Wikipedia occitan

Rappel du premier message :

I a de gents que participan al wikipèdia en occitan aquì ?

http://oc.wikipedia.org/

Question : se fau remarcar que Chirac es nasgut a Paris e que s'es pas jamai revendicat del pais (fora de quora tenia mestier de votz) e que te disi se tenem aquela mena de contatge, demandi de commençar Arletty per "Actriça francesa d'origina auvernhata, la seuna replica "Athmosphere, athmosphere...." demora un eisemple en terme d'accent parisenc", qual sera lo vejaire de l'equipe (te bona question, la mandarai sul forom wiki, fara plazer a CedricLOL)

Mercé per París ai fach lo cambiament per lo luòc de naissença amb una referéncia per la verificacion, mas compreni pas perqué quand i a una fauta perqué clicatz pas sus "editar" !

E de mai i a pas "d'equipa" fixa, ton vejaire e lo vejaire de tot lo mond es important..

i a quitament un que manetja mai o mens sus Tolosa (que lo paurat ten lo meteis pichon nom que ieu e un fum le prenom per ieu)

Compreni pas trop que vòles dire amb aquò.

Que s'apela Cedric, coma l'administrator de la Wiki...
Fau pas cherchar, daus còps es senili lo vielh Cavalier...

compreni pas perqué quand i a una fauta perqué clicatz pas sus "editar" !

Z'as dich, i a nonmas dos o tres mes que ses su la Wiki. As pas conegut donc las pelejadas emb Sumien/Aubadaurada/NilBlau, que n'en parlem mai naut dins lo subject. T'assegure que a l'espòca, sufisiá pas nonmas de picar sus editar per editar un article. Z'ai fach dos còps, en mai era pas de vandalisme, e aviá verificat mas coreccions. Resulta : me sei pres un avertiment e sei partit de la Wiki, quand ai vist que tot lo monde se coijaven davant eu, alara qu'es quitament pas administrator e que en crusar un pauc, un vei plan que las referencias que cita tot los temps manquen d'objectivitat e de pluralisme (vòu ren saber en defòra de Alibert e dau CLO, que n'es d'alhors lo sol responsable a l'ora d'ara...).
Ara es partit, benleu a chamnhat, mas t'assegure que faliá batalhar per de las conarias per far acceptar son punt de vusda (quo era se que ganhava la majoritat dau temps, deviá passar tot son temps davant son ordinator, tot lo monde 'chabava per laissar tombar).

Adieu e mercé per la responsa, tot lo mond es "egal" sus wikipèdia, donc aqueste matin per exemple ai cambiat l'article Jaume Chirac mas tot lo mond pòt lo cambiar !

Tot lo monde son egaus, benleu, mas quand Aubadaurada es dins la plaça, l'es mai que los autres...

Pensi que "l'equipa" actuala es obèrta al proposicions de cambiaments e tota proposicion en general !

Alara benleu qu'i tornarai far un torn...benleu...mas sei coma tots los que n'en son partits, un pauc desgotat...e puei 'quò te minja un temps, 'quel afar...

Dempuèi que Sumien es partit, un vent de zenituda bufa sus la wikipèdia
Cresi que Mertyl a pas trop conegut lo rambalh qu'i avia pendent un certan temps (en defora de l'afar entre ieu e Sumien).

Es clar que dempuèi 3 o 4 setmanas es mai calm e i a pas de tensions o de problèmas !

Mertyl a écrit:Es clar que dempuèi 3 o 4 setmanas es mai calm e i a pas de tensions o de problèmas !

Mas i a pus degun que participa, quo es 'quò ?

Lo probleme es que Sumien, per tant criticable que sia, era eficaç en terme de quantitat d'articles. A nonmas un biais autoritari (per pas dire mai) de l'impausar au monde...

Non non i a des participacions e i a pas de rèirepensada dins mon messatge..

I a un fum d'articles creat al mes d'abril e 4 novèls portal (bioquimia, quimia, politica, gastronomia) e de mai lo primièr "article de qualitat" : Glacièr

Donc tot va ben pel moment ! Mas amb mai de mond es encora mlhor !

Danís a écrit:

Mertyl a écrit:Es clar que dempuèi 3 o 4 setmanas es mai calm e i a pas de tensions o de problèmas !

Mas i a pus degun que participa, quo es 'quò ?

Lo probleme es que Sumien, per tant criticable que sia, era eficaç en terme de quantitat d'articles. A nonmas un biais autoritari (per pas dire mai) de l'impausar au monde...

era sustot eficaç en terme de correccions e de charradis. La produccion d'article es mema superiora a abans.

Lo Guilhèm a écrit:
era sustot eficaç en terme de correccions e de charradis. La produccion d'article es mema superiora a abans.

Evidentament, un passa mens de temps a batalhar sus las coreccions...

Moi j m en fous, j m intéresse pô au patois

Yellow a écrit:Moi j m en fous, j m intéresse pô au patois

Aquò, quo es una refleccion utila, constructiva e tot...

Mi desencusi ai de còps d enviejas de flood

Mi desencusi ai de còps d enviejas de flood

Mesfisa-te, ai daus còps de las envejas de censura violenta...
Mas io me retene...

Danís a écrit:
Mesfisa-te, ai daus còps de las envejas de censura violenta...
Mas io me retene...

Tout ça pour avoir dit la verite sur le patois (en plus un mod qui rate se citations pffffff)

Bon va plan ai compres

Adieu a totes,
Es lo primièr còp que participi (e descobrissi) aqueste fòrum e bon fasiái de recèrcas e i soi tombat, per escasença, d'abocadents... Sabi pas de qué dire, soi estat sus la Wiki un dels personatges mai virulents contra las accions, a mon vejaire, criticablas d'Aubadaurada/Nil Blau mas cresi que cal saber far la part entre posicions lingüisticas e persona. La persona, lo coneissi personalament, es qualqu'un de fòrça plan, e sas competéncias lingüisticas serián plan recomandadoiras a fòrça occitanistas (m'agradariá de veire un pauc mens de decas dins la lenga que se passeja aicí e que manejam en general...). Aprèp segur... l'òme a d'opinions plan fèrmas, e sovent inamoviblas, sus de causidas lingüisticas e/o ideologicas... mas bon cal saber veire çò que fasèm o disèm tanben a l'encòp.
Pasmens lo problèma de la Wiki es pas la preséncia d'AD/NB mas l'abséncia dels autres... Èri d'a fons contra la Carta Lingüistica en veire clarament las imposicions d'aquel temps e las futuras que regirián la vida e l'escrich de la Wiki e foguèri un dels sols, o probable lo solet, en contra.
Nos podèm amagar darrièr tot un fum d'argumentacions, de criticas mai o mens fondamentadas o de longa criticar, ostilament, la persona en causa (o la Wikipèdia) mas la realitat es aquí... la Wiki es actualament una aisina un pauc, o fòrça, bufèca qu'i manca de gents, d'articles sus çò mai fondamental e que fa mestièr: la cultura occitana...
En tornar suls afars passats vesi que Danís pòrta una vision un pauc incompleta dels faches, malastrosament... dins sa lucha contra l'ambient ostil de la Wiki. Doblida de mençonar qu'ensagèri de lo defendre dins las discussions e dins un messatge qu'escriguèri a Cedric (l'administrador) per defendre sa posicion e defugir aquela sancion (per ieu injustificada) e que fin finala aquela actitud se revirèt un pèl contra ieu (se diguèt que ieu èri mai virulent, benlèu qu'es verai mas o assumissi...). I aguèsse agut mai de gents dins ma posicion, i auriá pas agut cap de sancion, pensi!
Per tal que siá clar e que se comence pas a me criticar ieu tanben (sembla un espòrt fòrça presat! e o podètz far perdrai pas de temps a i respondre), m'amagui pas ieu darrièr l'anonimat; pels qu'o voldrián saber soi Claudi Balaguer, un emplegaire modèst d'una lenga tròp flaca, qu'ensaja de bastir puslèu que d'escriure de longas regassas, en "escotelar" los autres qu'ensajan de far viure la lenga...
Cal saber èsser positius, la Wiki serà una aisina seriosa se totes nos i metèm e ensajam d'escriure de bocinets o mai. Podèm prendre las pèiras e ensajar de bastir o i pissar dessús e esperar que s'engrunen.
Me diretz, segur ne parlas mas i participas sonque "passivament"... e auretz rason mas ensagi d'èsser coerent amb mas causidas e coma la Carta Lingüistica regula encara cèrtas "correccions" coma l'abséncia dels ponches dins los nombres i pòdi pas participar a debon (disi aquò que ScArf me demandèt de corregir un article e que m'i cal tornar lèu). Es pecat qu'un conflicte que representa benlèu 2% de son trabalh amague un 98% de son trabalh de correccion plan volontós e qualitadós.
Per ara vesi d'articles qu'an besonh d'una brava correccion e se contunha aital vau lèu plorar l'abséncia d'AD/NL malgrat cèrtas causidas qu'èri pas, ges, d'acòrdi amb el. La qualitat de la lenga es importanta, se pòdon pas tolerar las davaladas de nivèl e cal saber èsser exigents!
De mon costat ai ensajat de sauvar los Wikilibres (vos ramenti que i a un fum de projèctes ligats al "Wikimond") e fau avançar modèstament amb qualques personas de granda qualitat (coma Jiròni o Kokokaya e los autres) lo wikiccionari que vos encoratgi d'i participar!
Serenitat, patz, collaboracion e solidaritat... sèm pas gaires, nos cal evitar de nos tustar dessús coma o faguèron, tròp, las generacions precedentas.
Vos saludi totes e vos desiri una bona dimenjada. A lèu, amistats
Claudi/Capsot etc...

capsot a écrit:En tornar suls afars passats vesi que Danís pòrta una
vision un pauc incompleta dels faches, malastrosament... dins sa lucha
contra l'ambient ostil de la Wiki. Doblida de mençonar qu'ensagèri de
lo defendre dins las discussions e dins un messatge qu'escriguèri a
Cedric (l'administrador) per defendre sa posicion e defugir aquela
sancion (per ieu injustificada) e que fin finala aquela actitud se
revirèt un pèl contra ieu (se diguèt que ieu èri mai virulent, benlèu
qu'es verai mas o assumissi...). I aguèsse agut mai de gents dins ma
posicion, i auriá pas agut cap de sancion, pensi!

T'ai pas oblidat, e me sovene qu'aviás pres ma desfensa e per aquò te merceje. Mai pense qu'aviám agut un probleme de compreneson, aviás compres que te trobave tròp violent e qu'era pas d'acòrd emb tu, benleu me sei pas fach plan comprener que m'aviás sortit "Bite the hand that feed" (m'en sovene, que m'aviá fach dòu, sus lo còp), en tot cas mon intencion era de segur pas de tornar l'afar contra tu, nonmas de montrar a Aubadaurada que i aviá dau monde qu'eran pas d'acòrd coma se.
Se z'ai pas mencionat aqui, quo es que trobava pas 'quò representatiu de l'afar, e voliá pas perdre los membres dau forum (que la majoritat participen pas a la Wiki) dins de las discutidas personalas.
E ai pas parlat de MA lucha contra un ambient ostil, ai parlat d'un probleme emb UNA persona de la Wiki, e era luenh d'esser tot sol dins 'quel afar, me sembla que z'ai dich.

capsot a écrit:Pasmens lo problèma de la Wiki es pas la preséncia d'AD/NB mas l'abséncia dels autres...

Sem d'acòrd, se manca de monde, donc de contra-poders.

capsot a écrit:Per tal que siá clar e que se comence pas a me criticar ieu tanben

N'era pas question, te rassegure...

Avèm besonh de mai de mond, compreni pas perqué i a pas mai de mond sus wikipèdia, es possible d'escriure a prepaus de tot, de vòstra comuna, d'espòrt de tot, e es tanben possible de discutar sus lo sit wikipèdia e de mai es un sit util per la lenga nòstra e per la cultura.

Io vodriá ben, mas ai pas tròp lo temps, ai desjá lo forum de gerir e sei pas forçadament un fan d'internet, quitament s'i passe dau temps. Mas i tornarai pendent las vacanças, promes...

Ieu tanben : ai de volontat mas me manca totjorn de temps...

Bah.. cal 20 minutas (benlèu un pauc mai la primièra còp) per escriure un article de qualques linhas, de mai es possible de far simplament qualques correccions, e simplament amb 10 minutas per jorn es ja possible de far un fum de causas, simplament en agachant aquesta pagina : http://oc.wikipedia.org/wiki/Especial:Darri%C3%A8rs_cambiaments

Un ligam de mai, una imatge, una frasa tot es bon..


"en agachant" es corrècte aquò pel francés "en regardant" ?

"en agachant" es corrècte aquò pel francés "en regardant"

Pensi de oc, mas se ditz tabès : en tot agachar.

Mertyl a écrit:Avèm besonh de mai de mond, compreni pas perqué i a pas mai de mond sus wikipèdia, [...].

Que sorti de cader sus eras reflexions d'un especialista en arqueologia japonesa, o qui's presenta com tau, i qui essaja de responer a ua question un drin similara : Perque ne i a pas mes d'especialistas qui contribueishen ara enciclopedia en linha ?

Responsa trobata sus eth forum oleocene.org aci, arrevirata der angles :http://www.t-net.ne.jp/~keally/Reports/wikipedia.html

Une critique de Wikipedia : l'archeologie Japonaise et Wikipedia.
par Charles T. Keally

(11 septembre 2007, révisé le 12 janvier 2008).

Wikipedia est prétendument le top du top en matière de shopping express d'information et de connaissance. Récemment, j'ai lu le contenu de quelques pages sur le sujet que je connais le mieux : l'archéologie japonaise. Pour commencer par la conclusion : Wikipedia est le produit d'une armée d'amateurs totalement incompétents qui écrivent, discutent et se disputent sur des sujets sur lesquels ils sont totalement non qualifiés pour ce faire. Aucun professionnel ne rejoindrait une telle discussion parce que sa voix informée serait noyée par une cacophonie de voix non informées. Essayer de corriger un article de Wikipedia serait une perte de temps. Il serait préférable de faire son propre site sur le sujet.

