OCCITANIA !! Forum


Vous n'êtes pas connecté. Connectez-vous ou enregistrez-vous

Manifestacions contra la refòrma de las retiradas

Voir le sujet précédent Voir le sujet suivant Aller en bas  Message [Page 1 sur 1]

Zengi


Trobador !!
Trobador !!
http://libertatbearn.wordpress.com/2010/10/10/manifestacion-12octobre-pau/

Libertat qu’apèra a participar a las mobilizacions tau retrèit de la lei sus las retiradas. Que’ns felicitam deus apèls a la grèva reconductibles e deus preavís qu’estón depausats en aqueth sens per mantun sindicats.

Qu’ei causa clara, n’i a shens qu’un movement de grèva generau de longa durada qui poderà har plegar lo govèrn. Qu’aperam donc la populacion a desatelar, a participar a las amassadas generaus qui seràn organizadas dimars 12 d’octobre mes tanben a seguir lo movement peus dias qui vienen.

Arron annadas de regression sociau qu’avem l’oportunitat de har vàder un movement de reconquista deus nostes drets e de transformacion sociau. Lo retrèit de la lei sus las retiradas qu’a d’estar las premícias deus cambiament que desiram. N’esperam pas 2012, peus dias qui arriban, Libertat qu’apèra a sostiéner los grevistas e las accions qu’organizaràn, a multiplicar las iniciativas entà informar la populacion e organizar la solidaritat.

Grèva generau ! Tau retrèit de la lei sus las retiradas, la justícia sociau e lo partatge de las riquessas e deu tribalh !

Manifestem pertot en Occitania !

Alh Òli


Occitan Warrior
Occitan Warrior
Estonant que Libertat partecipesse au moviment... Enfin...

Zengi


Trobador !!
Trobador !!
Perqué?

Alh Òli


Occitan Warrior
Occitan Warrior
Siáu bensai con e primari, mai coma pensavi qu'eriatz pas francés mai part dau grand pòple occitan, eriatz pas concernits per lei problematicas dei citoiens de l'Estat Francés... Vò ben capissi pas tot a la pausicien dau moviment rapòrt a la nacionalitat...

Zengi


Trobador !!
Trobador !!
Bon, per lo darrèr còp benlèu, vau considerar qu'ès con e primari (e pas provocator puerile qui a pas arren a foter en la vita a despart de cagar sus Libertat). Donc en dus mots :

Libertat, com abans anaram Au Patac, qu'ei tostemps estat actiu au còr deus movements sociaus.
Libertat n'ei pas ua amicau de nacionalistas occitans en manca de consideracion, Libertat qu'ei un movement politic anticapitalista, èram per carrèra en 1995, qu'i èm tanben augan.
Libertat ne s'ei pas jamei posicionat en oposicion ni aus francés ni a la lenga francesa. Se la màger part deus militants nostes ne's senteishen pas francés (qu'ei lo lor dret naturau), tots qu'èm pertocats per aquera refòrma. Libertat ne denega pas l'existéncia de l'Estat francés ni d'ua realitat francesa simbolizada per l'accion deu govern, que pensam simplament qu'ei un sistèma de cambiar.

Non pensas pas qu'as de mau de considerar objectivament Libertat, per anar cercar criticas tan pegas e pesugas ?
Dilhèu te deveri deishar parlar, dab intervencions atau, te decredibilisas tot sol.

Alh Òli


Occitan Warrior
Occitan Warrior
Per estre franc, lo problema es que ma confusien es sincera, ai vertadierament de mau de vos situir entre lo discors officiau que mi tenes aquí, qu'es sedusant (de bòn sens meme, pas luenh de ce que pensi personalament), e lo resta de ce que mostratz, qu'es pas luenh de sentir au nacionalisme simplàs m'escusi, e justament construch sus l'opausicien permanenta a França en tant qu'Estat, quite de si metre en rompedura emé leis instituciens (coma v'as dich aqu’i sus un autro topic).

