L'Arquibaunobiliconofatz (niveu A1 (per los començants))

Quo es un recuèlh de novelas per la jounessa (12<17 ans) o per los començants coma me.
Queu recuèlh es de bon legir de per la diversitat d'autors e d'autritz : Chapduelh jusca a Barís ne'n passant per Pessamessa, Roanet, Vernet e ne'n mai d'aquò, fasem un brave viatge entra los dialècts de la lenga nòstra.

Las istòrias son variadas, cortas, per una un pauc vielhota mas quò compta pas.
E de la legida descreissenta perqué i a tres novelas que son dins quel esperit :
Far autrament e mielhs emb mens de mestier.

"Los lutins, las chaiolas (o limaç, churga) e l'ANPE" - Chapduelh : conta la faiçon que sem 'ribats de minjar de la merda. Bon vos dise que qu'es la fauta daus matematicians que son totjorn a comptar. L'istòria es vertadierament bona.
"Albèrt" - Vernet : novela ònte un ordinator apren de la poësia, quò zo fai tombat ne'n amor d'una goiata.
"L'òmi qui avè esposat ua marquesa" - Barís. Se aviá legir quò dins los meus quinze ans, seriá estat benleu mens colhon d'escupir sus lo patrimoni. Quo es una istòria emb lo diable, un "praube òmi" e "ua hemna de grana beuta". Lo tipe rencrontret lo diable, lo diable tornet querre sa moneda...

L'arquibaunobiliconofatz - Colleccion "A tots-a votz" IEO (1982)

un pauc vielhota mas quò compta pas.

Qu'ei un gran pb, au contra. Que dises qu'ei un libe taus joens de 12/17 ans. Mes que vòlen léger aqueths joens?

BDs, mangas, Stephen King, revistas, espòrt...

Deus qui as citat, que'n coneishi un, hèra pauc, mes que sèi drin çò qui escriu. Que n'i a pro deu passat, que n'i a pro de las tradicions. Que me'n foti de las guèrras, deus catars, de las vacas e deus aulhèrs! La lenga de uei que parla d'internet, d'espòrt, deu monde sancer, de tractors climatizats, de Betancourt e deu film de canau mei deu dissabte.
Que podem escriver causas en occitan, dab ua cultura occitana shens har contes o novèlas de bèth temps a.

Vòle pas dire, mas lo libre a mai de 25 ans... Alara per parlar d'internet e de modernitat, li fau pas tròp comptar...

per una, un pauc vielhota

vau botar defòra la virgula.

sus mon joèb, ai mes un "avertissament" a perpaus d'Albèrt per los mai jòunes :
De notar per la jounessa des annadas 2008 que dins las annadas 80, msn®, lo pergaaurelha, lo balador MP3 quitament la mirga n'existavan pas ; adonc, jòune, l'istòria pòt te semblar estrannh ela es tipica d'aquelas annadas.

Ai ben compres la tóa remarca, ai fach la mesma per la manga sus queu fòrum ['quí] "Per dire vertat, me sei fach chiar de legir quò.
Comprene ben l'intencion : publiar una istòria per los jòunes mai interessanta au jorn d'auèi que Yakari. Dins queu but, mission 'complida. Lo libre es una reüsita, ben realisat, i a dau gascon, dau lengadocian, de l'auvernhat... Mas l'istòria es nineta."

Ah...
Desolat

Que'm soi ahuecat per arren

Que pensi totun çò qui èi dit, per'mor que trobam enqüèra sovent causas atau dens los concors literaris o las parucions d'uas maisons d'edicion.

E que'm desòla.

Danís a écrit:Vòle pas dire, mas lo libre a mai de 25 ans... Alara per parlar d'internet e de modernitat, li fau pas tròp comptar...

òc ben mas quo es una legida aisada dins un autre contèxte que los libres d'escòla

Coma professor vos disi d'experiéncia que tot es pas tan simple...

Produire, quand òm a 50 ans, de causas per un public de 15 ans en ensajar de pegar a la modernitat mena sovent a la catastròfa...
Los adolescents pòdon "kifar" de causas que vos semblan vielhassas e vos rire a al nas quand ensajatz de lor prepausar una activitat que vos sembla "modèrna".

D'exemple, se un autor decidís d'escriure un libre pels adolescents que se passa dins lo mitan de la tektonic, lo temps que sortisca, aquel libre serà ridicul que la tektonik serà passada de mòda. Per contra una ficcion campestrala plan escricha, amb de personatges adolescents e una intriga solida poirà agradar als dròlles d'uèi e de deman, per causa de son intemporalitat.

Una anedòcta, als mieus escolans lor agradèt dètz còps mai lo DVD "al canton" claufit de pichons vièlhs que parlan del bèl-temps que non pas Massilia...

Gavach a écrit:Per contra una ficcion campestrala plan escricha, amb de personatges adolescents e una intriga solida poirà agradar als dròlles d'uèi e de deman, per causa de son intemporalitat.

un pauc coma lo Da Carcassona code, sabe pas se quò a marcha (sei pas vertadièrament fanatic de queu libre)

Vòlon mai que mai legir de bons libres los adòs. De literatura, que !
Ieu qu'ai pas mai de 15 ans (çò dis la femna), m'agradaria fòrça de legir "l'isla del tresaur" en lenga nòstra.

LaurençD a écrit:Ieu qu'ai pas mai de 15 ans (çò dis la femna)

ieu tamben !!!




de quala òbra surtissen quelas conarias en sinhatura ...

de quala òbra surtissen quelas conarias en sinhatura ...

Exqueeze me,
A baking powder,
asphinctersayswhat ?

Wayne's World !

@l'Òmi : Zeeeeeeeeeeeeeng !
La vau chamnhar aura !

Gavach a écrit:Produire, quand òm a 50 ans, de causas per un public de 15 ans en ensajar de pegar a la modernitat mena sovent a la catastròfa...

Vertat e dins lo club occitan n'i a un fum qu'an l'eideia tota presta que "farà jòune" (Ò Mamèt crompa-me un skateboard !) mielh que pas escotar quò qu'agrada aus jòunes.
Coma si qu'era un bloc monolitic !

Gavach a écrit:D'exemple, se un autor decidís d'escriure un libre pels adolescents que se passa dins lo mitan de la tektonic, lo temps que sortisca, aquel libre serà ridicul que la tektonik serà passada de mòda.

Coma 'quí tecktonik sem luench de la legida...

Gavach a écrit:Coma professor vos disi d'experiéncia que tot es pas tan simple...
Produire, quand òm a 50 ans, de causas per un public de 15 ans en ensajar de pegar a la modernitat mena sovent a la catastròfa...
Los adolescents pòdon "kifar" de causas que vos semblan vielhassas e vos rire a al nas quand ensajatz de lor prepausar una activitat que vos sembla "modèrna".

D'exemple, se un autor decidís d'escriure un libre pels adolescents que se passa dins lo mitan de la tektonic, lo temps que sortisca, aquel libre serà ridicul que la tektonik serà passada de mòda. Per contra una ficcion campestrala plan escricha, amb de personatges adolescents e una intriga solida poirà agradar als dròlles d'uèi e de deman, per causa de son intemporalitat.

Una anedòcta, als mieus escolans lor agradèt dètz còps mai lo DVD "al canton" claufit de pichons vièlhs que parlan del bèl-temps que non pas Massilia...

Segur, que. Seriá con d'escupir sus çò que siam e d'onte venèm per intrar dins aqueu motle pseudo modèrne, m'aquò saupre se l'occitan es una lenga viva e adaptada au monde d'encuei es una evidéncia, lo ridicul en faguent de "joinisme" mi fa mai crenta que l'ipotesi de pareisser vielhanchon en parlant dau passat ò de ruralitat.
Siáu partesan de donar ai dròlles lo "kit complèt", tot lo bagatge culturau estacat a la lenga, e pas soncament la capacitat de revirar son francés emb de mòts occitans.
Es un equilibri de trobar que fa que tant podèm e devèm parlar d'internet que de "vacas e d'aulhèrs" mi sembla, dau mens en classa, que juegan lo juec e son fòrça curiós.

fredoc a écrit:Que podem escriver causas en occitan, dab ua cultura occitana shens har contes o novèlas de bèth temps a.

Siáu sus aquò fòrça d'acòrdi emb tu

Ne soi pas tà arrenegar lo passat, ni la ruralitat. Que soi un campanhòu, e n'ac voi pas cambiar. Que m'agradan los paisans e los tribalhadors de la tèrra.
Mes atencion, la literatura occitana que s'empara tròp sus un passat acabat e que glorifica de tròp lo temps "quan se parlava l'occitan peus camps..."

Sus la question de poder parlar de tot en òc, que sèi que lo monde deu fòrum ac saben. Mes que sèi tanben que n'ei pas dens l'idea de tot lo movement occitanista. Per exemple, se'u trobatz, anatz véder lo reglament deu concors literari deus "Calams gascons" d'Aci Gasconha.
Que s'i ditz que n'acceptaràn pas nat tèxte pornografic o dab insanitats o ne sèi pas mei qué...

Es un equilibri de trobar que fa que tant podèm e devèm parlar d'internet que de "vacas e d'aulhèrs" mi sembla, dau mens en classa, que juegan lo juec e son fòrça curiós.

D'acòrd, mes en cors d'anglés o d'espanhòu, n'èi pas jamei aprés lo vocabulari agricòla ni çò qui cultivan. Que'm demandi quin reagirén los eslhèves se's hasè.
E serén contents? E seré fidèu a l'imatge qui an de la lenga?
N'èi pas arren contra los paisans, que soi arrèr-hilh de paisan, vesin de paisan, cosin de paisan, amic de paisan...mes ne desbrombem pas que ne son pas mei que 2% de la populacion. Mes bèthlèu tot lo monde qu'an un ordinator e internet a casa.
Que caleré sortir d'aqueth carcan.

D'acòrd, mes en cors d'anglés o d'espanhòu, n'èi pas jamei aprés lo vocabulari agricòla ni çò qui cultivan.

                  

En deçai de quò, e sei plan d'acòrd emb tu, dins mon idèia, quò me 'riba de las vetz de'n aver 'na, volia parlar "de la descreissença" per lo motor de quauques pitits contas pas tròp complicats. Degun ne'n parla jamai positivament.

Gavach a écrit:Una anedòcta, als mieus escolans lor agradèt dètz còps mai lo DVD "al canton" claufit de pichons vièlhs que parlan del bèl-temps que non pas Massilia...

M'estona pas. De tot biais, Massilia es ara virat devèrs un public puslèu trentenari, en fòra deis occitanistas.
E puei, es mai aisit de s'interessar a quaucaren de vertadierment aluenchat, coma lei vièlhs d'Al canton qu'en de tipes de 45 ans que ti cantan de reggae-ragga.
Ja quand èri escolan, fa mai de 10 annadas ara, m'interessavi pas au Massilia. Ai degut esperar l'atge de rason per atrovar d'interés dins sa musica e, mai que mai, sei paraulas. Aviam leis aurelhas cafidas de rapariás tant coma lei joines d'encuei s'enbriagan a la tektonic.