Lo CAN

AAAAAHHHHH, ai 'chabat per lo trobar, dempuei lo temps que n'aviá auvit parlar... cresiá que qu'era nonmas una legenda, mas non...
Veiqui lo liam, pas besonh de far mai de comentaris :

http://can.oc.free.fr/pres.html

Frustracion e rancor, vedi pas l'interest..

Boooh, qu'es nonmas dau segond gras ! Fai dau ben de rire de se, de còps !

M'agrada particularament las "parucions" dau CAN, a veire en bas de la pagina

http://can.oc.free.fr/pudis.html

Héhé ! Qu'es tarrible !

Jo ne'm hè pas arríder, dilhèu per'mor lo pair qu'ei dens las parucions..

Aquò m'agrada, pr'amor per un còp, la critica ven de l'interior. Lo qu'a hèit aquò es un tipe que coneish plan los chepics de l'occitanisme. N'es pas ua critica franco-franchimanda dab l'argument "hou ! C'est nul de parler patois !". Dens cada sistem, la caricatura es necessari, pensatz aus Guinhòus de l'infò o a Coluche.

Aquò bota lo dit ont hèit mau e ditz naut çò que pensen baish.

De que, Occitan Libertari ? Ton paire es parodiat dins las parucions ? Lo meu tanben, mas m'empescha pas d'en rire. Fau botar de la distancia, se nos prenem tròp au serios sem fotuts. Lo rire es benleu lo sol biais de se debarrassar dau fascisme (sabe pas quau disiá 'quò...).

Que soi d'accòrd, mes ço que senteshi en léger aquò qu'ei mei maisantèr que volontat de har arríder. Co de segur qu'ei que la critica ei originala

La trobas meschenta benleu per çò que sem pas acostumats a n'en aver, la chausa occitana es pas criticabla d'ordinaria, e degun se risca a n'en far... Benleu qu'avem una testa uflada, benleu...

Veses, ta reaccion es normala, e io l'ai aguda a la debuta : nos sentem talament minorisats qu'a la fin nos pausem en martirs, mas es una autò-flagelacion en fach. La pensada, quand ausissem un occitan dire dau mau daus occitans (coma Ceba e Roi, que fai aquò sovent, emb un segond gras pas totjorn evident... ) es : "Merda, avem vertadierament pas besonh d'aquò ! Desjà que sem minoritaris, se en mai nos tustem dessus los uns los autres... !"

Mas pusleu que de lo viure coma una ofensa, io aprene a lo viure coma un còp de pè au cuòu, que nos sauvará benleu de la disparicion. La critica, dins tota societat moderna, sert a joslinhar los meschants punts de la societat, a far desuflar la testa, sens anar dins lo pessimisme e lo "sem-tots-fotuts-sert de-ren-de-nos-batre". Qu'es una chausa utila, e mai necessaria. Io me creriá vertadierament en dictatura se i aviá pas los Guignols los ser per me far rire !

Après, qu'es mon punt de vusda, engatja nonmas ma sola persona...

Après, siriá benleu interessant de saure qui qu'es lo tipe darrier lo CAN, per veire se qu'es un "aigri", un "occitaniste refoulé" (quò nos rassegura de pensar aquò...) o un occitaniste estandard coma tu o io...

Çò qu'es segur, es que coneis plan l'occitanisme, e donc es ben plaçat per far quela critica.

Aviái peduda l'adreça e me fa plaser de tornar legir aquel monument de l'umor occitan. Per las suputacions sus lo (o la/los/las) qu'an comes aquò:
-I a al mens un lemosin aquí dedins
-La persona a una coneissença pregonda de l'occitanisme, de la lenga, de la literatura...

Ieu, fintavi cap a la familha de Danís ( me coneisses pas mas te coneissi) i a un moment per trobar los responsables mas las denegacions sonavan vertadièras...

Jo, que'n pensi pas que sia la familha deu Danís ... Sabi pas perque ... Qu'es ua intuicion ...

E perque seré pas lo David Grosclaude eth medish, gran capdau de l'IEO ? Pr'amor, coma disèva lo Jacques Chirac : "Plus c'est gros, plus ça passe !" ...

Pensi pas que lo Grosclaude aja lo temps d'escríver conerias atau. Quitament se avèva lo temps, n'ei pas d'eth aquò

Io ai pensat a Robert Marti, quitament se m'estonariá, a un umor mens corrosiu qu'aquò. Çò qu'es segur es que ma familha o io sem pre ren aqui dedeins ! E crese que qu'es una faussa ideia de creire que i a un lemosin aqui dedins. Coma un gascon, d'alhors : lo tipe nos montra sa bona coneissença de l'occitanisme, donc perque pas daus dialectes ? Quau l'empescará d'escriure dins un dialecte qu'es pas lo son ? Emb un diccionari a costat, zo fariá tanben ! De mai, la presencia dau lemosin pòt esser nonmas una mena d'omenatge au Perafaelite, imprimat en lemosin iper-borean...

Ai pensat tanben que quò podiá esser Olivier Dalhut (Conselh de la Joventut), per çò qu'es lo prumier a m'en aver parlat, e qu' au prumier de l'an aviá montat una farça un pauc entau : es arribat cagolat, emb un fesilh (fisherPrice, tot parier) e a legit un comunicat de l'Armada Nacionalista Indigenista Sobeiranista E Terrorista Antispacista e de l' Armada de Liberacion Colectivista d'Occitania Liura... que me fai enquera rire uei...

Ten, Gavach', aviá l'impression de te coneisser tanben, mas bon, sens veire ta chara, per messatjariá interpausada, qu'es pas aisat de botar un nom ! Subretot que i a pas fòrça occitanistas que me coneissen e que io coneisse pas, au mens de nom !

Non, mai se es l'Olivièr que m'en parlèt primièr soi segur a 95% qu'es pas el (encara un indici Danís, mas se tròbas o digas pas publicament... ). Lo pensi pas pro ajudat en informatica per aquò

.

Quò vai, de tota faiçon per lo moment tròbe pas...

Per çò qu'es de las competencias en informatica, crese pas que n'en falha tant qu'aquò per crear un siti entau presentat, i a quitament pas d'imatjas, qu'es tot dau texte, emb una presentacion fòrça basica...

Eh be... quand disia que lo mitan occitanista es plan petit... Ne'n i en a dau brave monde 'qui sus queu forum...

Bon... vos rassegure còp-sec : sei pas conegut, mon papa tanpauc, nimai ma mama !!!!! E qu'es pas ieu qu'ai fach queu site... Mas qu'es verai, quò fai pensar a la 4esma de cobertura d'un libre de Chapduelh...

Chapduelh ? La gojata ? Qu'ei ua sècta l'occitanisme n'ei pas possible !

Occitan Libertari a écrit:Chapduelh ? La gojata ?

Non, lo vielh barbut... lo Micheu... Ai tornat trobar lo nom dau libre : Coleras.

La familha Chapduelh ? Coneishi pas ! Qu'an hèit aquèth monde ?

La gojata qu'ei presidenta deu conselh de la joventut d'òc, se m'engani pas.

Occitan Libertari a écrit:La gojata qu'ei presidenta deu conselh de la joventut d'òc, se m'engani pas.

Oc-es, qu'es quò !

Bon, io vau ren dire...

L'òmi-Esquiròu, colhon...

Que'm trufi de vos ! Segur que coneishi lo Micheu Chapduelh ! (Soi totun l'administrator d'aqueth forom ! Aquò demanda un chc de cultura ...)
Que vieni d'acabar la Segonda Luna. E puish, qu'ei tanben legit De temps en Temps e Grizzly-John, e quauques numerós deu Leberaubre. E per diser la vertat, qu'es un deus escrivans occitans que m'agradan lo mei.

Per te responer, Occitan Libertari, l'occitanisme n'es pas ua secta, se la soa gojata es capdau deu Conselh de la Juventut d'òc, quò es ua bona causa : que sembla motivada e joena, e lo sol còp que l'ei vista, que'm semblava sympà.

En mei d'aquò, tu tanben qu'es lo hilh d'un escrivan, non ? (S'ei plan comprés ço qu'as dit ...) Los cans que'n han pas gats !

Totalament d'acòrdi : los filhs e las filhas d'occitanistas seguissen normalament las charrieras traçadas per lurs parents...

Mas aurai totjorn mai de respect per tots quilhs jòunes occitanistes qu'an pas de parents occitanistes : quò representa mai de trabalh, un aprentisatge tardiu de la lenga e de la cultura (çò qu'es jamai aisat), e subretot de viure dins un mitan qu'es de còps anti-occitaniste ! Aqui, ren per se tornar trapar, e pertant, i riben, escriven daus libres, fan de la musica, de la politica...

, pas mens !

Coma non soi pas un hilh d'occitanista, que't disi mercés plan Danís. Totun, tà parlar de jo, ne soi pas dens un mitan anti-occitaniste, soi dens un mitan "que-m'en foti-un-chic-de-ton-patoès", mes bon, que cau diser que dab lo temps, los esperits cambian. Lo darrèr còp quan Segolène disèva que volèva veder lo drapèu francés a cada ostau per lo 14 de julhet, la mia mair qu'a ditz "ah ben non ! nous on mettra le drapeau occitan !"

E as una famiha segolenista, qu'es quò ?

Vertat que sei benleu un pauc pessimista : la majoritat daus parents d'occitanistas son pas "anti" mas "menfotistes", mas son pas forçadament mai aisats de convincre...

Danís a écrit:Aqui, ren per se tornar trapar, e pertant, i riben, escriven daus libres, fan de la musica, de la politica...

Mas tanben avem pas vòstre passiu emb la "causa"... Per exemple, lo sit dau CAN es nonmas 'na blaga per ieu. Emai ai pas las referécias per comprener totas las allusions. Quò nos ajuda. Podem aportar quauquarren de nuòu dins l'occitanisme. Quand parlam a quauqu'un de l'occitan, avem pas lo discors classic de l'occitanisme, enfin, pense pas. Qu'es un pauc d'einnocéncia.

Òc, aquò es plan, mas atencion, i a tanben l'invèrsa ! Un jòune occitaniste que vòu far bujar las chausas, mas que destrusís un pan de cultura, sens far a l'exprès, fau far atencion. E i a de las chausas que podem pas far...
Puei, sei pas segur que i aja vertadierament un discors classic d'occitaniste, sem dau monde duberts, e i a tant d'opinions coma de personas !

Per te responer, Occitan Libertari, l'occitanisme n'es pas ua secta, se la soa gojata es capdau deu Conselh de la Juventut d'òc, quò es ua bona causa : que sembla motivada e joena, e lo sol còp que l'ei vista, que'm semblava sympà.

En mei d'aquò, tu tanben qu'es lo hilh d'un escrivan, non ? (S'ei plan comprés ço qu'as dit ...) Los cans que'n han pas gats !

Eh òc que'n soi.. quitament se n'ei pas après la lenga !
Vertat qu'ei simpatica la Chapduelh, que vòu 'pujar' mes qu'ei hèra simpatica !