cinèma dels grands

Per acabar la setmana en beutat : doni tres films ont se parla occitan.
Lo primièr es un film amb Christian Clavier de 1981 "les babas-cool", dedins un vièlh agafa dos tipes dins un provençal coma cal.
"Pourquoi pas nous ?" film de 1981 amb Aldo Maccione e Dominique Lavanant ont ausissèm los poèmas d'un jove felibre (non soi pas ieu).
Enfin mai recent "Le provincial" de 1990 amb Roland Giraud e Michel Galabru. Se lo primièr parla a pauc près (es de Montalban) l'autre es un pauc catastrofic (es d'Avèna dins Erau).
Podètz comandar aqueles cap d'òbras sus mai d'un sit, ieu los ai. Perqué pas un jorn : una serada amb aqueles films ?
Ara soi a cercar los films ont se parla occitan o de l'occitan, comenci de ne trobar mas n'i a fòrça ont l'occitan es pas valorizat.

Marxelin a écrit: Enfin mai recent "Le provincial" de 1990 amb Roland Giraud e Michel Galabru.

Qu'ei ua sorta de "remake" frances deth famos "Crocodile Dundee", sortit 4 ans abans.
Qu'avevi aimat "Le provincial". N'escapam pas aths prejutjats i locs comuns sus eth pais noste, mes per un cop, un tipe d'aci, un "Occitan" en quauque sorta (mema si'm sembla que n'ac disen pas atau), ei er eroi deth film ; com a tot eroi, que'u prestan qualitats qui'u hen superior aths audes personatges, sustot eths Parisencs. Per exemple, i sustot, era soa coneishença dera luenga ei amuishata de faiçon hera positiva, qu'ei valorizata. En aço que pot representar un modele per un joen Occitan.
Pro curiosament donc, aqueste film qui n'ei pas un cap d'obra, que contribue a ha'm prener consciencia qu'eri detentor d'ua luenga i d'ua cultura de valor.

Enta citar un film mes recent, que i a tanben "Le Pacte des loups", sortit en 2001, sus era bestia de Gavaudan. Si'm brembi plan, eras purmeras paraulas deth film, o quasi, que son en occitan : un mainatge qui raconta ua ataca dera bestia.

Marxelin a écrit:
"Pourquoi pas nous ?" film de 1981 amb Aldo Maccione e Dominique Lavanant ont ausissèm los poèmas d'un jove felibre (non soi pas ieu).

Oh putan! l'ai vist aquel! se me rapèli plan es una bona merda...Me rapèli lo tipe que recita de poemas en provençal e Henri Guybet que ditz "j'y comprends rien..."

Marxelin a écrit: l'autre es un pauc catastrofic (es d'Avèna dins Erau).

Mai precisament es nascut al Bosquet d'Orb. Mas as rason a un ostal a Avèna (pichon, passavi davant amb l'espèr de lo veire...).

Si que non avetz lo film "le mouton à 5 pattes" d'Henri Verneuil. Un film tras que simpatic amb Fernandel que joga 6 personatges, notadament un papeta que parla provençal de cop que i a (se m'engani pas, es tanben lo solet film ont om vei a l'encop De Funès e Fernandel).

Un film que li a tanben una preséncia anecdotica de l'occitan, lo geniau "Ne nous fachons pas" (Lautner/Audiard) que si debana en Provença ò País Niçard sai pus, si li canta un parèu de cançons conoissudas dau ròdol...

Bojarron a écrit:Un film que li a tanben una preséncia anecdotica de l'occitan, lo geniau "Ne nous fachons pas" (Lautner/Audiard) que si debana en Provença ò País Niçard sai pus, si li canta un parèu de cançons conoissudas dau ròdol...

hé hé! aviai doblidat oc!

"A Paris i a una vielhaaaa!! Oh mais c'est les gangsters! vous avez fait du joli tout à l'heure! PAF!"

E oei m'estonava que l'oblidèsses aqueu!

