OCCITANIA !! Forum


Vous n'êtes pas connecté. Connectez-vous ou enregistrez-vous

Contra lo fichatge ADN

Voir le sujet précédent Voir le sujet suivant Aller en bas  Message [Page 1 sur 1]

1 Contra lo fichatge ADN le Lun 14 Avr - 14:17

maime


Lemosin de prumiera !
Vau vos far chiar emb un pauc de politica... 'Na peticion de signar !

Sosten a Alain Dorange, dalhaire volontari d'OGM

Non a la criminalizacion de las accions militantas

Daus dalhaires volontaris d’OGM dont
l’accion non violenta fuguet declarada legitima au temps dau proces
d’Orleans dau 27 d’octòbre 2005, fugueren declarats copables au temps
dau proces en apelada mai en cassacion. Aüei son convocats per daus
prelevaments d’ADN per los inscriure sus lo fichier de la delinquéncia
que aura regarda tots los crimes... o belament perque, curiosament, la
delinquéncia financiera es dispensada d’inscripcion a ’queu fichier.

Los que refusan de soplar a ’quilhs prelevaments passan
au tribunau correcionau e encorren de las penas de 1500€ d’esmenda mai
6 mes de preison.

Qu’es lo cas de l’Alain Dorange convocat lo 6 de mai 2008 au tribunau correcionau de Limòtges, plaça d’Aine,
per refus de prelevament d’ADN. Emai, sus un planh de la societat
Monsanto, òm lo persec per participar a ’na “associacion de maufactor”.

Los signataris de ’quela peticion denoncian la
temptativa de criminalizacion de las accions militantas mai sindicalas
que se desvelopa actualament en botar sus lo mesme plan los crimes a
caractari sexuau, los actes de terrorisme mai las accions legitimas de
contestacion. Apelan a jùnher lo comitat de sosten de l’Alain Dorange a
l’enchaison de sa comparucion davant lo tribunau de Limòtges per refus
de prelevament d’ADN.

Per signar la peticion : http://adn-dorange.net/spip.php?article1



Dernière édition par maime le Lun 21 Avr - 13:54, édité 2 fois

http://ieumaitot.nireblog.com/

2 Re: Contra lo fichatge ADN le Lun 14 Avr - 14:36

Sokolovic


Trobador !!
Trobador !!
Es tròp tardier per ieu ! Ironic

3 Re: Contra lo fichatge ADN le Mer 16 Avr - 14:32

maime


Lemosin de prumiera !
Matieu C. a écrit:Es tròp tardier per ieu ! Ironic

Non... Qu'es jamai tardier... T'as balhat ton ADN ? Te le poden perdre e te tornar demandar de lo balhar... Tusta-Paret Tusta-Paret

http://ieumaitot.nireblog.com/

4 Re: Contra lo fichatge ADN le Mer 16 Avr - 16:49

Zengi


Trobador !!
Trobador !!
Maime ont te credes aquiu ? Sias pas sus un forum politic diu vivant !

5 Re: Contra lo fichatge ADN le Mer 16 Avr - 17:11

Danís


Adjudant
Matieu a écrit:Maime ont te credes aquiu ? Sias pas sus un forum politic diu vivant !

Oh, la vielha rancur ! Risolet Progressiu

Mais seriosament, lo fichatge ADN es pus un probleme politic, es vengut un probleme de drechs de l'òme. Uèlhs al Cèl

6 Re: Contra lo fichatge ADN le Mer 16 Avr - 18:01

Zengi


Trobador !!
Trobador !!
Tot qu'ei politic. Quan vas crompar lo pan qu'ei un acte politic.
Lavetz los drets de l'òmi ..

7 Re: Contra lo fichatge ADN le Mer 16 Avr - 19:56

IEU


Pintaire
Pintaire
Matieu a écrit:Tot qu'ei politic. Quan vas crompar lo pan qu'ei un acte politic.

E ben...S'aviai sauput...

8 Re: Contra lo fichatge ADN le Mer 16 Avr - 21:56

fredoc


Occitan Warrior
Occitan Warrior
Doman, que vau cridar la mea banca. Colèra

E vau har un acte politic?


_________________
Ací qu'ei l'alh ! ce disè la ceba. / Amic de cadun, amic de degun.
"La vida es una tombola", Manu Chao.
http://www.occitania-fotbol.com

9 Re: Contra lo fichatge ADN le Jeu 17 Avr - 9:33

Danís


Adjudant
fredoc a écrit:Doman, que vau cridar la mea banca. Colèra

E vau har un acte politic?