Ne disi pas que s'aplica forçatament aths articles en occitan. Que de sonque ta contribuir ara discutita.
D'autant mes que trobi er autor drin severe quan parla d'ua "armata d'amators totaument incompetents" ; mes que'u compreni quan ditz qu'un professionau n'a pas temps a perder ta corregir o defener un article.

De mai pensi mai que mai que wikipèdia en occitan pòt pas èsser dins l'estat actual, una enciclopedia fòrça completa, podèm escriure qualques bons articles mas devèm èsser al mens 100 a escriure per aver de personas que comprene lo subjècte de l'articles e que pòdon en parlar de manièra mai precisa.
Donc pel moment i a de tot mas aquò es util subretot per faire un espaci sus internet en lenga nòstra, pas per èsser la mai importanta enciclopedia d'internet.

Mas amb una collaboracion mai importanta, soi segur qu'es possible de far fins a 1 annada, una granda enciclopedia, mas pas amb mens de 20 personas...

Une critique de Wikipedia : l'archeologie Japonaise et Wikipedia.
par Charles T. Keally

(11 septembre 2007, révisé le 12 janvier 2008).

Wikipedia est prétendument le top du top en matière de shopping express d'information et de connaissance. Récemment, j'ai lu le contenu de quelques pages sur le sujet que je connais le mieux : l'archéologie japonaise. Pour commencer par la conclusion : Wikipedia est le produit d'une armée d'amateurs totalement incompétents qui écrivent, discutent et se disputent sur des sujets sur lesquels ils sont totalement non qualifiés pour ce faire. Aucun professionnel ne rejoindrait une telle discussion parce que sa voix informée serait noyée par une cacophonie de voix non informées. Essayer de corriger un article de Wikipedia serait une perte de temps. Il serait préférable de faire son propre site sur le sujet.

Estranh, qu'un estudi de "science et vie" disiá exactament lo contrari...

Il serait préférable de faire son propre site sur le sujet.

E es aquí lo problèma: i a pas q'una minoritat d'especialistas que prenon de temps per vulgarizar. E se o fasián lo meme problèma qu'amb Wikipèdia que pausariá: cossí reconéisser lo siti scientifacement valable de lo emplit de conarias? Sus Wikipèdia i a de conarias mas n'i a mens que sus l'ensemble dels autres sites que parlan del meme subjectre: lo passatge permet, al contrari de çò que pensa l'arqueològ d'evitar las teorias monstruosas, al prètz d'una reconeissença mendre dels arguments d'autoritat.

zo a écrit: Estranh, qu'un estudi de "science et vie" disiá exactament lo contrari...

Vertat. De memoria, que ditz que fin finala ne s'i troba pas hera mes d'errors en Wikipedia qu'enas enciclopedias realizatas per especialistas.
Mes d'audes estudis qu'an tanben amuishat qu'era hera facile d'introdusir errors grossassas ens articles de Wikipedia. A cops que i demoran pro longtemps e poden trompar eths non-especialistas.

Gavach a écrit: E es aquí lo problèma: i a pas q'una minoritat d'especialistas que prenon de temps per vulgarizar

Que cau diser qu'era vulgarizacion ne porta pas arren en terma de carriera aths universitaris per exemple. Aras totas, que sere mau considerat de'n har. De mes, vulgarizacion sus internet ne permet mema pas de tocar drets d'autor

Gavach a écrit: E se o fasián lo meme problèma qu'amb Wikipèdia que pausariá: cossí reconéisser lo siti scientifacement valable de lo emplit de conarias?

Oc-ben ! Eth site deths comics qui an decidit de hargar ua novluenga occitana que n'ei ua prova. Eths debutants que s'i leishan prener.

Que pensi d'alhors qu'er occitan ei denguera mes pertocat pera question que d'audes maines : originaus o marginaus que troban en aquera mestior un camp quasi libre taras loas experimentacions, o, qu'anari diser, taths lors deliris. Que pensi per exemple a tots eths inventors de grafias naveras o "amelhoratas"...

Gavach a écrit: Sus Wikipèdia i a de conarias mas n'i a mens que sus l'ensemble dels autres sites que parlan del meme subjectre: lo passatge permet, al contrari de çò que pensa l'arqueològ d'evitar las teorias monstruosas, al prètz d'una reconeissença mendre dels arguments d'autoritat.

Que soi d'acord.

Pensi que podem esperar abans de véder ua wikipèdia deu 'nivèu' de la franchimanda. Per rasons sociolingusticas evidentas ..

Dilhèu l'Institut Occitan poderé engatjar quauqu'un sonque ta plear la wikipèdia nosta ?