Bibliotèca deu Med'Oc Bordèu

A Bordèu, que i a nau damas, pomas, arresims, higues e castanhas, mes pas nat libes en occitan o sus l'Occitània a l'Universitat. La bibliotèca de la fac es desertica, 1 liberòt de Delpastre, 1
Mirelha, 2 Manciet, 2 o 3 Lafont, 4 exemplari deu Breviari d'amor, ... Nosautes deu Med'Oc, en collaboracion dab l'IEO33 (benlèu) ensatjam de botar dens un medish lòc tot çò que pòt interessar un estudiant en occitan, o quauqu'un que pren de cors d'occitan o quauqu'un d'interessat, tot simplament. Lo chepic es que per aver de subvencions, cau esperar l'administracion francésa, e tot aquò, e d'aici au jorn ont las formalitats seran acabadas, ... seram vielhs ....
Pr'amor d'aquò, e'vs perpausam de'ns ajudar, aisidament, en balhant un petit present,

1. Avetz un vielh exemplari de sèi pas quau Bodon, e avetz crompat la navèra edicion : pensatz au Med'Oc Bordèu.
   
2. O ben enqüèra, avetz l'enveja de'vs crompar lo darrèr libe de Florian Vernet, e coma aqueth mes avetz avut ua petita presma, podetz en crompar dus exemplari, e en mandar un au Med'Oc
   
3. O fin finau, qu'etz escrivan, e coma Eric Astié o Michèu Chapduelh, avetz l'enveja d'ester legits per los estudiants, e mandatz un exemplari au Med'Oc Bordèu.
   

S'etz interessatz, que'm podetz contactar en MP o sus lo mel deu Med'Oc med_oc_bordeu@hotmail.com pr'amor n'i a pró deus estudiants que coneishen sonque Bodon, Roqueta e Manciet ...

Per respondre suls libres a l'Universitat, te vau dire çò que me disiá un dels professors d'occitan de la facultat del Miralh a Tolosa : "se vòles libres en occitan los cal comandar !". Normalament a la dintrada de las bibliotècas universitariás i a de papièrs ont pòdes escriure los libres a comandar. Ieu e d'autres faguèrem aquò a Tolosa e ara i a de laissas amb un fum de libres (ne manca a mai). Vos cal entresenhar e anatz i.

Òc bona idèia, mes demora un chepic per los que son pas estudiants.

N'es pas vertaderament atau que's passa a Bordèu... Los libes d'occitans ne semblan pas pro "rentablas" entà qu'un jorn arribe... A mansh que's sian perduts enter la maison d'edicion e la BU... ???

Que que ne sia, l'iniciativa deu Med'oc qu'es de las bonas. E com lo ditz ja l'Òmi, qu'es important tanben tau monde qui n'es pas mei estudiant o ne l'es pas jamei estat !!