Noms de comunas en occitan, 100% en Avairon

Segon lo mensual "Magazine du conseil général - Aveyron" "cada comuna del departament va èsser dotada pel Conselh General de dos panèus de dintrada en occitan".

De mai aurem a l'intrada de nòstre país de placas amb "Planvenguda en Roergue" en dejós de las placas "Bienvenue en Aveyron".

Una bona causa !!

Òc, de mai sembla que i a d'errors que son corregidas, coma Sent-Africa amb un jonhent que ven "Sant Africa".

Bona chausa, solide !
N'i aviá pas jà ? en defòra de Rodés ?

Si n'i aviá, mas èra quicòm coma 10/20 del cent e encara... e non pas 100 !

Bon, es ua bona causa, mes aquèra iniciativa es encadrada per l'IEO o es de freelance ? Pr'amor s'es per trobar una grafia dobtosa, dens ua tipografia gotica sus un panèu que se tròba 400 mètres apres lo francés ... Èi vist aquò a Tenac (Thénac) en Dordonha aquèra dimenjada, e es trista ...

Dirèi puslèu qu'es encadrada per "la branca occitana" del conselh general d'Avairon (o se estimatz mai l'Institut Occitan d'Avairon). Me pensi pas enganar. Apuèi, empacha pas que i auja una demanda (o un seguit dels actors occitans associatius) darrèr tot aquò. Me remembri d'aver pegat ambe de collègas (subretot en Roergue mas tanben endacòm mai) de pegasolets "vilatge occitan" suls panèls de dintrada, qualques annadas i a. Èra plan fait e las gents se pensavan pas totjorn qu'èra fin finala un pegasolet. Apuèi per respondre a l'Òmi, i a de còps que i a qualques grafias de mal comprene coma per exemple a Najac ambe las placas de carrièra ont es escrit pertot "carryèra" (segon los remembres qu'èi). Quand me'n vau espiar la mapa del departament d'Avairon ambe los noms de las comunas en occitan (faita justament per l'IOA), avèm totjorn "sant" e non pas "sent" mentre qu'ausissèm los ainats díser en Roergue puslèu "Sent Sauvador" (per exemple). Benlèu "sant" es mai generalizat, çampar.

La mapa de l'IOA es aquí :

Urós de legir lo vilatge de la menina en occitan"Riupeirós".

L'IOA aquò's la còla d'"Al Canton"a quicòm pròche. Lor podèm far fisança me pensi...