Accueil
« Coleras » es un de quilhs libres que me faran m'esmalir enquera 'na longa de pas aver (re)apres pus tòst nòstra linga ; dau mesma biais, passar lu demai de sa vita a poder legir daus libres entau, i a de las penas pus grandas.
Aiá desjà legit daus libres dau M. Chapduelh, mas 'queu-quí me fasiá paur. Marchatz saber perquè ? Lu titre beleu ? Me sonjava que lu libre eriá un chausa de vielh cobès agres après s'enbufar sus tot mai ren, un pauc coma 'quilhs que purissan lu 36-15gogle.
Vòle pas far de surtida dau vaissalier mas lu ton sembla un pauc 'queu d'un sit consacrat au chin dins lu lengadòc. Comptaz pas sus me per ne'n dire mai, tene a gardar mon rasteu de davant
.
Lu ton justament, be, quò-es lu bon ton per far una critica fina de la societat dau jorn d'auèi, emai me figuresse mai d'una vetz permés los criticats. Tot i passa : la cultura, los occitanistes, los joginors dau diumenc, la toristalha, los elegits que viran lu veston, l'architecte que fai bastir dins lu sens dau pluviau o enquera la prevencion veirurala mai-que-mai pervencionista que laissa solament un bocinot de plaça per los fantasmes sessuaus, lu biais de minjar... T! 'Quela esprecion « biais de minjar » porrià estre l'una de la seissantèna de cronicas.
L'escritura es fina, la legida aisada, lu vocabulari pausa qua'iment pas question. Un bon libre per intrar dins lu lemosin grand.
Niveu B2 beleu.
Podetz lu trobar aquí :
http://novelum.ieo24.online.fr/edicion/03.htm
Aiá desjà legit daus libres dau M. Chapduelh, mas 'queu-quí me fasiá paur. Marchatz saber perquè ? Lu titre beleu ? Me sonjava que lu libre eriá un chausa de vielh cobès agres après s'enbufar sus tot mai ren, un pauc coma 'quilhs que purissan lu 36-15gogle.
Vòle pas far de surtida dau vaissalier mas lu ton sembla un pauc 'queu d'un sit consacrat au chin dins lu lengadòc. Comptaz pas sus me per ne'n dire mai, tene a gardar mon rasteu de davant
.Lu ton justament, be, quò-es lu bon ton per far una critica fina de la societat dau jorn d'auèi, emai me figuresse mai d'una vetz permés los criticats. Tot i passa : la cultura, los occitanistes, los joginors dau diumenc, la toristalha, los elegits que viran lu veston, l'architecte que fai bastir dins lu sens dau pluviau o enquera la prevencion veirurala mai-que-mai pervencionista que laissa solament un bocinot de plaça per los fantasmes sessuaus, lu biais de minjar... T! 'Quela esprecion « biais de minjar » porrià estre l'una de la seissantèna de cronicas.
L'escritura es fina, la legida aisada, lu vocabulari pausa qua'iment pas question. Un bon libre per intrar dins lu lemosin grand.
Niveu B2 beleu.
Podetz lu trobar aquí :
http://novelum.ieo24.online.fr/edicion/03.htm
