Sondatge sus lo fòrom

Au Méd'Òc de Bordèu, avem quauques problemes emb lo nom de l'associacion, aviá enveja de saure se qu'es parièr pertot...

Notatz que lo sondatge pren en compte las responsas multiplas, per lo còp s'avetz de mau a chausir... :suspect:

region poirida, region poirida
be cau de tot tad aver un monde...

Bon beh qu'es poirit !! que'm desencusi mes qu'es vertat !!!

Sinon qu'es lo forum deu Med'Oc aciu o ben ? que'm cau diser pr'amor vaqui que saps plan çò que'n pensi ...

Aquèra partida qu'es per lo MED'OC, mes las autas non !

Per tornar au subjècte, es vertat qu'a Bordèu, quan disem que sem deu Médòc, lo monde pensan que son pòblan d'aquèra region que se tròba entre l'estuari e la mar grana, aquèra region de vin e de vinha.

De mei, qu'es la region la mei rurala de la Gironda, donc lo monde han lèu lo ligam "occitan-paysan-patois-tradition". Aquò n'es pas tarrible per ua associacion estudianta.

Fin finala, i a tanben lo mot "moviment" que me chepica, pr'amor que hé pensar a un partit politica ...

Ne pensi pas que lo nom sia lo magèr problèma deu medoc
Lo medoc, qu'ei hèit tà organizar causas a l'entorn de la cultura e de la lenga nosta, e qu'ei plan atau !
Se lo nom pòt pausar problèma, pensi qu'ei subertot pr'amor lo monde - los estudiants - non coneishen pas briga aquèra associacion.

Òc, segur, qu'es vertat que los estudiants ne coneishen pas briga lo MED'OC.
De mei, ací a Bordèu, l'Universat arrefusa enqüèra de nos balhar un locau.
E puish tanben, i a lo hèit qe MED'OC Bordèu se sia endromit tres o quate annada.

Lo nom n'es pas un chepic deus magèrs, mes qu'es totun un chepic(òt).

Lo nom de nòstra associacion me pausa pas brica de problèma!
De vertat, la màger part dels estudiants nos demandan çò que vòl dire...E ben, es l'escasença per explicar e començar una conversacion sul subjècte!
çò important es de rendre l'assò la mai presenta dins l'universitat e dins lo mitan occitan!
(Òsca als de Montpelhièr que foguèron plan visibles gràcia a lor camisetas! )