnapi, Mauresca ..)

wow, lo Dalfin, Arnapi, quina aficha !!!! dise pas aquò, que podréi pas mei dromir de m'ac imaginar...

jo que perpausi ua data au cap de seteme / debuta d'octobre, qui simbolisaré la fin de la vrenha, fòrça important dens la màger parta de las regions d'òc, non ?

Vertat, qu'es una bona ideia, tròbe, e sens rire, è !
Puèi que totas las regions occitanas son fòrça liadas a la terra, a la natura. E lo vin es un ben de consomacion corenta, e a una imatja respectada d'en pertot dens lo monde. Nos pausariá en tant que festaires, qu'òmes modernes e a l'encòp conscients de nòstre passat. E qu'es una valor indiscutabla e pan-occitana...

Per contra, dija pas de mau de Lou Dalfin avant de los aver vist sus empont... Arnapi, dise pas, mas Lou Dalfin... te vas far daus enemics, e aquò sens rason...

mas Lou Dalfin... te vas far daus enemics, e aquò sens rason...

Ennemics ?! Qu'ei besonh d'explicacions..

Per t'explicar, Mateu, aqui avem una de las frasas tipicas dau "Ceba-Roi-Fetge-Gras-Pastis-Sens-Aiga" :

ceba e roi a écrit:wow, lo Dalfin, Arnapi, quina aficha !!!! dise pas aquò, que podréi pas mei dromir de m'ac imaginar...

Qu'es dau segond gras, lo qu'en parlavam justament dins una autra seccion (a perpaus de l'Estivada, crese).

E sabe, per lo coneisser, que critica fòrça tots los grops occitans.

Puei bon, criticar un grop que se proclama punk e que l'es pas ( e quand òm coneis plan lo mitan punk, coma Ceba), aquò pòt se comprener, mas criticar un daus mai grands grops occitans (Lou Dalfin per io, Diu, per d'autres...) en refusar d'escotar lurs discs e sens esser anat los veire en concerts, es aqui que se fará d'enemics, pense...

Mercés tà la precision Danis.

Vertat Arnapi n'ei pas punk. Se disen punk-ròck, jo pensi qu'ei tot simplament ròck. Ne'm sembla pas que sia hòrt important, ço d'important qu'ei lo messatge qu'an de balhar.

Tau Dalfin, segur que se n'as pas jamèi vist lo Sergio sus l'empont, sabes pas ço qu'ei Lo Dalfin, e se sabes pas ço qu'ei, mausaisit de'n parlar !
A despart deu militantisme occitan deu Dalfin, la preséncia deu Sergio qu'ei quauqu'arren d'extraordinari, que n'ei sentit pas sonque dab eth.

Òc, qu'es un tipe impressionant, dins la musica que fai, dins son juec scenic, dins sos engatjaments...
M'a traumatisat jòune lo tipe...los aviá vist en vila, a Peirigús un còp, e m'aviá fach talament paur qu'ai refusat de los tornar veire jusinca l'Estivada de l'an passat...

I a qu'a causir la data de naissença d'aquel Sergio coma festa nacionala!!!!

EEEEE, quò vai ! Qu'es nonmas un musician !

Se voletz que podetz causir la mia data de naishença ...Que soi vadut lo 4 de mai. Pr'amor soi jo lo fondator deu mei gran forum occitan ! Lo mei gran lòc d'escambí !