Que pensatz dau 14 de Julhet ?

Io, lo 14 de Julhet, "demòre dins mon liech moflet", coma disiá Brassens (traduccion Peiraguda...)

M'en foti a 100 %, es un jorn coma los autres exceptat que meti la bandièra occitana a ma fenestra

...bona ideia...
Sei contra lo principi, mas me damande ben çò que chausiriám coma jorn de la festa nacionala occitana

Qu'avem jà avum lo desbat dab los de la Hartèra, tau dia de la nacion occitana. Mes n'avem pas trobat

Io pensava, per far originau, coma lo jorn de la festa nacionala qu'es tot lo temps la comemoracion d'un jorn ente i a 'gut una desliurança, quauquarren de positiu, perque pas far lo contrari ? Prener per exemple lo 16 de Març, en omenatge aus cramats de Motsegur, quauqua ren entau...
En mai, coma avem totjorn estat un pòple oprimit, avem pas de data tan joiosa que 'quò...

Be, donc : lo 14 de julhet !

A, ben òc, vertat...

Prener per exemple lo 16 de Març, en omenatge aus cramats de Motsegur

D'accòrd ! Qu'ei lo men anniversari ! E lo deu Robert Lafont tanben.

Jo pensi pas que sia ua bona idea de préner ua data vielha atau. Me'n foti drin deus catares. Cau quaucarren de naveth.

Entau dia de la hesta nacionau, ne cau pas prener lo cas de l'estat francès com sonque exemple... Quitament dens la magera part deus pais (imperialiste ?) lo jorn nacionau qu'es quauqu'arren de positiu n'es pas pertot atau... Per exemple la Diada catalana qui es lo 11 de seteme que torna aperar la caduda de Barcelona au contre de las tropas deu Borbon... E la desfeita deus maulets...
Sinon que trobi que lo 16 de març n'es pas trop mau !!!
Quitament un jorn d'estiu que seré mielehr

Siquenon, lo 29 de heurèr, que'm sembla bon, e rentable ...

E perque pas lo 17 de març ?

En comemoracion de... Besièrs ??? pusleu lo 21 d'Octobre, coma quò siguet la prumiera gròssa manif occitana...

Danís a écrit:Io, lo 14 de Julhet, "demòre dins mon liech moflet", coma disiá Brassens (traduccion Peiraguda...)

Soi frustrat,

Soi estat obligeat de respondre qu'es un jorn important mas maridament organisat: lo 14 de julhet es un jorn fòrça important e es per aquò que los franceses fan un fòc d'artifice.... es lo cap-d'an de la mòrt de Leo Ferre, te l'a pas dit lo Joan Pau del teu pais ?

perque pas lo 13 de seteme !!

que ço que's debanè lo 13 de seteme ? S'ei lo ton anniversari ne compta pas, qu'avem dit qu'èra lo men !

Qu'ei la batalha de Murèth, bon sei pas si ei lo 12 o lo 13, pr'amor que sus lo net que disen l'un o l'aute ..

Occitan Libertari a écrit: S'ei lo ton anniversari ne compta pas, qu'avem dit qu'èra lo men !

Soi pas tant egocentrica jo

O benlèu que'ns cau esperar lo jorn de la ratificacion de la carta europenca de las lengas regionalas ... (espera, espera ... )

L'Esquiròu a écrit:O benlèu que'ns cau esperar lo jorn de la ratificacion de la carta europenca de las lengas regionalas ... (espera, espera ... )

Alavetz que podem esperar enqüèra longtemps ...

lengas regionalas ? Sabetz ço qu'ei vosautes ?

Que'm sembla qu'ei lo 12 Muret..

O alara tornem prener lo probleme a la basa, e decidem que lo calendrier es pas pro occitan, e n'en chanhem...
Mas...lo probleme demòra : quau jorn lo far començar ??? E quau nom donar aus mes ?

Danís a écrit:O alara tornem prener lo probleme a la basa, e decidem que lo calendrier es pas pro occitan, e n'en chanhem...
Mas...lo probleme demòra : quau jorn lo far començar ??? E quau nom donar aus mes ?

