Nissa Rebela

Se tòrna parlar de las Jòunessas Identitarias.
Los Nissards son plan gastats puei que lo president frances daus JI, Philippe Vardon, se presenta a las legislativas E a las Municipalas, enfin, s'es pas en preson...
Sabetz que los JI an plan colonisats Novopress, e es encara una intrevista plan complasenta que vos perpausi de veire :

https://www.dailymotion.com/related/3580525/video/x1698h_philippe-vardon-pour-novopress/1

Sabe pas se quo a una fòrta valor, mas au mens vesem la testa d'un de nòstres mai grands enemics... e notaratz que lo tipe a pas un sol accent, tot "Nissart" qu'es...

Novopress, qu'ei ua mèrda aquò

Mort aus JI !

Sei pas parvengut a trobar çò qu'es en realitat Novopress, e me semblava que i aviá de chausas interessantas a la debuta. Mas ara qu'es devengut lo "quartier prensa" daus JI...

Novopress = JI ..

A, es aquò ! Cresiá pas que la situacion era tan simpla qu'aquò...

Que son eths, que'm sembla, qu'an hèit l'intervista deus fafs aBesièrs, que védem sus internet (on Anaram Au Patac ei insultat..). N'esajan quitament pas de har créder que son independents..

Òc, eran ilhs, mas pensava que Novopress era un organisme independent, talament independent que chascun podiá botar SA pròpia version de l'actualitat..........................................................................................................................................................................................................

Aquela pausa significa que sei 'nat veire lo siti de Novopress, per verificar. E m'a pas faugut longtemps...
Prumier titol : "Kouchner immigrationniste forcené", e en pitit, en dejos "Communiqué de presse de Jean-Marie LE PEN".
Bon, coincidencia, benleu...

Segond titol : "Le traité simplifié ou le retour de l’européisme", papier signat...Chevènement ! (...)

Tresen titol : "Parlons franc. Unis comme au Front". Notaratz la majuscula "Front"... aqui pas d'ambigüitat possibla...

Quatren titol : "Quand les Gaulois s’invitent sur le périphérique …"

Cinquen : "Reconquête" (ai, m'agrada pas aquò, sustot que vesem Jeanne d'Arc en Santa en dejos, vòle pas saure de que vòlen far la reconquesta... e mai i a marcat "Dieu-Patrie-Famille" a costat... )

Sieisen : "Campagne des Identitaires aux législatives : le ton monte !"

Sèten :... non, pense que quò sufis entau...

Veiqui, sem fixats... Novopress es un organisme independent... Dins lo mitan de l'extrema-dreta...

Soi pas segur que siá de bona politica de botar de ligams que van cap a de sitis fafs. Lor fa de publicitat a mai i a de ligams, mai Google considera lo siti coma "pertinent" e donc apareis de naut de la tièra dins una recèrca...

E alara, se lo monde son pas fotuts d'aver un esperit critic per çò qu'es dau fascisme, i pòde ren ! Pense que tot lo monde a lo dret de saure que quò exista e que quò es una vergonha...

Si, i pòdes quicòm: evitar de lor far de publicitat en botar de ligams. Se vòs a fum nos far partajar la lora pròsa, ditz quicòm coma "fasètz una recerca sus Google amb patin cofin" e se lo mond son pas fotuts de tobar lo siti, lor cal vendre lor ordinator...

Òc, mas aquò per io qu'es mascar un pauc la realitat, la fugir.
Qu'es damandar au monde de picar "identitari" (çò qu'es pas tròp conotat) per trobar "fascisme". Pense que sus queu subject fau esser direct. E avem tanben lo drech, lo DEVER, quitament, de parlar dau costat ombrat de l'occitania.
Aqui sem sus un fòrom generalista, se volem esser objectius, nos fau rapelar las meschantas parts de nòstra cultura, çò qu'empescha evidentament pas de lo condenar !
Parle daus JI, mas podem tanben parlar daus rapòrts entre Alibert e la Gestapo, entre Maurras e las ideias nazis, n'en passe...

Aqui, parle mai daus JI perque son ilhs los mai actius (forçadament, los autres son vielhs... o mòrts), e pense que nos devem tenir au fiau de çò que fan, per eschivar de se trobar coma a Besièrs, emb tres manifestants a l'espitau. Qu'es pas Anaram que me dirá lo contrari.

Qu'aimarèi plan saber sus Alibert e la Gestapo o Maurras e las ideias nazis, pr'amor n'ei pas jamei entenut parlar d'aquò ...

