Bilanç Estivada 2008

Bon, coma degun a començat, benleu que n'i a enquera que s'en son pas remes, sabe pas, vau començar, en tant que cò-adjudant (e sol present alai) a far mon bilanç a io de l'Estivada 2008.

Franchament, sei content, ai rencontrat un fum de monde que coneissiá pas, mai que mai daus tipes interessants (especiala dedicaça a "Volem Viure Au Palis" e tota la còla dau campatge), dau monde que vese pas tròp sovent (quitament se n'i a que demòren pas tròp luenh de io...), fòrça de monde dau forum qu'aviá jamai vist (perdon Kagola per la botelha de vin que t'ai tuada... ), mai d'autres, que m'an promes d'i venir.
Me sembla justament que lo forum a 'gut un bon succes, ai vist trainar daus japissons (eran mai "professionaus" que los de l'an passat) un pauc d'en pertot, un fum de monde n'an pres, ai auvit de monde n'en parlar, avem jeitat daus ponts entre de las personas que s'i son rencontradas e que ara se coneissen...mielhs (me damande enquera se pas crear una AGENCIA MATRIMONIALA dins lo forum... )
E me son vengudas quauquas ideias per lo forum, aurai lo plaser de vos en tornar parlar en setembre, lo temps de laissar madurar.

Costat programacion, ai pas trobat qu'era un "grand cru", mas ai tot parier trobat mon bonhur, entre los Eslamaires, Tres A Cantar, Solexcitant, Occitan'iss, Sauvaigo, Los Mourres de Pòrc, Familha Artus, Gric de Prat, Original Occitana, Sol I Serena, Lu Rauba Capeu e Le Comité. Parle per çò qu'ai vist.

M'a semblat que i aviá dau monde (mai que mai en debuta de setmana), rasonablament.

Dos pitits punts negres tot parier : un ambient que virava un pauc a l'estranh a quauques moments (sabe pas se 'quò a fach 'quò a quauqu'un d'autre ?), e una gròssa incertituda sus l'avenidor de 'quela festa...

E los autres, que n'avetz pensat ?

Danís

Francament soi d'acòrdi amb tu Danís : èra pas una granda Estivada. Lo programa musical èra pas dels melhors mas avèm vist causas plan : Tres a Cantar (domatge s'arréstan), Solexcitant, Le Comité, Slam d'òc, Familha Artús, Original Occitana, Arnapi, poèsia occitana (bon ai ai participat mas pensi qu'avèm fait quicòm de modèst mas fòrça bon resson)... Pensi tanben, mas engatja pas que ieu, que i aviá mens de mond sustot en fin de setmana. Per te respondre per l'ambient estranh trapèri pas mas coma tu e l'ensemble del mond present nos podèm faire de lagui cap a l'avenidor.
Si que non pensi que avèm passat de bons moment de convivéncia, avèm encontrat de mond, avèm charrat, festejat. Cal esperar que demòre coma aquò.
Viva lo vin, la fèsta, los amics, las filhas e sustot Occitània.

Jo, com cada annada, que'n torni hòrt content. Que s'i encontra monde d'Occitania tota, qu'avem hèit coneishenças dab lo monde deu fòrum (qu'ei estranh de véder las caras deus dab qui batalam shens los conéisher).
Mes com un hèish de personas, que'm hèi chepics per l'aviéner. E que guardi com imatge de l'Estivada la paret de la catedrau quan arribèi suu siti: la banèra nosta ne i èra pas!

I èri pas, mas me fasètz lega ! Verem quand la pichona sera pro granda...

fredoc a écrit: E que guardi com imatge de l'Estivada la paret de la catedrau quan arribèi suu siti: la banèra nosta ne i èra pas!

I auria pas un problemi ambe la municipalitat rodesenca novèla ? L'adjunta a la cultura, qu'era estada entrevista per la Setmana l'endeman de las eleccions, semblava quitament se'n voler desbarrassar de l'Estivada (disia quicòm coma : "nos cal atirar de monde à Rodés que tròp d'occitan los poiria espaurugar")

En tot cas qu'an confirmat per premsa que i aurà ua estivada 2009.
Per augan, que soi d'accòrd dab lo bilanç deu Danis. A maugrat d'ua programacion musicau pas estrambordanta, que'm soi hèit plaser, e encontrat monde plan interessants.

Òsca l'Estivada !

480.000€ per aquò. Son pas terrible dins lo nòrd per organizar !

D'ente tiras 'quelas chifras ? Trobas que 'quò es fòrça o pas pro ?