Ai ren de provar aquí, passi pas lo plus clar de mon temps de vos cagar dessuta (aprèp l'an de gents qu'an d'umor e que comprènan qu'es pas de prèner au premier gras, tant pis s'avèm pas tu e ieu lo meme genre d'umor), coma siáu pas ieu dins lo combat mi pensi pas decredibilizar.

Aprèp, s'ai pas lo drech d'exprimir una opausicien a certei punts de vista sota pena de mi decridibilizar, que visca lo stalinisme!

Bref. En gròs, ce que mi pausi problema es l'ambiguitat que si degaja dau vòstre discors. Bensai siáu tròp complicat, ò bensai sabètz pas tròp ce que pensatz, e a n'esto moment, son lei de Libertat que mancan de credibilitat.



joan_cavalier


Trobador !!
Trobador !!
Ieu personalament l'intervencion d'Alh Oli la traperi risoliera, mas marridas lengas diran que disi aquo per de que sem amics, pr"amor que soi amic tanben amb Hakan Kas

http://www.myspace.com/joan_cavalier

Zengi


Trobador !!
Trobador !!
Que dises çò que pensas aqui, vedi donc pas perqué parlas d'umor. Estosse ua galejada, auréi quitament pas responut.

En gròs, ce que mi pausi problema es l'ambiguitat que si degaja dau vòstre discors
Mes on ? Sus que te basas ? On son los escriuts, las posicions de Libertat qui son en contradiccion dab lo hèit de lutar contra la refòrma de las retiradas e çò d'aute ?

Ta critica, l'èi pas jamei entenuda alhors. Sus qué basas aquò ? On as entenut a parlar de nacionalisme ? E quitament se's consideram nacionalistas, perqué serém pas interessats per ua refòrma qui pertòca 98% deus occitans ?

Que hès deus 18 ans de militantisme deus sòcis d'Anaram e Libertat au còr deus movements sociaus ? Qué hès miélher que nosauts per contrar la refòrma de las retiradas e las autas ? Qui hès per escopir de longa sus un movement que coneishes pas e que vòs pas conéisher ?

Vau pas diser que demoras un mistèri per jo, te balharéi tròp d'interés. Pensi simplament qu'a prejutjats deus bèths e qu'ès pas prest a deishar, e qu'un còp de mei pèrdi mon temps, quitament s'èi pas arren contra tu.

Lo còp qui vien quan se vedem, parla me un còp per de bon de tot aquò, pausa me totas las questions e criticas que vòs e après, sia comprenes miélher qui èm, sia que deisham cader e que desbrembam tot debat politic (e que nos deishas tranquiles)

Alh Òli


Occitan Warrior
Occitan Warrior
Pas de oai per ne parlar, sarà pensi mai simple qu'en se toastant sus un forum, siáu d'acòrdi per mi far explicar d'unei cavas sens problema. Lo tot es de trobar lodich moment Escacalassant

Marxelin


Occitan Warrior
Occitan Warrior
Bons articles sul sit de l'Etoile rouge :

http://www.contre-informations.fr/?p=8691

http://www.contre-informations.fr/?p=8265

http://www.anaram.org

maime


Lemosin de prumiera !
Interessant, oc-es, mas me sembla que se trompen sus la causa de la reforma. Qu'es pas la crisi o 'na chasuda tendenciala dau profiech. Qu'es lo project neoliberau qu'a totjorn pas pogut èsser aplicat a queu sector en França. Lo project es ben d'en chabar emb lo capitalisme a chara umana, coma disen. De dreibir tots los sectors au merchat. Alaidonc, lo sistema de las retiradas deu perpausar un pension pro bassa per que lo tipe qu'a de l'argent d'investir, zo fasa dins na complementària vielhum. Perque ilhs poden pas suprimir lo sistema per reparticion per lo moment.

http://ieumaitot.nireblog.com/

Alh Òli


Occitan Warrior
Occitan Warrior
Ai tanben l'imprecien que ce s'exprima mai que tot es lo ras-le-bol de Talonnettes, mai que la refòrma de la retirada que son de far

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum