Metòdes de gascon ?

Adieu,

Trantalhi de crompar un metòde de gascon a un amic per son anniversari mas coneissi pas çò que se fa. Ai just vist qu'existisson : " Que parli gascon" e "A hum de calhau" (en dos tòmes) que prepausan un libre e un cd o un dvd. Los coneissètz ? N'i a d'autres ?

Mercés!

adiu, jo qu'èi crompat i a un an lo "a hum de calhau" ende la mia sòr, e que'n es contenta ( per contra lo cors es en bearnés ..)

Après qu'èi ua vielha metòda deu grand, que s'apèra un dequerò com " lo gascon lèu e plan" .. mes sabi pas se se pòt trobar enqüèra ...

Lo gascon lèu e plan ne's pòt pas mei trobar enlòc, sonque en un vueita-solèr si as hèra d'astre.

A hum de calhau qu'es lo mei recent. Que soi un drin decebut per ligams qui hèn enter los tèmas e los punts gramaticaus abordats.
Mes que deveré estar un bon metòde.

E que pensatz de "le gascon de poche" d'assimil??

Bof

perque es sonque lo gascon bearnes?

adishatz,

Per nosta que ven tanben un "logiciel d'apprentissage de langue" teach me. Que permet de tribalhar eth vocabulari, era prononciacion e tanben era conjugason
Qu'ei complementari dera metoda a hum de calhau.

Nada metoda ei perfecta. Eth principau qu'ei de poder encontrar locutors e començar a 'us parlar...

Mercés per la responsa !

Qu'utilizei tanben un metode dera concepcion drin datata (1971) mes plan heit. Qu'ei er'Initiation au gascon de Robert Darrigrand. Que s'empara sus textes literaris dab comentaris linguistics. Qu'era pro en avança sus era soa epoca : qu'era acompanhat d'un disc audio (vinil 33 torns ). Denguera uei que pot estar un complement interessant ta d'audes metodes. Que's troba en ço de Per Noste.