Vos volia parlar d'un libre que descubrei i a quauquas setmanas : Boris le babylonien contre l'Aligot Littérature. Qu'es d'un jòune autor tolosan, lo Julien Campredon. Benleu, vos lo coneissetz. Es un libre que m'a beucòp fach rire. Extrach de mon blòg ente ne'n parle :
Un jòune autor occitan monta a París per trobar Boris, un exilhat, e
li presentar un project fadard. Un Oulipo occitan : l'Aligòt
Literatura. « Qu'es aquò qu'aqueste aligòt ? L'Aligot Littérature est
une invention issue d'un concept très technique. Celui-ci mêle à une
évolution linguistique une avancée poétique, entraînées et jugulées par
des progrès éthyliques étonnants, ceci en simple application d'un
process au marc de raisin fondu et, ce qui est vraiment nouveau : avec
une pointe de gras ! » (...)
Un occitan perdut dins la jungla literària parisenca, entre vodcà
lituaniana, parpalh d'òtessas plan tetonadas, reviscoladors de la
Gàllia Narbonesa e un exilhat aparisencat, que passa a la television e
que tot lo monde tròban très beau. 'Na critica dau monde
literari en França. Mas 'na critica facha dempuei Occitània. Emb una
occitanitat sens complexe. Un libre qu'es, segurament, de l'aligòt
literatura, emb sa pointe de gras, e benleu un pauc autobiografic...
Julien Campredon, Boris le babylonien contre l'Aligot Littérature, Atelier du Gué, Villelongue d'Aude, 2006.
Lo site de l'editor : http://www.atelierdugue.com