ua navera revista entà mainats en biarn ?

Adishatz a tots,

qu'ei cajut sus ua emission de radio pais començada desempuish quauque temps e n'ei pas tot comprenut. Que parlavan d'ua navera revista entà mainats. Que parlavan deth ors Navarre, beleu eth nom dera revista. Tanben qu'ei possible qu'era revista sia sus internet...
Com estavi en auto n'ei pas notat eras referencias (eth editor que vien de Lescar...)
Si avetz informacions, que m'interesse entaths mies mainats. Que harà un beroi present de Nadau.

Que parlan tanben dera creacion de jocs agratis sus internet que emplegan eth òc.
Tot aquo que'm pareishi hèra interessant !

Mercès plan e a +

Mercés per t'interessar au noste tribalh !

Trobaràs totas las informacions aqui: http://www.vistedit.com

Qu'ei la revista occitana entaus mainats papagai qui perpausa un naveth 'joget' interactiu entaus mainats: l'ors nabar.

Un ors qui conta istuèras en òc, francament qu'ei ua hèra bona idèa, e pas sonque taus mainats ! :p

Matieu a écrit:Mercés per t'interessar au noste tribalh !

Trobaràs totas las informacions aqui: http://www.vistedit.com

Qu'ei la revista occitana entaus mainats papagai qui perpausa un naveth 'joget' interactiu entaus mainats: l'ors nabar.

Un ors qui conta istuèras en òc, francament qu'ei ua hèra bona idèa, e pas sonque taus mainats ! :p

Mercès plan

Tot aquo que m'interesse. En heit que coneishavi quauqu'uas de vosta produccion (la setmana, era BD Pelut...)
Que contacti eths pairgrans entà Nadau...

Quan disèvi 'noste', parlavi de la ràdio

Mes sostieni moraument l'ors Nabar

Matieu a écrit:Quan disèvi 'noste', parlavi de la ràdio

Mes sostieni moraument l'ors Nabar

Merces per eras informacions

Que sòi hèra motivat entà escotar Radio Pais pramor dera sua programacion e dera lenga nosta de segur . Mes malurosament dens era montanha on demori n'ei pas possible de la captar.
Quan sòi en auto qu'assagi d'escotar-la, mes en eth piemont tanpauc que capti mau
Qu'ei pro domage, pramor eths que parlan era lenga nosta que demoran hera mes en montanha.
Malurosament, a nosta n'avem pas eth ADSL.... Quina misera.
Qu'ei entenut parlar d'un emetor que podria estar plaçat sus eth casteth de Mauvesin. Avans que tots que parlan gascon s'estossen mort ?

gat-esquiro@orange.fr a écrit:

Que sòi hèra motivat entà escotar Radio Pais pramor dera sua programacion

Que dises aquò per'mor n'ac escotas pas jamei justament.

Perdon aus mainats, las familhas e tot aquerò...

Com per La Setmana, tot ajuda per la programacion de la ràdio qu'ei planvienguda Fred !
Que hasem çò que podem, dab çò qu'avem, e vertat que'ns hè hrèita de benevòles motivats.

Qu'ac sèi e que saps çò qui pensi e çò qui voi har. E ne critiqui pas lo vòste tribalh.
Que seré meilèu l'esperit o la politica de Ràdio pais qui m'inquièta. De tots los joens occitanistas qui costegi, ne'n coneishi pas nat qui escota Ràdio país. E que hèi partida d'aqueths.

Ne i averé pas un problèma?

Urosament que coneishi quauques amics qui escotan de quan en quan las infòs (m'aucupi pas de çò qui demora peu moment).

Après podem pas forçar lo monde a s'interessar a çò qui hèm. Quan es pas dens lo "mitan", i a tot un tribalh pedagogic de har, mes quan banhas dejà dens la cultura òc, que sabes que i a pas qu'ua ràdio occitanofòna e que t'interessa pas, tròbi lo tribalh mei complicat, e n'èi pas la clau d'aqueth problèma.

Per çò qui ei de l'esperit e de la politica de la ràdio, sei pas justament s'ei tant definida qu'aquò. Co qu'arrepresenta per tu ?

Sabi que quan soi passat a Laruns, m'a vertaderament agradat d'escotar Radiò País. Aprèp, benlèu qu'èra lo costat "exotic" de la causa ... (a casa, i a pas nada radió en occitan)

Matieu, ne soi pas a escopir sus Ràdio país, e que soi lo purmèr a'n har la publicitat aus mens aprenents e au monde. E que soi content de demorar en un deus rares endrets d'Occitania on s'i pòt enténer la lenga nosta sus las ondas.

Ne hèi pas que constatar que hèra de joens occitanistas qui volerén aver ua ràdio en occitan tà eths n'escotan pas la qui existeish.

E ne'm digas pas que ne'm bolègui pas tà har cambiar las causas: qu'èi encontrat a Domenja e que l'èi expausat ua idea mea qui vau ensajar de hicar en plaça.