Maileu un acte economic, non ? Risolet Progressiu

10 Re: Contra lo fichatge ADN le Jeu 17 Avr - 10:37

Zengi


Trobador !!
Trobador !!
La politica, au sens purmèr qu'ei la vita de la ciutat. Quan vas crompar lo pan, que participas a la vita de la ciutat.
M'estimi mei aquera definicion que non pas la politica = los partits.

11 Re: Contra lo fichatge ADN le Lun 21 Avr - 13:59

maime


Lemosin de prumiera !
Danís a écrit:Mais seriosament, lo fichatge ADN es pus un probleme politic, es vengut un probleme de drechs de l'òme. Uèlhs al Cèl

Los drechs de l'òme son pas un problema politic ? Qu'es la basa d'un projecte politic que se 'pela l'umanisme, non ? Luchar contra la virada autoritaria de la societat es politic. Per ieu, es mai politic qu'una eleccion (que consista actualament a chausir los gerants dau sistema). O ben, comprene pus ren...

http://ieumaitot.nireblog.com/

12 Re: Contra lo fichatge ADN le Jeu 28 Aoû - 23:49

maime


Lemosin de prumiera !
La seguda de l'afar Dorange.

Alain Dorange, dalhaire volontari d'OGM, condamnat en 2006 per un dalhatge e perseguit per aver refusat un prelevament d'ADN a la seguda de 'queu jutjament, fuguet condamnat a 'n'esmenda de 50€ per lo tribunau correcionau de Limòtges le 20 de juhn passat. De consent coma son avocat mai son comitat de sosten, decidiguet de pas 'nar en apelada. Pertant, la justicia li pausa un autre rendetz-vos : coma d'autres dalhaires, es persegut per Monsanto per associacion de maufactor.

Sorça : Le Courrier de la Baleine n°155 (de surtir)

http://ieumaitot.nireblog.com/

13 Re: Contra lo fichatge ADN le Mar 16 Sep - 7:51

Joan Peiroton


Guelha de bonda
Guelha de bonda
A jo non m'agradan pas briga los dalhaires. Que'm dalhan! Que soi cadut amorós pèc de las plantas geneticament modificadas....Que son bèèèèèèèèèèèèèèèèèèèèèèras! Qu'an dret a la vita!
Ben, pas las plantas g.m. quinas que sian clar. Qu'aimi sonque las que ne demandan pas arren de pesticidas ni d'engrèish. Si, a mes, e't hèn de beròjas flors vermelhas dab punts carrats o arredonds vriulets, qu'ei un plus, plan segur...

http://loblogdeujoan.blogspot.com

14 Re: Contra lo fichatge ADN le Mer 4 Fév - 21:38

Arf


Occitan Warrior
Occitan Warrior
Un article deth Monde que ns'apren qu'er an passat hiquen en guarda a vista 1% dera populacion francesa (de mes de 13 ans). Trucat


En 2008, 577 816 personnes, résidantes en France et âgées de plus de 13 ans, ont ainsi entendu un officier de police judiciaire leur notifier leurs droits : "Vous êtes en garde à vue. Vous pouvez appeler un membre de votre famille et demander à voir un avocat." Le nombre des gardés à vue ne cesse de croître. Il a enregistré une hausse de près de 55 % en huit ans. Au cours des douze derniers mois, c'est 1 % de la population qui a été placée sous ce régime de contrainte, pour lequel les policiers répondent d'objectifs de performance chiffrés.
Jeunes habitants des quartiers difficiles, infirmières, syndicalistes, agriculteurs, étrangers en situation irrégulière, enseignants... la garde à vue concerne toutes les catégories de la population. Tout contrevenant ou suspect peut être placé sous ce statut, les (nombreux) conducteurs contrôlés avec un taux d'alcoolémie égal ou supérieur à 0,8 % au même titre que les trafiquants de stupéfiants. Dans la période récente, les militants associatifs et syndicaux, mais aussi les journalistes, ont été visés.

Que'n he monde ! Que'ns podem consolar en pensant qu'aths Estats Units 1% dera populacion adulta, era, qu'ei en... preson. Finaument ne sei pas si consola...