Io n'ai entendut parlar, mas coma sei pas lo mai au corent, dirai pas ren...

i'a vraiment 'gut tres personas d'Anaram envoiadas a l'ospitau a Besiers?
e degun a ren fach? daus revolucionaris, tot parier?! Anaram eran ben mai nombros que los identitaris, e an ren fach? Comprene que los fafs se foton de lor gula sur la video... sufis pas de far de discors, mas se dietz o vint identitaris fan paur a 'na cinquantena de revolucianaris... i'avia 'n'epoca qu'ai pas ben coneguda mas mon pair me'n parla sovent ente l'extrema gaucha avia pas paur d'anar au patac justament, 'n'epoca ente los anarchistas e los comunistas fotavan de bravas branladas aus fafs, e 'queus fafs eran plan mai dangieros que los d'aura ('quo surtava lu coteu veire lu pistolet a la mendre occasion a 'quela epoca)...
s'avetz mai d'entresenhas sur l'afar d'a Besiers voldria ben saubre ço que s'es passat exactament...me ieu ai ren vist!

I a vertaderament avut tres personas tà l'ospitau. Aquò qu'es segur.

Ja n'es pas mond d'anaram qui esto trucat... Mes aquo segon non cambia pas arren fin finau...
De mei ço que ditz qu'es un drin simpliste e dens ua manifestacion com era lo cas a Besiers que't podi diser entad estar d'anaram que non era pas tot aisit com' ac sembras diser...
Si entà tu Anaram que s'arresuma a de las beroias parladuras que t'inviti tà viener veder per tu medish lo tribalh que podem har...

Son tres de la "Chourmo" de Marselha, qu'an estat tustats, me sembla.

occitaneta, ai fach un pauc de provocacion...
per ço qu'es de las edeias e las accions d'Anaram las segue e sei d'accord per 80 percents emb tot ço que disetz...
mas te convide a contunhar un pauc ta demonstracion... ma question, dins lu fons, es perque avetz pas reagit? Pas la pena de me respondre "Los organisators an dich que folia demorar calmes...". Mas dins lu fons, avetz paur de la violença? 'qu'es simplament 'na question, 'qu'es pas de la provocacion 'queu cop, mas simplament voldria ben saubre se la majoritat daus militants d'un movament revolucionari an paur de quauques cop de punh...respond calmament e en sinceritat...

e coma se ditz: quand i'a de violença, 'na bagara, um passa sia per lu capon (lasche) sia per lu conard de l'afar...lu tot es de saubre quau rotle um vuou adoptar a 'queu moment...per dire que sei d'accord que la situacion era pas simple per vautres...

occitaneta, ai fach un pauc de provocacion...
per ço qu'es de las edeias e las accions d'Anaram las segue e sei d'accord per 80 percents emb tot ço que disetz...
mas te convide a contunhar un pauc ta demonstracion... ma question, dins lu fons, es perque avetz pas reagit? Pas la pena de me respondre "Los organisators an dich que folia demorar calmes...". Mas dins lu fons, avetz paur de la violença? 'qu'es simplament 'na question, 'qu'es pas de la provocacion 'queu cop, mas simplament voldria ben saubre se la majoritat daus militants d'un movament revolucionari an paur de quauques cop de punh...respond calmament e en sinceritat...

La toa provocacion de mèrda, te la pòdes guardar beroi.
Dejà Anaram n'ei pas la seguretat sociau deu monde occitanista. Qu'em un movement politic e pas redskins. Vedi pas briga lo rappòrt enter estar un movement revolucionari e de's foter suu nas dab quauques fafs. Pensi que n'as pas plan comprès ço qu'ei d'estar revolucionari..

Los de l'Ostau Marselhés que son amics. N'em pas anats au patac per'mor de mantuas rasons. Per'mor quan los fafs son caduts sus las tres personas isoladas, los avem pas mei vist (disi pas qu'i serem anats de tots biais), per'mor se's passèva quauquarren, qu'èram bannits de totas las manifestacions occitanas. Per'mor se's passava quauquarren, los fafs coma de costuma qu'aurén cridat a la violéncia deus "rois", victimisacion etc.

Donc au còp qui vien, ne balhas pas nada leiçon, que't gahas los tons amics e que vas trucar suus faf, se't hè plasèr.

Tiston que didó :

ma question, dins lu fons, es perque avetz pas reagit? Pas la pena de me respondre "Los organisators an dich que folia demorar calmes...". Mas dins lu fons, avetz paur de la violença?

e tu, monsur de parla-beròi, e poderém saber ont èras quan petè la pelejada, e perqué ne sortís pas la toa triplex ?

n'i a hartèra deus qui's pavanejan dab lo "yavéka yavékapa", qui't contan mesos après çò qui calèva har --quan ad aqueth moment, e quan pujava la tension, de tot segur s'arrevendicavan militants sonque culturaus e opausats aus extremistes sian d'esquerra o de dreta....e m'engani ?