Aicí : http://www.ladepeche.fr/article/2008/07/19/464837-Rodez-Des-mots-et-debats-sur-l-avenir-de-l-Estivada.html

Non es ben 480.000€, amb 300.000 per la comuna de 22.000 estatjants de Rodés. Per un grand festenal out tot lo mond vòl parlar occitan aprèp.

LaurençD a écrit: I auria pas un problemi ambe la municipalitat rodesenca novèla ? L'adjunta a la cultura, qu'era estada entrevista per la Setmana l'endeman de las eleccions, semblava quitament se'n voler desbarrassar de l'Estivada (disia quicòm coma : "nos cal atirar de monde à Rodés que tròp d'occitan los poiria espaurugar")

E aquesta frasa tirata der article de la Depeche mentavut per Mertyl :

Place Raynaldy, l'on parle aussi de rendre l'événement plus « populaire », en invitant par exemple des pointures de la chanson de renommée internationale.

Que volen har un hestenau occitan shens occitan que !
Que's deveren menshidar : que riscan de perder eth public occitanista shens obligatoriament har arrecotir mes de monde. E puish d'audes que van prener era plaça. Shens que's posca comparar denguera, eth programa de Hestiv'oc a Pau, per exemple, que de pro interessant augan.

Foguèt bessai mai leugier sus d'unei ponch que l'an passat mas mi li siáu coma de costuma chalat que la setmana foguèt ben bòna (tant coma l'aligòt, lo vin d'Aude, la pichina cervesa d'Olt(?) ...e lei tripons que franc d'un parèu roncaviatz totei mentre que lei servián! )
Emb aquò coma vautres es agut simpa de veire lei caras de "totei" en bonus

Bon jo ei trobat aqueth hestenau plan interessant...bon musicaument: cosas mens au mei bonas mès per l'ambiença e la qualitat de l'arcueilh hórt plan!!!!! De mei, com dit Mateu...encontram monde hórt interessant.
Medish si los gropas n'èran tots pas tarribles. Aquo n'a pas per autan sortit la convivençi de l'eveniment.
Soi partida dab tot un grop de mainatges que ne coneishevan pas tots lo "monde occitan" e son tornats contents e esbaudits!

Alavetz, lo budget attribuit era benleu una bona causa si a podut balhar un moment de bonhur...

M'a semblat qie l'i avia beucòp de gents tras la debuta de setmana, e pas tant a la fin.
Solide l'Estivada es un eveniment esperat e damandat, per las quitas gents de la vila, quò qu'era pas evident en bastir un monde de militants iniciats.
Menar tant de monde amb deguna gròssa testa d'empont vòu dire que lo festenal pòt contunhar sus la basa de sa reputacion, lo monde ven per l'ambient, per l'eveniment, pas per la prog.

viguei que fasia part daus "endroits où draguer cet été" de la Dépêche, benlèu lo chamin de la normalitat ?

Per los sòus, entende la comuna que s'emaronha de pagar la magèr part. Qu'es un eveniment occitan, pas rodesenc (rutenenc ?) e contunhe de creire que suffis pas de ne'n plorar a las colectivitats territorialas.

Que volen har un hestenau occitan shens occitan que !

personalament me mesfise mai daus eveniments "occitans" que s'i deut mostrar qu'om es "occitan" que mena aver ren-mas quilhs que se coneissen jà. Per ieu Zebda son occitans, per contra encontrei a Tolosa un fum de merda etiquetadas "oxitan" que me n'en passarià.

Es vertat que'n cau benleu pas devener trop intolerent. Soi d'accordi dab lo biais de díser, de la part de l'organisacion, que los espectacles deven estar en occitan sonque. Mès si aquò n'es pas hèit tot sansèir, n'es pas grèu...aquò empacha benleu de díser que sem pas uberts...(e aquo m'arribèt!)

lucia a écrit:aquò empacha benleu de díser que sem pas uberts...(e aquo m'arribèt!)

De vertat ?
Mai seriosament, m'arribet tanben, mai m'arriba e m'arribará, zo sabe...

Mas io ai longtemps trantalhat entre pensar que l'Estivada deviá esser un afar d'occitans o un afar per los occitans. Ara qu'es a morir, sei mai partesan d'una opcion diferenta. 'Quò me geinariá pas d'aver dau gropes en frances a l'Estivada, n'avem 'gut l'an passat e me sembla que se passet plan. Puei vese çò que fan los bascs : sei anat emb los de Bordèu au EHZ, e la majoritat daus gropes eran pas bascs. Quauqu'un coma Kenny Arkana es venguda, en arribar coneissiá ren a la cultura basca e a la lucha basca, en partir, es tornada emb una chamisa per los presoniers. Ara es una "aligada" de la causa basca. Aquò tròbe interessant. Dise pas que 'quò seriá lo trabalh de l'Estivada, tala qu'es conceguda a l'ora d'ara (mai que mai "vitrine de la production occitane", n'en fau tanben una), benleu lo d'un autre festenau. Mens botar l'accent sus la musica occitano-occitana (empescha pas de n'en botar) e mai sus lo militantisme. Que n'en pensatz ?

Danís a écrit:Mens botar l'accent sus la musica occitano-occitana (empescha pas de n'en botar) e mai sus lo militantisme.

Qu'es quò que nos manca, un festenau que l'eveniment ES Occitan puei la prog ... si convidam pas de gents de l'endefòra chanbaran per nos far chijar (mas entre occitans !)

M'interessa mai un EHZ ò un Gouell an Erer Kozh Occitan que pas un catalogue daus eveniment etiquetats.

Einucent a écrit:M'interessa mai un EHZ ò un Gouell an Erer Kozh Occitan que pas un catalogue daus eveniment etiquetats.

Mas n'avem besonh, per nòstra subrevita culturala. Emb un espaci tant grand, si que non, coma se tenir au corent de l'actualitat musicala (e aqui, de gropes "per jòunes" son mai favorisats que d'autres, que serián benleu tant interessents !).

Es vertat que'n cau benleu pas devener trop intolerent.

Ne vedi pas en que sere intolerant per un hestenau d'obrir er empont aths artistas occitans i sonque. Ens centenats de hestenaus der estiu, eth de Rodes qu'ei eth solet qui permetia ath nostes artistas de s'exprimir atau, i ath public de veder i escotar en un sol loc grops qui vienen d'Occitania tota.
N'em pas nosaudes eths intolerants ! Eths intolerants que son eths qui s'opausan ar ensenhament der occitan ar' escola, ath son usatge ena vita publica, ara soa reconeishença institucionau ! Nosaudes n'avem pas james interdit a qui que sia de parlar era soa luenga !
Perque deverem justificar-nos de parlar occitan, de candar en occitan ?
Era politessa i era obsession der'ubertura qu'acabara de'ns tuar.

Apres, de segur, n'ei pas arren contra un hestenau sus eth modele de EHZ. Mes eth Bascos que's poden permeter de s'obrir per'mor que tot ço qui ei ar entorn deths quites espectacles que's he en basco, dera senhaletica visuau i orau dinc a comandar ua cervesa ar estanguet. Ei eth cas a Rodes ? Si tiram era mieitat deths espectacles en occitan, que demora ?

attention! n'ei pas dit qu'èra intolerent d'aver grops sonques occitans! au contrari!! Aquo amusha qu'existis una vertadeira cultura occitana plan vivanta e interessanta!Parlavi de la gen que romégèvan pr'amor los comentaris n'èran pas tots en occitan com l'avèva exigit l'organisacion. Segur qu'es hòrt domatge que sii lo francès qu'arriva en purmeir mès bon...: "Es vertat que'n cau benleu pas devener trop intolerent."

E combidar quauques grops bascos, o d'autes culturas se pòt estar un bon biais de nos har coneisher!!

Ne vedi pas en que sere intolerant per un hestenau d'obrir er empont aths artistas occitans i sonque.

E òc, cau estar realista: Tot lo monde que se'n fot deus grops occitans, que son intolerents, e peu moment i a pas sonque las estructuras occitanas entà har valer aquera musica.
Mes vertat qu'aquò empacha pas d'arcuélher monde viengut d'alhors, com Obrint Pas !

lucia a écrit:attention! n'ei pas dit qu'èra intolerent d'aver grops sonques occitans! au contrari!! Aquo amusha qu'existis una vertadeira cultura occitana plan vivanta e interessanta!Parlavi de la gen que romégèvan pr'amor los comentaris n'èran pas tots en occitan com l'avèva exigit l'organisacion. Segur qu'es hòrt domatge que sii lo francès qu'arriva en purmeir mès bon...: "Es vertat que'n cau benleu pas devener trop intolerent."

Eth ton messatge qu'era mes nuançat qu'eth troç qui ei sortit, vertat . Mes qu'ei reagit d'ua faiçon un drin viva per'mor qu'ei ua frasa qui endenem sovent. Qu'as cargat per eths auts, praubota !

lucia a écrit: E combidar quauques grops bascos, o d'autes culturas se pòt estar un bon biais de nos har coneisher!!

Convidar grops d'audas culturas minorizatas qui n'avem pas era aucasion d'endener ara radio, que'm va hera plan tanben. Malurosament, si volen "artistas coneguts internacionaument" qu'ei paur que ne sia pas eth cas. Mes jo ne vau pas har 800 km anar i tornar ta veder Johnny Hallyday "alucar eth huec" !

Matieu a écrit:E òc, cau estar realista: Tot lo monde que se'n fot deus grops occitans, que son intolerents, e peu moment i a pas sonque las estructuras occitanas entà har valer aquera musica.
Mes vertat qu'aquò empacha pas d'arcuélher monde viengut d'alhors, com Obrint Pas !

Danís a écrit:Mas n'avem besonh, per nòstra subrevita culturala. Emb un espaci tant grand, si que non, coma se tenir au corent de l'actualitat musicala (e aqui, de gropes "per jòunes" son mai favorisats que d'autres, que serián benleu tant interessents !).

Per un grop joen com Arnapi per exemple, qu'ei ua aucasion unica de's har coneisher en Occitania tota, i per un Nissart, de vede'us en concert.

Matieu a écrit:E òc, cau estar realista: Tot lo monde que se'n fot deus grops occitans, que son intolerents, e peu moment i a pas sonque las estructuras occitanas entà har valer aquera musica.

Bah, bah, bah, quo es una generalitat, 'quò-qui. Sabe pas a qui pensas, mas io vese pas de manca de dubertura dau costat daus artistas en generau, subretot la novela scena.

Mes jo ne vau pas har 800 km anar i tornar ta veder Johnny Hallyday "alucar eth huec" !

De tota faiçon, la question se pausará pas tant que serem una cultura minorisada, Johnny vendrá jamai nos veire a l'Estivada... e quand serem pus minorisats ( ), aurem pus besonh d'anar a l'estivada per veire daus gropes occitans tanpauc...

Per un grop joen com Arnapi per exemple, qu'ei ua aucasion unica de's har coneisher en Occitania tota, i per un Nissart, de vede'us en concert.

Sei d'acòrdi, quitament s'auriá chamnhat lo nom dau grope, per preferencia musicala...

Bah, bah, bah, quo es una generalitat,
'quò-qui. Sabe pas a qui pensas, mas io vese pas de manca de dubertura
dau costat daus artistas en generau, subretot la novela scena.

Parli pas deus artistas Danis, mes deus programators e/o organizators.
Vertat que s'i interessan drin mei au dia de uei, mes bon qu'em partits de zerò ..

Ah perdon, aviá pas vist que 'quò era un "que" enonciatiu...
Entá comprener un gascon, que's cau levar d'ora !

Vertat que sem pas partits de tròp naut... e que lo chamin es enquera pro long...

Ah perdon, aviá pas vist que 'quò era un "que" enonciatiu...
Entá comprener un gascon, que's cau levar d'ora !

Hartèra de l'ostracisme cap aus gascons !!

Bah bah bah, desjá ai fach l'esfòrç de te respondre en gascon, e zo fau pas sovent ! Non mas los gascons los aime plan, io !

Hum, tornam au subject, benleu ?

Per tornar au subjècte, diseréi que per jo, l'Estivada qu'ei mei que mei lo parat d'encontrar lo monde. S'exageri, que diseréi que me'n foti drin se los grops qui cantan tot ser son pas hèra bons, qu'ei lo parat de's tornar véder cada an, de tornar trobar amics, de véder quin se pòrta la nosta lenga alhors e aquò, se desapareish, que serà ua catastròfa entaus occitans ..

Estrambordat!!
Francament siau estat estrambordat per totei leis rescòntres qu'ai fach ailà, fai talament plaser de veire coma lo monde occitan se bolega, aquo m'a balhat un energia nòva per seguir lo combat aici dins mon canton. E puèi força content d'aguer rescontrat lei gents dau forum. Coma ditz l'amic Matieu, meme se òm tròba pas tot de bòn dins la prgramacion i a un grand interés uman a anar a l'Estivada.

Danis! Quora es que porrem veire la video de l'ataca dei Marselhés amé Fredòc??

Lo poton

Per tornar au subjècte, diseréi que per jo, l'Estivada qu'ei mei que mei lo parat d'encontrar lo monde. S'exageri, que diseréi que me'n foti drin se los grops qui cantan tot ser son pas hèra bons, qu'ei lo parat de's tornar véder cada an, de tornar trobar amics, de véder quin se pòrta la nosta lenga alhors e aquò, se desapareish, que serà ua catastròfa entaus occitans ..

Exactament.

Danis! Quora es que porrem veire la video de l'ataca dei Marselhés amé Fredòc??

Ben escota, coma dire... L'ai avisada e franchament aviá mai de vam en realitat e a mitat bandat... Mas bon, quauqu'un d'Handmade In Occitany coma tu trobará totjorn lo mejan de s'en petassar...

Pense que la montarai quand aurai recuperat mon ordinator a io, devers setembre. Un mes a esperar, Trotski !

De qué parlatz aquiu ? Voi saber !!!