N'as pas devut compréner com cau mon messatge , per'mor n'i avè pas nat arcast aquiu dehens. Que constati sonque que, personaument, sei pas quin balhar hami aus "occitanistas" d'escotar la ràdio.
Totas las perpausicions son planviengudas.

Que sèi que ne m'arcastavas pas. Que voi sonque previéner tot jutjament prehèit de las parts de qui qué sia. Que sèi tanben que dens la toa posicion ne pòts pas har gran causa. Que saps tanben qu'èi ideas o envejas com per exemple de har ua emission d'espòrt dab d'autas personas (perqué pas tu?). Mes jo ne i coneishi pas arren a la ràdio.

fredoc a écrit:Que sèi que ne m'arcastavas pas. Que voi sonque previéner tot jutjament prehèit de las parts de qui qué sia. Que sèi tanben que dens la toa posicion ne pòts pas har gran causa. Que saps tanben qu'èi ideas o envejas com per exemple de har ua emission d'espòrt dab d'autas personas (perqué pas tu?). Mes jo ne i coneishi pas arren a la ràdio.

Que coneishi joens qu'escotan R. Pais. Non son pas mainats tanpauc !
Eths programas que son divers e drin engajat. N'i a pas d'esport o quasi e entà jo qu'ei ua bona causa...

Sonque qu'esperi poder escotar era radio a casa !

N'i a pas d'esport o quasi e entà jo qu'ei ua bona causa...

Alavetz, ne's cau pas estonar que l'occitan e's moreish. Qu'ei ua bona causa tà tu, mes pas tà ua màger part de la populacion, se'n crei lo nombre immense d'emissions d'espòrt (subertot de fot) dens los mèdias.

Non son pas mainats tanpauc !

No entiendo!

Eths programas que son divers e drin engajat.

N'ei pas forçadament çò qui lo monde demandan a ua ràdio. Shens qu'aquò en tot cas. Que manca hòrt de divertiment.

OOOOoooo , que tomba ben aqueu subjèct !!!Aparentament , l'IEO Paca vou faire una revirada provençala de papagai e an demandat a mon escòla se eriam interessats...Quauqu'un me pou dire s'aquesta revista es interessanta per dei pichots de 10 ans ??

Pensi qu'as exemplaris en linha suu siti: vistedit.com

A tu de véder se t'interessa ! Pensi qu'ei plan fotuda, existeish tanben en lenga aragonesa.

Per Fred: Que cau reflechir a d'aqueth projècte. Que soi prest a m'engatjar mes pas a miar ua emission navèra peu moment.
Après la ràdio, n'ei pas tant complicat qu'aquò: que vad viste agradiu de batalar per davant d'un micrò.

e beh jo quan escoti la radio qu'ei Pais plan segur! que m'agrada,mes bon, a Foish non la pòdi pas escotar...
N'ei pas tostemps genièc Pais, mes bon qu'ei plan... qu'ei important de l'aver, alavètz que la har viver!
Osca Radio Pais!

Plan vertat!!!! Existeish mantunas personas que volen escotar occitan e lo purmeir biais de har èra d'escotar radio pais. per èts! Aquo vau diser qu'es important d'aver aquèsta radio! dia!

Citation:

Non son pas mainats tanpauc !

fredoc
No entiendo!

Que volevi diser qu'eths mies amics que son joens, mes qu'an mes de 30 ans.

Matieu a écrit:N'as pas devut compréner com cau mon messatge , per'mor n'i avè pas nat arcast aquiu dehens. Que constati sonque que, personaument, sei pas quin balhar hami aus "occitanistas" d'escotar la ràdio.
Totas las perpausicions son planviengudas.

Que vòi estar drin pesucas pr'amor ne m'as pas respondut a eras mias questions :

Quan sera possible d'escotar Radio Pais dens eras montanhas de Bigorra ?
Eth projecte d'emetor sus eth casteh de Mauvesin ei d'actalitat ?


mercès plan

darboneta a écrit:OOOOoooo , que tomba ben aqueu subjèct !!!Aparentament , l'IEO Paca vou faire una revirada provençala de papagai e an demandat a mon escòla se eriam interessats...Quauqu'un me pou dire s'aquesta revista es interessanta per dei pichots de 10 ans ??

Adiu,

aquera revista qu'ei enta mainats dinca 5 o 6 ans.

Entath eths mes grans que i a u'auta. Non m'en brembi pas com s'apera, mes que trobaras tots eras informacions sus eth siti de vistedit.
Qu'ei abonat eth mie drolat !

Quan sera possible d'escotar Radio Pais dens eras montanhas de Bigorra ?
Eth projecte d'emetor sus eth casteh de Mauvesin ei d'actalitat ?

Ne't poish pas responer, que cau véder açò dab los responsables de la ràdio.
Mes crompar un naveth emetedor que sembla, peu moment, pro complicat dab lo noste budget, malurosament.