Pensi au film "XXL" ambé Depardieu e Boujenah onte s'ause un pauc d'òc e de yiddish tanben.
Dins "Manon des Sources", Montand canta "Madalon" en provençau.

Dins lo "Molière" de Mouchkine, i a un pauc de lengadocian.
Dins lo "Cyrano" de Rappeneau, s'ausis un pauc de gascon.

Me cresi remembrar que se canta lo boièr dins Capitaine Conan de Tavernier... E puèi dins "Milou en mai" de sai pas qual lo vièlh parla occitan a la debuta.

Gavach a écrit: E puèi dins "Milou en mai" de sai pas qual lo vièlh parla occitan a la debuta.

Es de Louis Malle.

Aprèp i a tanben las adaptacions de Pagnol ont an ensajat de butar qualquas causas en oc coma dins "La gloire de mon père".

Siquenon per parlar de grand cinema i a tanben lo classic Farrebique que n'es trufat (e qu'es un film particularament genial)

IEU a écrit:

Gavach a écrit: E puèi dins "Milou en mai" de sai pas qual lo vièlh parla occitan a la debuta.

Es de Louis Malle.

Aprèp i a tanben las adaptacions de Pagnol ont an ensajat de butar qualquas causas en oc coma dins "La gloire de mon père".

Siquenon per parlar de grand cinema i a tanben lo classic Farrebique que n'es trufat (e qu'es un film particularament genial)

Dins la trilogia de Pagnol, l'a mai qu'una frasa en occitan, notadament la tirada de Panisse, dins la grafia de l'autor :

"Tiens les voilà tes cartes, tricheur, hypocrite !

Je ne joue pas avec un Grec : siou plus fada qué tu, sas ! Foou pas mi
prendre per un autre ! Siou mestré Panisse, et siès pas pron fin per
m’aganta !"

Dins la trilogia, i a tamben una scèna onte la maire de Fanny repotèga sa filha qu'a pecat ambe lo Marius, tot en Provençau.

LaurençD a écrit:Dins la trilogia, i a tamben una scèna onte la maire de Fanny
repotèga sa filha qu'a pecat ambe lo Marius, tot en Provençau.

soulamen dins la versioun de 1953, dòu mestre Pagnol, d'aiour, Baptistine la maire,
parlo un mescladis de prouvénçau e de piémountese (de valado d'oc)
et bessai un pau d'italian...
e dins la versioun de 1986 de Claude Berry : la lengo es morto !

dens lo "pacte des loups" qu'i a ua frasa en òc e qu'ei un amic deu Biarn. Lo peir de arnapi.

Vòli mercejar Danís de m'aver aperat per me díser "Mets NRJ 12". Atau, qu'ei vist lo film "Les gaous", ua bèra merda filmada dens lo país de Joan Ganhaire, la vila de Bordelha en Perigòrd ... ont se parla un chic la lenga (ei pas vist aqueth moment, es lo Danís que m'ac digó ...)

Lo film es tot poirrit, emb daus actors de tria (Bohringer, Bigard, Moscato, Cantona...). Racista, neo-colonialista, anti-provinciau...
Mas a un moment, i a un parisenc que chercha un bal, es a Brantòsme en Peiregòrd, e un vielh li respond en patois. E parla fòrça plan lo tipe ! Bon, se son un pauc trompats, parlava pas brantomes, mas mai nontrones, mas anem pas far las finas bochas...

Auriá pensat a « Histoire d'Adrien » de 1980 que tot i es en Peiregòrd. Auviguèi 'na replica dins « les 4 saisons d'Espigoule » quora s'agis de s'adreçar ad'un vielh, que manifestament lo françès li siert pas gaire.

Fau senhalar que "Histoire d'Adrien" dau Peiregordin Jean-Pierre Denis (pareis qu'es doanier dins lo civiu, e es conegut per pas far mai d'un film per an, lo darrier en data es "La Petite Chartreuse" se m'engane pas, coma Olivier Gourmet", qu'aguet un bon succes critic) siguet premiat a Cannes, camera d'aur 1980.
MAs lo film se tròba pas tròp pertant...