Euh alara 12 es pas aisit... Castanier, Fontanian, Lafontian, Mistralenc, Godolesc, Melhaunas, Bodonaire, Vidalesc, Rudelian, Roquetus...trapi pas mai d'ideas doncas lo calendrier tendra pas que dos meses (o alara n pòt comptar 20 se fasem una seria en grafia classica, una en Mistralenca).

Pel de mai, pensi qu'abans d'aver una festa nacionala, cal aver quicòm de festejar (valent de diser una nacion)....

Çaquela (cora disi qu'aquel forum far venir creatiu) sabi pas se setz al fial çaquelà al mes de junh (non vau pas parlar del meu cap d'an qu'es lo 6) me brembi pas se es lo 21 o lo 24, son los caps d'ans de las mòrts de dos putaniers : Montfort e Cluster....una festa de las nacions oprimidas per aquelas datas podria esser una idea de que n'en pensetz?

Òc, es una ideia, mas se fai pausar coma martirs e io n'ai un pauc mon confle de quela imatja...
E... qui qu'es Cluster ? Per io qu'es una marca de pitits desjunars...

Danís a écrit:Òc, es una ideia, mas se fai pausar coma martirs e io n'ai un pauc mon confle de quela imatja...
E... qui qu'es Cluster ? Per io qu'es una marca de pitits desjunars...

Lo fach de se faire pausar coma martirs pòt esser interessant se plan mediatisat e Cluster pòt mediatisar (me semblavia que las nòstre dos generacions (mecrés a Davy Crockett per la meuna e a Docteur Quinn Femme medecin per la teuna coneissavian Custer) dirai per te respondre que Custer es als indians ço que montfort foguet per nosautres (e cora disi montfort pali pas del fromatge IOI)

Si i a un jorn una festa nacionala

Caldria pas prene un evinement istoric per que i a pas d'evinement istoric que a amassat totes los païses occitans. Per exemple los gascons eran al costat dels francéses pendent la crotsada dels albiges.

Lo Guilhèm a écrit:Per exemple los gascons eran al costat dels francéses pendent la crotsada dels albiges.

Enquera que aqui, i a desbat, ai vist o legit quauqua ren i a pas longtemps que disiá que los "gascons" eran nonmas de tipes de la categoria sociala a la quala aprtenián los gascons a l'espòca : de bandits, d'òmes d'armas. Mas en realitat, los gascons qu'an fait tombar Montségur eran benleu en realitat daus Basques, o daus Savoïards...
De mai, Montségur seriá tombada de tota faiçon, e puei tots los catares se son renduts, e fugueren (relativament) plan tractas per los Crotzats, coma tot lo monde era un pauc crebat après un sieti tant long...
Donc, io vese pas d'objeccion a la chausida de quela data, e puei se comencem entau, trobarem jamai una data qu'amasset tots los occitans, a part benleu las de las manifs de Carcassona e de Besiers...

quequequejaire

Ieu trobi que festejar la mort de Monfort tuat per de femnas davant Tolosa seria un polit simbol; o belèu la revolta d'Avinhon qui permetec la "reconquista" de Ramon VII quauques setmanas avans (mès sabi pas quin jorn)

D'un punt de vusda estetic, sei pas segur que la mòrt d'una persona, quitament s'es Simon de Montfort (qu'un istorian diguet lo "Hitler de l'Atge Mejan"), siá una bona chausida per çò que deu esser un jorn de jòia.
Per aquò, m'agrada mai una revòlta, quitament se fonccionet pas, coma la d'Avinhon.
Mas enquera 'qui i a un probleme : se volem pas nos faschar emb nòstres amics frances...

Danis credes vertaderament que l'istoria e la luta entau pais noste qu'es un polit poema d'amor o que ???
Ne'm truca pas briga de poder envisatjar la mort de Simon de Montfort com jorn nacionau... Au contrari la mort d'un ómi qui es responsable de morts de tot part que'm hé plan arridér !!!