Conferença sus los noms de familha (Javerlhac-24) lo 7/04/10

CONFERENÇA A LA SALA DE LA CULTURA DE JAVERLHAC (24)
lo dimecres 7 d’abriu a 18 oras
organizada per l’Union Occitana Camila Chabaneu

L’ORIGINALITAT DAUS NOMS DE FAMILHA NÒRD-OCCITANS per Ives LAVALADA

En Lemosin-Perigòrd portem daus noms que son pas exactament coma alhors. Qu’es nòstra linga que ne’n es lor mair, dempuei mai de mila ans. An frotjat dins lor diversitat e lor richessa. Podem eissaiar de saber coma ilhs son e perqué ; daus còps dins lor
mistèri. Podem ne’n bastir de las familhas, en tener compte de lor atge o de las condicions de lor naissença, a Javerlhac mai
alhors. E segur que devem ‘ribar a un biais simple e logique de los escrire en respectar lor sonoritat e lor sense. Perque dins lo fons qu’es ilhs que son sur nòstra carta d’identitat. Podriam-nos far sens ilhs ?

Ives LAVALADA es un escrivan lemosin plan conegut que nos a donat un fum de libres de tot semen : estudis linguistics e toponimics, obratges de botanica e de poesia, reviradas, cronicas d’actualitat…Defendeire e illustraire sens parier de la linga e de la cultura occitana, es l’autor dau Dictionnaire Occitan-Français,dau Dictionnaire Français-Occitan (tarit ; lo van tornar editar) e dau Dictionnaire de Noms de Personnes. Per la conferença de Javerlhac, a estudiat quauques noms de familha pres dins l’annuari
dau telefòne de la comuna.

Conferença en frances - Entrada gratis