A un moment deu passa-carrèra, avant que començesse, l'organisacion que cerquè món tad har lo servici d'òrdi: ont èras tu ?? Jo tanpauc ne m'i botèi pas au servici d'òrdi, tu com jo com milèrs d'autes qu'èm responsables de çò qui's passè; mès non te dessepares pas de la fauta comuna atau! E perqué non vienós pas a charrar dab nosautes e AAP, entad intentar de'ns motivar ad anar au patac justament, s'avèvas tant de motivacion qu'aquò ??

disi pas que jo avossi hèit gran causa tanpauc, mes non me viéni a planhèr cent dias après, en parlar de mon pair o sei pas qui ! si soi un capon com dises, soi un capon discret, quan tu és un capon qui't viéns pausa après la batesta tad explicà'ns la vita !! e parlas deu ton pair ?? que'ns en trufam beròi deu ton pair e de las istòrias soas ! e i èra a bésiers ton pair quan se caló bastonar contra'us nasillons ???

merces per vostras responsas...vese que l'afar es sensible...volia de reaccions fortas, ne'n ai 'gut!
veiretz que sei plan conard daus cops...
mas ai legit de reaccions vivas e sinceras e 'qu'es ço que volia...pardonatz-me!

Ah e en que t'avanças a quauqu'arren d'aver de as reaccions hortas e sanceras ??
De mei que'm sembra que non era la pena de tantolhar la merda tad aquo... A manca de har pub gratis a las merdas fascistas.

be confessi que compreni pas briga tanpauc... qu'a lo merite d'avèr entamiat un desbat sus aquest tèmi deus chepicants e deus grèus tau moviment occitàniste...
q crési qu'a AAP jà comencètz ua discutida sus çò qui's passè a bésiers, e suus mitjans que's poden trobar entà lutar contra'us fafs qui's viénen a pegar a l'occitanisme ?...

Occitan Libertari a écrit:
per'mor se's passèva quauquarren, qu'èram bannits de totas las manifestacions occitanas.

creses que los fafs vendron pas dins las prupchanas manifestacions occitanas? aimaria ben zo creire!

Occitan Libertari a écrit:

Mort aus JI !

comprene pas ben ta logica...

ceba e roi a écrit:
tu com jo com milèrs d'autes qu'èm responsables de çò qui's passè

sei parfaitament d'accord...'qu'es per 'quo que me sente copable ieu tamben! Los fafs ganhon dau terrenh zo sabetz e 'quo me fai chiar qu'aguem pas ren fach a Besiers...e 'quo me fai chiar que los organisators ajen autorisat lor presencia...'qu'es segurament lu fons dau problema...
e sapchetz que ne'n vole a degun (a part beleu a ieu-mesme ) d'aver ren fach...'qu'era 'na situacion ben malaisida...

tiston be començas de redonejar !!
jo tanpauc non compreni pas la toa logica ! si't volèvas bàter tant qu'aquò -- e benlèu que seré estat la milhora solucion (enqüèra un còp disi pas qu'èra çò que volèvi jo, ni que seri estat encantat de'm castanhar !)--, perqué non hados pas arres ??
pensi pas que t'avossem vist quan los fafs èran a detz metres deu còrtegi d'AAP a la debuta deu passa-carrèras, ni que t'avosses manifestat hòrt entà t'opausar a la preséncia de las JI... adara parlas, t'escridas, pavonejas en clamar que calèva estar mei durs dab eths; benlèu serà que non vedi pas qui és tu, mès puslèu pensi que tant de parladura be's deben a çò qu'ei mei aisit d'aperar au patac darrèr deu son teclat que non pas dens la vita vitanta....
ta teoria e ta pratica, que'n calerà har l'union a un moment !
après, jo tanben qu'èi paur que non sia pas l'ultim còp que vediam las JI a ua manifestacion occitana, e segur que cau har quauqu'arres de cap a la lor integracion e normalisacion dens la construccion occitana --sia culturau o politica; totun, non e podrém pas lutar contrad eths per d'autes mitjans que la sonque violéncia fisica ?? (aquò n'ei pas ua presa de pausicion mès ua interrogacion vertadèra sus la nòsta accion antifascista!)

Tiston a écrit:

Occitan Libertari a écrit:
per'mor se's passèva quauquarren, qu'èram bannits de totas las manifestacions occitanas.

creses que los fafs vendron pas dins las prupchanas manifestacions occitanas? aimaria ben zo creire!

Non, Tiston, qu'es pas 'quò. Veiqui coma comprene las chausas : los fafs son autorizats dins las manifestacions culturalas (perque era pas politica Besiers de segur...) merces a lor revista Montsegur ; mas AAP, se anan au patac justament son bannits de quelas manifestacions...

Lo problema, per ieu, es la relacion entre l'occitanisme politic e l'occitanisme culturau... e maitot la progression de las ideas fascitas dins la societat.

Lo problema, per ieu, es la relacion entre l'occitanisme politic e l'occitanisme culturau... e maitot la progression de las ideas fascitas dins la societat.

E ben vaqui quauqu'arren d'intelligent !!!
Que'm sembra vertaderament que tocas lo problem de hons plan com cau e qu'en efeit qu'es plan lo rapòrt enter un occitanisme politic e un occitanisme culturau...
Après ne soi pas en trin de criticar ni l'occitanisme politic ni lo culturau, mes vertaderament que'm sembra que i a ua relacion un drin estranha enter los dus... L'union be'ns seré tan mielher !!