15 Re: Contra lo fichatge ADN le Mer 4 Fév - 22:11

Danís


Adjudant
S'ai plan comptat, n'i a dos sus lo forum qu'an far de las "chausas legalament reprehensiblas"... Risolet Progressiu

16 Re: Contra lo fichatge ADN le Sam 7 Fév - 13:59

Tiston


Occitan Warrior
Occitan Warrior
Danís a écrit:S'ai plan comptat, n'i a dos sus lo forum qu'an far de las "chausas legalament reprehensiblas"... Risolet Progressiu

t'as ben comptat, mas la definicion es mauvasa... i'a 'na granda diferencia entre 'nar en garda a vusda e aver fach quauquares d'ilegau... veiqui lu problema...
un amic li passet la nuech i'a quauquas setmanas, nonmas perqu'eu damandava aus policiers de la BAC de se plantar de l'insurtar... apres un controtle nocturne ent'eu avia ren, mas ren dau tot, a se repropchar!
resultat : seurtit de veitura de força e mesa de menotas, garda a vusda, matinada de trabalh perduda l'endeman, avocata (la mens chara de la vila, qu'es a dire 300 euros), audiença per rebelion e insurta devers de fonccionaris de policia, 150 Eur de paiar a la justicia francesa (eu eschapet aus domatges e interes, urosament lu jutge, contrarament a ço que se fai d'abituda, avia reddament legit son dossier e avia ren trobat de reprehensible...), matinada de trabalh perduda per 'nar a quel' audiencia (en passar, los condes l'avian convocat un dijous a las 2 oras de l'apres miegjorn, mas l'audiencia qu'era en realitat a las 9 oras dau matin, donc si eu avia pas pres d'avocat, eu l'auria pas saugut e auria mancat son proces...).
per resumar :
en tornar dau trabalh au mitan de la nuech, te fas 'restar per la BAC. Bon, t'as ren begut, t'as tots los papiers (permes, assurança eca) en regla, te fases insurtar pendent dietz minutas, sens p'una rason, damandas aus policiers de te laissar 'nar e de pas d'insurtar, ben quo te costa:
-una nuech au comissariat (mai quauquas morniflas dins la testa)
-1 jorn de chauma
-450 Euros tot compres
-e de segur un prejudici morau important, perque a partir de quo, segur, cranhes los condes coma degun...
Viva la França!
(son avocata li disia que d'afars coma quela-qui, 'la ne'n vesia passar 3 per setmana en moiana...)

17 Re: Contra lo fichatge ADN le Sam 7 Fév - 21:22

Marxelin


Occitan Warrior
Occitan Warrior
Los dreits de l'òme començon d'embestiar tot lo mond. Nicolas a rason totes los delincants devon èsser fichats o empresonats. Anariái mai luènh : visca lo partit unenc (UMP de segur) e los opausants en preson o expulsats. Nicolas salvarà la França granda, etèrna.
Arrestatz de somiar Nicolas a ganhat e ara nos mòstra lo lum, lo cal seguir sens pausar de questions, tant pièg pels autres reculhisson pas que çò qu'an semenat.

Sark'òc, President de la seccion Occitana de l'UMP.

http://www.anaram.org

18 Re: Contra lo fichatge ADN le Lun 9 Fév - 0:25

Arf


Occitan Warrior
Occitan Warrior
Qu'ei maluros, mes facia a un agent dera força publica assermentat, un simple ciutadan qu'avera tostemps tort. Quan cades sus un policier qui a decidit de's passar eths nervis sus eths qui ei supausat protegir, n'as pas qu'ua causa a har : cara't i esperar que's passe.
Apres ne voi pas escupir sus era policia i generalizar. A costat deths qui's son engatjats enta exerçar un petit poder, que n'i a qui an a cor d'ajudar eth monde. Qu'ei amics i relacions qui, com hera d'Occitans, son entrats ena policia i sustot ena gendarmeria. Que son tipes plan. Mes que disen que son de mes en mes sosmetuts a ua pression dera ierarquia enta tiener objectius chifrats i que començan de n'aver hartera, sustot que d'un aute costat que's sendeishen despoderats contra certas formas de delinquencia. Que pot explicar tanben perque quauques uns petan un plomb de temps en quan.
Mes er article deth Monde que leisha a pensar qu'era detencion arbitraria ei a institucionaliza's. Ne deveren hicar en guarda a vista que per rasons de procedura seriosas, i pas enta har pression, punir o emmerdar eth monde. Perque an hicat en guarda a vista er'infirmiera qui s'era trompata en administrant un remedi a un mainat ? Perque an hicat en guarda a vista eth professor acusat per un eslheve de l'aver trucat ? I ne parli pas deths dalhaires d'OGM i companhia. Per jo, ne's justifica pas. Aquera deriva qu'ei greu.

19 Re: Contra lo fichatge ADN Aujourd'hui à 1:53

Contenu sponsorisé


Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum