Cabaret Estivada 2005

Bon, aqui i aurá totas las chutas, totas las sòbras dau Cabaret, emb de la dança, dau chant e de las conariás (subretot 'quò).

E enquera perdon per la qualitat, mas a l'espòca desbutava en fimatge, aviá :
-una camerá de merda
-una formacion de merda
-un logiciau de montage de merda
-un ordinator de merda en fach
-e puei YouTube, quo es de la merda, sem oblijats de pas botar mai de 100 Mo (!) o 10 minutas. Alara niveu compression, vos conte pas, m'an fach far de chausas !

'Quelas videòs durmissián dins un canton de mon disque dur, e trobava domatge de pas n'en pas far profieitar lo monde... quitament se tot los artistes seran pas d'acòrdi...

Jordan

Un gojat qu'a de qui tenir...
E, z'ai pas filmat, mas a fach la granda scena de l'Estivada entre dos gropes, entau !

Gascons

Apres lo filh, lo paire.
Se quauqu'un es au corent per l'istòria de "cosin" de la debuta de la videò, prene, io ai pas compres e quò m' plan tafurat pendent lo montatge e mai enquera.

ASSURD

Assurd

Queu grop era la pròva se n'i aviá besonh, qu'emb quatre filhas e tres tambors, òm pòt botar lo fuec. An tot parier fach una chançon de 10 minutas en semi-imprò, respect. E me sovene qu'an far plorar la chantairitz de E Zezi. Los dos grops eran napolitans, mas se coneissián pas, e se son coneguts a l'Estivada. Qu'es pas brave la cultura occitana ?

LOPEZ E CIE

Lopez e Cie

Lopez, "Pocinet" (sei pas segur que quo es eu, lo vesem pas tròp sus la videò), Olivièr e Esteve. Una còla de champions. Pas mai.
E per parar tota question, non, ai pas fach expres de filmar en negre e blanc, e non, sabe pas d'ente quò ven...

Tesi-Artus-Lopez

Lo paure Riccardo Tesi (qu'ai pas pogut filmar dins la serada...era tròp ocupat... a beure de còps... ) s'es fach un pauc distançar per los occitans aqui... lo vesem e l'auvissem pas tròp...

Un Irlandes chas los Occitans

Irlandes

Bon, dise Irlandes, mas en fach, l'era pas dau tot, qu'es nonmas que jugava daus tradicionaus irlandes...

Dupain

Aquò, qu'era mielhs sus lo grand empont...

O.N.S-FAMILHA ARTUS

ONS-Artus

Segurament un daus melhors "buòus" de l'Estivada, totas anadas boiradas... enfin, totas las ente era, au mens...ai pas tot filmat, mas garde de 'quelas 20 minutas un sovenir remirable.

Lhi Jari

Lhi Jari e sa formacion de bal. Qu'es estranh, mas dins queu grop i una trenchada entre los musicians que venen dau ròck e los que venen dau trad, tròbe...

ALBA

Alba

Un grop de polifonia còrsa, quò pòt pareisser costumier, mas quò fai totjorn plaser a auvir.

TRES A CANTAR

Tres A Cantar

L'anciana formacion de Tres A Cantar (sabe quitament pas se s'apelavan Tres A Cantar).
Qu'es interessant de comparar emb aura...

GENIUS CAUHAPE

Cauhapé

Setz segurs de voler daus comentaris ?
Bon, enfin, per ma desfensa, crese que tot lo monde (e Cauhapé tanben...) era bandat. Erem particularament bon public 'queste ser...

Danís a écrit:[size=18]

TRES A CANTAR

L'anciana formacion de Tres A Cantar (sabe quitament pas se s'apelavan Tres A Cantar).
Qu'es interessant de comparar emb aura...

Santa puta que monta aquò, amb Cantalix amb los pels longs al periode...Danis, fas cagar, ja per de que me fas venir vielh e a mai mesorgas, son pas tan maridas qu'aquò las tuas imatges (e es un ancian ingeniare audiovisual que te dit aquò)...enfin aquò depens s'aviai lo meteis material que Poulichine per Taratata...òc sias pietados:ironic:

Amistats

Cedric

Foguèt pres la meteissa serada? Me'n soveni pas pus (fòra tres a cantar e lo pichon Tisnér).

Tot aquò a pas estat pres dins la mesma serada, tot parier, quò auriá fach beucòp !

Qu'es simple : los qu'eran programats un jorn especiau a l'Estivada dins las salas l'apres-miegjorn son passats au Cabaret l'enser (comme Lhi Jari, programat lo Dijòus e passat lo Dijòus) o Dupain.
Per çò qu'es daus autres, coma Jordan, ai botat un pauc a vusda de nas, perque aviá tot notat sus un papièr mas me l'ai perdut... Enfin, se t'interessa, zo tornarai trobar.

I a nonmas Cauhapé que voliá botar a la fin...

E Cedric, se trobas pas mas imatjas maridas, qu'es benleu que las as pas visdas sus una granda tela coma io, en tot cas espera las de 2006, e aqui vendrás me dire se i a fòto o pas... t'assegure...

Tene a senhalar que a l'espòca ma camerá era un camescòpe de punh (JVC), d'una resolucion de 700000 pixels e que tremolava tot lo temps.
Aurá, ai la mesma camerá que Amic Bedel (Canon XH-A1, 5 millions de pixels, HD e tot 'quò, per los que 'quò interessa...) e un prenaire de son independent. Veirás lo chanhament...

Malastrosament, lo chanhament era pas effectiu per aquesta anada (2007), donc las imatjas de 2007 semblarán a las de 2006. E esperatz un pauc per las veire, aqui me fau tot montar (n'ai 7 o 8 oras, et una dotzena de son en independent), n'i a per un moment. Un pauc de paciencia...

O sai Danís, mas al cabaret soi sovent fòrça cançat...(I èri de mai aquela annada...)

Gavach a écrit:O sai Danís, mas al cabaret soi sovent fòrça cançat...(I èri de mai aquela annada...)

Io tanben ,e m'empescha pas de beure, de dançar e de filmar !
De mai, pense pas que per tu, "cansat" siá lo mt exact...

Se qu'es "cansat" coma ujan, en tren de chantar "Marie-Christiiiiiiineeeeuuuuhhhh" a 5 oras de l'enmatin au campatge... te, en n'en parlar, me faudriá verificar, mas me damande s'avem pas filmat o enregistrat 'quela scena...

Danís a écrit:
Se qu'es "cansat" coma ujan, en tren de chantar "Marie-Christiiiiiiineeeeuuuuhhhh" a 5 oras de l'enmatin au campatge... te, en n'en parlar, me faudriá verificar, mas me damande s'avem pas filmat o enregistrat 'quela scena...

Roooh sias maissant Danis, ara lo Gavach es de perdre son car anonimat... aprep i'avia una Maria-Cristina al campatge e i'avia pas Gavacheta, qual te ditz que lo Gavach era de cantar Marie-Christinoeud....euh neuhhhh perdon


Cedric