Alh Òli a écrit:Emé ce que prèni lo trin mi geinaria pas de posquer jonher Tolosa a Marsilha en 2 oras sonque, pluslèu que lei 4 oras e mièja que mèti attualament... Quand viéu ce qu'an fach justament a Marsilha per l'i far passar lei trins (tant coma ai pòrtas de Paris), mi demandi si serve de si mobillisar per empachar lei cavas de si far.
I creses un pauc tròp. Io ai pas vist une sol argument en favor de la linha per lo moment, vist de nòstra plaça d'individus non-parisencs que pòden enventualament aver besonh d'un tren per anar trabalhar.
En gròs :
-aquò poluis (los camions que menen los remblais a la linha, la pòuvera de las òbras, las escobilhas nuclearas a causa que quelas bestias minjen de l'electricitat coma 4...)
-aquò destrusis lo paisatge (daus grands corredors tots drechs, tot destrusit sus 600 metres a l'entorn de la linha...)
Sabe que vas enquera dire que l'ecologia t'en fotes, mai lo monde que se veiran expropriar per veire bastir una via dins lur jardin quo es pas ton afar. 'Laidonc passe rapidament sus quilhs arguments per veire los que t'interessen :
-Las pitas garas seràn pas desservidas. En gròs, se demoras pas en vila, podes oblidar... bon, tu demòras dins Tolosa suspause donc t'en fotes, un còp de metrò per anar a Matabiau e fai tirar. Mas se jamai un jorn te pren l'ideia de t'anar botar au vert, seràs bien embestiat...
-se me sovene ben dau calcul, la linha LGV ganhava una miseria niveu temps sus una TGV classica (me sembla 10 minutas sus Bordèu-Baiona, L'Òmi e Capbreton pòden benleu confimar). Sabe pas se 'quò serà parier sus la de Marselha.
-Lo public visat per quelas linhas de tota faiçon, en defòra de las marchandisas, quo es los jòunes cadres dinamiques virats vers l'Euròpa. Alara tu, en tant que jornalista d'una escura radiò de provinça, s'en foten bien. Desjà, benleu que faudrà aver de que se lo paiar lo bilhet. Ben òc, fau ben remborsar lo pretz d'òbras faraonicas...