La carta nacionala d'identitat

http://estamparianacionala.wordpress.com/carta-nacionala-didentiat/

De qu'es? De que significa? Mon cinisme naturau mi possa de pausar la questien: en aquestei temps de questionnament sus l'identtitat nacionala francésa, es-ti ben urosa aquela iniciativa? E subretot, a de que serve?

Desjà faudria pas confondre l'identitat e l'identificacion. L'identificacion se fai justament per queu papier plastifiat que la prefectura balha, l'identitat es quauquaurren d'immateriau e que se resuma pas nonmas a nom/pitit nom/atge etc...

D'alhors me sembla que los frances son un daus sols a pas far la diferencia dins lo vocabulari : quand anatz en Espanha per exemple, ilhs parlen de DNI per lur carta quo es a dire "Documento Nacional de Identificación" e pas identitat.

Un document podrà jamai montrar vòstra identitat...

Apres, se los occitans vòlen esser tant colhons coma los frances...

A una espòca, quo era lo PNO que editava las cartas entau, mas eran mens belas, e subretot falia acceptar d'aver efectivament son nom e sa fòto davant, mas las coordonadas dau PNO darrier... coma se, sus las cartas francesas, i avia lo numerò de la permanencia de l'UMP emb lo pretexte que son ilhs que tenen lo governament...

Se pòt ajudar a la conscientizacion occitana, perqué pas.
Au dia de uei tot qu'ei question de simbèus.

M'agradaré mei d'anar votar dab aquera carta, quan i vau .. (los bascos qu'an editat la lor carta e n'i a tant que son obligats de l'acceptar quan vòten).

Justament, aviái vista la carta faita pel PNO, me semblava un pauc poirida (bocin de carton) e cara per çò qu'es. Mas l'idèa de n'aver una, la tròbi pas marrida, es sonque risolièr. Marçau s'èra fait a l'epòca un passapòrt occitan, per ieu aquela mena de galejada es bona, e me soi dit « m'agradariá de n'aver una, mas polida ».
Çò qu'ensajèri de far la nèit passada. Crear lo filigrane, la carta d'òc, trobar una topigrafia del país, etc…

Aprés, soi estonada de veire qu'es pas possible de far quicòm de risolièr sens ausir « qui financi amb aquò ? » (digus, sonque la copia color e la plastificacion), « l'identitat es pas l'identificacion » (mas macarèl, es una galejada Danís !)
Pel moment, ai pas que de demandas de… catalans ! Cal creire que l'idèa es mens estranha de l'autre costat dels pirenèus… avèm un problèma los occitans amb l'idèa d'independéncia e d'oficialitat ?

Per contre, m'es estat dit que seriá melhor en mantunes dialectes. Se n'i a qu'an enveja de m'ajudar a revirar les informacions estampadas en roge dessus, sètz planvenguts !

Anem ! Qu'es brava ta carta ! Ne'n vòle una !!! De notar : qu'es la carta qu'es nacionala, pas l'identitat ! E i a pas de mencion de nacionalitat ! Finalament qu'es 'na carta d'abitant d'Occitània.

E quantben de demandas per lo moment ?

La version lemosina (los autres lemosins, podetz far de las correccions) :

Pitit nom
Nom d'ostau (mas sei pas segur que quò se ditz, qu'es benleu 'mas Nom)
Adreça
Sexe
Signatura dau titulari
Sageu

Per lo demai, qu'es parier.

Per lo "qui finança aquò", lo torni diser aqui: voi pas finançar de monde com lo PNO per exemple, volèvi estar rassegurat

La vau crompar tanben !

Ben... Crese que nos vam quitament pas finançar las vacanças de Lutz dins las vinhas dau Lengadòc-Bas... sinon, n'i a pas 'na p'ita decha ? Quò siria pas benleu "permaneNta" ?

Ai lo drech de romegar? Òc?

Bon, alara me lançi: Qué son aqueles païses occitans??? Dempuèi quora Orlhac es en Guiana e Losera en Auvernha! Orlhac es en Auvernha e Losera en Lengadòc (coma Vivarés).

Calriá lançar un sondatge sul decopatge en grandas regions d'occitània, perqué aquí soi trucat...

E si que non trobavi la del PNO plan mai polida

Gavach a écrit:Bon, alara me lançi: Qué son aqueles païses occitans??? Dempuèi quora Orlhac es en Guiana e Losera en Auvernha! Orlhac es en Auvernha e Losera en Lengadòc (coma Vivarés). Calriá lançar un sondatge sul decopatge en grandas regions d'occitània, perqué aquí soi trucat...

Lança-lo se vòls… quand se parla de descopatges de territòris occitans, digus es pas jamai d'acòrdi. Se tròbas una solucion qu'agrada a cadun e que me fa pas un fum de variantas (un nombre rasonable de regions), cambii la carta, promés !

E si que non trobavi la del PNO plan mai polida

E ben… per aquò, pòdi pas res per tu !
Dire que se prepausiá per la PAO del paperòt…

Maime, pòdes ajudar a revirar aquí (los autres tanben)
>> http://estamparianacionala.wordpress.com/2009/11/20/la-carta-se-melhorara-merces-a-vosautres

jo tanben que la voi la mea carta. Ei possible ? Quin cau har ?

En ligam dab eth subjecte, er edito de Libération deth 19 de noveme, per Michel Serres, qui ditz de pas con.honer identitat i apartiença.

Je ne suis pas français ou gascon, mais j’appartiens aux groupes de ceux qui portent dans leur poche une carte rédigée dans la même langue que la mienne et de ceux qui, parfois, rêvent en occitan.

je suis aussi la somme de mes appartenances que je ne connaîtrai qu’à ma mort, car tout progrès consiste à entrer dans un nouveau groupe

fredoc a écrit:jo tanben que la voi la mea carta. Ei possible ? Quin cau har ?

Mandar cinc euros a Lutz e balhar la version gascona de la carta !!!

Pichon Nom / Nom d’ostau / Data e luec de naissença / Sèxe / Adreiça / Signatura dau titulari / Sagèu

Ti mandarai lei 5 euros lèu mai la vòli en provençau hè !

5se que non auriau botat carta INTERnacionala d'identitat

Ai 'na p'ita question, perque sabe pas de que far... Anetz fotre dessus vòstre nom oficiau (lo de l'acte de naissença) o 'na version en grafia classica ? çò que podem 'pelar la recuperacion de l'ortografia normala de son nom. Exemple : Jean-Pierre Coudert o Joan-Peire Coderc ?

Lo problema finalament per me, que quò siria 'na revirada perque mon nom es pas occitan. Enfin, exista en Occitània, pòt esser occitan mas son origina, per me, es pas l'Occitània.

maime a écrit:Ai 'na p'ita question, perque sabe pas de que far... Anetz fotre dessus vòstre nom oficiau (lo de l'acte de naissença) o 'na version en grafia classica ? çò que podem 'pelar la recuperacion de l'ortografia normala de son nom. Exemple : Jean-Pierre Coudert o Joan-Peire Coderc ?

Lo problema finalament per me, que quò siria 'na revirada perque mon nom es pas occitan. Enfin, exista en Occitània, pòt esser occitan mas son origina, per me, es pas l'Occitània.

Be a ieu que mi dién Castel pausa pas problèma E porriau apondre aqueu de ma maire que faria Castel Salat donc passa ben encara. Revirarai sonque lo pichòt nom.

Per quant ai noms estrangiers, viéu pas l'interés de lei revirar en occitan.

Jo n'èi pas briga aqueste pb, ni tau nom, ni tau petit nom.

Arf a écrit:En ligam dab eth subjecte, er edito de Libération deth 19 de noveme, per Michel Serres, qui ditz de pas con.honer identitat i apartiença.

Je ne suis pas français ou gascon, mais j’appartiens aux groupes de ceux qui portent dans leur poche une carte rédigée dans la même langue que la mienne et de ceux qui, parfois, rêvent en occitan.

je suis aussi la somme de mes appartenances que je ne connaîtrai qu’à ma mort, car tout progrès consiste à entrer dans un nouveau groupe

Fòrça bòn tèxte. De difusir de pertot.

fredoc a écrit:jo tanben que la voi la mea carta. Ei possible ? Quin cau har ?

Donar tas informacions per mail a l'adreça del siti ( estamparianacionala(arobase)gmail.com ). E esparar la reponsa per la seguida !

Matieu, mercés per la version provençala.

Maime, a tu de veire, fai coma vòls, podèm pas dire a ta plaça quala version de ton nom t'agrada milhor ! ;)

Matieu C. a écrit:

maime a écrit:Ai 'na p'ita question, perque sabe pas de que far... Anetz fotre dessus vòstre nom oficiau (lo de l'acte de naissença) o 'na version en grafia classica ? çò que podem 'pelar la recuperacion de l'ortografia normala de son nom. Exemple : Jean-Pierre Coudert o Joan-Peire Coderc ?

Lo problema finalament per me, que quò siria 'na revirada perque mon nom es pas occitan. Enfin, exista en Occitània, pòt esser occitan mas son origina, per me, es pas l'Occitània.

Be a ieu que mi dién Castel pausa pas problèma

Ai tamben un nom que pausa pas de probleme. Queraque quò es pas totjorn estat lo cas : avèm n'ortografia que respecta l'occitanitat dau nom dempuèi mon paire, mon grand paire s'escrivia Champeaud, mon reire grand paire Champeaux e se trapa daus Champeau tamben dins las generacion de davant. Lo nom era escrit segon la fantasiat dau secretari de la comuna, que tot lo biais parlava « patois » coma lo declarant (que 'pelava per son chaffre.)
Auriam degut gardar un eaux que lo corrigiria per volontat de recuperar l'ortografia occitana normala coma dís Maime. Per te respondre Maime, siès tu lo sol de poder chausir d'aver quela volontat ò pas.

Revirarai sonque lo pichòt nom.

dempuèi que suèi a Tolosa, prenguèi la costuma de me presentar amb lo pitit nom dins sa fòrma occitana, aus quites francoparlants.

Per quant ai noms estrangiers, viéu pas l'interés de lei revirar en occitan.

+1 ieu tampauc, coneisse pas d'usatge que justifiariá Hamborg, Hanòi, ò b'etot Domenge de Vilepí qu'es tot-bonament colhon.

Einucent a écrit:

Per quant ai noms estrangiers, viéu pas l'interés de lei revirar en occitan.

+1 ieu tampauc, coneisse pas d'usatge que justifiariá Hamborg, Hanòi, ò b'etot Domenge de Vilepí qu'es tot-bonament colhon.

Quo me geina pas quand s'agis d'un nom de luec. Quo se fai dins tota las lengas. E me, escrive pas jamai Hamburg o Hà Nội ! Per los noms de persona, qu'es diferent. Manca per daus personatges istoriques, pense que fau pas revirar, ni chamnhar per lo nom "recuperat" si la persona zo fai pas (pense a Bayrou per exemple). Alaidonc, coma mon nom es frances, l'occitanizarai pas.

Crese tamben que lo Bayrou es sol de poder dire si vòl que siá escrich Vairon. Si volès gardar ton ill e lo passar pas a lh, qu'es a tu de decidir. Me sembla pertinent.
Trapar tots los noms occitanisats coma dins l'Istòria d'Occitània de Laffont (sabe pas a quin los devèm) quò me sadola (au punt qu'aviá besunh de querre dins lo lexic per entendre que Blès era Blois, de las chausas einucentas entau)
Dins lo mesme temps, ieu crotze daus occitanistes que se gargalhan d'afar de lenga mas que fan quela recuperacion e insistan per daissar lor nom (totparrièr occitan queste còp) « à la » francisada, que lo farai pas per ilhs, mas quò me daissa pensar que lo formatatge faguèt son effiech.

Es tanben 5€ per los que son luènh d'Occitània ?

Se manda dins una letra. Es pas tant car qu'aquò d'enviar una letra als States, me sembla ! (pas fòrça mai que de sonque passar la « frontièra » per enviar a un aranés)

Ai 'na p'ita question, perque sabe pas de que far... Anetz fotre dessus
vòstre nom oficiau (lo de l'acte de naissença) o 'na version en grafia
classica ? çò que podem 'pelar la recuperacion de l'ortografia normala
de son nom. Exemple : Jean-Pierre Coudert o Joan-Peire Coderc ?

Jo tanben me'n foti, matieu qu'ei mon nom oficiau

Segur qu'ei a cadun de decidir. Jo per exemple per la ràdio, tròbi un pau colhon de tot revirar. Disi François Bayrou, pas francés per exemple. Jaucme Chirac francament qu'ei ridicule

Ieu vau revirar lo mieu (enfin, reirar, mon nom de familha ven de l'occitan, n'es la VO, es estat francisat après, coma lo metrò de Tolosa, mouhahaha !), pel pichon nom cambia pas grand causa. Puèi per ieu, a se far plaser a fantasmar una carta d'ID de l'Occitània independenta, tant val botar lo nom que seriá lo mieu dins aqueste cas.
Après, es pas que mon vejaire, que regarda pas que ieu !

[quote="Matieu"]

Segur qu'ei a cadun de decidir. Jo per exemple per la ràdio, tròbi un pau colhon de tot revirar. Disi François Bayrou, pas francés per exemple. Jaucme Chirac francament qu'ei ridicule

+1

A ieu mon nom es Bernard-Henry Lévy, de que donaria occitanisat?

L'entartat ?

Alh Òli a écrit:A ieu mon nom es Bernard-Henry Lévy, de que donaria occitanisat?

Bernat Enric Losviets ?

Ne soi pas segur peus prenoms

Losviets